ངག་རྩོམ།

སྐད་འཕྲིན་མིང་ལ། ཆོས་གྲོགས་བཞུར་སྒྲ་དང་བརྩེ་ཆེན་འོད་སྣང་། བྱང་འཚོལ་བཅས་ནས་ཁོ་བོར་ཉིན་ཁ་ཤས་སྔོན་ནས་དོགས་འདྲི་གནང་འདུག ངས་དེ་ཙམ་གྱིས་ཁྱེད་ཚོའི་དྲི་ལན་ལ་དོན་སྙིང་ལྡན་པའི་ཞུ་ལན་ཕུལ་མ་ཐུབ་ན་ཡང་། འཆར་སྣང་ཙམ་ཞིག་ཞུ་ན་འདི་ལྟར་ཏེ། ཟབ་ཞི་སྤྲོས་བྲལ་འོད་གསལ་འདུས་མ་བྱས།། བདུད་རྩི་ལྟ་བུའི་ཆོས་ཤིག་བདག་གིས་རྙེད།།སུ་ལ་བསྟན་ཀྱང་གོ་བ་མི་འདུག་པས།། མི་སྨྲ་ནགས་འདབ་ཉིད་དུ་གནས་པར་བྱ།། ཞེས་པའི་ཚིགས་བཅད་འདིས་བསྟན་བྱ་ཇི་ལྟར་ཡིན་མིན་འདྲི་གཅོད་བྱེད་ན་ཡང་། ཁོ་བོ་ལེ་ལོ་དང་སྒྱིད་ལུག་གིས་དུས་ཐོག་ཏུ་གཏམ་ལན་ཞུས་ཐུབ་མ་སོང་བས་དགོངས་སེལ་དང་སྦྲགས། འདིའི་བསྟན་དོན་ཐད་ལ་སྔོན་བྱོན་མཁས་གྲུབ་དམ་པ་ཚོས་གསུང་སྒྲོས་མང་པོ་ཡོད་མོད། དེ་ལས་མང་་་

གཉིས་འཛིན་བུད་ཤིང་སྐམ་པོ་མ་ལུས་འཁྲུལ་ཟད་ཡེ་ཤེས་འོད་ཀྱི་མེ་དཔུང་གིས།།སྲེག་མཛད་དུས་གསུམ་རྒྱལ་བའི་ཚོགས་ཀྱིས་རྙེད་དཀའ་ཕུན་ཚོགས་བྱང་ཆུབ་དམ་པའི་འབྲས།།མངོན་དུ་བྱེད་པའི་གནས་ཀྱི་མཆོག་གྱུར་རབ་ཡངས་རྡོ་རྗེའི་འཛིན་མ་གང་དེ་ཡི།།ཐལ་བའི་རྡུལ་ཡང་དད་པའི་གཙུག་གིས་མཆོད་དོ་བདག་བློ་ཡང་དག་ཆོས་སུ་ཁྲིད་པར་མཛོད།།རྣམ་འདྲེན་བཞི་བས་བྱང་ཆུབ་བསྒྲུབས་པའི་གནས།།རྡོ་རྗེ་གདན་ཞེས་གྲགས་པ་གསལ་ལྡན་པར།།ལན་གཅིག་མཇལ་པའི་མྱོང་བ་གང་མཆིས་རྣམས།།དཔྱོད་ལྡན་གྲོགས་ཀྱི་གཟིགས་མོར་བྲི་བར་བྱ།། དེ་ལས་མང་་་

