རྩོམ་སྒྲིག་པ་ཕར་ནང་ཚང་། དཀོན་མཆོག་དར་རྒྱས། ལགས་ཀྱི་རྩོམ་ཡོངས།

མྱ་ངམ་ཐང་གི་སྲིད་པའི་འཁོར་བ་ན།།
སྨིག་རྒྱུའི་སྣང་བའི་འདོད་སྲེད་མ་འགེངས་པར།།
ཆར་ཆེན་འབེལ་པོའི་ལྷུམས་སུ་ཞུགས་དོན་ནི།།
དཔྱིད་ཀྱི་དཔལ་ཡོན་གཟུགས་ལྔའི་རྟེན་གཞི་དེ།།
ཚང་ཚང་ལྗོན་སྐྱེས་འགྲོ་བ་བདེ་ཕྱོགས་བསྐྱལ།།
འཛམ་གླིང་པ་རྣམས་ཚེ་ལོ་བརྒྱ་པའི་དུས།།
སླད་བྲལ་ཡུལ་དབུས་སེར་སྐྱའི་གྲོང་པ་དང་།།
འཛམ་གླིང་རྒྱལ་རིགས་བཀུར་བཞིན་ཡོད་པ་དེས།།
རིགས་ནི་ཁྱད་འཕགས་མ་གཱའི་རྒྱལ་རིགས་མཐོང་།།
མང་པོས་བཀུར་ཕྱིར་ཤཱཀྱའི་རྒྱལ་རྒྱུད་དང་།།
ཡོན་ཏན་སོ་བཞི་དང་ལྡན་བུད་མེད་ནི།།
ཡུམ་ཆེན་ དེ་ལས་མང་་་

ཕོ་བྲང་དཀར་དམར་ཀུན་དགའ་ར་བར་ཤེས་བྱའི་མཁའ་དབུགས་བར་མེད་ལྡང་།
སྐད་ཅིག་ཙམ་གྱིས་རྣམ་གཡེང་ཡལ་ཏེ་བརྩོན་འགྲུས་རྟ་ཕོའི་གཤོག་རྩལ་ངར།
བཅུད་ལྡན་སློབ་གསོའི་བདུད་རྩི་བབས་ཏེ་མ་རིག་རྒྱུད་ཀྱི་མུན་པ་བསལ།
སྣ་མང་རིག་གཞུང་འདི་ནས་མཇལ་ཏེ་འཇིག་རྟེན་ལྟད་མོ་མིག་གིས་མཐོང་།
འཆད་རྩོད་རྩོམ་གྱི་གློག་ཞགས་མྱུར་ཏེ་རིག་པའི་བློ་སྒོ་འདི་ནས་ཕྱེས།
དྲི་བྲལ་མ་བཅོས་སྤྱོད་ལམ་གཙང་མ་རང་བཞིན་ཤུགས་ཀྱིས་རྒྱུད་ལ་གོམས།
གླུ་གར་ཕྲེང་བའི་རྦ་རླབས་འཕྱུར་ཏེ་ཁྱད་འཕགས་ དེ་ལས་མང་་་

ཁྱེད་ཀྱིས་མུན་པ་བསུག་སྟེ་རྒྱང་དུ་བྱོན། །
ལམ་བུ་དག་ནི་ལྷག་ཏུ་དཀའ་བར་སྣང་། །
མིག་གཉིས་ཁྱོད་ཀྱི་དྲུང་དུ་འཆོར་བ་དེ། །
སྣང་ངོར་ལ་ཡང་ལུས་ཀྱི་འབྲས་བུ་ཉིད། །
ལས་ཀྱི་རྒྱུ་ཆ་ཁྱོད་ཀྱི་འཁོར་ཚོགས་ཀྱིས། །
ཡིད་ཀྱི་འོབས་སུ་རྟེན་འབྲེལ་རི་མོ་བྲིས། །
དེ་ཡང་ཚུལ་འཆོས་ཞིག་གི་གྲུབ་ཆ་དང་། །
བློ་ནི་བསུག་པའི་དོལ་བུ་ལས་གཞན་ཅི། །
གང་གི་གསེར་གྱི་ཐུགས་ཀྱི་པད་རྫིང་དུ། །
སྣ་ཚོགས་མེ་ཏོག་མང་བ་འཕོས་པ་དང་། །
ཞེན་ཆཊ་ཡེ་ནས་ཆོད་པའི་ཡུལ་གྲི་དེར། ། དེ་ལས་མང་་་

