ཆོས་ཉིད་དབང་མོ། ༼ཡིད་ལྷུང་།༽
རྙོག་འཛིང་སྤྲིན་ནག་འཁྲིགས་པའི་མུན་ནག་གི་འཁོར་བ།།
བདེན་རྫུན་དབྱེར་མེད་གྱུར་བའི་ཉག་ཉོག་གི་སྤྱི་ཚོགས།།
རང་དོན་ཁོ་ན་འཚོ་བའི་གནས་སྐབས་ཀྱི་མགྲོན་པོ།།
ཐམས་ཅད་དེ་ལས་ལྡོག་པ་རྨི་ལམ་གྱི་འཇིག་རྟེན།།
འུར་ཟིང་སྣ་འདྲེས་ཁེངས་པའི་རྒྱ་གྲོང་གི་འགྲམ་ངོགས།།
འཕྲུལ་ཆས་རྫས་ལུད་འདོར་བའི་སྦགས་བཙོག་གི་ཁོར་ཡུག།
ཟས་བྱིན་ལག་ནས་གཏོར་བའི་མི་སྤྱོད་ཀྱི་ཕྱོགས་ལ།།
སྤྱོད་བཟང་བསམ་པ་རྨི་ལམ་འཁོར་བ་ལས་ཅི་ཡོད།།
འབྲོག་པའི་གཞིས་ཁྱིམ་དོར་ནས་རྒྱ་གྲོང་སོགས་འགྲིམ་ནས།།
གནས་སྐབས་བདེ་སྐྱིད་ཁ་གང་འགྲོ་ཐབས་སོགས་དམིགས་ནས།
ལྷིང་འཇགས་འཚོ་བའི་སྒོ་མོ་ཕྱིར་དྲན་སོགས་བྱས་ན།།
དེ་ལ་འདོད་པའི་སྐད་ཅིག་རྨི་ལམ་ལས་ཅི་ཡོད།།
དཔྱད་གཏམ་སྤེལ་མཁན་ལ་གསལ་བརྡ།