བཅད་རྩོམ།

རབ་རིབ་སེམས་ཀྱིས་བྲིས་པའི་འཇིག་རྟེན་གྱི་གྲོང་ན། །
དགའ་སྡུག་འཚོ་བ་མདང་གི་རྨི་ལམ་དང་འདྲ་སྟེ། །
ལག་པའི་སོར་མོ་བཀུག་སྟེ་བརྩིས་ཤིག་རྒྱབ་ན། །
ལོ་ཟླ་མང་པོ་གར་སོང་འདིར་སོང་ནི་མ་ཤེས། །

ལང་ཚོ་མེ་ཏོག་བཞད་པའི་གོ་སྐབས་ནི་སྐད་ཅིག །
འཚོ་བའི་བདེ་དྲོད་འཐུང་བའི་ལས་སྐལ་ཡང་ཐུང་ཐུང་། །
སྲིད་པ་ཀྱག་ཀྱོག་ཅན་གྱི་ལམ་ཕྲན་ནི་དོག་མོ། །
དབང་མེད་ལས་ཀྱིས་བསྐྱལ་བའི་འཁོར་འདུས་ཀྱི་མགྲོན་པོ། ། དེ་ལས་མང་་་

གྲུབ་པའི་རྟགས་མཚན་གྱིས་འགྲོ་བའི་ཁ་ལོ་བསྒྱུར་ཅིང་། །
མཁས་པའི་ལེགས་བཤད་ཀྱིས་ཕས་རྒོལ་རྩ་ནས་འཇོམས་པ། །
རིགས་ལམ་གསེར་སྐུད་ཀྱིས་སླས་པའི་གླེགས་བམ་དཀར་པོ། །
ཐུབ་བསྟན་ལུང་རྟོགས་ཀྱི་བསྟན་པའི་མཛེས་རྒྱན་གཅིག་པུ། །
གཉུག་སེམས་ཉམས་མགུར་ཞིག་ལེན་གྱིན་གང་ན་བཞུགས་ཡོད། །
གདུང་བའི་འབོད་པ་འདི་ཐོས་བསམ་བདག་ཡིད་ལྷ་མཆོག །

ཀླུ་སྒྲུབ་ཡབ་སྲས་ཀྱི་གདམས་ཟབ་ཐུགས་ལ་སྙལ་བའི། །
མ་བཅོས་ཐོལ་བྱུང་གིས་རྡོལ་བའི་དབྱངས་ཀྱི་མེ་ཏོག །
གང་ཤར་རང་གྲོལ་གྱི་གཟུགས་སྐུ་མཐོང་གྲོལ་ཆེན་མོ། །
གདོད་མའི་ཆོས་ཉིད་ཀྱི་གདངས་སུ་བཞེད་པ་བདེན་ནམ། །
དད་པའི་མཆོད་སྟེགས་ཀྱི་རྩེ་ན་ཁད་ཀྱིས་བཞེངས་མཁན། །
གསོལ་འདེབས་འབུམ་ཕྲག་ཅིག་གང་གི་འཁྲིས་སུ་སྤུངས་ཡོད། །
འབོད་པ་རིང་མོ་ཡང་ངག་ནས་ཐོལ་གྱིས་བླངས་ཡོད། །

ཟོལ་མེད་བྱམས་བརྩེ་ཡིས་ཕྱུག་པའི་བརྩེ་བའི་མངའ་བདག །
སྒྱུ་འཕྲུལ་སྣ་ཚོགས་ཀྱིས་བསྐྱངས་བའི་མཛད་འཕྲིན་དཀར་པོ། །
སྲིད་གསུམ་སྐྱེ་དགུ་ཡི་གཙུག་ན་མཐོན་པར་བསྒྲེངས་གདའ། །
འཆི་མེད་དགའ་ཚལ་ན་བཞུགས་པའི་གསེར་མདོག་ཉི་གཞོན། །
དད་པའི་གུར་ཁང་ན་འཚེར་བའི་བྱང་དཀར་སྨེ་བདུན། ། དེ་ལས་མང་་་