སྤྱན་རས་གཟིགས་དབང་ཀུན་དགའ་སྙིང་པོ་ཞེས། །མཚན་གྱི་གཡུ་འབྲུག་ལྡིར་བའི་དམ་པ་དེའི། །ཆོས་དང་རིགས་ཀྱི་སྲས་སུ་གྱུར་པ་ཡི། །བསོད་ནམས་རྩེ་མོའི་ཞབས་ལ་ཕྱག་འཚལ་ལོ། །བྱིས་པའི་དུས་ནས་ཤེས་བྱའི་དོན་ཀུན་མཁྱེན། །ཟབ་མོའི་ལམ་རྣམས་ཟག་མེད་ཐུགས་སུ་ཆུད། །མཁའ་འགྲོ་བྱེ་བའི་ཚོགས་ཀྱི་བསུ་མ་བཅས། །མཁའ་སྤྱོད་ཞིང་དུ་གཤེགས་པའི་ཉིན་མོ་དྲན། ། རྒྱ་གར་རྡོ་རྗེ་གདན་གྱི་སྒོ་གླེགས་སུ། །མ་འཁྲུངས་སྔོན་ནས་མཁའ་འགྲོའི་ལུང་གིས་ཟིན། ། བལྟམས་མ་ཐག་ནས་ལེགས་སྦྱར་ཐུགས་སུ་ཆུད། ། དེ་ལས་མང་་་

བོད་རབ་བྱུང་གཉིས་པའི་ཆུ་ཁྱི་སྟེ་ཕྱི་ལོ་ ༡༡༤༢ ལོར་ཡབ་ས་ཆེན་ཀུན་དགའ་སྙིང་པོ་དང་། ཡུམ་མ་གཅིག་འོད་སྒྲོན་གཉིས་ཀྱི་སྲས་སུ་ངོ་མཚར་བའི་ལྟས་དུ་མ་དང་བཅས་སྐུ་འཁྲུངས།སྐུ་བལྟམས་མ་ཐག་ལེགས་སྦྱར་གྱི་སྐད་གསུངས་པ་དང་། བདག་ནི་བྱིས་པའི་སྤྱོད་པ་ལས་འདས་པའོ།། ཞེས་ཞབས་སྐྱིལ་མོ་ཀྲུང་དུ་བཞུགས།དེ་སྐབས་རྒྱ་གར་རྡོ་རྗེ་གདན་གྱི་སྒོ་ཐོད་ན་འཇམ་དབྱངས་ཀྱི་སྤྲུལ་བ་བསོད་ནམས་རྩེ་མོ་ས་སྐྱར་འཁྲུངས་སོ། །ཞེས་མཁའ་འགྲོ་མ་རྣམས་ཀྱིས་ཡི་གེ་བཏབ་པ་ཀཽཤཾབྷིའི་ཡུལ་གྱི་པཎྚིཏ་དེ་ཝ་མ་ཏིས་ཕྱོགས་སུ་བསྒྲགས་ཤིང་བཙལ་བས་བོད་ནས་བརྩད་ཆོད་པར་བཤད། དེ་ལས་མང་་་

རྫོང་སར་མཁྱེན་བརྩེའི་རང་རྣམ་ << མཁན་པ་སྐྱེས་>>བཀླགས་པའི་ཟིན་ཐོ།ད་ལོ་ཏོག་ནད་ཀྱིས་རྐྱེན་པས་བདག་ལྟ་བུའི་རྒྱལ་ཁམས་པ་དག་ཀྱང་གློ་རྡེག་ཏུ་ཁག་ཆུང་གྲུ་བཞིའི་ནང་བཟང་བཙོན་ལྟ་བུར་སྡོད་དགོས་བྱུང་བ་ན།ནམ་རྒྱུན་འཛད་མཐའ་མེད་པའི་གཉིད་ཀྱང་རིམ་གྱིས་རྫོགས་ཤིང་། ལོ་ཤས་རྣམ་གཡེང་གིས་བརྗེད་ལ་ཉེ་བའི་དཔེ་ཀློག་གི་ལེའུ་དེ་ཡང་བསྐྱར་དུ་མགོ་མི་འཛུགས་ག་མེད་གྱུར། དེ་ལས་མང་་་

