བཅད་རྩོམ།

མཛེས་པའི་ཨུ་དཔལ་ལང་ཚོ་དཔྱིད་ཀྱི་དཔལ། །
སྙན་གསུང་ཁུ་བྱུག་ངག་གི་ཟླ་བྲལ་བ། །
སྐྱེ་དགུའི་ཚོགས་རྣམས་འགུག་པའི་ཡིད་དབང་མ། །
མཚོ་བྱུང་ངག་གི་དབང་ཕྱུག་དབྱངས་ཅན་མས། །
ད་དུང་བདག་ལ་ངག་གི་དབང་ཕྱུག་སྩོལ། །

མ་བཅོས་སྒེག་གི་མཛེས་སྡུག་མཆོག་མངལ་བས། །
ཚིག་གསུམ་ལབ་སའི་བརྩེ་བའི་བདག་མོ་འདོད།
ཁྱེད་ཀྱི་འཇིག་རྟེན་འཁོར་བའི་གྲུ་ཆུང་ན། །
ཁོ་བོ་བསྡད་སའི་གནས་ཚང་ཨེ་ཡོད་ལགས། །

ཁྱེད་ལ་ལྟས་ན་ཡོད་ཚད་མཛེས་པ་དང་། །
ཁྱེད་ལ་ཉན་ན་ཡོད་ཚད་སྙན་པར་སྣང་། ། དེ་ལས་མང་་་

ལྟས་ན་མཛེས་མཛེས་འདྲ་ཡི་ངོ་གདོང་གི་འཛུམ་ཆུང་། །
ཉན་ན་སྙན་སྙན་ངག་གི་དབྱངས་རྟ་ཡི་གད་རྒྱངས་། །
ཡིད་སེམས་ཞེ་མཐུན་ཆགས་སའི་སྙིང་སྡུག་གི་སྒེག་མ། །
མ་བཅོས་མཛེས་པའི་རང་མདངས་ཅི་འདྲ་ཞིག་མཛེས་ཨང་། །

དྲན་ན་ཉིན་ཞག་འགའ་ཡི་དྲན་སྡུག་གི་གཞི་མ། །
དགའ་ན་རྨི་ལམ་འགའ་ཡི་འཁྲུལ་སྣང་གི་མི་སྣ། །
དུང་ན་ཡིད་སེམས་ཞེན་པའི་སྙིང་སྡུག་གི་དགའ་མ། །
མ་བཅོས་ཚིག་གསུམ་འགའ་ཡི་བརྗོད་བྱ་ཞིག་ལོས་ཡིན། །

དྲན་འཕྲིན་སྤྲིན་ལ་སྐུར་ནས་འཕྲིན་ལན་ལ་སྒུག་མྱོང་། ། དེ་ལས་མང་་་

རི་བོ་མཐོ་ས་ན།
གྲང་རླུང་ཆེ་ས་ན།
ངའི་བླ་ཚེ་སྲོག་གསུམ་གྱི་བདག་པོ་མཐོ་སྒང་ཨ།

ཁྱོད་ཀྱིས་ཁོ་ར་ཁོར་ཡུག་ན་རྣམ་ཤེས་ཁྲི་ཕྲག
བྱ་རྒྱལ་རྒོད་པོ་བཞིན་མཁའ་དབྱིངས་སུ་ཅི་ཚད་ལྡིང་མྱོང་།
ལྷོ་མཐའི་ཉི་མ་བཞིན་དུ་དྭངས་གསལ་གྱི་མཚོ་མོའི་ངོགས་ནས།
འོད་ཟེར་ནས་འོད་ཟེར་ཅི་ཙམ་འཕྲོ་ཡོད།

རྒོད་པོ་འཕུར་ཟིན།
ངས་གཤོག་པ་རྐྱོང་སྟེ་ཨ་སྔོན་དབྱིངས་སུ་འཕུར་འདོད་ཧ་ཅང་ཆེ།
འཕུར་ཡང་འཕུར་ས་ནམ་མཁའི་སྐར་མའི་འོག་ན།
ཉི་ཟླ་བཞིན་མཐོ་མ་སོང་།
དེ་ལས་མང་་་

