དགེ་གྲྭ་རྒྱལ། རྫ་ཆུ་ཁ།
བརྩེ་མདངས་གཞན་ལ་ཆགས་ནོ་མི་བརྗེད་གི །
དམ་བཅའ་རྡོ་ལ་རྒྱབ་ནོ་མི་སྡང་གི།
བྲལ་ནས་ལོ་དང་ཟླ་པའི་བར་ཁྲོད་ནས། །
བརྩེ་སེམས་ད་རུང་འགྱུར་མེད་ཁྱོའི་ཕྱོགས་ཡོད། །
མི་དགའ་ཞེས་ཅིང་དུང་པའི་སྟེང་ལ་ཕྱོགས། །
མི་མཐུན་ཟེར་ཡང་བརྩེ་པའི་འདུན་མ་ཕྱོགས། །
དགའ་བཞིན་དགའ་བཞིན་སྒུག་པའི་མི་ཚེ་རྒུད། །
མི་ཚེའི་སྙིང་པོ་ད་རུང་མེད་པར་འདྲ། །
མཛེས་བཞིན་མཛེས་བཞིན་བཙོག་པའི་སྟེང་ལ་ཐོན། །
མཐུན་བཞིན་མཐུན་བཞིན་བརྩེ་བའི་རེ་ཐག་ཆད། །
བཤད་ཀྱང་ཡིད་ཆེས་སེམས་ལ་མ་བཞག་པས། །
དགའ་རུང་ཐོབ་པའི་འབྲས་བུ་ཅི་ཞིག་སྨིན། །
རབ་དཀར་ཁ་བའི་རང་མདངས་ཆེ་བརྗིད་རེད། །
མ་བཅོས་འཛུམ་གདོང་པད་དཀར་ཇེ་དྲན། །
ཁུ་བྱུག་དབྱར་གྱི་གསུངས་སྙན་སྒྲོག་སྟེང་ན། །
འཛངས་མའི་ཚིག་འཇམ་ངག་དེ་ལྷག་ཏུ་དྲན། །
དཔྱད་གཏམ་སྤེལ་མཁན་ལ་གསལ་བརྡ།