Month: ཟླ་བ་གཉིས་པ། 2022

དང་ཐོག་ཚོར་ཤེས་མང་པོའི་བཞིན་རས་ལས།།
དབྱངས་གསལ་རིག་པའི་མེ་ཏོག་མངལ་དུ་སྦྲུམ།།
བར་མེད་རྟོག་པ་འགྱུ་བའི་རླབས་འཕྲེང་ལས།།
སྤྱི་ཚོགས་གཡང་བའི་དཀན་དུ་ལང་ལོང་འཕྱོ།།
ཇི་ཡང་སྲིད་པའི་སྲིད་པ་སྒྱུ་མའི་གར།།
སྣ་ཚོགས་འཚུབ་མའི་དབྱིངས་ལ་ཡིད་བརྟན་ཅི།།
སེམས་ཉིད་དག་པའི་སྟོབས་ཀྱི་མཁའ་དབྱིངས་སུ།།
སྤྲིན་བྲལ་ཉི་ཟླའི་གསལ་སྣང་ཁྱབ་གྱུར་ཅིག།
གསར་དུ་འབུས་པའི་ལྗང་བུའི་གདན་སྟེང་དུ།།
ཕྲག་དོག་རྟ་ཕོའི་རྨིག་སྒྲ་རྡེབ་པ་འདི།།
ད་ལྟའི་བར་དུ་རང་རེའི་སྲོལ་ཡིན་པས།། དེ་ལས་མང་་་

སྲིད་པའི་ཚ་གདུང་སེལ་བའི་ནོར་གྱི་མཆོག །
སྔ་འགྱུར་བསྟན་པའི་དེ་ཉིད་རི་བོང་འཛིན། །
མི་ཉམས་སྲིད་མཐའི་བར་དུ་གསལ་མཛད་མཁན། །
མཚུངས་མེད་བྱ་བྲལ་བླ་མ་རྒྱལ་གྱུར་ཅིག །
རྩེ་གཅིག་དྲིན་ཆེན་བླ་མའི་ཞབས་སྟེགས་སུ། །
ཚོགས་གཉིས་རྦ་རླབས་གཡོ་བའི་ཞུན་མའི་ཆབ། །
དད་གསུམ་སྙིང་གི་རྩེ་ན་རབ་འཕྱོ་བའི། །
རྣམ་བཞིའི་དངོས་གྲུབ་བྱ་བྲལ་བླ་མས་སྩོལ། །
ཡང་དག་ཚད་མ་གསུམ་གྱི་ར་བར་ནས། །
ལུང་རིགས་གད་རྒྱངས་མཐོན་པོ་སྲིད་པའི་རྩེར། །
ཡང་དང་ཡང་དུ་བསྒྲེང་བ་ལན་ཅིག་མིན། ། དེ་ལས་མང་་་

ཤོག་སྐྱ་རླུང་གིས་དེད་པའི་ཕ་མཐའ་ན།།
ཆུ་མོ་ཐུར་དུ་འབབ་པའི་ལུང་གཞུང་ན།།
ལས་སྐལ་ས་ལ་ཟག་པའི་བྱེའུ་ཆུང་ཞིག།
འཁྱག་ཅིང་བརླན་པའི་ཆུ་མོ་ལྟར་དུ་བཞུར།།
ལོ་ཟླའི་གདོང་ལ་གཉེར་རེས་ཆགས་པ་དང་།།
གཡའ་མ་ནག་སྣུམ་ཆགས་པའི་འཇིག་རྟེན་ན།།
ལྷགས་པ་ཞོགས་སྤྲིན་འཕྱོ་བའི་ཚ་གདུང་ངང་།།
དགུན་ལམ་རིང་མོའི་ཕ་མཐའ་སུམ་གྱིས་བསྐྱེལ།།
རྐང་ལམ་ལྡོག་པས་མནན་པའི་ས་ངོས་སུ།།
རི་མགོས་དར་ལྕོག་སྤྱོད་འདྲེས་གཞན་དབང་གི།
འདོད་དོན་སྐད་ཆུའི་རི་མོ་ཤོད་དཀའ་བའི།། དེ་ལས་མང་་་

ཕྱི་གངས་དཀར་གྱི་ལྭ་བ་སྟུག་པོ། །
ནང་ལྗང་མདོག་གི་ནེའུ་གསེང་སྔོན་མོ། །
གཡུ་དྲུག་དཀར་གྱི་ཕྲེང་བ་དམར་པོ། །
བོད་གདུང་དམར་བའི་རྟགས་ཀྱི་ཆེ་བ། །
སེམས་ཕྱི་ནང་གི་ཤ་དྲོད་གསལ་ཡང་། །
ནང་རང་རྒྱུད་གྱི་མུན་པ་དཀར་གནག །
ས་རེབ་གོང་གི་ཡུལ་ལ་ཕྱོགས་པས། །
བོད་སྙན་ངག་གི་ཕ་རྒན་རྒན་པ། །
བསེ་བླ་མ་ལགས་བློ་བཟང་དཔལ་ལྡན། །
ལས་འདི་དང་ཕྱི་མ་ཡི་བར་ཐག།
ཁྱད་དག་པས་བཅད་པ་རང་གོ་ན། །
མགོ་ཤ་གསང་རུས་གསང་ནས་གཟེར་བ། །
ལས་ད་ཐེངས་ཀི་ དེ་ལས་མང་་་

