བཅད་རྩོམ།

སྟོང་བའི་སེམས་ཀྱི་ངོས་སུ་དབྱངས་ཀྱི་ལྷ།།
འཇའ་བཞིན་དཀར་དམར་མ་འདྲེས་གསལ་གྱུར་ན།།
སྙན་ངག་གླིང་བུའི་བུ་གར་དབུགས་ཀྱི་སྲོག།
ག་ལེར་བླུགས་ཏེ་འཁོར་བའི་ངལ་གསོ་འཐོབ།།
མཚན་དཔེ་སྡུ་གུར་བཀྲ་བའི་ལང་ཚོ་ཡིས།།
འགྲོ་བའི་ཡིད་སེམས་མདངས་འཕྲོག་ཚངས་སྲས་མ།།
སྟ་ཟུར་ཡོམ་པོར་བྱོན་ན་སྙན་ངག་པས།།
སེམས་པ་ལག་པས་བསྐྱོར་ཏེ་གླུ་དབྱངས་ལེན།
ཆོས་ཉིད་ནམ་མཁའ་འདྲ་བའི་གུར་ཁང་དུ།།
ལྷོ་སྤྲིན་དལ་གྱིས་ལྡིང་བའི་མདོག་ལྡན་མ།།
རྒྱལ་ཡུམ་ཟླ་བའི་སྲས་མོ་མཚོ་བྱུང་མ།།
ཡིད་ དེ་ལས་མང་་་

སེམས་པ་དབྱིངས་ཀྱི་མཐིལ་ལས་གསོང་གཏམ་སྦྲང་ཆར་བྱོ་ན།།
ཡིད་ཆེས་ནེའུ་གསུང་ཐང་དུ་ཚིག་གི་མེ་ཏོག་བཞད་ཆོག།
མྱི་སེམས་དུས་ཀྱི་འཕེལ་འགྲིབ་སྣ་ཚོགས་རླབས་ཀྱིས་བསྐྱོམས་རུང་།།
རང་གཤིས་རྡོ་རིང་བརླིང་པོ་གཡོ་མེད་བརྟན་པོར་སྒྲོབ་དགོས།།
ཐ་ཚིག་གཉི་ཟླ་ཁ་སྤྲོད་ཡིད་ཀྱི་མཐོངས་སུ་ཡོད་པས།།
ཉ་སྟོང་སྒྲ་ཅན་གཟའ་ཡིས་གནག་པས་བགྲོད་ལམ་མ་བཅད།།
མཛའ་གཅུགས་སྙིང་གི་མེ་ཏོག་ལྡུམ་ར་གཅིག་ནས་བཞད་པས།།
སྙིང་མེད་སྟོན་རླུང་བུ་མོས་རྫུ་དེས་སྐྱོར་འབྱིན་མ་གནོངས།།
ལོ་ཟླའི་པང་ནས་ དེ་ལས་མང་་་

ཕྱི་ཨ་གསར་གྱི་སྒྲུན་རྩོད་བྲེལ་མྱུར་ཆེ་ཞིང་།།
ནང་རྣམ་རྟོག་གི་ཉོན་མོངས་དྲག་ཏུ་ལྡང་རུང་།།
སེམས་རང་གཤིས་ཀྱི་ལྕགས་རི་བརྟན་པོར་གྱུར་ན།།
བྱ་ལད་མོ་ཡི་ཟློས་གར་འཁྲབ་དགོས་མེད་དོ།།
ཕྱི་ཟང་ཟིང་གི་དགྲ་ཉོན་བསླུ་འབྲིད་རྒོད་ཅིང་།།
ནང་ཀུན་རྟོག་གི་བཟེ་རེ་སྒུལ་ཤུགས་ཆེ་རུང་།།
སེམས་ཞི་གནས་ཀྱི་ཏིང་འཛིན་བསྐྱེད་པ་ནུས་ན།།
ལས་སྒྲུན་སེམས་ཀྱི་མཚོ་མོར་བརྒལ་དགོས་མེད་དོ།།
ཕྱི་དུས་རབས་ཀྱི་འཕོ་འགྱུར་རབ་ཏུ་སྐྱེན་ཞིང་།།
ནང་དགའ་སྐྱོ་ཡི་ཚོར་འདུ་ངེད་མེད་སྐྱོམ་རུང་།། དེ་ལས་མང་་་

