བཅད་རྩོམ།

བརྩེ་དུང་རྒྱ་མཚོ་བསྲུབས་པའི་ཕམ་ཁ་ཡིས།།
གཞོན་པའི་སྣང་བ་བུ་དང་ཆུང་མས་ཕྲོགས།།
དར་བའི་ལང་ཚོ་ལས་དང་སྐལ་བས་བཅོམ།།
འུ་ཅག་ཕ་རྣམས་ངལ་བ་བརྗོད་མི་ལངས།།

མི་ཚེ་ཧྲིལ་བོ་བུ་དང་བུ་མོའི་དོན།།
ལུས་ཀྱི་ཟུངས་ཟད་ཤ་ཡི་སྟོབས་ཟད་བར།།
དགྲ་ལ་འཐབ་ཅིང་གཉེན་ལ་འཁོན་པ་ཡི།།
དྲིན་ཆེན་ཕ་རྣམས་འོ་བརྒྱལ་ཤིན་ཏུ་ཆེ།།

སོ་སོའི་གནས་སུ་བག་ཕེབས་མི་ཁོམ་པར།།
དཀའ་བ་བརྒྱ་ཕྲག་ངལ་བ་སྟོང་ཕྲག་གིས།།
རང་སྲོག་འབེན་ལ་བཞག་ནས་འགྲོ་དོན་ཡང་།།
བུ་དང་བུ་མོའི་ཆེད་དུ་མ་ཡིན་ནམ།།

སྐུ་ཚེ་སྟོད་སྨད་བར་གསུམ་བཟའ་ཚོའི་དོན།། དེ་ལས་མང་་་

བདག་གིས་འཁོར་བའི་ཐང་ནས་ངལ་དུབ་ལ། །
འཛེམ་མེད་དཀའ་སྡུག་ཅི་ཙམ་མྱོང་ན་ཡང་། །
གང་གི་སྤྱན་རས་ཕྱོགས་སུ་འཆར་ཙམ་གྱིས། །
སྐྱེ་བའི་ལས་ཀྱི་བསོད་ནམས་རྫོགས་པར་ངེས། །

དཔྱིད་ཀྱི་མེ་ཏོག་འཛུམ་པའི་ངང་ཚུལ་གྱིས། །
བཅོས་མིན་ཞལ་རས་སྙིང་ལ་ཡང་ཡང་སྡུག །
ཁྱོད་ཀྱི་མཛེས་པ་ཐམས་ཅད་མིག་མདུན་ནས། །
ཡལ་བ་མེད་པར་གཏན་དུ་གནས་པས་ཆོག །

ལྗོན་ཤིང་བསིལ་གྲིབ་འོག་ཏུ་འགྱེལ་ན་ཡང་། །
གཙང་པོའི་འགྲམ་གྱི་ལྷ་ཡི་སྡུ་གུ་མས། །
ཕྱག་གིས་བདག་ལ་བརྡ་ཞིག་གནང་བ་ནི། །
ཡུན་དུ་སེམས་ནས་བརྗེད་ཐབས་མི་འདུག་མོད། །

གསོན་མཐར་འཆི་བ་འགྲོ་བའི་ཆོས་ཉིད་ཅིག །
དེ་ལས་མང་་་

མཁའ་ལ་རྒྱུ་བའི་སྤྲིན་དཀར་འོག་ཏུ། །
འཇམ་མཉེན་རེག་བྱའི་ཚོར་བ་དང་ལྡན། །
འཛུམ་དཀར་མེ་ཏོག་སྙིང་ལ་སྡུག་པའི། །
ལས་ཀྱི་ལྷ་ཁྱོད་འབྲལ་བ་མ་གནང་། །

མགོ་བོ་དགྱེས་ནས་རྫིག་མདོག་མ་བྱས། །
ཀི་རིང་བཏབ་ནས་འབོད་པ་མ་བྱས། །
མི་ཕྱེད་དད་པའི་མཐོངས་ཀར་འདྲེན་བཞིན། །
བྱིན་རླབས་འཇུག་པའི་རེ་བ་འཆང་ཡོད། །

གངས་ལྷའི་འཛུམ་མདངས་མཚར་སྡུག་ཆེ་ཡང་། །
ཁུ་བྱུག་གསུང་སྐད་སྙན་གྲགས་ཆེ་ཡང་། །
མ་བཅོས་མཚོ་ཡི་སྟེང་ལ་བཞུགས་པའི། །
ལྷ་ཁྱོད་གང་གི་དོ་ཡ་མི་འདུག །

