1 མ་ཡིག
1_1 ཀ
1.༄། ། ཞང་ཚེས་པོང་སྟག་བཟང་ཉ་ལྟོས2།
2.སྟོད་ཀྱི་ལྕང་བུར3། གཙུག་ལག་ཁང་བརྩྀགས་
3.ལོ་རྒྱུས། ། རྡོ་རིངས་ལ་བྲྀ་བར།༔། བཙན་༔
4.པོའི་བཀའས་གནང་སྟེ་བྲིས་པའ།༔།
5.༄། ། བཙན་པོ་ལྷ་སྲས་ཡབ་མྱེས་ཀྱི་སྐུ་རིང་ལ
6.དམ་པའྀ་ཆོས་བརྙེས་ནས། ། གདུང་རབསཿ
7.སུ་དམ་པའི་ཆོས་མྱྀ་གཏང་ཞིང་མཛད་པརཿ
8.ཆོས་གཙིགས་དང་། བཀའ་ལུང་སྩལད་པ་
9.ལས་འབྱུང་བ་བཞིན། ཞང་ཚེས་པོང་ཉ་སྟོས།
10.དམ་པའྀ་ཆོས་ཉམས་སུ་བླངས། བཙནཿ
11 .པོ་ལྷ་སྲས། ཁྲྀ་གཙུག་ལྡེ་བརྩན་འཕྲུལ་གྱི་
12.བཀའ་དྲྀན། ཞང་ཉ་སྟོ་ལ་ཆེད་སྩའད་པས
13.བཀའ་དྲྀན་ཆེན་པོ་བསབ་པའྀ་ཕྱིར། །
14.བཙན་པོ་སྐུ་ཡོན་དུ་བསྔོས་ཏེ། སྨོན་ལམཿ
15.རྒྱ་ཆེར་བཏབ་ནས། སྟོད་ལུང་ཀྱྀ་ལྕང་བུརཿ
16.གཙུག་ལག་ཁང་བརྩིགས་སྟེ། དཀོན་
17.མཆོག་གསུམ་གྱི་རྟེན་བཙུགས། དགེ་
18.སློབ་བཞི་གནས་པར་སྦྱར། རྐྱེན་ཀྱྀ
19.བྲན་ཞང་འབྲོག་དང་། ལྷ་ཆ་4དང་། ནོར་རྫས་
20.དང་། རྐང་འགྲོས་5ལས་སྩོགས་པ། ནོར་རྫས་
21.བཅད་དེ། ། བཙན་པོ་ཁྲྀ་གཙུག་ལྡེ་བརྩན་
22.གྱི་སྐུ་ཡོན་རྒྱུན་མྱྀ་འཆད་པར་བྱེད་དོ། །
23.གཙུག་ལག་ཁང་འདྀའི་མཚན་ཡང་། །
24.བཙན་པོའི་བཀའ་ཞལ་གྱྀས་བཏགས་སྟེ།
25.འོན་ཅང་དོའི་ཐུགས་དམ་གྱྀ་གཙུག་ལག
26.ཁང་ཆེན་པོའི་མཇུག་ལ་གདགས་ཤྀང་།
27.ཚིས་ཀྱང་། བླ་ནས་མཛད་པར། ། བཀའས་
28.གནང་། ། ལྷ་རྀས་ཀྱི་འབངས་དང་། དཀོར་
29.ལ། ཁྲལ་མྱྀ་དབབ་པ་དང་། ཁྭ་6དང་། ཆད་ཀ7
30.མྱྀ་བཞེས་པ་ལས་སྩོགས་པ་ཡང་། ལྷ་རིསཿ
31.ཆེན་པོའི་ཐང་དུ། ། བཀའས་གནང་ངོ་། །
32.གཙུག་ལག་ཁང་འདྀའི་རྐྱེན་རྀས་བསྔོ་ཞིང་
33.སྤྱད་པ་ཡང་། ། ཞང་ཉ་སྟོས། ། ཇི་ལྟར་བྱས་ཤྀང་།
34.བསྔོས་པ་བཞྀན་བརྩན་པར། བཀའས་གནངོ་།
35.ནམ་ཞྀག་ན། །ཞང་ཉ་སྟོ་ལ། བུ་ཚ་རྒྱུད་ཡོང[ཡོད]ཿ
36.མྱེད་པ་ཞྀག་ཏུ་གྱུར་ན། ། ཁོལ་ཡུལ་ལས་སྩོགས་
37.པ་དབང་ངོ་ཅོག ། ། བླར་མྱི་བཞེས།
38.ཀྱང་མྱྀ་སྦྱིན་བར། ། གཙུག་ལག་ཁང་འདྀ་རྐྱེན་
39.དུ་བསྣན་པར། ། བཀའས་གནང་ངོ།
40.གཙུག་ལག་ཁང་གྀ་རྐྱེན་བཅད་པའི་དཀརཿ
41.ཅག་དང་། བསྔོས་ཡྀག་བླ་དཔེ་ནི། ། བཅོམ་ལྡན་
