བསྟོད་ཚོགས།

སྲིད་པའི་གྲོང་ནས་ཐར་བའི་ས་བོན་སྟབས།།འཁོར་འདས་བར་ལ་ཐབས་ཤེས་ཐེམ་སྐས་འཛུགས།།སྐུ་བཞིའི་ཀློང་ན་ཆོས་སྐུའི་ངོ་བོར་གྲོལ།།འགྲོ་བའི་མགོན་པོ་རྟག་དུ་རྒྱལ་གྱུར་ཅིག།མཐའ་ཡས་ཤེས་བྱའི་ཆོས་ཀུན་གཟིགས་པ་པོ།།མཁའ་མཉམ་འགྲོ་ལ་ངེས་ལེགས་སྟོན་པ་པོ།།བསམ་ཡས་འཕྲིན་ལས་ཕྱོགས་བཅུར་འགྱེད་པ་པོ།།ས་སྐྱ་ཀུན་དགའ་རྒྱལ་མཚན་གཙུག་ན་རྒྱལ།།མི་ཡི་ལྷ་རིགས་འཁོན་གདུང་འཛིན་པ་པོ།།ལས་བཞིའི་འཕྲིན་ལས་སྒྲུབ་ལ་འབྱོར་བ་པོ།།དགའ་བཞིའི་ཡེ་ཤེས་ཉམས་སུ་མྱོང་བ་པོ།།འགྲོ་ལ་བུ་གཅིག་ལྟ་བུ་བྱམས་པ་པོ།། དེ་ལས་མང་་་

བཅོམ་ལྡན་མཁྱེན་བརྩེའི་གཏེར་ཆེན་འཇམ་པའི་དབྱངས།།འཕགས་པའི་ཡུལ་དུ་གནས་བརྟན་རབ་འབྱོར་པ།།ཁ་བ་ཅན་འདིར་ས་སྐྱ་པཎ་ཆེན་ཞེས།།དྲི་མེད་འཁོན་གྱི་གདུང་ལ་སྐྱེ་བ་བཞེས།།ས་སྐྱ་པཎྜི་ཏ་ལ་གསོལ་བ་འདེབས།།བསམ་པ་ལྷུན་གྱིས་འགྲུབ་པ་བྱིན་གྱིས་རློབས།།དྭངས་གཙང་རྙོག་མེད་ཡིད་ཀྱི་འོ་མཚོ་ལ།། རྣམ་དཔྱོད་གཤོག་ཡངས་དཀར་པོའི་འཕུར་ལྡིང་ཅན།།གཞོན་ནུའི་དུས་ན་ཡོན་ཏན་ཐམས་ཅད་རྫོགས།།མཁས་མཆོག་ངང་པའི་རྒྱལ་པོར་རྒྱལ་བའི་སྲས།།ས་སྐྱ་པཎྜི་ཏ་ལ་གསོལ་བ་འདེབས།།བསམ་པ་ལྷུན་གྱིས་འགྲུབ་པ་བྱིན་གྱིས་རློབས།།བཅུ་ཕྲག་རིག་པའི་རྒྱལ་མཚོའི་ཕ་མཐའ་སོན།། དེ་ལས་མང་་་

མུན་པའི་འགག་འཕྲང་གཏོར་བའི་འཛམ་གླིང་གི་གནའ་དེང་ཤེས་བྱ་མཁྱེན་པའི་རིག་ལམ་གྱི་དཔའ་བོ། ས་སྒང་གོ་ལའི་མཛེས་རྒྱན་མཐོ་སྒང་གི་རྒྱལ་སྲས།།ས་དཀར་སྡེ་བའི་ས་སྐྱ་པཎ་ཆེན་ལགས་རྗེས་དྲན།།མི་རིགས་འདས་དོན་སེམས་པའི་གངས་ལྗོངས་ཀྱི་ལོ་པཎ།།ཆོས་སྲིད་བསྟན་པ་སྤེལ་བའི་ལུགས་གཉིས་སློབ་དཔོན།།མུ་སྟེགས་མ་རུངས་བཏུལ་བའི་ཚད་མ་ཡི་སྐྱེས་བུ།།ཁ་བ་གངས་ཅན་ལྗོངས་ཀྱི་པཎྜི་ཏ་ཐོག་མ།། འཆད་པའི་ཤེས་རབ་གོ་ལའི་དབུ་རྩེ་ནས་འབར་ཞིང་།།འཇམ་དབྱངས་རིག་པའི་རལ་གྲི་ཐུགས་རྒྱུད་ན་མངའ་བའི།། དེ་ལས་མང་་་

