རྩོམ་སྒྲིག་པ་ཕར་ནང་ཚང་། དཀོན་མཆོག་དར་རྒྱས། ལགས་ཀྱི་རྩོམ་ཡོངས།

ལམ་གྱི་གཡས་དང་གཡོན་ན།།
མུན་པ་རབ་རིབ་མག་མོག།
འཛུམ་ཆུང་ཀེམ་ཀེམ་དགོད་པའི།།
ཁྱོད་རང་ལམ་འགྲམ་གན་ན།།
ཁེར་རྐྱང་ཀེར་ཀེར་འདུག་པ།།
ང་ཡི་སྙིང་གི་མཁའ་ལ།།
དལ་ཅིག་མེ་ཏོག་བཞད་པ།།
སྙིང་རྩ་ཐག་ཐག་འགུལ་བྱུང་།།
ཁྱོད་ཀྱི་གདོང་ལ་བབས་པའི།།
ང་ཡི་མིག་ཟུང་གོར་གོར།།
ཡང་ཡང་ཁྱེད་ཀྱི་བཞིན་ལ།།
ཆར་བ་ཐང་ལ་བབས་འདྲ།།
ལན་མང་འཐོར་བའི་རི་མོ།།
ཁྱོད་ལ་བག་ཆགས་ཕྲན་བུ།།
སེམས་ཀྱི་པདྨོའི་འདབ་མར།།
ཟིལ་བ་ཐར་ཐོར་འདུག་གམ།།
དགུན་ཁ་འདི་ནས་འཕྲད་པ།། དེ་ལས་མང་་་

གླུ་ལ་མཁས་པའི་སྒྲ་དབྱངས་ལྷ་མོ་ལ་མ་ཆགས། །
གར་ལ་བྱང་བའི་ཟླ་བའི་ལྷ་མོ་ལ་མ་འཕྲེང་། །
བརྩེ་བ་ལྷད་མེད་མེ་ཏོག་དྲི་བསུང་གི་ཁ་ཕྱོགས། །
ལས་དབང་རླུང་གིས་དེད་ནས་ཁྱོད་ཕྱོགས་སུ་ཤོར་སོང་། །

འཛམ་གླིང་འཁྲུགས་པའི་རྒྱུར་གྱུར་སི་ཏཱ་ཡི་མཛེས་དང་། །
ཧོར་གླིང་འཐབ་པའི་རྩད་གྱུར་འབྲུག་མོ་ཡི་འཛུམ་ལ། །
སྐད་ཅིག་ཡིད་སྨོན་མ་སྐྱེས་བརྩེ་གདུང་གི་ཟློས་གར། །
ཁྱོད་ཀྱི་མིག་སྔར་ཚོགས་དྲུག་སྨྱོན་བ་ལྟར་འཁྲབ་ཡོད། །

མཛེས་མཛངས་གཉིས་ལྡན་སྣང་ས་འོད་འབུམ་ལ་མ་བརྩེ། ། དེ་ལས་མང་་་

དྲན་པ་ཟླ་འོད་འོག་གི་གླུ་ཆུང་དེ། །
ཕ་ཡུལ་གཙང་བོ་དེ་ལ་ཤར་སྲིད་ན། །
རྟོག་འགྱུ་གསེར་མིག་ཉ་མོས་འཁྱུག་རྩལ་ཏེ། །
ཕ་ཡུལ་གཙང་བོ་དེ་ནས་མངོན་ན་འདོད། །

གཙང་བོ་ཟབ་དང་མི་ཟབ་ངས་མ་ཤེས། །
ཀླུ་རིགས་དགྱེས་དང་མི་དགྱེས་ངས་མ་ཚོར། །
ཡིན་ཡང་ངག་རིགས་པད་མའི་ལྡིང་ཁང་ནས། །
ཆུ་དང་ཆར་བའི་ཕུད་རེ་འབུལ་ན་འདོད། །

ཕ་ཡུལ་ཟེར་བའི་གདོད་མའི་ནགས་ཀླུང་དུ། །
ཕ་མ་གཉེན་ཉེ་ཟེར་བའི་རི་དྭགས་ཁྱུ། །
ཀུན་རྟོག་སྤང་ཐང་ཡངས་བའི་སྐྱེད་ཚལ་ལ། ། དེ་ལས་མང་་་

བུ་མོའི་ལན་སྐྲ་དེ་ལ་ཅི་ཞིག་བརྒྱུས་པ། །
བུ་མོའི་མི་ཚེའི་ཁྲོད་ཀྱི་ལུག་ཁྱུ་ཡིན་པས། །
འབའ་འབའ་ཚེར་མོས་ངར་སྐད་སྒྲོག་ཐེངས་རེ་ལ། །
ལུག་གུ་འདྲ་བའི་སྙིང་སྡུག་ཞེ་ལ་འཁོར་ཡོང་། །