མ་བཅོས་སྒེག་དང་མཛེས་སྡུག་མཆོག་མངལ་བའི། །
ཚིག་དང་དབྱངས་ཀྱི་སྙན་བའི་བང་མཛོད་མ། །
གན་མིན་འདི་མིན་བརྗོད་བྱ་ཟླ་བྲལ་བ། །
དབྱངས་ཕྱུག་ལྷ་མོས་ངག་གི་མཆོད་དབྱངས་བསྩོལ། །

དབྱར་གསུམ་ཟླ་བའི་ཁྲོད་ན་མི་མཆིས་པའི། །
དགུན་ཟླའི་གངས་དཀར་ཁྲོད་ན་མི་བཞུགས་པའི། །
དཀར་མཛེས་ལང་ཚོ་སྨིན་པའི་འདོད་འགུག་མ། །
དབྱངས་ཅན་ལྷ་མོ་བཙལ་ཡང་བརྙེད་མ་བྱུང་། །

དཔྱིད་དཔལ་བཅུ་དྲུག་ལང་ཚོ་མ་ཡིན་ལ། །
སྟོན་དུས་ནགས་ཁྲོད་མཛེས་བའི་གླིང་ན་མེད། །
འཁོར་བའི་གྲོང་ན་འདི་ཡིན་གན་ཡིན་མེད། ། དེ་ལས་མང་་་

མི་ཚེ་དབྱངས་ལ་ཆགས་པའི་ནང་རོལ་ནས། །
འཁོར་བའི་སྒྲུང་ལ་དབྱངས་ཀྱི་གབ་ཚིག་བཞག །
ཚིག་གི་མགུར་མའི་དབྱངས་རྟ་མ་བརྙེད་བར། །
དབང་ཕྱུག་ལྷ་མོས་དངོས་གྲུབ་སྩོལ་ཅིག་ཀྱེ། །

སྐྱིད་སྡུག་རེས་མོ་འཁོར་བའི་ཡུལ་གྲུ་ནས། །
ཞེ་མཐུན་དབྱངས་ལ་ཆགས་པའི་ཐོར་བུ་ངས། །
ཚངས་དབྱངས་ལྷ་མོས་བྱིན་རླབས་མ་བསྩོལ་བར། །
དབྱངས་ཚིག་རོལ་མོའི་གད་རྒྱངས་ལྷོད་སྲོལ་མེད། །

མཛེས་པའི་དྲི་ཞིམ་འཐུལ་སའི་ལྡུམ་རར་ཏུ། །
སྙན་ཚིག་དབྱངས་ཀྱི་རྒྱལ་པོ་ཕྲད་པར་སྣང་། །
ཁེར་རྐྱང་ཆང་ལ་རོལ་བའི་བཟི་ཁའི་ཁྲོད། ། དེ་ལས་མང་་་

དབྱངས་ཞི་བ། སི་ཁྲོན།

གལ་སྲིད ལྷ་དང་ཀླུ་ཟེར་བ་ཞིག་ཡོད་ན
ང་ཚོས་མཐོང་ཆོག་ཆོག་ཡིན་མོད
ཡིན་ཡང གོ་ཐོས་ལས་ཅི་ཡང་མ་བྱུང
འདི་དག་ནི་སེམས་ཀྱི་འཛིན་ཚུལ་ཙམ་ཡིན་པར་སྣང

གལ་སྲིད ང་ཚོས་མཐོང་ན
ཁོ་ཚོ་ལ་དམིགས་གསལ་གྱི་ཆེད་བ་ཡོད་དམ
གནའ་མི་ཚོས་བཤད་པ་ལྟར
བལྟ་བའི་ཆོག་མི་ཤེས་པ་ཡིན་ནམ
རྫུ་འཕྲུལ་ཐོག་པ་མེད་ལ
གཟུགས་དེ་མཁའ་དབྱིངས་དྭངས་མ་ཞིག་དང་མཚུང་ངམ
མཛེས་སྡུག་ཡིད་དུ་འོང་ལ
སྐད་ངག་སྙན་འགྱུར་གསོན་པོ་ཞིག་ཡིན་ནམ དེ་ལས་མང་་་