མཐའ་མེད་སྲིད་པའི་འདབས་ལ་རྒྱུག་ནས། ། དེ་ལས་མང་་་

ཡངས་པའི་རྩྭ་ཐང་ཞིག་གི་སྐྱེད་ཚལ་ནས། །
མཛའ་མཐུན་ལག་རྡང་སྦྲེལ་བའི་འུ་གཉིས་ཀ །
རིང་ནས་འདྲིས་པའི་ལོ་ཟླ་མང་པོ་ཞིག །
རིམ་བཞིན་རྫོགས་ཀྱང་འུ་གཉིས་སྔར་བཞིན་དུ། །

རི་ཆུའི་མཛེས་པ་ངོམས་པའི་ལུང་སྟོང་ཞིག །
བྱེའུ་ཚོགས་སྐད་ལས་གང་ཡང་མི་ཐོས་པའི། །
བདག་གི་རྣམ་ཤེས་ཐོགས་པའི་རི་སུལ་ནས། །
ཁེར་རྐྱང་བརྩེ་གཞས་ཁྱོད་ཀྱི་ཕྱོགས་སུ་སྤྲིང་། །

སྙན་འགྱུར་ངག་རིག་སྟོང་གི་ཅོང་སྒྲ་དང་། །
མ་བཅོས་སེམས་ཀློང་རྡོལ་བའི་སྙིང་གི་གཏམ། །
རྗོད་བྱེད་ཚིགས་སུ་བཅད་པའི་དབྱངས་རྟ་འདི། །
ང་རང་ཁྱོད་ལ་འཁྲེང་བའི་རྣམ་འགྱུར་ཡིན། ། དེ་ལས་མང་་་

གངས་སེང་དཀར་མོའི་འགྲམ་གྱི་མཐའ་ནས།།
གངས་རིའི་ལྗོངས་སུ་བརྩེ་བར་ཕྱུག་པའི།།
མ་ཡུམ་ཞིག་གིས་བརྩེ་བ་མཐའ་དག།
དྲོད་ཀྱིས་ཁོལ་བའི་འཛུམ་མདངས་བཅས་ཏེ།།
ཁྱེེད་ཀྱི་ལག་པར་ཡང་ཡང་བཟུང་ཞིང་།།
ལོ་ཟླ་གྲངས་མེད་ཕར་ལ་བརྒལ་སོང་།།
བཞུད་ཟིན་ལོ་ཟླ་རྫོགས་མེད་ཅིག་ནས།།
ཁྱེེད་ཀྱི་སྐྱིད་སྡུག་གཉིས་ཀྱི་རྒྱབ་ཏུ།།
འཚོ་བའི་ནང་གི་རྩྭ་ཐང་ཞིག་ནས།།
མེ་ཏོག་ཁྲ་ལེམ་བཞད་པ་བཞིན་དུ།།
དགའ་སྐྱོ་འདྲེས་མའི་འཁོར་བ་ཞིག་ནས།།
སྤང་ལྗོངས་ཤིག་ནས་དགུན་ཁ་ཚེས་ཤིང་།།
ཁ་བའི་འདབ་མའང་ཡང་ཡང་བབས་ཡོད།། དེ་ལས་མང་་་

དཀར་འཇམ་ཁ་བའི་འདབ་མ་ལྷབ་ལྷུབ་དུ། །
འབབ་པའི་བས་མཐའ་འདི་ཡི་གྲོང་ཚོ་ནས། །
ཁྲེལ་གཞུང་ཕྱི་ཐག་ཅན་གྱི་བུ་མོ་ཁྱོད། །
དམར་ཆུང་སྙིང་གི་དབུས་སུ་ཡང་ཡང་ལྡང་། །

ཁྱོད་ནི་མཁའ་ཡི་ཉི་གཞོན་སེེར་པོ་སྟེ། །
བདག་གི་མུན་པའི་འཇིག་རྟེན་གསལ་བར་བྱས། །
ཁྱོད་ནི་དགུང་གི་ཟླ་བ་དཀར་པོ་སྟེ། །
བདག་ནི་མཚན་ལྗོངས་མཛེས་པའི་རྒྱན་དུ་བཀོད། །

