རྩོམ་སྒྲིག་པ་ཕར་ནང་ཚང་། དཀོན་མཆོག་དར་རྒྱས། ལགས་ཀྱི་རྩོམ་ཡོངས།

ལྗང་མདོག་གཡུ་ཡི་མདངས་འཛིན་རི་ལུང་ཀུན། །
དུས་ཀྱི་རླུང་བུས་རྒྱང་དུ་གནས་སྤྱུགས་ཏེ། །
གྲང་ལྷགས་གྲིབ་མ་འབྱར་བའི་ནམ་ཟླ་སྟོན། །
གན་གྱི་ཕ་ཡུལ་པང་དུ་དལ་གྱིས་བསླེབས། །

ནམ་ཟླ་དབྱར་གསུམ་ཆར་ཆུས་བསྐྱངས་བ་ཡི། །
ལང་ཚོ་དར་ལ་འབབ་པའི་མེ་ཏོག་ཁྱུ། །
སད་སེར་དགྲ་བོའི་འབུམ་གྱི་མཐར་སྐོར་ནས། །
ཡིད་འོང་བུང་བ་ཞིག་ལ་གྱེས་ཕྱག་འབུལ། །

ཞིང་ཐང་ནས་དཀར་སྙེ་མའི་ཁྲེལ་གཞུང་ཚུལ། །
མགོ་བོ་ཐུར་དུ་བསྒུར་བས་སོ་ནམ་པའི། །
རྔུལ་ཆུས་གདོང་པ་དཀྲིས་པའི་སྟོན་ཁའི་ཟླར། ། དེ་ལས་མང་་་

སེམས་པ་ལྷོད་ལ་མི་འབབ་དྲག་ཏུ་ལྡིང་པ།།
སེམས་ལ་སྐྱོ་གདུང་མང་བའི་དན་རྟགས་ལོས་ཡིན།།
སེམས་ཀྱི་དབུས་སུ་འདྲ་མིན་སྣ་ཚོགས་འཆར་ཡང་།།
སེམས་ནས་ཡལ་རྒྱུ་མེད་པ་ཞིང་གཤེགས་ཨ་མ།།

སེམས་པ་སྐྱོ་ཡང་སེམས་གསོ་བྱེད་མཁན་མ་བྱུང་།
སེམས་པ་ངུས་ཀྱང་སེམས་ཀྱི་ཨ་མས་མ་མཐོང་།།
སེམས་པ་རྡོ་ལྟར་འཁྱག་པའི་ཉིན་ཞག་འདི་ཚོར།།
སེམས་ལ་དྲོད་ཐིགས་རྩོལ་བའི་མི་ཞིག་ཨེ་ཡོད།།

སེམས་པ་རབ་ཏུ་དཀར་བའི་ཨ་མ་འདས་རྗེས།།
སེམས་པ་སྙི་མོ་འདི་ལ་ནད་ཅིག་ཕོག་སོང་།། དེ་ལས་མང་་་

སྐུ་ལུས་འཁྲི་ཤིང་ལྡེམ་པའི་སྟངས་སྟབས་ཀྱིས།།
རབ་ཡངས་ཡིད་ཀྱི་ནམ་མཁའ་ཡོམ་ཡོམ་སྒུལ།།
བྲང་གཞུང་ལང་ཚོའི་མཚན་མའི་ཟིལ་ཤུཊ་ཀྱིས།།
སྲེད་ལྡན་བུང་བའི་ཁྱུ་ཚོགས་སེམས་པ་གཤག།
འཇམ་མཉེན་ཕྱག་གི་སོར་མོའི་བར་བཅུག་ནས།།
གྲིམ་ལྷོད་རན་པའི་རྒྱུད་སྐུད་འདར་ཙམ་བྱེད།།
འགག་མེད་འགྱུར་ཁུག་ཉམས་བརྒྱའི་གྲེ་བ་རྫོགས།།
དབྱངས་ཅན་མགྲིན་པའི་བྱིན་རླབས་ཁྱོད་ལ་སྨིན།།

