རྩོམ་པ་པོ། ཟླ་བའི་གཉེན།
དྲང་སྲོང་རྒན་པོ་ཞིག་གིས་འདི་ལྟར་ཟེར།
འཛམ་གླིང་ས་སྒང་འདི་ཡི་ཐོག་ལ་མཚེའུ་
ཞིག་འཁྱིལ་ཡོད།
དེ་ནི་བརྩེདུང་གི་མིག་ཆུའི་ཐིག་པ་ཞིག་
རེད་ཟེར།
དེ་ནི་མྱ་ངན་གྱི་མིག་ཆུ་དང་དྲན་གདུང་
གི་མིག་ཆུ་ཞིག་ཀྱང་རེད་ཟེར།
དེ་ནི་ཁོང་མོའི་པང་ལ་དུར་ས་ཆེན་པོ་
ཞིག་པང་ཡོད་པའི་དབང་གིས་རེད་ཟེར།
དུར་ས་དེ་ལ་ལོ་ངོ་སྟོང་གི་ལོ་རྒྱུས་དང་
བརྩེ་སེམས་ཀྱི་ཞེན་ཆགས་ཡོད་ཟེར།
མྱིག་ཆུ་དེ་ལ་མཁའ་གསར་གྱི་མཚེའུ་ཟེར་
བ་རེད་ཟེར།
མཁའ་གསར་གྱི་མཚེའུ།
བསྐལ་བ་མ་འཇིག་གི་བར་དུ་དྭངས་པའི་
མིག་ཆུ་དེ་སྐོམ་མི་སྲིད་ལ་འགྱུར་བ་ཡང་
མེད་ཟེར།
དེ་ནི་མི་རིགས་ཤིག་གི་མེས་པོ་ལ་དྲན་
གསོ་དང་མི་རིགས་ཤིག་གི་ལ་རྒྱའི་རྡོ་
རིང་རེད་ཟེར།
འོ། མཁའ་གསར་གྱི་མཚེའུ།
ཁྱོད་ནི་མི་རིགས་ཤིག་གི་སྲོག་རྩ་དང་མི་
རིགས་ཤིག་གི་མེས་པོ་ཡིན་པ་གཞི་ནས་
ཤེས།
ཁྱོད་ནི་དུས་བཞི་ཡི་འགྱུར་འགྲོས་ཀྱིས་
འཇིག་མེད་ལ།
ཁྱོད་ནི་དུས་གསར་གྱིས་རླུང་བུས་ཀྱང་
འཁྱེར་ཐུབ་མེད།
ཁྱོད་ལ་གྲངས་ལས་འདས་པའི་བར་ཆད་ཅི་
ཙམ་བྱུང་ཡོད་ཀྱང་།
ད་དུང་བསྙོག་པ་མེད་པར་གཙང་ཞིང་
དྭངས་པའི་མེས་པོའི་རྣམ་ཤེས་དེ་གནས་
འདུག །
ཀྱེ་མ །མཁའ་གསར་གྱི་མཚེའུ །མེས་པོ་ཡི་
མིག་ཆུ། ང་ཁྱོད་ལ་ནམ་ཡང་
དགའ་་་་་།
དཔྱད་གཏམ་སྤེལ་མཁན་ལ་གསལ་བརྡ།