༧ ཐམས་ཅད་མཁྱེན་པ་ལ་ཕྱག་འཚལ་ལོ། རང་དོན་དོར་ནས་ཁ་བ་གངས་ལྗོངས་སུ།།འགྲོ་བའི་དོན་དུ་ལྷུར་མཛད་བྱོན་གྱུར་པ།།རྗེ་བཙུན་འཇམ་པའི་དབྱངས་དང་གཅིག་བསྡུས་པ།།བློ་བཟང་གྲགས་པའི་ཞབས་ལ་ཕྱག་འཚལ་ལོ།།རྒྱ་བོད་གཞུང་བརྒྱའི་ཟབ་གནད་ཀུན་བརྙེས་པས།བསྟན་དོན་དག་ཐེར་སྒྲུབ་པའི་འཕྲིན་ལས་ཅན།།བློ་གཏེར་མཁྱེན་དཔྱོད་ཟབ་པའི་མདོ་སྔགས་ཀུན།།མ་ལུས་གཟིགས་པའི་བྱང་ཆུབ་མངའ་བརྙེས།།ཐུབ་བསྟན་རིན་ཆེན་གསལ་མཛད་དྲི་བསུང་འཐུལ།།ལེགས་བཤད་གསེར་གྱི་ཕྲེང་བ་མཚར་དུ་མངའ།།འགྲོ་ལ་ཕན་བདེའི་འོད་ཟེར་རབ་ཏུ་འཕྲོ།།སྲིད་ཞིའི་སྟོན་མཆོག་སྣང་བར་རབ་ཏུ་རྒྱས།། དེ་ལས་མང་་་

འཇམ་དཔལ་དཔའ་བོའི་སྤོབས་པའི་གཏེར་ཆེན་ཚོགས།།དབྱངས་ཅན་དགའ་མས་ཅིག་ཏུ་སྤུངས་པའི་དཔྱིད།།བསྟན་པའི་སྤྱི་ནོར་སྲིད་མུན་དྲུང་འབྱིན་པའི།།ཐེག་ཆེན་ཆོས་ཀྱི་ཉི་མ་འཚོ་གཞེས་གསོལ།།བྱམས་པའི་དཔལ་གོས་བརྩེ་བའི་གེ་སར་ཅན།།དམིགས་མེད་སྙིང་རྗེ་ཡལ་འདབ་འབོལ་བའི་ཁྲོད།།ཟབ་དགུའི་མཁྱེན་རྟོགས་འདབ་སྙིང་དགོད་པའི་ཕུལ།།རྣམ་འདྲེན་བྱེ་བའི་གཙུག་རྒྱན་འཚོ་གཞེས་གསོལ།།ཆོས་ཅན་ཀུན་བརྟག་སྣང་ཆ་ཇི་སྙེད་ཚོགས།།གཞན་དབང་གདན་གསུམ་དཀྱིལ་འཁོར་རོལ་མོར་འཆར།།ཆོས་ཉིད་ཡོངས་གྲུབ་བདེ་ཆེན་ཡེ་ཤེས་ཀྱི།།དོན་སྟོན་གསུང་གསང་འཛིན་པ་འཚོ་གཞེས་གསོལ།། དེ་ལས་མང་་་

མདོ་ཁམས་འབོམ་གྱི་ཡུལ་ནས་མཚན་དཔེ་བཞད་ཅིང་།།འཕྲིན་ལས་རིག་པའི་གཟི་འོད་གླིང་ལ་ཁྱབ་པ།།བུདྷའི་ཕྲེང་བ་སྨུག་པོ་གནམ་ལ་འཕྱར་ཏེ།།དཔྱད་འཚོལ་རིག་པའི་འབོག་སྒྲིལ་རྒྱབ་ཏུ་འཁུར་བ།།བློ་སྟོབས་རིག་པའི་གད་རྒྱང་ས་ན་སྒྲོག་ཅིང་།།ལུང་རིགས་རྩོད་པའི་ངར་སྒྲ་འདི་ན་འུར་བ།།གོ་བོ་མཚན་གྱི་ཅོད་པན་དབུ་ན་མཛེས་ཤིང་།།དཔྱད་གསུམ་རིག་པའི་མེ་ཏོག་ས་ལ་འཕོས་པ།།སྨྲ་བ་ངག་གི་འགྱུར་ཁུགས་གསུང་ལ་ཐིམ་ཞིང་།།རྣམ་དཔྱོད་ཐུགས་ཀྱི་བུམ་བཟང་གཡང་དུ་འཇོ་བ།།རྒོལ་ངན་སྲིན་བྱའི་ཁྱུ་ཚོགས་གདན་དུ་བཅིལ་ཅིང་།།མི་འཇིགས་སེང་གེའི་རལ་པ་གྱེན་དུ་མཛེས་པ།། དེ་ལས་མང་་་