བུ་མོའི་ལན་སྐྲ་དེ་ལ་ཅི་ཞིག་བརྒྱུས་པ། །
བུ་མོའི་མི་ཚེའི་ནང་གི་བླ་གཡུ་ཡིན་པས། །
མཚན་ལྡན་བླ་མས་ཚེ་དབང་སྐུར་ཐེངས་རེ་ལ། །
བྱིན་རླབས་སྙིང་གི་བླ་གཡུ་དེ་ཐིམས་འགྲོ། །

བུ་མོའི་ལན་སྐྲ་དེ་ལ་ཅི་ཞིག་བརྒྱུས་པ། །
བུ་མོའི་མི་ཚེའི་ནང་གི་བདེ་སྡུག་ཡིན་པས། ། དེ་ལས་མང་་་

མཐའ་ཡས་མཛེས་པས་རབ་སྤུད་གངས་ཀྱི་ཕྲེང་། །
འབུམ་ཕྲག་བསྟར་བའི་དབུས་སུ་འཕྲོག་བྱེད་ཀྱི། །
སྒེག་པའི་དཔལ་ལ་འགྲན་ཕོད་མཚར་སྡུག་ཅན། །
སྲིད་པའི་ཁྱོན་ཡངས་འདི་ནས་ཁྱོད་ལས་དབེན། །
བྱམས་བརྩེས་རབ་ཕྱུག་ཞི་བའི་སྐྱོང་བྱེད་མཁན། །
ཉིད་གཤིས་རབ་འཇམ་བལ་དཀར་སོ་མ་བཞིན། །
རྩུབ་གཏམ་ནག་ཐིག་ཕྱོགས་ཙམ་མ་འདྲེས་པར། །
སྲིད་པའི་ནགས་ཀླུང་འདི་ནས་དཀར་སང་སང་། །
ལྷགས་པས་གདུང་བའི་ཤོག་བྱ་གཤོག་ཆད་ལྟར། །
ལས་རླུང་བཙན་པོས་གང་སར་ཟགས་པའི་དུས། །
མ་འཛེམས་སྙིང་རྗེས་པང་དུ་ལེགས་བླངས་ནས། ། དེ་ལས་མང་་་

འདི་ནས་འཆར་ཡན་བུ་མོས་སྣ་ཚོགས་ཀྱི་གར་སྟབས། །
ཡང་ཡང་བསྒྱུར་ཏེ་འཇིག་རྟེན་ཆེན་པོ་འདིའི་ས་སྲོད། །
སེམས་ཀྱི་མེ་ལོང་ངོས་སུ་འཆར་བ་དང་མཚུངས་པར། །
འཁྱུག་ལྡེམ་འཕྲུལ་གྱི་སོར་མོའི་རྩེད་ཆས་སུ་བསུ་འགྲོ། །
ཟླ་བའི་དཀྱིལ་འཁོར་རྒྱས་པའི་ས་སྲོད་ཀྱི་འཇིག་རྟེན། །
གཙེ་བའི་ཟིང་ལོང་མེད་པར་ལྷིང་འཇགས་ཀྱི་ཁྲོད་དུ། །
འཚོ་བའི་ལྗོན་མདོག་རྒྱས་པའི་ཏོག་ཙམ་གྱི་མཛེས་སྡུག །
སྐྱ་རེངས་སད་ཀྱིས་འཁྱེར་བའི་སྣང་གླུ་འདི་རིང་བ། །
ལས་ཀྱིས་ཡོངས་སུ་བྲེལ་བའི་མི་ཚོགས་དང་འུར་ཆོམ། ། དེ་ལས་མང་་་

མགོ་ལྕོག་ལྡེམ་ལྡེམ་གཡོ་བ་དང་། །
ལུས་པོ་སྒུར་སྒུར་བྱེད་པ་དེ། །
སྒྱུ་མའི་ཆོ་འཕྲུལ་ངོ་མ་ཡིན། །
ཕོར་བའི་ནང་ནས་ཆང་འཐུང་བ། །
ལག་ནས་རྫ་བུམ་འཛིན་པ་དང་། །
སྐད་ཆ་ཆོ་མེད་ལབ་པ་དེ། །
ང་ཡི་སེམས་ཀྱི་ཀུན་སློང་ཡིན། །
བག་མེད་ལོངས་སུ་སྤྱོད་པ་པོ། །
བདག་གི་རྒྱལ་བོ་ཡིན་ན་ཡང་། །
རྒྱལ་བོ་ཡིན་ཞེས་མ་སྨྲས་སོ། །ངས་ནི་ཟས་རྣམས་གཏོར་བའི་རྗེས། །
ཁྭ་ཏ་འདུ་ལོང་བྱེད་པ་ལ། །
མིག་ཟུར་ཙམ་ཡང་མ་བལྟས་སོ། །
ཤིང་རྟ་རྒྱུ་བའི་ཤར་ཕྱོགས་སུ། ། དེ་ལས་མང་་་