ཞི་གཤེགས་དམ་པ་དགེན་རིན་པོ་ཆེ་རིན་ཆེན་བཟང་པོ་མཆོག་གི་རྗེས་དྲན། དེ་ལས་མང་་་

མཁྱེན་ནོ་མཁྱེན་མཁྱེན་ནོ་མཁྱེན་བརྩེའི་དབང་པོ་མཁྱེན།།མཁྱེན་ནོ་མཁྱེན་རྩ་བརྒྱུད་ཀུན་འདུས་མཁྱེན།།མཁྱེན་ནོ་མཁྱེན་ནོ་ཡི་དམ་ཀུན་འདུས་མཁྱེན།།མཁྱེན་ནོ་མཁྱེན་ནོ་དཀོན་མཆོག་ཀུན་འདུས་མཁྱེན། །མཁྱེན་ནོ་མཁྱེན་ནོ་གཅིག་ཆོག་རྒྱལ་པོ་མཁྱེན། །ཚེ་རབས་ལས་ཀྱིས་འབྲེལ་བའི་ལྷག་པའི་ལྷ།།མ་ནོར་ལམ་བཟང་སྟོན་པའི་བཀའ་དྲིན་ཅན།།སྐྱབས་རེ་ཁྱེད་ལས་མེད་དོ་བདག་ལ་དགོངས།།སྐུ་ཡི་བཀོད་པས་ཞིང་ཁམས་ཡོངས་ལ་ཁྱབ།།ལས་དག་རྣམས་ཀྱིས་ཡི་དམ་ལྷ་རུ་མཇལ།། དེ་ལས་མང་་་

ཐུབ་བསྟན་ཡོངས་རྫོགས་ཀྱི་ཤིང་རྟ་ཆེན་པོ། མཁས་དང་གྲུབ་པའི་ཁྱུ་མཆོག རིགས་དང་དཀྱིལ་འཁོར་རྒྱ་མཚོའི་ཁྱབ་བདག་ཀུན་གཟིགས་རྡོ་རྗེ་འཆང་ཆེན་པོའི་ཞབས་སྟེགས་རིན་པོ་ཆེའི་དྲུང་དུ། སྒར་ཆེན་གཞུང་ནས་ཞབས་བརྟན་དངོས་འབུལ་ཕྲ་མོའི་ཐོ་ཆུང་དུ་ཕུལ།སྤྲོས་ཀུན་ཞི་ཡང་ཞི་བར་མི་གནས་ཤིང་། །སྲིད་པར་འཇུག་ཀྱང་སྲིད་ལས་འདས་པ་ཉིད། །རྟོག་བྲལ་ཉིད་ཀྱང་རྣམ་པ་ཐམས་ཅད་པ། །སྒྱུ་འཕྲུལ་ཅིར་ཡང་སྟོན་མཛད་བླ་མར་བསྔགས། ། དེ་ལས་མང་་་

སྐྱེ་རྒུའི་སྙིང་གི་མུན་པ་གཅོད་བྱེད་པའི། །འཇམ་དབྱངས་མི་རུ་བརྫུས་པའི་འཁོན་གདུང་གཉིས། །བཤེས་གཉེན་ལྷུན་པོའི་གམ་ན་ཉི་ཟླ་བཞིན། །རྒྱལ་བསྟན་ནམ་མཁའ་མཛེས་པའི་དཔྱིད་དུ་འབར། ། ཕྱི་ཡི་ཀུན་སྤྱོད་རྟ་ཐུལ་ལས་ཀྱང་བཙུན། །ནང་གི་ཤེས་རབ་ཤཱ་རིའི་བུ་བཞིན་ཟབ། །བཟང་པོའི་ཡོན་ཏན་ཀུན་ལ་སྤེལ་མཛད་པའི། །བཤེས་གཉེན་ཁྱེད་འདྲ་མཇལ་བས་སྐལ་བ་བཟང་། ། དེ་ལས་མང་་་