ནམ་མཁའི་དབྱིངས་སུ་སྤྲིན་ནག་ལང་ལོང་གཡོ།།
སྤྲིན་པ་རེ་རེ་ཁྱོད་ལ་ལན་མང་འཁྱུད།།
འཁྱུད་པའི་ངལ་བ་གྲོང་ཁྱེར་དུད་ནག་འདྲ།།
ཁྱེད་ཀྱི་བཞིན་ལ་ངལ་བས་མ་འཁྱུད་ཅིག།

ལུས་ཀྱི་གྲིབ་མ་རྡོ་གཅལ་ངོས་ལ་ཟགས།།
རྡོ་གཅལ་ཉི་མའི་ཟེར་གྱིས་དྲོས་པ་ན།།
ལུས་ཡང་ངལ་དུབ་ཆེ་བའི་ཚད་དུ་སླེབས།།
འཆར་སྒོ་རང་སར་ཞོག་ལ་ངལ་ཞིག་གསོས།།

ལུས་ཀྱི་ཐོ་ཡོར་རླུང་ཁའི་དར་ལྕོག་འདྲ།།
མག་མོག་ལས་ཀྱི་ནད་ནི་ན་བུན་འདྲ།།
སྟེས་དབང་ལྟེང་ཀ་བརྡོལ་ནས་སྐྱེས་པ་ནས།། དེ་ལས་མང་་་

འཇག་སྐྱའི་ཤུགས་གླུ་ཐན་ཐུན།།
སྒེའུ་ཡོལ་འགྲམ་ནས་མཆེད་ཚེ།།
དེབ་ཆུང་ཞལ་ཁ་ཕྱེ་བཞིན།།
རྣམ་དཔྱོད་འདབ་མ་འཚོལ་ནས།།
ཨུ་དུམ་སྐྱེད་ཚལ་ལྡིང་བའི།།
བརྩེ་དགའ་བུང་བ་འདྲ་བྱུང་།།
རྟ་བདུན་བྱམས་བརྩེའི་གཟི་མདངས།།
དབྱིངས་རིག་མཁའ་ནས་འཕག་ཚེ།།
བྱ་ཁྱུའི་འཕུར་ཤུལ་བསྙེགས་པའི།།
ཡུལ་ནས་འཁྱམས་པའི་ཨ་ཇོས།།
ཚིག་དྲུག་ཕྱག་གིས་འདེད་ཅིང་།།
སྐྱོ་བའི་ཆང་དཀར་མཆོད་བྱུང་།།
དལ་ཅིང་ལྷོད་པོར་བཞུགས་པའི།།
ཤར་གྱི་རྔམ་བརྗིད་བྲག་དམར།།
བྱེའུ་ཆུང་བསམ་མེད་དག་གིས།།
ཉིན་ལྟར་ཀླག་ཅོར་འཐེན་དུས།།
ལུང་མདོའི་ཆུ་ཕྲན་ དེ་ལས་མང་་་

རབ་སྙན་པི་ཝང་བསྣམས་པའི་ཡིད་བཞིན་མ།།
དངོས་དང་བརྒྱུད་ཀྱི་མཚན་མས་མ་གོས་པར།།
ངག་རྩལ་རིག་པའི་ཆར་གྱི་རྒྱུན་བཟང་པོ།།
རྒྱ་ཆེན་ཆོས་ཀྱི་དབྱིངས་ནས་བསྩལ་དུ་གསོལ།།
མ་ཕྱིས་བཞིན་གྱི་མེ་ལོང་ཟླ་ལྟར་གསལ།།
མ་བཏབ་སྐུ་ཡི་རྒྱན་ཆ་སྤྲིན་ལྟར་གཏིབས།།
མཚོ་མོ་ལས་འཁྲུངས་སྐྱེ་དགུའི་ཡིད་བཅོམ་མ།།
ཤེས་རབ་གདུང་བ་སེལ་པའི་གཉེན་དུ་ཤོག།
དབུ་ལ་མཐོ་བའི་མེ་ཏོག་ཡེ་ཤེས་དངོས།།
མགུལ་དུ་མཛེས་པའི་རིན་ཆེན་ཡེ་ཤེས་དངོས།།
མདོར་ན་ཡེ་ཤེས་ཁོ་ནས་རྟག་ཁྱབ་མ།། དེ་ལས་མང་་་

མུན་པ་སྟུག་པོ་འཐིབས་དུས་སྐར་ཚོགས་ནི།།
འཚེར་དུ་མེད་པའི་རྨི་ལམ་ཐུང་ཐུང་ཡིན།།
དེ་ཡི་གཞོལ་དུ་མེ་ཏོག་དམར་སྨུག་གི།།
ཕྲ་ནི་བཏབ་ལྟར་མཛེས་པ་སྤྲས་པའི་དུས།།
ཡིད་ཀྱི་ཐིག་ལེ་ཁང་སྟོང་ནང་དུ་འདུག།
པད་མ་མིན་ཀྱང་ཡིད་ཀྱིས་སྤྲུལ་བ་ཡི།།
སྤྲུལ་བའི་པད་མ་མང་པོ་སོར་རྩེར་བཞད།།
ཡིད་ཀྱི་སྦྲང་བུ་མང་པོ་གང་ནས་ཡོང་།།
ཐ་སྙད་རྩིག་པ་ལྟ་བུར་བརྩིགས་པ་ཡི།།
ཁང་སྟོང་དེ་ན་པད་མ་ཆ་གཅིག་འདུག།
ང་ཡི་ཡིད་སྤྲུལ་པད་མ་ཁང་སྟོང་ན།།
སྒེག་ དེ་ལས་མང་་་