དུས་འཕོ་འགྱུར་མཚར་བའི་སྙིགས་དུས་ཀྱི་པང་ནས།།
ནང་དྲན་རྟོག་བསླུ་བའི་འཆར་སྒོ་དེ་འབེལ་ཞིང་།།
ཞེ་ལྷོད་འཇགས་དཀྲུགས་པའི་བཟེ་རེ་དེ་མང་རུང་།
དོན་གཤིས་ལུགས་རྟོགས་པའི་ཆོག་ཤེས་ཀྱི་འོག་ནས།།
སེམས་གུ་ཡངས་བདེ་བས་ནང་སེམས་དེ་གསོ་དགོས།།
སེམས་ཕོག་ཐུག་སྐྱེན་བའི་དུས་རབས་ཀློང་ནས།།
ཤ་ཚ་བའི་གཏམ་ལ་སྤྱོ་ཚིག་གིས་སྡིགས་ཤིང་།།
སྙིང་ཉེ་བའི་ཚིག་ལ་འཁུ་འཕྲིག་གིས་གཤེ་རུང་།།
ཞེ་འགྱོད་མེད་བདེན་པའི་བཤུལ་ལམ་དུ་སྙེག་ནས།།
ནང་ཀུན་སློང་གཙང་མས་མི་ཚེ་དེ་བསྐྱལ་དགོས།། དེ་ལས་མང་་་

དུས་དང་གཞིས་ཀའི་བར་ལ། །
དབྱངས་ཀྱི་ཟམ་ཞིག་འཕངས་ཡོད། །
རྒྱལ་བ་ཚངས་དབྱངས་རྒྱ་མཚོ། །
ཟམ་སྣེ་བརྒྱུད་ནས་ཕེབས་ན། །
སྒེའུ་ཁུང་ལྷོ་རུ་བསྐོར་ཡོད། །
མིག་མཐའ་ཟིལ་བས་བརླན་ཡོད། །
ཇ་ཕོར་ནང་གི་རླངས་པར། །
ཡིག་འབྲུའི་གཤོག་པ་ཐོགས་ཤོག །
བྱ་བརྒྱས་གཤོག་རུ་བརྐྱངས་དུས། །
ཐང་དཀར་བྲག་ནས་ལུས་སོང་། །
བྲིས་པའི་ཡིག་ཆུང་ནག་རིལ། །
རི་གསུམ་རྩེ་རུ་བོབས་ཤོག །
རྨ་ཆུ་འབྲི་ཆུའི་འབྱུང་ཁུངས། །
ཕ་ཡུལ་གངས་ཅན་ལྗོངས་རེད། །
རླབས་ཀྱི་ཟེགས་མ་རེ་རེ། །
བོད་མིའི་སེམས་སུ་འཐིམས་ཡོད། །
བསིལ་ལྡན་ཁ་བའི་ དེ་ལས་མང་་་

ཀ་ཚོད་ཅིག་ལ་བདག་གི་སེམས་པ་འདི།།
ཁ་བ་ཅན་གྱི་སྙན་ངག་མཚོ་བྱུང་མར།།
ག་རེ་བྱས་ཏེ་དགའ་སོང་མི་དྲན་མོད།།
ང་རང་འདི་ལ་དང་བ་གཞན་ལ་མིན།།
ཅ་ཅོ་མེད་པར་གཅིག་པུར་སྡོད་ཁང་དུ།།
ཆ་ལག་ཡོངས་སུ་རྫོགས་པའི་སྙན་ངག་ལ།།
ཇ་ཡུན་ཙན་ལ་མྱོང་བའི་དུས་ལྡན་ན།།
ཉ་རེ་ཉོར་རེའི་སྦྱོད་པ་ཅིས་མི་དོར།།
ཏ་ལའི་ལོ་མ་ལྷབ་ལྷུབ་འཐོར་བ་ཡི།།
ཐ་མལ་སྟོན་ཁ་འདི་ལ་སྐྱོ་སྣང་གིས།།
ད་ལྟ་བཟི་དེ་སྡོད་པའི་མི་རྐྱང་ངས།། དེ་ལས་མང་་་