གློ་བུར་གཏམ་འཆལ་ཞིག་གིས་སྙིང་ཆུང་བརླན།།
ལོང་གཏམ་སྐད་བརྡ་ཞིག་གིས་སེམས་པ་གཟན།།
འོན་ཀྱང་སྐྱེས་འཆི་འཁོར་བའི་མཚན་ཉིད་དྲན།།
གྱོང་གུད་ཞིག་གི་དཀྱིལ་འཁོར་སེམས་སུ་འཆར།།
ཕམ་སེམས་སྙིང་ལ་བཅོལ་ནས་ཚིག་འདི་བྲིས།།
འཆད་པའི་གཟི་བྱིན་གངས་རི་ལྗོངས་སུ་འབར།།
རྩོད་པའི་རིག་ལམ་ས་དགེ་བཀའ་རྙིང་གྲགས།།
རྩོམ་པའི་ལེཊ་བཤད་སྙན་པའི་ཚིག་འདབ་འཁྱིལ།།
མཁས་པ་མཁས་པའི་དབུས་ན་ཁྱེད་ཉིད་བརྗིད།།
མདོ་དང་སྔགས་ཀྱི་གཏེར་གྱི་མཛོད་ཆེན་ཏེ།།
རྒྱ་གཞུང་བོད་གཞུང་ལུང་གི་བདག་ཉིད་དོ།། དེ་ལས་མང་་་

ཐུགས་རྗེའི་སྤྱན་གྱིས་སྐལ་བར་འགྲོ་གཟིགས་ཤིང་།།
མ་རྟོགས་ལོག་པའི་རིག་ལམ་ཚར་གཅོད་སོགས།།
སྒོ་གསུམ་བག་དང་ལྡན་པར་ཁྲིད་མཛད་པའི།།
མཚུངས་མེད་ཨོ་རྒྱན་པད་འབྱུང་ཞབས་ལ་འདུད།།
རྣམ་རྟོག་དྲན་འགྱུར་རྒོད་པོའི་དབང་ཤེས་ལ།།
ཉོན་སྒྲིབ་མཐུག་པོའི་ཡོལ་བ་རབ་དཔྱང་སྟེ།།
ཡུལ་གྱི་གནས་ལུགས་མཐོང་བ་རབ་བཀག་པའི།།
རྨོངས་མུན་དཀྲོག་པའི་དངོས་གྲུབ་ད་སྩོལ་ཤིག།
ཚེ་འདིས་ལས་ཀྱིས་འཕྲད་པའི་བྱ་བཞག་མཐའ།།
ནང་བསྟན་བཤད་པའི་ལས་གསུམ་མ་འདའ་བར།།
ཚོགས་ཤིང་བབས་པའི་སྐལ་བཟང་དུས་ཉིད་ལ།།
འབྲས་
དེ་ལས་མང་་་