འདི་ན་ཁྱོད་རང་དྲན་པའི་མི་རྐྱང་གིས། །
ངག་གི་འདབ་མ་འཐུ་བཞིན་རྒྱང་རིང་ནས། །
འབོད་པའི་ཀི་བསྭོ་ཚོད་མེད་སྒྲོགས་པ་ཡང་། །
ཁྱོད་ཀྱིས་ལན་ཅིག་ཐོས་པས་ཡིད་ཀྱང་ཚིམ། ། དེ་ལས་མང་་་

མུ་མཐའ་མེད་པའི་སེམས་ཀྱི་སྟོང་ཁམས་ན།།
གཅིག་པུར་རྒྱུ་བའི་བདག་ཡིད་ཕྲ་མོ་འདི།།
འཁྲུལ་རྟོག་སྒྱུ་མའི་སྣང་ཤེས་མ་རྫོགས་པར།།
འཁོར་འདས་རྨི་ལམ་གཙང་བོའི་རྒྱུན་ལ་བདའ།།

འདི་ན་སད་དཀར་མདའ་མོས་ཕོག་པ་ཡིས།།
སྟོན་མཇུག་ལོ་མའི་ཚོགས་ཀྱང་རླུང་བུས་གཙེས།།
ལང་ཚོ་རྙིད་པའི་འདབ་མ་འདི་ན་འཐོར།།
དེ་ཡང་མི་སེམས་བསྐྱོམས་པའི་རི་མོ་བྲིས།།

ངས་ནི་སྤྱིལ་བུའི་སྒམ་ཆུང་གྲུ་བཞིའི་ནང་།།
ཇ་དམར་ཁ་བཙན་ཆེ་ཡང་ཧུབ་འཐུང་སྟེ།།
ལྷད་མེད་ངག་གི་དཔལ་མོ་དབྱངས་ཅན་མའི།།
དེ་ལས་མང་་་

ང་དང་སྐལ་བ་མཉམ་པའི་རི་གྲོང་གི་ཉག་གར།།
རྨི་ལམ་མཚར་པོ་ཞིག་གི་སྙིང་བོ་དེ་བྲིས་ན།།
མེ་ལོང་ཕྱི་ནང་ངུ་ཞིང་དགོད་པ་ཡི་ཚུལ་གྱིས།།
ཚིག་ཚོཊ་གཙེ་བའི་ལུཊ་ལ་ངལ་བ་རང་མ་མཆིས།།

སེམས་ཀྱི་ཞིང་ས་རྨོས་པའི་ཤ་དྲོད་ཀྱི་མངལ་དུ།།
དྲན་པའི་མཚོ་མོ་སྐྱོམ་པའི་རིག་བྱེད་ཀྱི་ཟླ་བས།།
སྡུག་བསྔལ་སྐད་ཅིག་བྲན་པའི་ན་ཟུག་ལ་བསམ་ན།།
རྨིས་པའི་འཇིག་རྟེན་དེ་ལ་བདེ་སྐྱིད་རང་མེད་འདྲ།།

འདོད་ཡོན་ཟས་སུ་སྤྱོད་པའི་རྨི་ལམ་གྱི་སྐར་མས།།
སྣང་བའི་གཞིས་ཆུང་ནང་དུ་འཚུབ་འཚུབ་རང་བྱེད་དུས།།
དེ་ལས་མང་་་

༡
བརྩེ་བའི་མིག་ཟུང་ཡངས་པ་བརྩེ་ལྡན་མ་ཡུམ་སྙིང་གི་དྲིན། །
བརྩེ་བའི་ལག་ཟུང་འཇམ་པ་བརྩེ་བ་ཅན་གྱི་དྲིན་ཆེན་ཡུམ། །
བརྩེ་བའི་འཁྲེང་ཞེན་ནང་དུ་བརྩེ་བའི་དམ་ཚིག་ཤིན་ཏུ་གཙང་། །
བརྩེ་བའི་ཡུམ་ཆེན་ཁྱེད་ནི་བརྩེ་བ་གནང་ལ་བྱང་ཆུབ་འདུག །

༢
བརྩེ་བའི་རླབས་ཕྲེང་རིང་མོ་བརྩེ་བའི་བུ་ལ་ལྡོག་མེད་ཕྱོགས། །
བརྩེ་བའི་གཉུག་གཤིས་བཟང་པོ་བརྩེ་ལྡན་ཁྱེད་ལས་སུ་ལ་མངའ། །
བརྩེ་བའི་བརྩེ་ཆེན་གནང་ནས་བརྩེ་བ་ཅན་གྱི་མི་ཡི་མཆོག །
བརྩེ་བ་གཟུགས་སུ་གྲུབ་ན་བརྩེ་བའི་གཏིང་མཐའ་མུ་བྲལ་ཨང་། ། དེ་ལས་མང་་་