ཕྱི་ནང་འཁོར་བའི་རྟེན་འབྲེལ་རྟོགས་པའི་འོད་གསལ་ལྷ་ཡི་གཉུག་གཤིས་ཀློང་། །
ངག་རིག་ཚིག་གི་མེ་ཏོག་ལྡེམ་འདྲ་སོར་རྩེའི་པི་ཝང་སིལ་སིལ་དཀྲོལ། །
ངག་དབང་ལྷ་མོ་སྐུ་བཞིའི་ས་རུ་གདོད་མའི་རྒྱལ་སར་ཕྱིན་པ་མོས། །
སྙན་པར་སྨྲ་བ་ངག་རིག་ཚིག་གི་སྤྲིན་གྱི་མེ་ཏོག་སྙིལ་བར་མཛོད། །

༢༽

དེང་དུས་མི་ཡི་སྤྱོད་ཚུལ་ཁྲོད་ནས་མི་རིཊ་ཤིག་གི་ཉམས་རྒུད་ཡོ༵ད། །
ཕ་དང་ཨ་མའི་བྱམས་བརྩེའི་དབར་ན་ཁྱིམ་ཚང་ཞིག་གི་ཉམས་རྒུད་ཡོ༵ད། ། དེ་ལས་མང་་་

འགྱུར་ལྡོག་འཁོར་བའི་རང་གཤིས་ངམ་ནག་མ།།
བདེ་སྡུག་ཚོར་བའི་རོ་བཅུད་མྱོང་བའི་མིར།།
རབ་བྱུང་པིར་བྲིས་ཟླ་མེད་དབྱངས་ཅན་མས།།
ཚོར་བ་སོར་རྩེར་བགྲང་ལ་ཤེས་པ་སྩོལ།།

ཟུང་འཇུག་ཉི་ཟླ་སྦྲེལ་བའི་རླབས་ཕྲེང་ལས།།
ཡིད་འོང་རི་དྭགས་རྒྱུ་བའི་རྫུ་འཕྲུལ་གྱིས།།
ཚོགས་དྲུག་སྒྱུ་མའི་འདོན་ཡོན་སྣ་ལྔ་ལ།།
ཤིན་ཏུ་མྱོང་དགའི་འདོད་པ་ཀུན་ཏུ་སྟེར།།

རབ་དཀར་སྤྲིན་པ་བྱང་རིའི་ལ་སྟོད་འཁྱིལ།།
བདག་ཡིད་ཁྲུང་ཁྲུང་ལས་ཀྱི་མཚོ་མཐར་འཕུར།།
དུང་སེམས་མེ་ཏོག་གསར་བའི་རྟེན་འབྲེལ་གྱིས།།
རྒྱང་གཟིགས་ཟླ་བ་དབྱངས་ཀྱི་འཁྲིས་སུ་ཉལ།།
དེ་ལས་མང་་་

སྨུག་ཡོ་ལང་རྒྱ་མཚོའི་འཇིངས་སུ་བབས། །
ཡུལ་འཛིན་མའི་ཁ་དོག་གཡུ་ཡིས་བརྒྱན། །
དཔྱིད་ནམ་ཟླ་བསིལ་རླུང་ལྡང་དང་བསྟུན། །
བྱ་ཁུ་བྱུག་ལྷོ་མོན་ཡུལ་ནས་ཐོན། །

སྤྲིན་དཀར་པོའི་འདབ་མ་རླུང་གིིས་གཡོས། །
ཆུ་སྔོན་མོའི་རླབས་རིས་སེམས་སུ་ལྷུང་། །
ལྷོ་གཡུ་འབྲུག་འཁྱུག་པའི་ངར་སྐད་དེ། །
ཆར་ཟིལ་མ་འབབ་པའི་སྔ་ལྟས་རེད། །