ཁྱོད་གདོང་མེ་ཏོག་ཀུ་མུ་དར།།
རླུང་གིས་རེག་པར་བདག་སེམས་འཁྲོ།།

མི་རྣམས་གཉིད་ལས་མ་སད་པས།།
བདག་ཡིད་སྐྱོ་བའི་ཟོམ་དུ་ལྷུང་།།

རི་དྭགས་སྐྱོ་བའི་གླུ་ཆུང་གིས།།
ཁྱོད་ཀྱི་ལག་པ་རློན་ནམ་ཅི།།

སྙན་ངག་ཁུར་བའི་སེམས་པ་འདིས།།
ཁྱོད་ཀྱི་ཕྱག་ནི་འཇུ་བར་བརྩོན།།
དགུན་རླུང་རེག་པས་མདངས་བརྐུས་པའི།།
བདག་ནི་ག་རེ་རྨི་ལམ་མན།།
མངོན་སུམ་འདི་ལ་ཁྱོད་དང་འཕྲད།།
ག་རེ་ག་རེ་བུ་མོ་ལགས།།
མིག་ཆུ་དེ་ཙམ་མ་གཏོང་རོགས།།
བདག་གི་སྙིམ་པའི་མེ་ཏོག་འདི།།
མ་བླངས དེ་ལས་མང་་་

རྗེས་ཆགས་ཟུར་མིག་གཡོ་བའི་དབྱངས་ཅན་མ།།
བདག་མགྲིན་དྲི་ཟའི་གླིང་བུ་ཁྱོད་ལ་འབུལ།།
སྙན་ངག་སྒྱ་འཕྲུལ་འདོད་འབྱུང་ཡིད་བཞིན་ནོར།།
འགྲོ་བའི་གདུང་བ་སེལ་ཕྱིར་གྱེར་གྱུར་ཅིག།

ངག་རིགས་རྒྱ་མཚོའི་ཀློང་དུ་དབྱངས་ཅན་མས།།
བརྩེ་བའི་ཟུར་མིག་གཡོ་བར་མ་བཟོད་ནས།།
མཁས་དང་གྲུབ་པའི་རྣལ་འབྱོར་གང་མང་གིས།།
བསྟོད་ཚོགས་ངག་གི་དོ་ཧ་འཐོར་ལ་ལྟོས།།

ཤར་རིའི་ཕྲག་པའི་སྟེང་དུ་ཉི་མ་ཡིས།།
འོད་ཟེར་ཐག་པ་དྲུད་ནས་ནུབ་ཏུ་བཞུད།།
བདག་སེམས་རྟོད་ཐག་བཅད་པའི་རྣམ་ཤེས་ནི།།
དབྱངས་ དེ་ལས་མང་་་

དྲུད་ནས་ཡོང་བའི་ཐག་པ་རིང་མོ།།
ཁུར་ནས་ཡོང་བའི་རྨི་ལམ་ལྗང་ཁུ།།
རླུང་དང་གྲིབ་མའི་ཁ་དོག་འདྲ་བ།།
ལོ་ཟླ་ཡིན་པའི་གཏན་ཚིགས་ཡིན་ན།།
མུན་པ་སྟུག་པའི་སྡོང་བོའི་འཁྲིས་ཀྱི།།
ཉི་མ་འདྲ་བའི་འོད་ཟེར་དེ་ལ།།
ལག་པས་རེག་དུས་ཨ་ཅང་བསིལ་བ།།
འཁྲུལ་སྣང་མིན་པའི་གནས་ལུགས་མ་རྙེད།།
སྟོན་ནམ་ཚེས་པའི་བརྡ་གླུ་སིང་སིང་།།
འཇའ་ཚོན་ཁུད་ཀྱི་མེ་ཏོག་ཐར་ཐོར།།
སྐད་ཅིག་ཅིག་གི་ཕྱི་ནང་འདྲ་བ།།
འཇིག་རྟེན་སྲིད་པའི་གཟུགས་བརྙན་ཡིན་ན།།
རྩྭ་ཟིལ་སྒུལ་བའི་ དེ་ལས་མང་་་