སྐད་ཅིག་གློག་འགྱུར་ཇི་བཞིན་དལ་བུ་ངང་།།
ཀུན་རྟོག་རླབས་ལས་གྲུབ་པ་སྒྱུ་མའི་ཚོགས།།
སྐྱི་བསེར་རླུང་བུ་ནང་གི་གཡོ་ཐབས་ཤིག།
རེས་གསལ་རེས་མོག་ཚུལ་དུ་སྣང་བ་ཡང་།།
སྔོན་གྱི་རྒྱུ་ཡིས་བསགས་པའི་འབྲས་བུ་ཞིག།
དྲན་པས་མཇལ་རྒྱུ་དེ་དག་ཚོར་དུས་བྱུང་།།ནམ་ཟླའི་མཐའ་རུ་འཆང་བའི་ནམ་ཟླ་བཞིན།།
མི་རྟག་སྟོན་ཁའི་སྤྲིན་ལྟར་གློ་བུར་བའི།།
ན་ཚོད་གོ་རིམས་ཀློང་ནས་འགྱུར་བག་ནི།།
ལྟོས་བཅས་འཚོ་བའི་འགྲོས་སུ་ཅི་ཆ་ཡོངས།།
ལུས་ཀྱིས་ཁྱེར་བ་དག་ཀྱང་རྣམ་སྨིན་ཏེ།།
ངག་གི་སྨྲ་བརྗོད་རིང་ཐུང་མཐའ་མེད་ཅིང་།།
ཡིད་ལ་འཆར་རྟོག་མི་འདྲ་འཛོམས་པ་འང་།།
ཟླ་བའི་མདངས་ལ་ཅེར་པའི་ལས་སྐལ་ནི།།
སྙིང་པོའི་མེ་ཏོག་ནང་གི་སྙིང་པོ་ཚོགས།།
སྒོ་གསུམ་མ་གཡེང་མ་ཆགས་ཚུལ་དུ་གསལ།། དེ་ལས་མང་་་

སྙན་ངག་འཁོར་བའི་གྲོང་ནས་མཐར་གྱིས་ཕྲིས།།
འཁོར་འདས་དབར་གྱི་ཀུན་རྫོབ་གཉི་ཀ་ཕྲིས།།
བྲིས་པའི་ངོ་བོར་སྟོང་ཉིད་ཡིན་པ་ཕྲིས།།
སྣང་སྲིད་ཐམས་ཅད་སེམས་ཉིད་ཡིན་པ་ཕྲིས།།

སྙན་ངག་སྲིད་པའི་སྒང་ནས་ཟུལ་གྱིས་ཕྲིས།།
སྐྱེ་རྒ་ན་འཆིའི་རེ་རེའི་སྡུག་བསྔལ་ཕྲིས།།
བྲིས་པའི་གསེང་ནས་སྐྱོ་ཆས་སྐྱེས་པ་ཕྲིས།།
རིགས་དྲུག་འཁོར་བའི་ངོ་ཏི་ཞིབ་ཏུ་ཕྲིས།།

སྙན་ངག་མི་ཚེའི་ཁྲོད་ནས་ཅམ་གྱིས་ཕྲིས།།
མི་ཚེའི་བཤུལ་ལམ་རིང་མོར་སྦྱར་ནས་ཕྲིས།།
བྲིས་པའི་ཚིག་ལ་སྔ་གཞུག་ཡོད་པ་ཕྲིས།། དེ་ལས་མང་་་

མཚར་སྡུག་མངོན་པར་བཞད་པའི་མི་ཡུལ་གྱི་བཀོད་པ། །
ལས་དབང་འཆིང་ཐག་གྲོལ་བའི་རྟོགས་ལྡན་གྱི་ཉམས་ལེན། །
དཀའ་སྡུག་རང་སར་གྲོལ་བའི་དཔྱོད་ལྡན་གྱི་ལྷ་མོ། །
དུས་བཞི་རང་སར་འགྱུར་བ་ཆོས་ཉིད་ཀྱི་འབྲེལ་བ། །
རྨི་ལམ་འཇའ་གུར་ཕུབ་པའི་ཡིད་དབང་གི་ཁང་ཁྱིམ། །
སེམས་བྱུང་ངར་འཛིན་འཁོར་བའི་འཆིང་ཐག་གི་རྩ་བ། །
རྣམ་དག་སྤུ་གྲི་ངར་མ་དུག་གསུམ་གྱི་མགོ་ཁུངས། །
འདོད་ཆགས་རྦ་རླབས་འཁྲུགས་པའི་བཙན་དབང་གི་ངར་སྒྲ། །
ཞེ་སྡང་མེ་རུ་འབར་བའི་ཨ་སྔོན་གྱི་དུད་སྨུག ། དེ་ལས་མང་་་