གནས་ཆེན་པོ་དབེན་གནས་ཆོས་སྒར་ནས། །
ཆོས་འཆད་གསུམ་སྟོང་ཉིད་མ་མཁྱེན་པར། །
འཛུམ་དམུལ་དམུལ་ལྷ་ཁང་སྐོར་ལམ་གྱི། །
གཟུགས་ལུང་ཚོ་དབྱར་གྱི་འཇའ་ཚོན་ཅན། །

གྲོང་རྒྱ་གྲོང་དཀྱིལ་གྱི་ཉམས་ལྡན་མ། །
ཡིད་བཏད་སོ་ནོར་མིན་མི་ཤེས་ཀྱང་། །
ཐུགས་མ་གཡེང་འཁོར་བའི་གཞི་གནས་རེད། །
ནགས་རི་ཁྲོད་གཅིག་ནས་དྲན་གྱིན་འདུག །

མཐོང་མ་མཐོང་བར་གྱི་མིག་ལམ་ནས། །
རླུང་འཚུབ་མ་ཞིག་གིས་བསུ་མ་བྱས། །
ཁྱོས་པདྨའི་ཚལ་དུ་ཁྲིད་ནས་ཐལ། །
ཉིན་མཚན་དབྱེར་མེད། འཁོར་བ་མཐའ་མེད། དེ་ལས་མང་་་

ལེགས་ཚོགས་ཆོས་ཀྱི་སྒོ་མོ་རབ་འབྱེད་ཅིང་། །
ཆོས་ཕུང་བརྒྱད་ཁྲིའི་སྟོན་མོ་རབ་སྟོན་པའི། །
ས་སྟེང་འགྲོ་བའི་མགོན་པོ་མི་ཡི་སེང་། །
སྟོན་མཆོག་ཐུབ་དབང་གང་དེས་ཤིས་པ་སྩོལ། །

ཕ་དང་མ་མེད་རང་བྱུང་ཀློང་ནས་འཁྲུངས། །
སྔགས་ཀྱི་ལྟ་གྲུབ་ཉི་མིའི་འོད་དང་འདྲེས། །
དུས་གསུམ་མཁྱེན་པའི་སྤྱན་རས་རབ་ཡངས་པའི། །
མ་ཧཱ་གུ་རུས་ཤིས་ཚིག་སིལ་མ་འཐོར། །

གནམ་སྔོན་འཇའ་སྤྲིན་གང་བའི་དཀྱིལ་འཁོར་དུ། །
དྲི་མེད་ཉིན་བྱེད་དབང་པོས་འཇིག་རྟེན་དུ། །
འཇའ་གུར་འཁོར་ལོ་རྩེ་དགུའི་གདུགས་དཀར་མཛེས། ། དེ་ལས་མང་་་

ཚང་ཚིང་ནགས་ཀྱི་རྒྱ་རྫོང་ཀློང་གི་རི་གསུམ་དབུས་ཀྱི་ལྷ་སྡེ་དེར། །
ཆོས་ཚོགས་ཁྲོམ་པ་དགུན་གྱི་དུས་ན་རང་ཡུལ་སྐྱ་སེར་འཛོམས་དུས་ཤིག །
ལུས་གོས་དམར་སེར་ཆ་ལུགས་འཛིན་ཞིང་འདུས་པའི་མཐོངས་སུ་རྒྱུ་བའི་ཚེ། །
རས་གཟན་འོག་ནས་མིག་ཟུང་ལྡེམ་པས་ཁྲོམ་པའི་དཀྱིལ་ནས་ཁྱོད་རང་མཐོང་། །

མཐོང་བའི་མོད་ལ་སེམས་པ་ཁེངས་ནས་འདུས་པའི་དབུས་ནས་ཁྱོད་ཉིད་ཙམ། །
འཚོལ་འདོད་བྱུང་བས་མིག་ཟུང་ཁྲ་ཆུང་བྲེལ་འཚུབ་ངང་དུ་ཁྱོད་ཙམ་ཅེར། །
དྲན་པའི་དབྱིངས་སུ་ཁྱོད་རང་ལྷག་ནས་ཏིང་ངེ་ དེ་ལས་མང་་་

བཅོས་མིན་རྨི་ལམ་གཙང་མའི་རེ་ཁ་མཛེས། །
དྲི་མེད་ཁ་བཏགས་དཀར་པོར་པིར་གྱིས་བྲིས། །
སྙིང་གི་ཡོལ་གོ་དབུས་ཀྱི་ཁྱེད་ཅག་མདུན། །
དུས་གཏན་ནང་སེམས་སྨོན་ལམ་ཆད་མེད་ཡོད། །