མཚན་མོ་དེ་སྐར་ཚོགས་ཀྱི་འདུ་འགོད་ལངས་དུས།
ཁྱེད་ཀྱི་ཡིད་ཆེས་དེ་ཅི་འདྲའི་མཛའ་ཨང་།

མཚན་མོ་དེ་ཆུ་བོ་སྔ་ལྟར་བཞུར་དུས།
ཁྱེད་ཀྱིས་མ་འོངས་པའི་མྱུ་གུ་མགོ་ལྕོག་ལྡེམ་པར་མཐོང་།

མཚན་མོ་ཧ་ཅང་ལྷིང་འཇགས་ངང་བཞུགས་དུས།
ཁྱེད་ཀྱི་ནམ་མཁའ་མག་མོག་ཏུ་གྱུར།

དུས་ཚོད་ཀྱི་ཚག་སྒྲ་བར་མེད་དུ་སྒྲོག་དུས།
ཁེར་རྐྱང་གི་མིག་ཟུང་ཅི་འདྲའི་སྙིང་རྗེ་བ་ཞིག་མིན།

ལུས་སེམས་བྲེལ་ཟིང་གིས་ཁེངས་དུས།
རྨི་ལམ་གྱི་གཞིས་སུ་འཁོར་བའི།
བྱིས་བཙས་ཀྱི་སྟ་གོན་ཁེར་རྐྱང་ དེ་ལས་མང་་་

རླང་བུ་དང་སྨུག་ཞག་གིས་རི་བོ་སྒུལ་དུས།
ཁྱོད་རང་སྔར་བཞིན་ཕ་ཡུལ་ལ་དུངས།

རི་སྒང་གི་དར་ལྕོག་དང་རྒོད་པོ་དག་གིས་ཀྱང་།
དགུན་ལྗོངས་འདིར།
ཁྱོད་རང་ཕ་ཡུལ་ལ་ལོག་པ་མཐོང་།

ཞོགས་པའི་སྐྱ་རེངས་ཁྲོད།
རི་ཚོགས་ཀྱིས་མཛའ་གཞས་སྙན་མོ་ཞིག་བཏང་ནས།
ཁྱོད་རང་ཕ་ཡུལ་ལ་བསུས།
འཁྱག་རོམ་དང་རླུང་འཚུབ་རྒོད་དུས།
ས་གཞི་སྐྱ་བོར་གྱུར།
ཁྱོད་ཀྱི་སེམས་སུ།
ཕ་ཡུལ་ཉི་ཟེར་དང་དྲོད་ཁོལ་གྱི་པང་ན་ཡོད།

ལོ་ཟླ་བཞུད་སོང་།
ཆུ་བོ་བཞུར་སོང་།
དགུན་གཞུང་འདི།
སྔར་ དེ་ལས་མང་་་

བྱིའུ་གཉིས
ནམ་མཁའ་གཅིག་གི་ནང་དུ་འཕུར
བར་སྣང་གི་སྟོང་ཆ་སོམ་ཉི་ཡི་དྲ་བས་ཁེངས
༢
རྟ་ཕོའི་འཚེར་སྐད་གཅིག་གིས
གཉིད་དུ་ཡུར་བའི་རྣམ་ཤེས་ཁྲི་ཕྲག
རྡོ་བ་འཁྱག་པོའི་སྟེང་དུ་སྦྱར
༣
སྡུག་ཡུས་མེད་པའི་རྒོད་པོ
ས་སྟེང་ན་རྐང་རྗེས་མེད་པའི་རྒོད་པོ
གཤོག་སྒྲོའི་བར་ནས་རྔུལ་ནག་ཕྲོམ་ཕྲོམ་དུ་བབས
༤
སྤྱང་ལྟོགས་དག་ཀྱང
ཁྲག་གིས་འགྲངས་བའི་སེངྒེ་རུ་གྱུར་འདུག་ན
སེངྒེ་ཅི་ཞིག་ལ་གྱུར་ཡོད་དམ
༥
ཕ་ཡུལ་ཟེར་བའི་ཆ་ཡོད་དེ
རྒྱུས་མེད་ཀྱི་ དེ་ལས་མང་་་