ས་རི་ལུང་སྟེགས་བུ་སྔོ་ལྗང་ལྡེམ། །
དཔྱིད་ལྗང་བུ་འབུས་པའི་རྩེ་མོར་ཅེར། །
དེ་འདབ་མ་རྒྱས་པའི་རེ་སྙེག་ཆེ། །
ཆར་ཟམ་ཟིམ་འབབ་པའི་སྨོན་འདུན་ཟབ། ། དེ་ལས་མང་་་

ཁ་བས་གོམ་སྟབས་ལྷབ་ལྷུབ་བསྒྱུར། །
ས་གཞི་དངུལ་མདོག་མཛེས་ཉམས་བརྗིད། །
ཁ་བའི་འདབ་མ་རེ་རེ་ལ། །
དུང་བའི་རྒྱན་ཆ་རེ་རེ་བཏགས། །

མདང་ནུབ་བབས་པའི་ཁ་བ་ཡིས། །
རྒྱང་བཞུད་སེམས་ཀྱི་བགྲོད་ལམ་བཀག །
ནངས་མོ་བབས་པའི་ཁ་བ་ཡིས། །
ཚོར་བའི་སྒོ་མོ་ལྷོད་ཀྱིས་ཕྱེས། །

ཁ་བ་ཁ་དོག་ཅན་པོ་ཞིག །
ཁ་བ་ནམ་མཁའི་དབྱིངས་ནས་བབས། །
ཁ་བ་འབབ་སྟངས་ཡིད་དུ་འོངས། །
ཁ་བའི་ལྗོངས་ནས་ཚོར་གཞས་བླངས། །

འཁྱག་སིབ་ཁ་བའི་འདབ་མ་དེ། །
ཟམ་ཟིམ་ཁོ་མོའི་སྙིང་ཁར་བབས། །
ལྡེམ་འགྲོས་བར་སྣང་ཁམས་སུ་བསྒྱུར། །
ཡངས་པའི་ས་གཞིར་ལྷན་ཅིག་འདུས། ། དེ་ལས་མང་་་

དགའ་སྐྱིད་ཉི་མའི་ཁ་ལོ་ཀུན་ནས་འཛུམ། །
གནམ་ལོ་བདེ་བའི་ཉི་གཞོན་དབྱིངས་སུ་རྒྱུ། །
བཀྲ་ཤིས་རླུང་རྟ་དར་བའི་རྟེན་འབྲེལ་གྱིས། །
བསང་གི་དུད་སྤྲིན་སྔོན་མོ་སྤྲིན་ལ་ཟུག །

ཕ་ཁུ་རྒན་རབས་འདི་ཀོ་ཞལ་ཁྱིམ་དུ། །
བསམ་པའི་འདོད་དོན་འགྲུབ་པའི་ཁ་གཡང་འདོན། །
བརྒྱད་གཉིས་སྒེག་ལྡན་བུ་མོའི་མགྲིན་དབྱངས་སྙན། །
སྙན་འཇེབས་གླུ་ཡིས་གནམ་ལོ་གསར་པར་བསུ། །

གངས་དཀར་མཆོད་ཆང་དྭངས་བའི་བསིལ་ལྗོངས་སུ། །
ལོ་གསར་བཀྲ་ཤིས་རླབས་ཀྱི་ཟེགས་མ་འཕྱུར། ། དེ་ལས་མང་་་

བཅུ་དྲུག་ལང་ཚོ་གཉོམ་པོ་དེ། །
རྣམ་གཡེང་བདུད་དཔུང་ཁ་རུ་ཚུད། །
མི་ལོ་ཉི་ཤུའི་གཏམ་རྒྱུད་ཅིག །
མགྲིན་པ་བརྣངས་ནས་འཆད་མ་ཐུབ། །
མུ་ཅོར་དབེན་པའི་རི་སུལ་ནས། །
ཆུ་མས་མཁུར་ཚོར་བརླན་ཞོར་དུ། །
འདས་པའི་ལོ་རྒྱུས་སྤྲིན་ལ་བསྐྱོན། །

