རྩོམ་པ་པོ། མཁན་པོ་ཀཿ བྲག་དངོས་གྲུབ་བསོད་ནམས།
རིག་འཛིན་གྲུབ་པའི་དབང་ཕྱུག་པདྨ་འབྱུང་།།
རྒྱལ་ཀུན་སྙིང་རྗེ་རང་གཟུགས་སྤྱན་རས་གཟིགས།།
དངོས་སྟོབས་རིག་པའི་མཁྱེན་རབ་འཇམ་དཔལ་དབྱངས།།
གཅིག་འདུས་འཁོན་གདུང་ལྷ་ཡི་སྲས་ཀྱི་མཆོག།
མདོ་སྔགས་ཤེས་བྱའི་དཀྱིལ་འཁོར་མུ་ཁྱུད་ཅན།།
རིག་འཛིན་བརྒྱུད་པའི་མན་ངག་བདུད་རྩིའི་མཛོད།།
རབ་འབྱམས་རྒྱལ་ཀུན་ངོ་བོ་གཅིག་འདུས་པ།།
རྒྱལ་བསྟན་གྲུབ་མཐའི་དཔལ་མགོན་གཙུག་ཏུ་བཀུར།།
སྨིན་གྲོལ་འཕྲིན་ལས་རྒྱལ་བའི་མཐུ་སྟོབས་ཅན།།
དམིགས་མེད་ཐུགས་རྗེ་འགྲོ་ལ་བརྩེར་གཟིགས་ནས།།
སྙིགས་དུས་བསྟན་འགྲོའི་དཔལ་མགོན་དམ་པ་མཆོག།
ལྷ་མིའི་འགྲོ་བ་ཡོངས་ཀྱི་འདོད་རྒུའི་ཚིམ།།
ཕྱག་ན་པདྨོའི་ཞི་བདེའི་གཉེན་ཀྱི་གདུགས།།
དམ་ཚིག་འོ་ཆུ་འདྲེས་པའི་ཐུགས་བསྐྱེད་ཀྱིས།།
ཐུབ་བསྟན་སྤེལ་པའི་རླབས་ཆེན་འཕྲིན་ལས་དང་།།
ཚང་ལ་མ་ནོར་རྒྱལ་བའི་དགོངས་བཞིན་འཁྱིལ།།
བསླབ་གསུམ་ནོར་གྱི་ཕྱུག་པའི་རྗེ་བཙུན་རྗེ།།
ཚེ་རབས་ཀུན་ཏུ་དཔལ་ལྡན་བླ་མ་ཁྱེད།།
བདག་སོགས་གདུལ་བྱར་མུན་སེལ་རྟག་བཞུགས་ནས།།
འདོད་རྒུར་འཇོ་བའི་ཆོས་ཀྱི་འཁོར་ལོ་བགྱིས།།
དེ་ལྟར་སྙིང་མགྲིན་སུག་གསུམ་བསྟོད་པའི་དགེ།།
ལེགས་བྱང་རང་གཞན་དགེ་བའི་ཅི་མཆིས་པ།།
དཔལ་ལྡན་བླ་མའི་ཞབས་པད་བརྟན་པ་དང་།།
ཐུགས་བཞེད་ཡོངས་སུ་འགྲུབ་པའི་རྒྱུ་རུ་བསྔོ།།
དཔྱད་གཏམ་སྤེལ་མཁན་ལ་གསལ་བརྡ།