སེམས་ཀྱི་ཀུན་གསལ་མེ་ལོང་གཙང་ས་རུ། །
བདེ་སྐྱིད་སྐྱ་རེངས་གསར་བའི་འོད་སྣང་གིས། །
སྨྲེང་བའི་སྐྱོ་གདུང་རི་སུལ་མུན་བསལ་ནས། །
དགའ་སྤྲོའི་འཚོ་བའི་པད་དཀར་ལེགས་སྨིན་ཤོག །

གངས་དཀར་སྟར་ཕྲེང་མཛེས་པའི་ཡུལ་གྲུ་ན། །
གངས་ནོར་དབྱངས་གསལ་བསྟན་པ་དར་རྒྱས་ཏེ། །
གངས་ཕྲུག་གཞོན་ནུའི་ལྗགས་ཀྱི་རྩེ་མོ་ནས། ། དེ་ལས་མང་་་

ལས་ཐོད་པའི་རི་མོ་རིམ་གྱིས་ཡལ།།
རྐྱེན་སྣ་མ་སྣ་ཚོགས་གདོང་དུ་བབས།།
ནང་སེམས་ཀྱི་གཤོག་པ་རླུང་གིས་སྤུར།།
ཚེ་ལྷག་མའི་གཞུང་ལ་མུན་པ་ཚེས།།
མགོན་ཐུབ་པའི་གསུང་རབ་རིན་པོ་ཆེ།།
རྗེ་རྒྱལ་བའི་གླེགས་བམ་མུ་ཏིག་དཀར།།
མིག་ཁྲ་ཆུང་ཟུང་གིས་མཇལ་སྐལ་དབེན།།
ལུས་ལང་ཚོའི་མེ་ཏོག་མཛེས་སྡུག་རྙིད།།
ལོ་ན་ཚོད་གཞོན་པའི་དུས་ལས་ཡོལ།།
དཔྲལ་སྨིན་མའི་ཟུར་དུ་གཉེར་རིས་ལྷུང་།།
བློ་རྣམ་དཔྱོད་རྩལ་གྱི་ཞལ་ཁ་རུབ།།
ཤེས་ཡོན་ཏན་སློབ་པའི་སྐྱེད་ཚལ་དུ།།
གནས་བཅུ་ཕྲག་རིག་པའི་གླིང་ག་རུ།། དེ་ལས་མང་་་

སྲིད་གསུམ་འགྲན་པའི་ཟླ་བྲལ་མཁས་པའི་ཕུལ། །
མདོ་སྔགས་ཆོས་ཚུལ་རབ་དགོངས་པཎ་གྲུབ་སྟེ། །
མཚན་སྙན་ཉི་ཟླའི་དཀྱིལ་འཁོར་རབ་གྲོལ་བའི། །
དཔལ་ལྡན་བླ་མ་ཁྱེད་ཀྱིས་བདག་ཡིད་སྐྱོངས། །

འཁོར་འདས་ཆོས་ཀྱི་ཟབ་གནད་ཐུགས་སུ་ཤར། །
བརྩེ་ཆེན་བྱམས་པའི་ཞལ་རས་ཤེལ་དུ་དཀར། །
ཕན་བདེའི་དགེ་ལེགས་བསྐྲུན་པའི་རྒྱལ་ཚབ་དེ། །
སླར་ཡང་སྲིད་འདིར་འབྱོན་པ་རེ་སྨོན་ཆེ། །

གོང་མས་ལུང་གིས་རབ་ཟིན་བསྟན་འཛིན་བུ། །
རྒྱལ་ཀུན་དགོངས་པའི་ཀློང་རྡོལ་ཤེས་རབ་ཅན། །
ཟབ་རྒྱས་ཆོས་ཀྱི་ལྟ་དགོངས་འགྲན་ཟླ་བྲལ། ། དེ་ལས་མང་་་