བརྩེ་ཆེན་ཐུགས་བསྐྱེད་ཀྱི་འགྲོ་ཚོགས་ལ་གཟིགས་ཤིང་།།ལུང་རྟོགས་བསྟན་པ་ཡི་མེ་རོ་དེ་གསོས་པའི།། རིས་མེད་རྒྱལ་བསྟན་ལ་བཀའ་དྲིན་ཡང་ཆེ་བའི།།ཀུན་དགའ་དབང་ཕྱུག་ཁྱེད་སྙིང་དབུས་ནས་དྲན་ནོ།།སྤྲུལ་པའི་སྟངས་སྟབས་ཤིག་བསྒྱུར་བ་ནི་མིན་ཡང་།།དཀའ་དཔྱད་འབད་པ་ཡི་མི་ཚེ་དེ་ཧྲིལ་པོ།།ཐོས་བསམ་སྒོམ་གསུམ་ལ་སྐྱེལ་བ་ཡི་ལག་རྗེས།།ལུང་རྟོགས་བསྟན་པ་དེ་སྲིད་རྩེ་རུ་བསྒྲེངས་སོང་།།གཟུངས་དང་སྤོབས་པ་ཡི་ཤེས་རབ་དེ་ཟད་མེད།།ཆགས་ཐོགས་ཀུན་བྲལ་གྱི་ཡེ་ཤེས་ལ་རོལ་ཞིང་།།བདེ་སྟོང་ཟུང་འཇུག་གི་དགའ་བཞི་དེ་བརྙེས་པའིགསང་གསུམ་རྒྱན་འཁོར་ལ་འཕོ་འགྱུར་ཞིག་མེད་སྐད།།
དེ་ལས་མང་་་

རྒྱལ་བ་ཀུན་གྱི་ཡེ་ཤེས་ཕུང་པོ་ལས།།གདུལ་བྱའི་སྣང་ངོར་གཟུགས་ཀྱི་སྐུ་གཞེངས་པའི།།བསྟན་པའི་འཁོར་ལོས་བདག་རྒྱུད་བྱིན་རློབས་ནས།།འགྲོ་རྣམས་བློ་གྲོས་སྐྱེས་པའི་སྣང་བ་རྩོལ།།བསྟན་པའི་འཁོར་ལོའི་སྤྲུལ་པ་གོ་རམ་ཞེས།།ས་སྐྱའི་བསྟན་ལ་ས་པཎ་གཉིས་པ་ཞིག།མདོ་ཁམས་སྨར་སྒང་སྨར་ཤོད་གོ་ལའི་སྟེང་།།བྱི་བ་ཚང་དུ་རུ་ཚའི་གདུང་གི་བརྒྱུད།།ཞང་སྐྱབས་ཡབ་དང་རྒྱལ་སྨན་ཡུམ་གཟུང་ནས།།ས་མོ་བྱ་ལོར་མི་ཉག་དཔལ་དུ་འཁྲུངས།།ཡེ་སངས་རྒྱས་ཀྱང་གདུལ་བྱའི་སྣང་ངོར་ལ།།ཀུན་དགའ་འབུམ་ལས་རབ་ཏུ་བྱུང་བ་མཛད།།
དེ་ལས་མང་་་

གཤིན་པོ་མཐོང་བའི་མངོན་ཤེས་མི་གསུང་ཞིང་།།ལྷ་འདྲེ་མཐོང་བའི་སྤྱན་རས་མི་གསལ་ཡང་།།ཞིབ་མོའི་སྤྱོད་པས་བླང་དོར་མི་འཆོལ་བ།།འདི་ཙམ་གྲུབ་རྟགས་ཀུན་གྱི་དཔང་པོ་ཡིན།སྲ་མོའི་རྡོ་ལ་ཕྱག་རྗེས་མི་འཇོག་ཅིང་།།ངར་བའི་གྲི་ལ་མདུད་པ་མ་བོར་ཡང་།།ཉམས་ལེན་མདོ་རྒྱུད་གཞུང་དང་མི་འགལ་བ།།འདི་ཙམ་སྐྱེས་བུ་དམ་པའི་དཔང་པོ་ཡིན།།ཉེ་དུ་ཆེ་སར་འདོན་པའི་བསྟན་དོན་དང་།།རང་འདོད་ཕུག་ལ་འཚངས་པའི་གཞན་ཕན་སོགས།།གཡོ་སྒྱུའི་འདམ་དང་ནམ་ཡང་མི་མཛའ་བ།།འདི་
དེ་ལས་མང་་་