གསོལ་བ་འདེབས་སོ་བླ་མ་ས་པཎ་མཁྱེན།།གསོལ་བ་འདེབས་སོ་ཡིད་དམ་ས་པཎ་མཁྱེན།།གསོལ་བ་འདེབས་སོ་སངས་རྒྱས་ས་པཎ་མཁྱེན།།གསོལ་བ་འདེབས་སོ་ཆོས་སྐྱོང་ས་པཎ་མཁྱེན།།མཁྱེན་ནོ་མཁྱེན་ནོ་བུ་ལ་ཐུགས་རྗེས་གཟིགས།། སངས་རྒྱས་ཀུན་འདུས་ཆོས་རྗེ་རིན་པོ་ཆེ།།དམ་ཆོས་ཀུན་འདུས་ཆོས་རྗེ་རིན་པོ་ཆེ།།དགེ་འདུན་ཀུན་འདུས་ཆོས་རྗེ་རིན་པོ་ཆེ།།སྐྱབས་གནས་ཀུན་འདུས་ཆོས་རྗེ་རིན་པོ་ཆེ།།མཁྱེན་ནོ་མཁྱེན་ནོ་བུ་ལ་ཐུགས་རྗེས་དགོངས།། དེ་ལས་མང་་་

མཚན་དཔེའི་ཆུ་གཏེར་འདུལ་བྱའི་དོན་དུ་བཞད། ། དམ་པའི་ཚུལ་དགུའི་ནོར་གྱིས་ཐུབ་བསྟན་བསྐྱངས། ། མན་ངག་ནོར་བུ་བྱེ་བའི་གདེང་ཀ་ཅན། །ཨ་ཡི་མཚན་ཅན་ཀླུ་སྒྲུབ་གཉིས་པ་དྲན། ། བཅུ་ཕྲག་རིག་པའི་རྦ་རླབས་མ་ཞུམ་ཞིང་། ། འཆད་རྩོད་རྩོམ་པའི་ནོར་བུས་མ་ཕོང་བར། ། དཔྱོད་ལྡན་དེད་དཔོན་འདུ་བའི་ཆུ་གཏེར་དེར། ། མཁས་པའི་འབྱུང་གནས་ཞེས་པའི་སྙན་པ་འཕུར། ། བཀོད་ལེགས་ཁང་བཟང་ལྷ་ཡི་ཕོ་བྲང་འདྲ། ། དེ་ལས་མང་་་

གྲངས་མེད་གསུམ་གྱི་ཚོགས་གཉིས་ལྷུན་གྱིས་གྲུབ།།སྐུ་གསུང་ཐུགས་ཀྱི་མཛད་པ་རླབས་པོ་ཆེས།།སྲིད་པ་གསུམ་གྱི་ལུས་ཅན་འདྲེན་མཛད་པའི།།སྟོན་མཆོག་ཤཱཀྱའི་རྒྱལ་པོ་མཆོག་ལ་འདུད།།སྔོན་འགྲོ་དལ་བརྒྱད་འབྱོར་བཅུ་རྙེད་དཀའ་དང་།།དངོས་གཞི་འཆི་བ་མི་རྟག་ལས་འབྲས་སྐོར།།སྦྱོང་སྒོམ་གཉིས་ཀྱིས་རང་རྒྱུད་བཏུལ་དུས་དེར།།ཚེ་འདིར་ཞེན་པ་བྲལ་བའི་ཆོས་པ་གསུངས།།འཁོར་བ་སྤྱི་དང་འགྲོ་དྲུག་སེམས་ཅན་དང་།། དེ་ལས་མང་་་

