བོད་ཀྱི་གསེར་དངུལ་ཊམ་ཀ་དང་ཤོག་དངུལ་བཅས་ཀྱི་ལོ་རྒྱུས་སྐོར་མདོ་ཙམ་བརྗོད་པ།
སྔ་དུས་བོད་ཀྱི་དངོས་ཟོག་ཉོ་ཚོང་བྱེད་སྐབས་ནོར་ཕྱུགས་དང་འབྲུ་རིགས། ཅ་དངོས་དང་ཅ་དངོས་སོགས་ཕན་ཚུན་བར་ལ་བརྗེ་ཚོང་བགྱིས་པ་ལས་དངུལ་གྱི་སྤྲོད་ལེན་བྱེད་ཚུལ་མེད། ཡིན་ནའང་བོད་བཙན་པོའི་དུས་སྐབས་སུ་འབྲུ་མར་གསེར་དངུལ་སོགས་གཞལ་བར་བྱ་བའི་རིགས“འཇལ་གཤོར་འདེགས་གསུམ”གྱི་སྒོ་ནས་ཚད་གཞི་གཅིག་གྱུར་བཟོས་ཡོད་དེ། «ཆོས་འབྱུང་མཁས་པའི་དགའ་སྟོན»ལས། “བྲེ་སྲང་ཕུལ་ཁྱོར་ཞོ་ནམ་སེ་སྲན་སོགས། །བཀའ་ལ་བཏགས་པའི་ཁྲིམས་ཡིག་གཉིས་པ་སྟེ། །འབུམ་གྱི་གསེར་ཐོག་ཤྭ་བ་ཅན་ཞེས་གྲགས” ཞེས་གསུངས་པ་ལྟར། འབུམ་གྱི་གསེར་ཐོག་ཤྭ་བ་ཅན་གྱི་ཁྲིམས་ཞེས་པ་ནི་ཤྭ་བ་བླ་རུ་བཀུར་བས་ཁྲིམས་ལུགས་ཀྱི་ནང་དོན་གཏན་ལ་འབེབས་པའི་སྐབས་སུའང་ཤྭ་བའི་ནུས་པ་དང་ཡོན་ཏན་ལ་དཔེར་བཅས་ནས་གཡོ་དང་སྒྱུ་མི་བྱེད་པ་དང་ཁྲེལ་དང་ངོ་ཚའི་བག་ཡོད་སོགས་དགོས་པའི་གལ་ཆེན་རང་བཞིན་བསྟན་པ་དང་། གཙོ་བོ་སྐབས་དེའི་འབྲུ་རིགས་སོགས་ཀྱི་མང་ཉུང་འཇལ་བྱེད་ཀྱི་བྲེའི་ཚད་གཞི་གཏན་ལ་ཕབ་པ་དང་། མར་སོགས་ཀྱི་ཡང་ལྕི་ཚད་འཇལ་བྱེད་ཀྱི་སྲང་ཡང་གཏན་ལ་ཕབ། དེ་བཞིན་དུ་རྒྱལ་པོ་སྲོང་བཙན་སྒམ་པོས་ཀྱང་མི་ཆོས་གཙང་མ་བཅུ་དྲུག་གི་ནང་དུ“བུ་ལོན་དུས་སུ་འཇལ་ཞིང་བྲེ་སྲང་ལ་གཡོ་མེད་པ” ཞེས དེ་ལས་མང་་་