དབེན་ཐིང་ཐིང་ཡིན་པའི་རི་སུལ་གྱི་ཞོལ་ནས།།
བྱ་བྱེའུའི་མགྲིན་དབྱངས་ཐོས་འཛིན་དུ་ལྷུང་ཞིང་།།
ཆུ་ཏིག་ཏིག་ཐིགས་སྒྲ་ཁོལ་མ་ནས་གཟན་པས།།
འཁྱག་ལྷང་ལྷང་ཡིན་པས་ཚོར་བ་ཞིག་སློང་སོང་།།
སྤྲིན་ཐར་ཐོར་ཙག་གི་གཤེད་ཁ་རུ་གྱུར་ཞིང་།།
ལམ་གྱ་གྱུའི་འཁྲིས་ཀྱི་འདབ་རྙིད་དག་མཐོང་བས།།
གཞིས་ཆུང་ཆུང་ནང་དུ་རྒྱལ་སྲས་བཞིན་རོལ་ཡང་།།
ཁོག་འདར་འདར་དབར་ནས་དངན་པ་ཞིག་ཤོར་སོང་།།
སྨུག་གྱར་གྱུར་གཡོ་བའི་ན་བུན་གྱི་གསེབ་ནས།།
འོད་མག་མོག་འཚེར་བའི་དྲོད་ཁོལ་དེ་རེག་ཀྱང་།། དེ་ལས་མང་་་

བརྩེ་ལྡན་ལྷ་ཡི་ལྷ་ཚོགས་དྲི་མེད་དབྱིངས་སུ་བཞུགས་པ་ལས། །
ཞི་བའི་དབྱངས་ཀྱི་འགྲོས་ལས་མི་ཤེས་རྨོངས་པ་རབ་ཏུ་སེལ། །
ཟོལ་མེད་ཐུགས་རྗེ་ཆེན་པོས་འགྲོ་བ་ཚོགས་ནི་བདེ་ལ་བཀོད། །
ངག་རིག་དབྱངས་ཀྱི་བདག་མོ་དབྱངས་ཅན་མ་ལ་ཞེ་སྙིང་དད། །
ཉམས་འགྱུར་རླབས་ལྟར་གཡོ་བ་ཡིད་འོང་འདྲེན་ལ་ཟླ་མེད་མ། །
བཅོམ་ལྡན་འདས་མ་ཁྱེད་ཀྱིས་བསམ་པའི་དོན་ནི་སྨིན་གྱུར་ལ། །
དབང་མེད་སྲིད་པའི་ཁུར་ཆེན་ངལ་བ་མེད་པའི་ལམ་བསྟན་ཏེ། །
དགའ་བདེའི་སྤྲོ་ཚོགས་སྩོལ་ལ་དཔལ་མོ་ཁྱེད་ལས་གཞན་པ་སུ། ། དེ་ལས་མང་་་

གངས་ཅན་བོད་མའི་སྐད་ཡིག་སྦྱང་སའི་གནས། །
གནའ་དེང་རིག་གཞུང་ཟུང་དུ་འབྲེལ་བའི་ལམ། །
ཡབ་མེས་གོང་མའི་སྲོལ་རྒྱུན་རིག་པའི་ཞིང་ས་དངོས། །
མ་ཡུམ་སློབ་གླིང་གངས་རིའི་རྒྱན་དུ་མཆོད། །

འཆད་པའི་ངག་དབྱངས་ལྷ་མོ་དབྱངས་ཅན་དངོས། །
རྩོད་པའི་སྒྲ་མཆོག་གངས་སེང་དཀར་མོའི་ངར། །
རྩོམ་པའི་རིག་གཞུང་གངས་རིའི་གཏོས་དང་མཉམ། །
གསུམ་ལྡན་བཤེས་གཉེན་བོད་མའི་གཙུག་གི་རྒྱན། །

མཁས་གྲུབ་གཉིས་ལྡན་ལྟ་བུའི་སློབ་དཔོན་བསྟེན། །
བཙུན་པའི་ཚུལ་ཁྲིམས་ལྟ་བུའི་སྒྲིག་ལམ་ཁུར། །
བཟང་སྤྱོད་རྒྱུན་དུ་གོམས་པ་སློབ་བུའི་མཆོག། ། དེ་ལས་མང་་་