བཅད་རྩོམ།

མཁའ་དབྱིངས་ཆུ་འཛིན་གསེབ་ནས། །

ཟླ་འོད་མག་མོག་འཆར་དུས། ། 

རྒྱང་ལ་ཕྱོགས་པའི་སེམས་གཞས། །

དབེན་པའི་སུལ་ནས་གྱེར་ཡོད། ། 

ཁུ་སིམ་མཚན་ལྗོངས་དཀྱིལ་ནས། །  

སྐར་ཚོགས་སྤྱན་ཟུང་ལྷེམ་ལྷེམ། ། 

དྲན་གདུང་དྲག་པོའི་རླབས་རིས། ། 

འགོག་མེད་ཡིད་ལ་འཁྲིགས་སོང་། །

དྲན་པའི་མཁའ་དབྱིངས་ཤར་བའི། །

ཡིད་མཐུན་ཆུ་ཤེལ་དབང་པོ། །

མཚན་གཞས་དབྱངས་ལ་གྱེར་དང་། །

སེམས་གཏམ་འདི་ནས་གོ་འོང་། །  དེ་ལས་མང་་་

སྟོན་མཇུག་སྡོང་ལོ་འཁྲབ་པའི་གཞུང་། །

ནོར་འཛིན་སྤང་ལྗོངས་སེར་བའི་ཁུད། །

ཁྱེད་རང་སྤང་རྒྱན་མེ་ཏོག་བཞིན། །

བཞད་པའི་ཉི་མ་སྙིང་ནས་བསུ། །

ཞེ་སེམས་སྣང་བ་མཐུན་པའི་གྲོཊ། །

ལས་དང་སྐལ་བ་མཉམ་པའི་མཆེད། །

ལོ་འགའི་སྔོན་གྱི་དེ་རིང་ནི། །

ཅི་འདྲའི་མཚར་སྡུག་ལྡན་པ་ལ། །

རྒྱ་སེ་མེ་ཏོག་མ་ཐིངས་ཤིང་།།

གསེར་གྱི་ཨ་ལོང་མ་ཁུགས་ཀྱང་། །

རེ་སྨོན་ཁ་གཡང་སྒྲོག་པ་འདི། །

བསམ་དོན་རི་མོ་འགྲུབ་པའི་ཆེད། ། དེ་ལས་མང་་་

ཀ་མད་སུམ་བཅུས་གླེང་བའི་རྒྱང་རིང་གི།

ཁ་མིན་སྙིང་ནས་དྲན་པའི་ཡབ་ཆེན་ལགས།།

ག་དུས་ཡིན་ཡང་རྒྱབ་རྟེན་དུ་བཞེངས་ཤིང་།།

ང་ཡི་ལུས་སེམས་བྱིས་པ་ཁྱོད་ཀྱིས་བསྲུངས།།

ཅ་ཅོ་འདུ་ལོང་འཁྲིཊ་པའི་རང་ཡུལ་ནས།།

ཆ་ཡོད་ཆ་མེད་འགྲོགས་ཏེ་བྱེས་མཐར་ཉུལ།།

ཇ་སྐབས་ཙམ་ལ་ཁོམ་ལོང་མེད་པ་ཡི།།

ཉ་གང་ཟླ་བ་འདྲ་བའི་དྲིན་ཆེན་ལགས།།

ཏ་ཐའི་བསྟན་ལ་དད་པ་འགྱུར་མེད་ཀྱང་།།

ཐ་མལ་འཁོར་བའི་རི་གྲོང་འདི་ག་ནས།།

ད་དུང་དམ་ཆོས་བྱེད་ལོང་མི་རྙེད་པའི།།

ན་ཆུང་གཞོན་ཤ་ཉམས་པའི་ཕ་ལགས་དྲན།། དེ་ལས་མང་་་

ངས་མིག་ཟུང་བཙུམས་ནས
ལྷིང་འཇགས་ཀྱི་མཁའ་དབུགས་འཚོལ་དུས
སྲང་ལམ་གྱི་འུར་ཟིང་གློ་བུར་དུ་མེད་སོང་
ཟླ་འོད་ཀྱི་བསིལ་མདངས་སྔར་ལས་ཇེ་གསལ
རི་བོ་དང་ནགས་ཚལ་གྱི་མཛེས་སྡུག་མཐོང་སོང
བརྗོད་དཀའ་བའི་ནང་སེམས་ཀྱི་དག་ཞིང་ལ
གསེར་གྱིས་བྲིས་པའི་རི་མོ་སྣ་ཚོགས་ཤིག་ངང་གིས་འབུར