མེ་ཏོག་དཀར་དམར་བཞད་པའི་དབྱར་དུས་ལ། །
སྤྲིན་པ་རླུང་གིས་བསྐྱོད་པའི་ནམ་ཟླའི་འོག །
རྫི་གླུ་ངག་གིས་ཕྱུག་པའི་འབྲོག་ཐང་གི །
བརྩེ་བའི་ཟུར་མིག་མདའ་མོས་སྙིང་ཕུག་པའི། །
འབྲོག་གི་བུ་མོ་སེམས་ཀྱི་ལྷ་མོ་ལགས། །
སྙིང་གི་ཕྱེད་ཀ་ཡིན། བརྩེ་བའི་སྐྱ་ཡ་ཡིན།
ཚེ་ཡི་གཅེས་ནོར་ཡིན། འཛུམ་པའི་མེ་ཏོག་ལྷ་མོ།

སྦྲ་ནག་གཞིས་ཁྱིམ་དྲོད་མོའི་ཐབ་རྒྱུད་ཀྱི། །
འཛུམ་མདངས་ལྡན་ལེ་སོ་ཕྲེང་དཀར་མདངས་ཅན། །
ཞལ་རས་དྭངས་ལ་ཁུར་མཚོན་དམར་པོའི་མདངས་། །
དུང་སེམས་གཙང་ལེ་ཡ་ཆུང་སྙིང་གི་དཀྱིལ། ། དེ་ལས་མང་་་

ངུར་སྨྲིག་མཚན་དཔེ་ཤར་བའི་གངས་ཀྱི་ལྗོངས། །
ལུང་རིགས་འཇིགས་མེད་སྨྲ་བའི་ལྡིང་ཁང་ཞིག །
བསླབ་གསུམ་དམར་སེར་འདུས་པའི་མཆེད་གྲོགས་དང་། །
ཡང་དག་བསྟན་ལ་རེག་འདི་སྐལ་བ་བཟང་། །

འདྲེན་མཆོག་མི་ཡི་སེངྒེ་ཐུབ་དབང་གིས། །
ཐུགས་སྨོན་ཡང་ཡང་བཏགས་པའི་དགེ་ཚོགས་ལས། །
ས་སྟེང་དམར་སེར་བཞད་པའི་རབ་བྱུང་ཁྱུ། །
མཇལ་བའི་སྐལ་བཟང་ཤར་འདི་ངོ་མཚར་ཆེ། །

དགེ་བྱས་འབུམ་ཕྲག་བསགས་པའི་སྐལ་བཟང་གིས། །
བསྟན་འཛིན་ཕུ་ནུ་འདུ་བའི་རབ་བྱུང་གྲལ། །
ཉི་ཤུའི་ལང་ཚོ་དར་བའི་གཞོན་གྱི་དུས། །
དམན་ཆུང་བདག་ཀྱང་འཁོད་པར་བསོད་ནམས་ཆེ། ། དེ་ལས་མང་་་

སྙན་ངག་རྒྱ་མཚོའི་དཀྱིལ་ལ། །
གསར་སྐྱེས་འཛུམ་པའི་ལང་ཚོ། །
མཚོ་བྱང་ཚངས་པའི་བུ་མོ། །
དབྱངས་ཅན་མ་དེ་འཚོལ་ཨང་། །

སྤྲིན་དཀར་ཆུ་འཛིན་ཕོན་པོའི། །
ཀུན་གསལ་བུ་མོའི་ངོགས་སུ། །
དབྱངས་ཀྱི་ཆར་བ་ཕབ་དུས། །
ཟླ་བའི་སྲིང་མོར་འདྲ་བྱུང་། །

ཟླ་བའི་འཛུམ་དཀར་བཞད་དུས། །
དབྱངས་ཅན་ལྷ་མོའི་ཞལ་བཞིན། །
བརྩེ་བའི་ཕ་རོལ་བརྒལ་ནས། །
ལུས་ལ་བསིལ་དྲོད་སྣུན་བྱུང་། །

མེ་ཏོག་སྣ་བརྒྱའི་ཐང་གི །
མཛེས་པ་ཨུཏྤལ་འདབ་མ། །
དངོས་སུ་མཐོང་བ་མེད་ཀྱང་། །
དྲི་ཞིམ་སྣ་ལ་འཁོར་ཡོང་། །

རྒྱང་རིང་ཡུལ་དུ་མ་བཞུགས། ། དེ་ལས་མང་་་