དབུ་ལ་གཙུག་ཏོར་ཞབས་ལ་འཁོར་ལོ་དང་།། མ་བསླབ་ཤེས་བྱའི་མ་མོ་མཁྱེན་པ་སོགས།། སོ་སྐྱེ་ཕལ་བའི་བློ་ལ་ཤོང་དཀའ་བའི།། ཁྱོད་ཀྱི་གསང་བ་དེ་དག་འདིར་མི་གླེང་།། འཇིགས་རུང་སོག་པོའི་དམག་དཔུང་བྱམས་བརྩེས་བཟློགས།། རྒྱ་གར་རྩོད་པའི་རལ་བ་རིགས་པས་བྲེག།གངས་ཅན་ལྗོངས་ཀྱི་གནས་བཅུའི་ཤིང་རྟ་བ།། ས་སྐྱ་པཎ་ཆེན་གངས་རིའི་ང་རྒྱལ་ཡིན།། སྡོམ་གསུམ་བརྩམས་ཏེ་ཆོས་ལོག་མཐའ་ལ་སྤྱུགས།། རིགས་གཏེར་བྲིས་ཏེ་རྒོལ་ངན་སྙིང་རྩ་བཅད།། མཁས་འཇུག་མཛད་པས་དམ་པའི་ལམ་བུ་གསལ།།ས་ དེ་ལས་མང་་་

འཇམ་དབྱངས་ལྷ་ཁྱོད་ས་དཀར་བསྟན་པའི་དཔལ།།རིས་མེད་བསྟན་ལ་བསྟན་པའི་རྒྱལ་མཚན་བཙུགས།།རིག་པའི་གནས་ལྔ་ཁྱེད་ཀྱི་ཐུགས་མཚོ་ལས།།བྱུང་ཞེས་སྨྲ་ལ་སྤོབས་པ་རབ་ཏུ་རྨད།།ཆོས་ལུགས་གཅིག་གྱུར་ཕྱོགས་ལ་ཐུགས་མ་དགྱེས།།རང་བསྟན་རང་གིས་འཛིན་པའི་བསྐུལ་མ་གནང་།།ཞ་མོའི་ཁ་དོག་རྩོད་གཞིར་མ་བཟུང་བར།།བཅུ་ཕྲག་རིག་པའི་སྒོ་མོ་ཁྱེད་ཀྱིས་འབྱེད།།ཤར་རིའི་རྩེ་ནས་ཟེར་བརྒྱའི་འོད་ཐིག་དང་།། གངས་རིའི་རྩེ་ནས་ངར་སྐད་ཇི་བཞིན་དུ།།ཁ་བའི་ལྗོངས་སུ་རིག་པའི་སྒྲ་ཆེ་བ།།འཇམ་ དེ་ལས་མང་་་

རིག་གནས་རྒྱ་མཚོའི་ཕ་རོལ་སོན་གྱུར་པས།།གསུང་རབ་ནོར་བུའི་གླིང་ལ་མངའ་སྒྱུར་ཞིང་།།སྙན་གྲགས་ཀུན་གྱི་རྣ་བའི་རྒྱན་གྱུར་པས།།ངོ་མཚར་བསྔགས་པའི་གནས་གྱུར་ས་སྐྱ་པ།།མཁྱེན་པས་ཤེས་བྱ་ཀུན་གྱི་དེ་ཉིད་གཟིགས།།བརྩེ་བས་ལེགས་བཤད་དགའ་སྟོན་འགྲོ་ལ་སྩོལ།།མཛད་པས་རྒྱལ་བ་མཉེས་པ་འབའ་ཞིག་སྒྲུབ།།མཚན་ནས་བརྗོད་པར་དཀའ་བ་ཁྱེད་ལ་འདུད།།ཁྱེད་ནི་བློ་གྲོས་དྲི་མ་མེད།།མུ་མཐའ་བྲལ་བའི་ཤེས་བྱ་ལ།།ལྷ་ཡི་ལམ་ལ་འོད་སྟོང་བཞིན།།འཇུག་པར་མཐོང་ཚེ་བདག་གི་ཡིད།། དེ་ལས་མང་་་