ངས་རང་ཉིད་གཅིག་པུ་ཡིན་པར་ཚོར་དུས
ཉེ་འགྲམ་དུ་གྲུབ་གཟུགས་ལས་གཞན་མེད་པ་ཤེས
སྔར་དང་མི་འདྲ་བའི་སེམས་གཤིས་ཤིག་ཡོད་པར་རྟོགས
ད་ནི་སྨྲ་བར་ཉུང་བའི་བརྟུལ་ཞུགས་ དེ་ལས་མང་་་

མཉེན་ལྡན་གཤོག་པའི་རྩལ་གྲོལ་ཁྲུང་ཁྲུང་ཁྱུས། །
སྟོན་སྤྲིན་བང་རིམ་བརྟོལ་ནས་ལྷོར་བཞུད་དུས། །
ཉིན་ཞག་ཕར་ལ་འདས་པའི་སྨྱུག་རྩེ་ཡིས། །
སེམས་ངོགས་གསེར་མདོག་སྟོན་མཇུག་ཐ་སྙད་བྲིས། །

སྲབ་གཉེན་འདབ་མའི་རྒྱན་བཀླུབས་མེ་ཏོག་ཚོམ། །
ལང་ཚོ་རྙིང་ཧྲུལ་འགྱུར་བའི་ལྡུམ་རའི་དཀྱིལ། །
སྒྲོ་སྟེང་ཚོས་རིས་སྣ་འདུས་ཕྱེ་མ་ལེབ། །
གསོན་པའི་དོན་གྱི་སྙིང་ཏིག་སེམས་པས་སྔོག །

གྲང་ལྷགས་ཇག་པའི་རུ་མཚོན་ཐོན་སོང་ཞེས། །
ལྕང་ལོ་ཕོ་ཉ་གཞོན་ནུས་ཆུ་ངོགས་ནས། །
མི་སེམས་འཁྱག་གིས་བསྡམས་པའི་ཡིག་འབྲུ་འགའ། །
འདུ་འཛོམས་ལས་ཀྱི་གྲུ་ཟུར་མི་ལ་སྤྲིངས། ། དེ་ལས་མང་་་

བར་ཐག་རི་ཆུའི་བསྐལ་ཡང་མི་སྐྱོ་སྟེ། །
ལྷན་འཛོམས་འཚོ་བའི་སྟེས་དབང་ཟབ་མོ་ཡོད། །
རྟག་བརྟན་གམ་ལ་འབྱོར་བའི་སེམས་པ་འདི། །
ཁྱོད་རང་གང་དུ་འཚོ་ཡང་དེ་རུ་གནས། །

རྟ་བདུན་ཕར་བསྐྱོད་སར་ནས་ཁྱོད་ལ་བལྟས། །
བསིལ་ཟེར་ཚུར་ཡོང་ཕྱོགས་ནས་ཁྱོད་ལ་བསྒུགས། །
དྲན་པའི་གདུང་བ་ཡིད་ལ་འབབ་ནས་ཡོད། །
ཚིག་གི་མགུལ་རྒྱན་འདི་ཞིག་བཏེགས་ནས་ནི། །

ཁྱོད་ནི་དཀར་དམར་པདྨའི་ལྡུམ་ར་ནས། །
མ་བཅོས་འཛུམ་དཀར་གྲོལ་བའི་མཛངས་མ་སྟེ། །
བདག་ལ་དུངས་བས་བསུ་མ་བྱེད་མཁན་ཉིད། །
ཉིན་མཚན་ཁྱད་མེད་དྲན་པ་ཚོད་མེད་ཅིག ། དེ་ལས་མང་་་