ལྷ་མོའི་མེ་ལོང་བཞིན་དྭངས་པའི་མཚོ་ངོགས་སུ
མཐིང་མདོག་གི་ནམ་མཁའ་དང་སྤྲིན་དཀར
ཕོ་བྲང་གི་གསེར་ཏོག་དང་ཁང་མིག་རེ་རེ
བསིལ་འཇམ་གྱི་རླུང་བུ་དང་འགྲོགས་ནས་འགུལ་གྱིན་འདུག
མི་ཚོགས་ཀྱི་ཁ་རླངས་འཐུལ་བའི་བར་སྐོར
སྐད་གདངས་མི་གཅིག་པའི་འགྲུལ་བ་དེ་དག
པར་ཆས་ཀྱི་སྣེ་མོ་རུ་མཛེས་སྡུག་འཚོལ་གྱིན་འདུག
ཚ་གདུགས་ཀྱིས་གདུང་བའི་བར་སྐོར་དུ
བོད་ལྭ་གྱོན་མཁན་ནི་བོད་པ་མིན་ལ
མ་ཎི་འཛིན་མཁན་ཡང་དད་པས་མིན
ཇོ་བོའི་འཛུམ་མདངས་དང་བཞུགས་ཁྲིར་ དེ་ལས་མང་་་

ན་མོ་གུ་རུ་བཛྲ་ཡོ་གཱི་ནཱི་ཡེ། ཐབས་མཆོག་བདེ་ཆེན་ལྷན་སྐྱེས་དཔའ་བོ་མཆོག །སྟོང་ཆེན་ཤེས་རབ་དབྱིངས་དང་མཉམ་སྦྱོར་བའི།།འཁོར་ལོའི་མགོན་པོ་ཧེ་རུ་ཀཿ་དཔལ་དང་།།དབྱེར་མེད་དྲིན་ཅན་བླ་མས་འབྲལ་མེད་སྐྱོངས།།རྗེས་ཆགས་ཉམས་བརྒྱའི་རོལ་པ་སྣ་ཚོགས་ཀྱིས།།བདེ་སྟོང་ལྷན་སྐྱེས་དགའ་བ་མཆོག་སྩོལ་བའི།། དེ་ལས་མང་་་

ང་ནི་ཁྱེད་ཉིད་ལ་དགའ་ཡང
ཁྱེད་ནི་གཞོན་ནུ་མས་བཏང་བའི་ཤོག་བྱ་ལ་དགའ
ཤོག་བྱ་ནི་སྐུད་པ་རིང་པོ་དང་མེ་ཏོག་སྣ་མང་ལ་དགའ་སོང
ཁྱེད་རང་བོང་བུ་ལ་དགའ་དུས
མེ་ཏོག་གི་སྐྱེད་ཚལ་འབྲི་ཤེས་པའི་རི་མོ་པ་ཞིག་ཡིན
ཁྱེད་རང་རྟ་མཆོག་ལ་དགའ་དུས
མྱ་ངམ་གྱི་ཐང་སྟོང་ན་ལུས་པའི་གླུ་པ་ཞིག་ཡིན
མེ་ཏོག་གིས་དབེན་པའི་རི་ཁྲོད་ནས་ཆུ་ཡི་ཟིལ་པ་འཐུང་བཞིན
ཁུ་སིམ་གྱི་མཚན་མོར་རང་སེམས་བྲན་དུ་བཀོལ་ཤེས
འུར་ཟིང་གི་ དེ་ལས་མང་་་