ལྷུག་ལྷུག་འཛུམ་ཆུང་གྲོལ་བའི་བཞིན་རས་ལ།།
སྒྱུ་རྩལ་ཐབས་ཀྱི་གཡོ་འཕྲུལ་ཅི་ཡང་འཛོམས།།
མིག་ཟུང་འཛུམ་པའི་ཟླ་ཟེར་འཕྲོ་བ་ལས།།
ཕལ་ དེ་ལས་མང་་་

སྤྲིན་པ་དཀར་ནག་ཉི་མའི་འོད་དང་བསྡེབས།།
བསིལ་རླུང་འཇམ་པོ་རི་ལུང་བར་དུ་ལྡང་།།
ཟླ་འོད་ཟེགས་མས་རྩྭ་རྩེའི་ཟིལ་བ་སྒུལ།།
ཕ་ཡུལ་ལུང་པ་འཇའ་གུར་འོད་བཞིན་མཛེས།།

དྭངས་གཙང་ཆུ་བོའི་རླབས་རིས་ཤིག་ཤིག་གཡོ།།
མེ་ཏོག་སྣ་བརྒྱའི་འཛུམ་ཆུང་ལྷུག་ལྷུག་གྲོལ།།
མཛེས་པའི་ཕ་ཡུལ་འཛུམ་པའི་སྒེག་དཔལ་གྱིས།།
ནམ་མཁའི་སྤྲིན་ཡང་ལྷོག་ལྷོག་སྒུལ་བ་བྱེད།།

གྱེན་འཕྱུར་རི་བོ་མཐོན་པོའི་དགུང་དུ་རེག།
ས་གཞིའི་ཁོད་ཡངས་ནམ་མཁའི་ཁྱོན་ལ་འགྲན།།
རྫ་སྤང་མཚམས་ཀྱི་ནོར་ཁྱུ་སྐར་ལྟར་བཀྲ།།
ལ་ དེ་ལས་མང་་་

མེ་ཏོག་དཀར་སེར་དམར་ལྗང་།།
ཆུ་དང་དྲོད་ཀྱིས་གསོས་ཡོད།།
བརྩེ་བ་ཤ་འདྲིས་པགས་འདྲིས།།
སེམས་དང་སེམས་ཀྱིས་གསོ་དགོས།།

ཉི་མ་མཁའ་ནས་ཤར་བྱུང་།།
འོད་ཟེར་ས་གཞིར་འཕྲོས་བྱུང་།།
མེ་ཏོག་འདབ་མ་གྲོལ་བྱུང་།།
སྐྱི་སེར་ལྡང་བ་མ་གནང་།།

ཁ་ཆད་སེམས་ལ་སྦས་ཡོད།།
དམ་བཅའ་ཡིད་ནས་བཞག་ཡོད།།
འཇིག་རྟེན་ལས་ཀྱི་བདག་པོ།།
མི་འདོད་གཏོང་བ་མ་གནང་།།

རང་ལ་འདོད་པ་ཇི་བཞིན།།
མི་ལ་འདོད་པ་ཡིན་པས།།
ལས་དབང་མེད་ཀི་མ་གསུང་།།
མིག་ཆུ་གཙང་བོར་འདྲེས་འགྲོ།། དེ་ལས་མང་་་

བཅུ་ཕྲག་རིག་པའི་གཞུང་ལུགས་སྔོན་བྱོན་མཁས་པའི་བློ་ལས་བྱུང་། །
རིག་གཞུང་རྒྱ་མཚོར་འཇུག་པའི་དགེ་རྒན་དམ་པ་འདི་རུ་བཞུགས། །
རིག་གཞུང་ནམ་མཁའི་ནོར་བུ་འཛིན་པའི་གདུལ་བྱའི་སྒྲོན་མེ་ཉིད། །
མ་ཡུམ་སི་བོད་གླིང་གི་དགེ་བའི་བཤེས་གཉེན་རྣམ་པར་འདུད། །
གཅིག་དགུ་གྱ་གཅིག་དུས་ཀྱི་སྐལ་བ་བཟང་བོའི་ཉི་འོད་རྒྱས།།
མཆོག་སྤྲུལ་ཐུབ་བསྟན་ཉི་མའི་གཙོས་པའི་དབུ་ཁྲིད་དག་གིས་དྲིན། །
བོད་ཡིག་སློབ་གྲྭ་སྡེ་དགེའི་རྫོགས་ཆེན་གནས་སུ་ཆགས་མཛད་ཏེ། །
གཟི་འོད་ཕྱོགས་བཞིར་འགྱེད་པའི་རིག་པའི་གླིང་ཀ་དེ་ནས་ཆགས། ། དེ་ལས་མང་་་