ཁ་ཁུ་སིམ་པའི་ས་སྲོད་ལ། །
རྒྱང་རིང་མིག་གི་མཐོང་ལམ་བཀག །
རྟོག་སྣང་ཡིད་ཀྱི་སྐར་ཆུང་དེས། །
སྟོང་གསུམ་རྒྱ་ཁྱོན་ཡང་ཡང་གཞལ། །

སྐར་མའི་མེ་ཏོག་དགོད་པའི་དུས། །
ལྷ་སྒྲུང་ནང་གི་མཚན་མོ་དྲན། །
ཞེན་ཆགས་གཡོ་བའི་ཟླ་གཞོན་གྱིས། །
མཚན་མོའི་གཏམ་རྒྱུད་ལྷོད་ཀྱིས་བྲིས། །

བསིལ་ཟེར་རྐང་པའི་འོད་ཞབས་ཀྱིས། །
མུན་པའི་ར་རི་ཡོངས་སུ་འཁྱུད། །
སྲོད་ཀྱི་དྲན་པ་དམར་པོ་དེ། །
ཟླ་བའི་དབྱངས་ཀྱིས་བཟི་བར་བྱས། ། དེ་ལས་མང་་་

དབྱར་གཞུང་མེ་ཏོག་ཚོམས་ཀྱི། །
མཛེས་སྡུག་སྣ་མང་བཞད་པའི། །
ལྷ་ཡི་དགའ་ཚལ་འདྲ་བ། །
བཀྲ་ཤིས་ཁྲོཾ་ལྗོངས་གྲགས་སོ། །

སྟོད་ན་ཆོས་འཁོར་འདུ་གླིང་། །
བར་ན་ལྷོད་ཡངས་རྩྭ་ཐང་། །
མདའ་ན་གཙང་ཆབ་ལྷུང་ལྷུང་། །
ངོ་མཚར་ལྟད་མོ་ཆེ་ས། །

གྲུབ་མཆོག་སྨྲ་བའི་གཙུག་རྒྱན། །
སྔོན་བྱོན་པདྨའི་གདུང་སྲས། །
སྐུ་བལྟམས་ཉི་མའི་ཟེར་ནས། །
གསོལ་འདེབས་སྨོན་ལམ་ཞུས་ཆོག ། དེ་ལས་མང་་་

རེ་སྐྱིད་འཁོར་བའི་འདབས་ནས་དཀའ་སྡུག་དག །
འཛེམ་དོགས་མེད་པར་ཕྲག་ཏུ་ཁུར་མི་ལ། །
འབྲོག་སྡེ་ནོར་ཕྱུགས་གཡང་གི་ཉེ་སར་ནས། །
ཉི་ཟླའི་གཟི་དཔལ་བརྒྱན་པའི་ཡབ་ཡུམ་ཟུང་། །

དབྱར་གཞུང་སྤང་གི་འགྲམ་ནས་ཅི་དགར་དུ། །
སྐྱིད་པའི་དཔལ་ལ་རོལ་ཙམ་མ་གནང་པར། །
ཁྱིམ་གྱི་ལས་ཀ་ཡོད་ཚད་གདོང་ལེན་མཁན། །
མཛངས་པའི་ཕ་མ་སེམས་ཀྱི་ནོར་བུ་ཡིན། །

སློབ་གསོའི་མེ་ཏོག་ཕ་མས་བསྐྱེད་བསྲིངས་བྱས། །
རིགས་ཀྱི་ལོ་རྒྱུས་ཕ་མས་ཇེ་ལེགས་བཏང་། །
སྙིང་གི་བུ་ལ་འདུན་མའི་ལམ་ཁ་བསྟན། །
ཕ་མའི་ལས་དོན་ལྕི་བ་བརྗེད་ཐབས་བྲལ། ། དེ་ལས་མང་་་

རླབས་ཀྱི་བདུད་རྩི་ཁུར་བའི་མཚོ་མོའི་འཁྲིས། །
པི་ཐོགས་འཛུམ་དཀར་བཞད་པའི་ན་ཆུང་མར། །
དད་གུས་མེ་ཏོག་སོ་མ་འབུལ་ལགས་ན། །
བྱིན་རླབས་སྤྲིན་བཅུད་ཟིལ་མ་རྟག་ཏུ་འཐོར། །