༢
འདུ་འཛིན་རྒོད་པའི་སྲང་ལམ་དུ། །
རྐང་མཐིལ་རྗེས་ཤུལ་གང་མང་བཏབ། །
རྣམ་རྟོག་མངའ་བའི་འཁྲིས་མྱི་ལ། །
བཟང་ངན་འཁྲུལ་རྟོག་ཅི་ཡང་བསྐྱེད། །
ཟླ་བའི་བསིལ་ཟེར་མ་འཛུམ་གོང་། །
ཀུ་མུད་འདབ་ཁ་གྲོལ་བར་འདོད། །
ཡིད་འོང་འཇིག་རྟེན་སྨོན་པར་ཤོར། ། དེ་ལས་མང་་་

ལས་ཀྱི་རླུང་བུ་བཙན་པོས་སྡོང་ལོ་ཕྱོགས་བཞིར་གཏོར་སོང་། །
འདབ་དྲུག་ཁ་བའི་མེ་ཏོག་ས་འཛིན་ཁྱོན་ལ་གཡོགས་དུས། །
ཁྲུང་ཁྲུང་དཀར་མོ་ཡིན་ན་སྟོན་མཇུག་ལྷོ་ལམ་གཅད་ཆོག །
ཁུ་བྱུག་སྔོན་མོ་ཡིན་ན་ལྗོན་ཤིང་རྩེ་ནས་བསྒུག་ཆོག །

འཁོར་ཡུག་འཁྱགས་པས་བསྡམས་པའི་ལྷགས་རླུང་ངར་མའི་ཁྲོད་ན། །
གྲང་རེག་རྣོན་པོའི་འོག་ཏུ་ང་ཡི་འཇིག་རྟེན་སྐྱོ་བ། །
ཚོགས་དྲུག་སྣང་བའི་རི་མགོར་སྨྲེང་བའི་སྨུག་པ་ལང་ལོང་། །
བཙག་གསེར་བུ་ཡུག་ཁྲོད་ནས་དབྱར་ཁའི་གཏམ་རྒྱུད་དྲན་ཡོང་། ། དེ་ལས་མང་་་

༡
དུས་ཚོད་ཀྱི་བར་སྟོང་ཤིན་ཏུ་ཐུང་བས།
སྐྱོ་གར་གྱི་འཁྲབ་ཚན་དེ་ལས་མང་བས།
ངའི་ནང་སེམས་འདི་སྙི་དྲགས་པས།
ལོ་ཟླ་རེ་རེའི་ཁུག་སོ་རུ།

ངས་སྐྱོ་གདུང་གི་ཐ་སྙད་གླེགས་བམ་དུ་མར་བརྩེགས།

༢
ཞེ་རྩ་འཁྱག་པས་བསྡམས་པའི་མི་ཡུལ་གྱི་མགྲོན་པོ་ཞིག
ཤིག་ཤིག་ལྡང་བའི་སྟོན་མཇུག་གི་བསེར་བུའི་ཁྲོད་ནས།
ལོ་ཟླ་ཧྲིལ་པོ་ཞིག་འདི་ལྟར་ནན་གྱིས་བསྐྱལ།
ས་གཞི་འཁྱག་པས་བསྡམས་ཤིང་སྡོང་ལོར་སེར་ཐིག་ལྷུང་དུས།
ཡོད་དགུའི་རྩ་བ་མི་རྟོགས་པའི་འཇིག་རྟེན་ནས།
སྐྱོ་གར་གྱི་ལེ་ཚན་རེ་རེ་ངུ་ཤུམ་དང་མཆི་མས་བཀླག་དགོས་བྱུང་། དེ་ལས་མང་་་