གཅིགའགྲོས་གོམས་ལག་དགུ་བརྒྱའི་ཚོམས་ནས་རབ་བགྲོད་པའི།།
དྲུག་ཅུ་སློབ་གཞོན་ལང་ཚོ་རྒྱས་པའི་མདུན་བསྐྱོད་པ།།
དབྱར་ཟླ་དྲུག་པར་སི་བོད་དགའ་ཚལ་གླིང་འདི་ནས།།
བགྲང་བྱ་ལོ་གསུམ་བསྐལ་བ་ཕྱིན་པར་བདེ་ལེགས་ཤིག །

གྱེས་ཁའི་སྣང་བ་མཁའ་ཡི་སྤྲིན་པར་སྤྲུལ་དུས་སུ།།
མཐར་ཕྱིན་མེ་ཏོག་རྒྱ་ལྕང་ཡལ་ག་རུ་འཁྱུད་དུས།།
རིག་པའི་སྦྲང་རྩི་གཉེར་བའི་སྐལ་བཟང་དྲི་མེད་པ།།
ཨེ་མ་དེ་རིང་འདི་ནས་བྲལ་བ་བདེ་ལེགས་ཤིག །

སི་བོད་ཕོ་བྲང་དཀར་དམར་ཀུན་དགའ་ར་བ་ཡི།། དེ་ལས་མང་་་

࿑ གྲོགས་པོ།་ཡུལ་གྲོགས་མཁའ་ཁྱབ་རྡོ་རྗེ་ལ་བྲིས་པ།
སྔོན་གྱི་ཉེར་ལེན་གང་གིས་མཐུ་ཡིས་ནི།།
ངེད་གཉིས་སྡེ་པ་གཅིག་ལ་ལྟེ་ཁྲག་འཐོར།།
དེའི་ཡང་མ་ཚད་ཕན་ཚུན་སེམས་སུ་ནི།།
སྐད་ཆ་གློད་དེ་སེམས་གཏམ་ཉར་སར་གྱུར།།
ལས་ཀྱིས་བརྐོས་པའི་རི་མོ་མ་གཅིག་པས།།
ང་ཅག་མཚར་སའི་སྐྱེད་ཚལ་སོ་སོར་གྱེས།།
སེམས་གཏམ་མང་པོ་ལོ་ཟླས་བསྲེགས་ནའང་།།
གདུང་བ་ཁོག་ལ་མིད་ལས་བྱ་ཐབས་གང་།།
ལོ་ན་གཞོན་པའི་སྣང་བ་མཐོན་པོ་ཡིས།།
རྟོགས་པ་སད་པའི་ང་རོ་འདོན་ནའང་།། དེ་ལས་མང་་་

མགོ་རྙོག་མང་པོའི་འཁོར་བའི་གཏིང་རིང་ནས།།
འཇིག་རྟེན་འདི་ཡིས་བྲོ་བ་མྱོང་དགོས་པས།།
བློ་གཏད་བྲལ་བའི་མི་ངས་ཞེ་སེམས་འདིའི།།
དྭངས་པའི་སེམས་རྒྱུ་གཙང་མ་ཁྱོད་ཀྱིས་ཁྱེར།།
ཁྱོད་ཀྱིས་ངོམ་པའི་གཞོན་གྱི་ལོ་ཟླ་དེ།།
སུ་དང་མཉམ་དུ་བསྐྱལ་བ་བློ་གཏད་བྱས།།
དྲི་ཡིས་མ་གོས་ལང་ཚོ་གཙང་མ་དེ།།
སུ་ལ་ཕངས་མེད་བསྟབས་པ་དམ་བཅའ་བཞག།
ལྷད་མེད་བཅོས་མེད་སྐྱིད་ཀྱི་ཕྱེད་ཀ་དེ།།
དོན་དམ་བདེན་པར་སྨྲ་ན་སུ་ལ་སྟེར།།
ཆཊ་དགའ་གཉིས་ཀྱི་མཐར་གཏུཊ་དྲན་པ་རུ།། དེ་ལས་མང་་་