ཡིད་སེམས་གངས་དཀར་རི་བོ་བརྗིད་པའི་མཁར། །
འཛུམ་དམུལ་ཚེམས་ཕྲེང་དཀར་པོ་མཁའ་ན་གཟི། །
མུ་ཏིག་དོ་ཤལ་བཅིངས་བའི་འཕྱོར་ལྡེམ་མར། །
བདུད་རྩིའི་ཡོན་ཆབ་དྭངས་མོ་ཅི་ཡང་འབུལ། །

ཡིད་འོང་འདྲེན་བྱེད་གསལ་མ་རི་དྭགས་མིག །
འཁུར་འཚུས་དམར་མདངས་བྱུ་རུ་གོར་མོའི་གཟུགས། །
མཛེས་པའི་སྨིན་མ་མིག་ཟུང་རྒྱན་དུ་བརྩེགས། །
ཞལ་སྒོར་པདྨའི་དྲི་འཐུལ་ཚངས་པའི་སྲས། ། དེ་ལས་མང་་་

རྨད་ལྗོངས་མདོ་སྨད་གཡུ་ཡི་ཁུགས་སོ་ནས། །
རྨད་བྱུང་ལང་ཚོའི་གཉོམ་ལག་དལ་གྱི་སྨིན། །
རྨད་ངག་ཚངས་སྲས་གྲེ་འགྱུ་དབྱངས་དང་བརྒྱུས། །
རྨད་འོས་བསམ་པའི་མིང་ཅན་གླུ་བའི་རྒྱལ། །

ཡིད་འོང་ཕྱག་སོར་རྩལ་གྱིས་སྒྱུ་འཕྲུལ་ལས། །
ཡིད་དགའི་དབྱངས་ཀྱི་སྟེགས་བུ་གང་ཞིག་སྟེང་།།
ཡིད་འཕྲོག་གདངས་ཀྱི་གར་མའི་སྟངས་ཀ་ལ། །
ཡིད་ལྡན་བུ་ཆུང་རྣ་བ་གཡར་མ་བྱས། །

སྣ་མང་ཚིག་གི་རི་དྭགས་མིག་ཅན་དང་། །
སྣ་ཚོགས་དབྱངས་ཀྱི་སྟག་ཤར་གཞོན་པ་གཉིས། །
སྣ་མང་མེ་ཏོག་བཞད་སའི་དོ་ར་ནས། །
སྣ་ཚོགས་མི་ཡི་ཁྲོམ་དུ་བྱོན་ན་མཚར། ། དེ་ལས་མང་་་

འཇའ་ཚོན་དལ་ལ་རྒྱུས་པའི་སར། །
སྣང་བའི་ཡིད་འདི་ཕྱོགས་ཐེངས་རེར། །
ཚོར་བའི་བཟི་ཁས་ཕབ་པ་ཡི། །
སྙན་ངག་ཟླ་བའི་ཀློང་ནས་མཆེད། །

ད་ཆར་དབྱར་གྱི་མཚར་སྡུག་གིས། །
མི་སེམས་སྤྲོ་བའི་བདེ་འགོད་པས། །
པད་དཀར་འཛུམ་པའི་ཐང་ཆེན་ནས། །
རྨི་ལམ་ཀློང་གི་ཁྱོད་ལ་གཏམ། །

ལན་རེ་བཞད་ཅིང་མཛེས་སྡུག་ཅན། །
ཅུང་ཙམ་ཟིན་པས་ཡལ་འགྲོ་ཡང་། །
བག་ཆགས་ཟབ་མོ་རྐྱེན་མཐུ་ལས། །
འཁོར་བའི་རྩ་བ་ཆོད་ལེ་མིན། ། དེ་ལས་མང་་་