དུས་རབས་གསར་པ་ཞིག་དུས་སུ་སྨིན་པར་ཉེ་གདའ། །
སྨོན་འདུན་ཁ་གཡང་གི་འབོད་པ་མང་དུ་བྱས་དུས། །
བསོད་ནམས་དགེ་ཚོགས་ཀྱིས་བསྐྲུན་པའི་དུས་ཚིགས་བཟང་པོ། །
ང་ཚོའི་བགོ་སྐལ་དུ་ཚེས་པའི་རྟེན་འབྲེལ་འགྲིགས་བྱུང་། །

སྤྱི་ལོ་གསར་ཚེས་ཀྱི་འབོད་བརྡ་ངང་གིས་ཐོས་སོང་། །
ཤིས་བརྗོད་འགྱུར་ཁུགས་ཀྱི་དབྱངས་རྟ་ལྷང་ལྷང་སྒྲོག་དུས། །
གོམ་སྟབས་གསར་པ་ལ་རེ་བ་གསར་པ་སྨིན་ངེས། །
དུས་རབས་གསར་པ་དང་ང་ཚོའི་སྨོན་འདུན་གསར་པ། །

གཞས་ཆུང་སྙན་མོ་ཞིག་ཡིད་ཀྱི་དཀྱིལ་ནས་དྲངས་ཏེ། །
དགྱེས་འཛོམས་སྐལ་བཟང་ལ་སྨོན་པའི་འདུན་མ་བཅངས་ནས། །
ཕྱི་དྲན་མེ་ལོང་གི་ངོགས་སུ་འཆར་བའི་སྣང་བརྙན། །
བདེ་མོའི་ལག་བརྡ་དང་མཉམ་དུ་ཕར་ལ་བསྐྱལ་ཡོད། ། དེ་ལས་མང་་་

སྔོན་ཚེ་སྨོན་ལམ་བཟང་པོའི་ཉེར་ཚོགས་ཀྱི་མཐུ་ལས། །
རྙེད་དཀའ་མི་ལུས་རིན་ཆེན་ཐེངས་གཅིག་ལ་ཐོབ་ཀྱང་། །
ཚེ་འདི་མི་རྟག་ཁུར་མོང་རླུང་ཁྱེར་དང་མཚུངས་པས། །
སྐྱེ་འཆིའི་དགུ་ཚིགས་རིང་མོ་ངག་རྟ་རུ་དྲངས་ཡོད། །

འདིར་སྣང་འཁོར་བའི་རྨི་ལམ་ཆར་རྗེས་ཀྱི་འཇའ་ཚོན། །
བདག་མེད་རྣམ་ཤེས་འཁྱམས་པོ་རླུང་ཟད་ཀྱི་དར་ལྕོག །
མི་བརྟན་སྒྱུ་མའི་གྲོང་འདི་སྐད་ཅིག་གིས་འགྱུར་དུས། །
མི་རྟག་འཁོར་བའི་ཆོས་ལ་ཡིད་གཏད་ཅིག་མི་འདུག །

ན་ནིང་བཞད་པའི་ཁྲ་ཚོམས་དབྱར་སྐྱེས་ཀྱི་མེ་ཏོག ། དེ་ལས་མང་་་

སྤྲིན་གྱི་ཕག་ནས་ཟླ་འོད་འཛུམ། །
སྐར་མ་རེ་ཟུང་དབྱིངས་ནས་འདར། །
ཁོར་ཡུག་ཀུན་ལ་འུར་ཟིང་བྲལ། །
མི་རྣམས་ངལ་གསོའི་དཔལ་ལ་རོལ། །

མཚན་གྱི་རླུང་བུ་དལ་གྱིས་ལྡང་། །
གདོང་གི་ཤ་ལ་བྱིལ་བྱིལ་གནང་། །
སྣང་བ་བདེ་བའི་དབྱིངས་སུ་ཁྲིད། །
སེམས་པ་སྤྲོ་བའི་གནས་སུ་སྐྱེལ། །