གསེར་གྱི་མདོག་ཅན་མཚན་དཔའི་དཔལ་འབར་སྐུ།།རབ་སྙན་ཚངས་དབྱངས་ཐེེག་གསུམ་ལམ་སྟོན་གསུངས།། མཁྱེན་གཉིས་ཡེ་ཤེས་ཐུགས་མངའ་བཅོམ་ལྡན་འདས།།ཐུབ་དབང་སྲས་བཅས་སྒོ་གསུམ་ཕྱག་གི་ཡུལ།།ཐུབ་པའི་རྒྱལ་ཚབ་རྗེ་བཙུན་གོང་མ་ལྔ།།ངོར་ཆེན་ཡབ་སྲས་ཚར་ཆེན་ཆོས་ཀྱི་རྗེ།།རིགས་གསུམ་རྣམ་སྤྲུལ་འཁོན་སྟོན་རིམ་བྱོན་སོགས།།བརྒྱུད་པར་བཅས་ལ་དད་གསུམ་བློ་ཡི་འདུད།།
འགྲོ་བའི་སྡུག་ཀུན་ནད་སེལ་སྨན་གྱི་མཆོག།།མངོན་མཐོ་ངེས་ལེགས་བདེ་སྟེར་ཐུབ་དབང་གསུངས།།དམ་ཆོས་བདུད་རྩིའི་འཆད་ཉན་རྒྱུན་འཕེལ་ཞིང་།།ཡུན་དུ་གནས་ཕྱིར་འཕྲུལ་གྱི་སྤར་དུ་བསྐྲུན།།འདི་ཡིི་དགེ་བས་ཡོངས་རྫོགས་རྒྱལ་བསྟན་དང་།།བྱེ་བྲག་ཐུབ་དབང་གཉིས་ས་སྐྱ་པའི།།རྣམ་དག་བཀའ་སྲོལ་མདོ་རྒྱུད་སྙིང་པོའི་བསྟན།།སྲིད་མཐའི་བར་དུ་དར་ཞིང་རྒྱས་གྱུར་ཅིག།། དེ་ལས་མང་་་

བོད་ཡུལ་ཁ་བ་ཅན་གྱི་ལྗོངས་སུ་སྔོན་གྱི་བྱུང་བ་རིང་མོའི་ནང་ཆོས་སྲིད་རིག་གནས་གང་ལ་ཡང་བྱས་པ་དང་བཀྲིན་གྱི་ཕུང་པོ་རགས་ལ་སྦོམ་ཞིང་། དུས་འགྱུར་གྱི་ཆོས་ཉིད་ལས་གངས་ཅན་བསྟན་སྲིད་སྲོག་གི་ཀ་བ་རྨང་ནས་འགྱེལ་ཏེ་རྒྱལ་འབངས་སྤྲང་ལ་འཁྱར་བའི་དུས་སུ་ཡང་། སྤྱི་དོན་དམ་ཚིག་དང་ལར་ཞེན་གྱི་བརྟུལ་ཞུགས་གཅིག་ཏུ་རྣམ་པར་དཀར་ལ། འཇིགས་ཞུམ་དང་འགྱུར་བ་མེད་པར་༸གོང་ས་རྒྱལ་བའི་དབང་པོའི་དབུ་འོག་དཔུང་འདེགས་ཀྱི་ཁུར་ཆེན་སྙིང་སྟོབས་ཀྱི་ཕྲག་གོང་བརྟན་པོ་རུ་འཁྱེར་བའི་ཐེག་པ་ཆེན་པོ་བ་གཅིག་ནི་དཔལ་ས་སྐྱ་པའོ། དེ་ལས་མང་་་

ཉི་་གཟའ་ཡིས་བཟུང་བའི་གཏམ་རྒྱུད་དེ།། གནའ་གཏམ་དག་མ་ཞིག་གི་ཚབ་མཚོན་ཡིན།། ཉི་ཟླ་བཟའ་སྐར་རི་བོ་ཆུ་རླུང་སོགས།། ལུས་ཅན་སེམས་ཀྱིས་གཡོ་བའི་འགྲེལ་བཤད་དེས།། ཚོར་འདུའི་ཕུང་པོ་ཅན་དུ་ཐག་བཅད་ནས།། འདེད་དང་བྲོས་པའི་གཏམ་རྒྱུད་མཚར་མོ་འགའ།། སྔོན་དུས་རྒྱ་གར་ཡུལ་དུ་བྱུང་བར་སྐད།། རྒྱ་ཆོས་བོད་དུ་དར་བའི་དུས་སྐབས་དེར།། རྒྱ་ལུགས་མང་པོར་ཆོས་དང་མཉམ་དུ་བྱུང་།། རིམ་བཞིན་བོད་ཡུལ་འདི་ཡི་སྲོལ་དུ་ཆགས།། འོན་ཀྱང་འདི་ནི་གནའ་གཏམ་ཙམ་ཞིག་ལས།། བདེན་པའི་ཆ་ཤས་འགའ་ཡང་ཡོད་མ་ཡིན།། དེ་ལས་མང་་་