42.འདའས་རིང་ལུགས་ཀྱི་འདུན་སར་བཞག །
43.འོག་དཔེ་ནི། འོན་ཅང་དོ་གཙུག་ལག་ཁང་གིཿ
44.གནས་བརྟན་དང་། མངན་ལ་སྩའད། ། དཔེཿ
45.དེ་དང་འདྲ་བ་གཅྀག་ནི། ། གཙུག་ལག་ཁངཿ
46.འདིར་གཞག་པར། བཀའས་གནང་ངོ།
1_2 ཁ
1.༄། ། ཞང་ཚེས་པོང་
2.གསས་སྟོའི་བུ་
3.ཚ། གཙིགསཿ
4.གནང་བའྀ་བླ
5.དཔེ་ནི། ཕྱྀང་བ་
6.འི་སྐུན་མཁར་8
7.ན། གཙིགསཿ
8.ཆེན་པོ་གཞན་གྱྀ།
9.ཟླ་ལ་བཞག། དེ་
10.དང་འདྲ་བ་རྣམཿ
11 ..གཅྀག་ནི། གཙིགས
12.གཞན་གྱྀ་ཟླ་ལ
13.བཀའྀ་སར་བཞྒ
14.གཙྀགས་ཀྱྀ་
15.འོག་དཔེ་འཕྲཿ
16.མེན་གྱྀ་སྒྲོམ་བུཿ
17.ནི། གཙུགས་ལགཿ
18.ཁང་འདྀའི་མཛོད་
19.དུ་བཞག་པར
20.བཀའས་གནང་
21.ངོ། །
22.བཀྲ་ཤིས། །
2 དཀའ་འགྲེལ།
1.མཚུར་ཕུའི་རྡོ་རིང་། འདི་ནི་ཁྲི་གཙུག་ལྡེ་བཙན་གྱིས་ཞང་ཚེས་པོང་སྟག་བཟང་ཉ་སྟོ་ལ་གནང་བའི་བཀའ་གཙིགས་ཡིན་ཞིང་། རྡོ་རིང་དེ་ད་ལྟ་བོད་ལྗོངས་སྟོད་ལུང་བདེ་ཆེན་རྫོང་ཁོངས་ཀྱི་མཚུར་ཕུ་དགོན་ཤུལ་དུ་མཆིས།
2.ཞང་ཚེས་པོང་སྟག་བཟང་ཉ་སྟོ། འདི་ཉིད་ནི་ཁྲི་གཙུག་ལྡེ་བཙན་གྱི་ཞང་པོར་ངེས་ལ། ཚེས་པོང་པ་དང་བཙན་པོ་རྒྱུད་ཀྱི་བར་གཉེན་གྱི་འབྲེལ་བ་ཟབ་མོའང་ཡོད་དོ། །
3.སྟོད་ཀྱི་ལྕང་བུ། སྟོད་ལུང་གི་ཡུལ་གྲུ་ཞིག
4.ལྷ་ཆ། ལྷ་ཆས་ཏེ་ཆོས་ཕྱོགས་སུ་སྦྱར་པའི་ཡོ་བྱད།
5.རྐང་འགྲོས། ཁལ་ཟོག་དང་བཞོན་རྟ་དང་བཀོལ་ཕྱུགས།
6.ཁྭ། ཁན་ཏེ་གཏན་ཁེལ་བྱས་པའི་གྲངས་ལས་ཁ་སྣོན་མི་བྱེད་པའི་མིང་།
7.ཆད་ཀ ། ཆད་པ་སྟེ་ཁྲིམས་ཀྱི་ཆད་པ་སོགས་ལ་འཇུག་པ་འདྲ། ཆས་ཀ་སྟེ་སྤྱི་རྫས་སུ་འཇུག་པའི་འགྲེལ་ཡང་འབྱུང་།
8.ཕྱྀང་བ་འི་སྐུན་མཁར། བཙན་པོའི་ཕོ་བྲང་རྙིང་བ་སྟེ་ཕྱིང་བ་སྐུ་མཁར་ཞེས་པ་དེ་དེང་གི་བོད་ལྗོངས་ལྷོ་ཁའི་འཕྱོང་རྒྱས་རྫོངས་སུ་མཆིས།
དཔྱད་གཞིའི་ཡིག་ཆ།
1 གཉའ་གོང་དཀོན་མཆོག་ཚེ་བརྟན་གྱིས་བརྩམས་པའི 《བོད་ཀྱི་བརྡ་རྙིང་ཡིག་ཆ་བདམས་བསྒྲིགས》 ཀྲུང་དབྱང་མི་རིགས་སློབ་གྲྭ་ཆེན་མོའི་དཔེ་ཁང་། སྤྱི་ལོ1995ལོའི་པར་གཞི་དང་པོ། ཤོག་ངོས240-244ན་གསལ།
ཡོང་ཁུངས། ཡོངས་འ་ཛིན།
གསར་སྤེལ་མཁན། གདུགས་དཀར་རྒྱལ།
དཔྱད་གཏམ་སྤེལ་མཁན་ལ་གསལ་བརྡ།