ཆབ་མདོ། འོད་འཛིན་མ།
སྟོན་མཇུག་སྡོང་ལོ་འཁྲབ་པའི་གཞུང་། །
ནོར་འཛིན་སྤང་ལྗོངས་སེར་བའི་ཁུད། །
ཁྱེད་རང་སྤང་རྒྱན་མེ་ཏོག་བཞིན། །
བཞད་པའི་ཉི་མ་སྙིང་ནས་བསུ། །
ཞེ་སེམས་སྣང་བ་མཐུན་པའི་གྲོཊ། །
ལས་དང་སྐལ་བ་མཉམ་པའི་མཆེད། །
ལོ་འགའི་སྔོན་གྱི་དེ་རིང་ནི། །
ཅི་འདྲའི་མཚར་སྡུག་ལྡན་པ་ལ། །
རྒྱ་སེ་མེ་ཏོག་མ་ཐིངས་ཤིང་།།
གསེར་གྱི་ཨ་ལོང་མ་ཁུགས་ཀྱང་། །
རེ་སྨོན་ཁ་གཡང་སྒྲོག་པ་འདི། །
བསམ་དོན་རི་མོ་འགྲུབ་པའི་ཆེད། །
དབྱར་གྱི་ཁུག་པ་རྫོགས་ན་རྫོགས། །
ཁྱོད་ཉིད་སྐུ་ཚེ་བརྟན་པས་ཆོག །
མེ་ཏོག་སད་ཀྱིས་བཅོམ་ན་བཅོམ། །
ཁྱོད་ཀྱི་ཞལ་རས་འཛུམ་པས་ཚིམས། །
ཉིན་འདི་ཁྱོད་ལ་མཚོན་ན་ལོས། །
ང་ཡང་དགའ་སྤྲོས་བརྟས་ནས་སུ། །
སྙིང་བརྩེའི་རི་མོ་དཀར་དམར་དག །
ཤ་དང་མཆིན་པའི་གསེང་ནས་བྲིས། །
མ་གཅིག་བྱང་ཁོག་མ་བརྒྱུད་ལལཅིང་། །
ཁྱིམ་གཅིག་སོན་པའི་སྤུན་མིན་ཡང་། །
ཚེ་རབས་སྔོན་མའི་ལས་འཕྲོ་ཡིས། །
ད་རེས་འུ་གཉིས་གྲོགས་སུ་གྱུར། །
ཁྲེལ་གཞུང་གཙང་པོ་ཟབ་པའི་ཐོག །
མི་གཞི་ཀུན་སྤྱོད་ལེགས་པའི་རྐྱེན། །
སྐྱིད་སྡུག་གནམ་ངོ་འཁྲུཊ་པའི་མིས། །
ཁྱེད་རང་གཏན་དུ་བརྗེད་མ་མཆིས།།
སྙིང་གི་ཕྱི་ནང་མཚོན་པའི་གླུ། །
རྒྱང་ཐག་རིང་བའི་ཁྱོད་ཉིད་ལ། །
ཞེ་འདང་མཚོན་པའི་རྟེན་བྱས་ཏེ། །
ལྷོ་བཞུད་ཁྲུང་ཁྲུང་མགུལ་ལ་སྤྲིངས།།
རི་དང་ཆུ་བོས་བཀར་ཡང་རུང་། །
ལ་དང་ལུང་པས་བཅད་ཀྱང་ཆོག །
མི་ཤིཊ་བརྩེ་བའི་མཛའ་མཐུན་གྱིས།།
ལོ་ཟླའི་ཕྲག་པ་སྔར་བཞིན་རྒལ།།
ཚངས་ཐིག་སྙིང་གི་ཡིད་འོང་མ། །
ཉིན་གཅིག་ཉི་མ་ལྟ་བུའི་གཤིས། །
དུས་གསུམ་ཀུན་ཏུ་མི་འགྱུར་ཞིང་། །
བསམ་པའི་ཕུཊ་འདུན་མངོན་པར་ཤོག།
དཔྱད་གཏམ་སྤེལ་མཁན་ལ་གསལ་བརྡ།
You must be logged in to post a comment.