དགེ་བྷེའི་གཞས་ཚིག་ནང་ན་ཕ་རྒྱུད་སྤྲེལ་ལས་ཆད་པའི་བྱང་སེམས་ཆེན་མོའི་སེམས་བསྐྱེད་ཡོད།།
དགེ་བྷེའི་གཞས་ཚིག་ནང་ན་མ་རྒྱུད་བྲག་སྲིན་ཟེར་བའི་སྒྲོལ་མ་དཀར་མོའི་རྣམ་སྤྲུལ་ཡོད།།
དགེ་བྷེའི་གཞས་ཚིག་ནང་ན་གངས་ཀྱི་མཐའ་མཚམས་བསྲུང་བའི་མི་རིགས་ཤིག་གི་གཏམ་རྒྱུད་ཡོད།།
དགེ་བྷེའི་གཞས་ཚིག་ནང་ན་མ་ཉམས་དགུང་དུ་འཕྱུར་བའི་བོད་པ་ཚང་གི་སྲོལ་རྒྱུན་ཡོད།།
དགེ་བྷེའི་གཞས་ཚིག་ནང་ན་བཙན་པོའི་རྡོ་རུ་བྲིས་པའི་མཛད་རྗེས་གསེར་གྱི་ཐང་མ་ཡོད།།
དགེ་བྷེའི་གཞས་ཚིག་ནང་ དེ་ལས་མང་་་

རབ་མཛེས་ལྟ་བས་མི་ངོམ་ཞིང་།།
རབ་སྙན་ངག་གི་དཔལ་རྫོགས་པ།།
རབ་མྱུར་ཤེས་རབ་མཆོག་རྩོལ་མ།།
རབ་དང་ཡིད་ཀྱི་པད་མོར་བཞུགས།།
མཚོ་ཉམས་དགའི་རྦ་རླབས་དལ་གྱིས་འགུལ།།
བྱ་ངང་ངུར་མང་པོའི་འཕུར་ཞིང་ལྡིང་།།
མཐའ་ནགས་ཀྱི་ལྗོན་བཟང་དྲི་མས་ཁྱབ།།
གནམ་སྔོན་པོ་ཐང་དུ་ཟགས་འདྲ་བའི།།
མཚོ་སྔོན་པོའི་མེ་ལོང་ཞལ་དཀྱིལ་དུ།།
མདོག་ཁ་དོག་འཇའ་ལས་རབ་མཛེས་པའི།།
ཕྱི་འདབ་མའི་སྒྲོ་དེ་སྡུ་གུར་བཀྲ།།
ནང་ཟེའུ་འབྲུ་དམར་སེར་འཇམ་པའི་སྟེང་།།
ལྷ་དབྱངས་ཅན་འཛུམ་པའི་ངང་ཚུལ་ཅན།། དེ་ལས་མང་་་

ཡལ་ག་འཁྱོག་པོའི་བར་ན་ཉི་ཐིག་གི།།
སྐུད་ཐག་འཐེན་པའི་ཕྱི་ནང་བར་གསུམ་དུ།།
ནགས་ཀྱི་སྒེག་མོའི་ཐུ་བ་སྤྲུགས་པ་དང་།།
དྲོད་རླུང་འཇམ་པོའི་རལ་བས་གཡོག་པར་མངོན།།
སྐབས་རེར་ཉམས་ཀྱི་ན་བུན་འཕྱུར་བ་དང་།།
ལས་སྣང་སྨུག་པའི་ཡོལ་བ་རུབ་པ་ན།།
ཤི་གསོན་རི་དྭགས་འདུས་པའི་ཐང་སྟོང་དུ།།
མྱ་ངམ་བཤུལ་རིང་བཅད་པའི་བག་མ་ཚོས།།
རེ་དོགས་ཨེ་ཡིན་སྙམ་པའི་སླེ་བོ་གཅིག།
སྡུག་ཡུས་ཨེ་ཡིན་སྙམ་པའི་ལྕི་བ་གཉིས།།
སྣང་མུན་དྲྭ་བའི་མཚམས་ཀྱི་ལྷས་འདབས་སུ།། དེ་ལས་མང་་་