དཔྱིད་ཟླ་གསུམ་མེ་ཏོག་བཞད་པའི་ཚལ།།
ནགས་ལྷུན་སྟུག་རི་ལྗོངས་མཛེས་པའི་ཞིང་།།
རི་ཐོད་དཀར་གནམ་ལ་ཟུག་པའི་མཐར།།
བྱ་ཁུ་བྱུག་སླར་ཡང་ཕེབས་བསུ་ཞུ།།

ཡུལ་འཇིག་རྟེན་སྙན་པ་མ་ལུས་ཀུན།།
ཁྱོད་གཅིག་ལ་མངའ་འདྲའི་འགྲོ་དག་གི།
མིག་ཧྲེག་ཧྲེག་རྣ་བ་ཀྲོག་ཀྲོག་དང་།།
ཞེ་སྣང་བའི་འཛུམ་ཆུང་ངང་གིས་གྲོལ།།

ལུས་གཤོག་ཟུང་རྣག་གིས་ཟོས་ན་ཡང་།།
ལམ་སྐྱ་མོ་ཁ་ཐག་རིང་ན་ཡང་།།
ནམ་ཉིན་མཚན་གྲངས་མེད་བརྒལ་ནས་སུ།།
གནས་བསིལ་ལྡན་མགྲོན་གྱི་གཙོ་བོ་བྱས།།

དེ་ལས་མང་་་

དབྱར།

སྤྲིན་འཇའ་ཚོན་ནམ་མཁའི་མཐོངས་སུ་བཀྲ།།
རྫ་ཁྲ་ཡག་ངོ་གདོང་ཟིལ་བས་བརླན།།
སྤང་སྔོ་ལྗང་མེ་ཏོག་ཁྲ་ཚོམ་བཞད།།
འབྲོག་སྦྲ་ནག་ལྷས་ཀྱང་བཞོ་སྒྲས་བཀང་།།

དགུན།

དགུན་རི་ལུང་དར་མ་འཁྱག་གིས་བཟུང་།།
ཆུ་གསེར་ལྡན་སྒྲ་འཇགས་རང་མལ་ཉལ།།
བྱ་རི་དྭགས་ཚོགས་ཀྱང་རོང་ལ་བབས།།
གངས་ཁ་བས་གནམ་ས་གཞི་གཅིག་བསྲེས།།

སྟོན།

བྱ་ཁུ་བྱུག་མ་བུ་མོན་ལ་ཆས།།
སྨག་སྨུག་པ་མི་རྟག་གླུ་ཡིས་ཁྱེར།།
ཤིང་ལྗོན་པའི་ཡལ་འདབ་རླུང་གིས་བསྒུལ།།
རྩྭ་འཇག་མས་གླུ་སྐད་སྲོད་ལ་འཐེན།།
དེ་ལས་མང་་་

གངས་རིས་མཐའ་བཞི་བསྐོར་བའི་ར་བ་ན། །
ཐང་ཆེན་མཁའ་ལྟར་ཡངས་བའི་ཡར་སྟེང་དུ། །
མེས་པོ་བསོད་ནམས་ཅན་པོའི་བློ་གྲོས་ལས། །
བལྟམས་པའི་སྦྲ་ཁྱིམ་གྲུ་བཞི་གཟི་བྱིན་ཡོད། །

སྤང་གཞོངས་ནོར་གྱིས་ཁེངས་པའི་གཙང་འགྲམ་དང་། །
གཡང་ལུག་འབའ་དབྱངས་མོད་པའི་རི་ཀླུང་དུ། །
དཔའ་མཛངས་ཁོག་ཏུ་རྒྱས་པའི་འབྲོག་ཕྲུག་གི །
ཕ་ཡུལ་འབྲོག་སྡེ་ཕྱུག་མོའི་བྱིན་ཆགས་ཡོད། །

གངས་ཆབ་ལྷུང་ལྷུང་བཞུར་བའི་རི་ཀླུང་དང་། །
མེ་ཏོག་བུང་བ་འགུག་པའི་སྤང་ཐང་དུ། །
ཚོར་འདུ་རྫི་གླུར་འགུག་པའི་འབྲོག་མོ་ཡི། །
དེ་ལས་མང་་་