བྱ་ཁྱུ་རང་རང་ཚང་དུ་ལོག །
ནོར་ནག་ལྷས་ཀྱི་ནང་དུ་འཛོམས། །
སྒོ་ཁྱིའི་ཟུག་སྐད་ཡོངས་སུ་འཇགས། ། དེ་ལས་མང་་་

ང་ཡི་ལས་དབང་ནག་པོ་ནག་རྐྱང་བྲི། །
འཚོ་བ་ཐབས་ཆག་ཅིག་གི་ངོ་གདོང་བྲི། །
སྡུག་གཏམ་ཡིན་ཀྱང་སྐྱོ་བ་མཚོན་ཐབས་སུ། །
རང་ལ་དབང་བའི་མིང་དང་ཐ་སྙད་བྲི། །

ཁེར་རྐྱང་བུ་ལོའི་ཕུགས་བསམ་སྟོང་བ་ནི། །
འཛིན་ཐབས་དཀའ་བ་འཇའ་ཡི་རི་མོ་བཞིན། །
བསམ་གྱིན་བསམ་གྱིན་འཁོར་བའི་བྲན་གཡོག་ཏུ། །
ང་རང་ཚུད་པའི་གདུང་སེམས་ཕྲ་མོ་བྲི། །

དྲན་གྱིན་དྲན་གྱིན་སྐྱོ་བས་བཟི་འགྲོ་གདའ། །
འབྲི་བཞིན་འབྲི་བཞིན་མིག་ཆུའི་བར་དུ་ཚུད། །
སྡེ་ཆེན་མི་ཁའི་ནང་ནས་གསོན་མཁན་ང་། །
སྙན་ངག་ཅིག་གིས་སྐྱོ་རོགས་འདུག་རོགས་བྱས། །

སེམས་སུ་སྐྱོ་བ་འཐིབ་པ་གདུང་བའི་གཤིས། །
འཁོར་བའི་རི་ལས་བྲོས་ཀྱང་ཐར་ཐབས་དབེན། །
རྟོག་བཏགས་སྣང་བའི་ངོས་སུ་བལྟ་ཙ་ན། །
མཆི་མས་འགྲམ་པ་བརླན་པའི་ཚུལ་ཞིག་གདའ། ། དེ་ལས་མང་་་

འདི་ཡི་རི་ལུང་ཀུན་ཏུ་སྨུག་པ་འཐིམ། །
སྨུག་པ་དྭངས་རྗེས་ལུས་ཀྱི་ཙག་ཁ་རྒོད། །
ཙག་གིས་མི་བཟོད་རྒྱང་དུ་ཁུར་ན་ཡང་། །
ཁུར་བའི་ལོ་མ་སེར་པོ་ཉམ་ཆུང་ཨང་། །

སྣང་བའི་དབྱངས་རྟ་གཉོམ་པོ་འདི་ཞིག་ལ། །
སེམས་ཀྱི་ཚོར་བ་ལྷག་པོར་མང་བྲིས་ཏེ། །
དགྱེས་པའི་ཚེམས་དཀར་གྲོལ་བའི་ན་ཆུང་ལ། །
དགའ་བའི་དུངས་ཀ་ཟབ་པས་རྐྱེན་བྱས་སོ། །

སྲིད་པ་ལས་ཀྱིས་བཀོད་པའི་མི་ཚེའི་འོད། །
ཟོལ་མེད་འཇའ་ཡི་དབུས་སུ་ཕུབ་ཀྱང་རུང་། །
རེ་དོགས་ཆེ་བ་ཙམ་གྱིས་མ་སྤུད་པར། །
སོས་དལ་བདེ་བའི་འཚོ་གཞིས་སྐྱོང་པས་ཆོག ། དེ་ལས་མང་་་