རྩོམ་པ་པོ། ཀཿབྲག་བསོད་ནམས།
བསྟོད༌ཚིག༌གངས༌རི༌དཀར༌པོ།
དཔལ༌ལྡན༌ས༌སྐྱ༌གོང༌མ༎
སྔོན༌བྱོན༌རྒྱལ༌བ༌རྣམས༌ཀྱིས༎
ལུང༌བསྟན༌བྱིན༌གྱིས་རླབས༌པས།།
ཁྱེད༌ཉིད༌མཐོ༌སྒང༌འདི༌ལ༎
བྱོན༌པ༌སྙིང༌ནས༌ལེགས༌སོ༎
དྲིན༌ཆེན༌ཡིད༌བཞིན༌ནོར༌བུས༎
འཛམ༌གླིང༌ས༌ཕྱོགས༌ཡོངས༌ལ༎
བྱམས༌དང༌སྙིང༌རྗེ༌བཅངས༌ནས༎
རྒྱལ༌ཁམས༌མུན༌པ༌ཐམས༌ཅད༎
དམ༌ཆོས༌སྣང༌བས༌སེལ༌སོང་།།
ཁྱོད༌ཀྱི༌སྐུ༌གསུང༌ཐུགས༌ཀྱིས༎
ཚོགས༌གཉིས༌རྒྱ༌མཚོ༌བསྲུབས༌ནས༎
རིས༌མེད༌དམ༌ཚིག༌གཙང༌མས།།
འཛམ༌གླིང༌ས༌ཕྱོགས༌ཀུན༌ལ༎
ཁྱོད༌ཀྱི་འཕྲིན༌ལས༌ཁྱབ༌སོང༌༎
ཁྱོད༌ཀྱི༌འཁྲུངས༌སྐར༌ཉིན༌མོ༎
འཛམ༌གླིང༌ས༌ཕྱོགས༌ཡོངས༌ནས༎
ཁྱོད༌ཀྱི༌སློབ༌འབངས༌དུ༌མས༎
འཁྲུངས༌སྐར༌དགེ༌བའི༌ཉིན༌ལ༎
བཀྲ༌ཤིས༌བདེ༌ལེགས༌ཞུས༌ཡོད༎
ཁྱོད༌ནི༌བདག༌གི༌བླ༌མ༎
ཁྱོད༌ནི༌བདག༌གི༌ཡིད༌དམ༎
ཁྱོད༌ནི༌བདག༌གི༌ཆོས༌སྐྱོང༌༎
ཇི༌སྲིད༌འཁོར༌བ༌མ༌སྟོང༌༎
དེ༌སྲིད༌བྱིན༌རླབས་གནང༌རོགས༎
ཨེ༌མ༌སྙིགས༌མའི༌དུས༌འདིར༎
མགོན༌མེད༌འགྲོ༌བའི༌ཆེད༌དུ༎
འདྲེན༌མཆོག༌ས༌སྐྱ༌གོང༌མ༎
ཞབས༌པད༌རྡོ༌རྗེ༌ཁམས༌སུ༎
མི༌འགྱུར༌རྟག་བརྟན༌བཞུགས༌རོགས༎
༢༠༡༨/༩/༨ཉིན་་་ཀཿབྲག་བསོད་ནམས་ཀྱིས་
ལྷོ༌མཐའ༌རྒྱ༌མཚོའི༌ཉེ༌འགྲམ༌ནས༌༌༌༌ཤར༌མར་བྲིས༎
དཔྱད་གཏམ་སྤེལ་མཁན་ལ་གསལ་བརྡ།