སྣང་བའི་མེ་ལོང་ངོས་སུ་དབྱངས་ཤིག་འགུལ།།
འཆར་ཡན་རླུང་གིས་དེད་བའི་རླབས་རིས་ཏེ།།
སེམས་བྱུང་མེ་ཏོག་ཚོམས་ཀྱི་མཛེས་པ་བཀྲལ།།
འདུ་བྱེད་རང་བྱུང་གཏམ་གྱི་རྟེན་འབྱུང་ཡིན།།
སྨུག་སྤྲིན་སེང་རས་གཡོ་བའི་ནམ་མཁའ་ལས།།
ཆར་གྱིས་བརླན་པའི་མགུར་ཆུང་རྣ་བར་ལྷུང་།།
ལྗོང་ཚལ་ཡིད་འོང་འཐེན་པའི་ཞལ་ངོགས་ལས།།
དཔྱིད་ཀྱི་བསེར་རླུང་འཇམ་པོས་ཉུང་ཙམ་ལྡང་།།

སེམས་ཀྱི་བྲེལ་འཚུབ་གནས་སྐབས་རབ་ཞི་ནས།།
ཚོར་བའི་ནགས་ཚལ་ཀློང་དུ་ཐེངས་ཤིག་ཕེབས།།
བསུང་ངད་འཐུལ་བའི་སྦྲང་ཆར་ཤག་ཤག་གིས།། དེ་ལས་མང་་་

ཤིན་ཏུ་ཡངས་པའི་ནམ་མཁའི་མཐོངས།།
སྤྲིན་དཀར་ན་བཟའ་ཁྱོད་ཡིན་ནམ།།
བསིལ་རླུང་རྒྱུ་བའི་སྒེའུ་ཡོལ་མཚམས།།
སྙན་ཚིག་བཏེགས་མཁན་ང་རས་ཡིན།།

ཟླ་འོད་རུམ་པའི་ཆུ་ཀླུང་འཇིངས།།
དྲན་གདུང་སྐྱོམ་པ་ཁྱོད་ཡིན་ནམ།།
གསེར་དཀྲིས་འཁྱུད་པའི་ཆུ་མིག་འགྲམ།།
ལུས་དཀར་བསྟན་མཁན་ང་རས་ཡིན།།

བརྒྱ་ཚོགས་སྟོང་འདུས་ལྡུམ་རའི་གུད།།
པད་དཀར་འདབ་མ་ཁྱོད་ཡིན་ནམ།།
ངད་པ་འཐུལ་བའི་པད་སྡོང་རྩེར།།
མཆུ་དམར་སྦྱར་མཁན་ང་རས་ཡིན།།

ཆར་གྱིས་བངས་པའི་ལུང་གཤོམ་དུ།།
མཛའ་བརྩེའི་ཟིལ་མངར་ཁྱོད་ཡིན་ནམ།། དེ་ལས་མང་་་

ལོ་དང་ཟླ་བ་རེ་རེ་ཕར་ལ་བསྐྱལ་ཏེ།།
མི་ཚེ་ཐུང་ཐུང་འདི་ནས་སྐྱིད་གཅིག་རོལ་དང་།།
ཁྱོད་རང་སྤྲོ་བས་གཞས་ཆུང་སྙན་མོ་བཀུག་སྟེ།།
བདེ་ཞིང་སྐྱིད་པའི་སྨོན་འདུན་ལྷ་ལ་བཅོལ་ཡོད།།

ཟང་ཟིང་གི་འཁོར་བ་ཁྲ་ཁྲའི་འཇིག་རྟེན་འདི་ནས།།
ང་རང་ཁྱོད་དང་འཕྲད་པའི་དུས་བཟང་ཉིན་དེར།།
ཁྱོད་ཀྱི་གདོང་གི་འཛུམ་དེ་ཡང་ཡང་དྲན་ན།།
ངས་ད་དུང་གྲོགས་ཁྱོད་བརྗེད་རྒྱུ་ཞིག་མི་འདུག།

ལམ་ཐག་རིང་མོར་གོམ་ཁ་རེ་རེ་སྤོས་ནས།།
མི་ཚེ་རིང་མོ་ལས་ཀྱི་འཁོར་ཕྱོགས་བསྟུན་ཏེ།། དེ་ལས་མང་་་