མི་ཚེ་ཕྲ་མོའི་ཟློས་གར་འཁྲབ་པའི་པདྨའི་སྤྱན་གཟུགས་འཛུམ་ནས་ཐལ། །
སེམས་པ་དམར་ཆུང་མདའ་བཞིན་ཟུག་ནས་སྨིན་ལེགས་དགའ་མར་ཤོར་ནས་ཐལ། །
རི་རྩེའི་སྤྲིན་དཀར་དགའ་མར་དྲན་ནས་རྒྱང་རིང་ནམ་མཁར་འཕུར་ནས་ཐལ། །
དབྱངས་ཀྱི་ཟེགས་མ་མཁའ་རུ་འཇོ་ནས་སྤྲིན་གྱི་མེ་ཏོག་སྙིལ་ནས་ཐལ། །
ཡབ་ཅིག་ལྷ་མོ་པདྨར་འཛུམ་ནས་འགྲོ་དྲུག་འཁོར་བ་དོར་ནས་ཐལ། །
ན་ཆུང་བུ་མོའི་གསང་བ་ཡིབ་ནས་འབྲུག་པ་ཀུན་དགས་མྱོང་ནས་ཐལ། །
སྨིན་གྲོལ་ཐར་བའི་གོ་འཕང་འདོད་ནས་ཨ་མ་རྒན་མོ་གྲོལ་ནས་ཐལ། ། དེ་ལས་མང་་་

སེམས་གངས་དཀར་གྱི་མེ་ལོང་ངོས་སུ།།
ཞལ་མེ་ཏོག་གི་གཉེར་མ་བབས་ཤིང་།།
ངག་སྨྲ་འཇམ་གྱི་བདུད་རྩི་འཁྱིལ་བའི།།
སྲོག་དམར་པོ་འདྲའི་མི་གཉིས་དྲན་བྱུང་།།

སྤྱིར་འཇིག་རྟེན་འདི་ཁ་རྒྱ་ཆེ་ལ།།
སྒོས་མི་ཚོགས་ཀྱིས་རྡུལ་ཕྲན་འཚུབ་ཀྱང་།།
ལས་སྨོན་ལམ་གྱི་དར་དཀར་སྦྲེལ་བའི།།
ཤ་མཆིན་པ་འདྲའི་མི་གཉིས་འཕྲད་བྱུང་།།

འདང་མེ་ཏོག་གི་འདབ་མ་རྒྱས་ཤིང་།།
ཞེ་དུངས་བ་ཡི་ཟེའུ་འབྲུ་སྨིན་པའི།།
ཚེ་འདི་ཕྱི་ཡི་ས་མཚམས་ཞིག་ནས།།
སྐྱིད་ཉི་མ་འདྲའི་མི་གཉིས་དྲན་བྱུང་།། དེ་ལས་མང་་་

དཀར་འཇམ་བཅོས་མིན་བྱད་ལ་ཅེར་བས་ན། །
མཁའ་ཡི་ཌཱ་ཀི་མ་ཡི་བཞིན་དང་ནོར། །
གྲེ་ཕྱུང་གདངས་དང་གར་གྱི་འཇོ་སྒེག་ནི། །
སུམ་རྩེའི་མེ་ན་ཀཱ་ཡི་སྐུ་ཡི་ཕྱེད། །

དྲི་ཟའི་གླིང་ནས་འཕོས་པའི་སྲིད་པའི་གླུ། །
འཕྱོར་ལྡེམ་སྟངས་ཀའི་གསེབ་ནས་དལ་གྱི་བསྒྲགས། །
ཚངས་དབྱངས་དྲུག་ཅུའི་མཉན་པ་གང་དེ་ཉིད། །
སྲིད་པའི་རྒྱན་དུ་ཆས་པ་འཕྱང་མོ་ཉུག །

འོད་འཚེར་སྒྱུ་རྩལ་གར་གྱི་སྟེགས་བུ་ཕོང་། །
ཟུར་མིག་འཛུམ་དམུལ་ཚེམས་དཀར་སྟར་ཕྲེང་རྒོད། །
འདྲེན་བྱེད་ཆུ་བྱུང་སྙན་འཇེབས་ང་རོ་ལ། །
མཁའ་ཉལ་རྣ་བ་གཡར་མ་བྱེད་པ་བདེན། ། དེ་ལས་མང་་་