ཕྱོགས་བཅུའི་རྒྱལ་བའི་ཡེ་ཤེས་སྐུ།གཅིག་བསྡུས་སྨྲ་བའི་སེང་གེ་མཆོག།ཁ་བའི་ལྗོངས་སུ་བསམ་བཞིན་དུ་།མཚན་དཔེའི་གཟུགས་སྐུ་བཞད་ལ་འདུད་།ཡི་གེའི་ཕྱི་མོ་སྔོན་ནས་མཁྱེན།ཆོས་རྣམས་གསན་པ་ཙམ་གྱིས་དང་།རྨི་ལམ་ཡུལ་དུ་ཐོས་ཙམ་གྱིས།ཡོངས་རྫོགས་མཁྱེན་པ་ཁྱོད་ཉིད་ཙམ།བཅུ་ཕྲག་རིག་གཞུང་གངྒའི་རྒྱུན།གངས་རིའི་ལྗོངས་སུ་ལེགས་དྲངས་ཏེ།གྲངས་མེད་མཁས་དབང་པད་མོའི་ཚལ།ལེགས་པར་བཞད་པ་ཁྱོད་ཀྱི་དྲིན།འཕྲོག་བྱེད་མུ་སྟེགས་སྟོན་པ་དྲུག།ཁྱོད་ཀྱི་རིག་པས་ཚར་བཅད་དེ་།ཐུབ་བསྟན་ དེ་ལས་མང་་་

འཇམ་དབྱངས་རྣམ་སྤྲུལ་འཇམ་དབྱངས་ལུང་བསྟན་པ།།འཇམ་དབྱངས་ཞལ་གཟིགས་འཇམ་དབྱངས་མངོན་སུམ་མཐོང་།།འཇམ་དབྱངས་ཞེས་གྲགས་འཇམ་དབྱངས་བླ་མ་མཆོག།འཇམ་དབྱངས་ས་པཎ་འཇམ་དབྱངས་ཁྱེད་ལ་འདུད།།སྤྱི་བོའི་གཙུག་ཏོར་མཆོག་ཏུ་མངོན་པར་འཕགས།།གསང་གནས་འཁོར་ལོ་ལྟ་བས་མི་མངོན་ཞིང་།།སྨིན་མཚམས་མཛོད་སྤུ་ཁ་བ་དུང་ལྟར་འཁྱིལ།།མཚན་དཔེ་རྒྱན་པའི་ས་སྐྱ་པཎ་ཆེན་རྒྱལ།།གང་གི་ཞབས་སེན་ཆེ་དགུ་བཀའ་གཙང་ལུང་།།རལ་པའི་ཐོར་ཅོག་རྩེ་མོར་དབང་བསྒྱུར་ཞེས།།གངས་ཅན་མཁས་ཀུན་ཚོམས་ནས་ལྷུན་ངེས་བརྗིད།།ས་ དེ་ལས་མང་་་

གཙུག་ལག་རིང་ལུགས་དཔལ་ལ་དབང་འབྱོར་བས།།ལུགས་གཉིས་སྨྲ་བ་སྟོང་གི་མཆོག་གྱུར་པ།།འགྲོ་བའི་སྨག་རུམ་སྟུག་པོ་སེལ་མཛད་པའི།།ཀུན་དགའ་རྒྱལ་མཚན་ཞབས་ལ་ལན་བརྒྱར་འདུད།།ལུང་དང་རིགས་པའི་སྡེར་ཕྲེང་རྣོན་པོ་ཡིས།།ཕལ་རྒོལ་ལག་ལྡན་སྟོང་གི་གློ་སྙིང་འགེམས།།དམ་ཆོས་སྒྲོན་མེས་ཡུལ་གྲུ་ཁྱབ་བྱེད་པའི།།སྨྲ་བའི་སེང་གེ་ཁྱེད་ལ་གུས་པས་འདུད།།ཁྱེད་ཐུགས་ཀུན་གསལ་ཡངས་པའི་མཁའ་ལམ་དུ།།དག་གཙང་དྲི་མེད་ལུང་རིགས་ཡོངས་འཁྲིགས་ཤིང་།།འཆད་རྩོད་དག་ལ་འགྲན་མེད་གདོང་ལྔ་བཞིན།།མ་ དེ་ལས་མང་་་