དེ་རིང་ཕྱི་ཟླ་ལྔ་པའི་ཚེས་༡༥ ཉིན་དཔལ་ས་སྐྱའི་༧སྐྱབས་མགོན་༧གོང་མ་ཁྲི་འཛིན་ཞེ་གཉེས་པ་ཆེན་པོ་མཆོག་གི་ཞལ་སྔ་ནས་དཔལ་ལྡན་ས་སྐྱ་པའི་ཡབ་ཆོས་གསུང་ངག་རིན་པོ་ཆེ་ལམ་འབྲས་གསུང་ཆོས་ཟླ་བ་གཉིས་ཙམ་རིང་བཀྲིན་བསྐྱངས་ནས་དེ་རིང་ཕྱོགས་ཀུན་ནས་བཀྲིས་ཕུན་སུམ་ཚོགས་པའི་ངང་ནས་ལེགས་པར་སྒྲུབས་པའི་བཀྲིན་གཏང་རག་ཏུ་ཆོས་ཞུ་བ་ཡོངས་ནས་༧གོང་མ་ཁྲི་འཛིན་མཆོག་ལ་སྒྲོལ་དཀར་བརྟན་བཞུགས་བསྟར་འབུལ་ཞུས་པ་འདིས་༧གོང་མ་ཁྲི་འཛིན་རིན་པོ་ཆེ་མཆོག་བསྟན་འགྲོའི་དོན་དུ་སྐུ་ཚེ་ཡུན་བརྟན་དང་སྐུ་ཁམས་བཟང་པོར་འཚོ་བཞུགས་གནང་ནས་སེམས་ཅན་དོན་དུ་གང་ལ་གང་འདུལ་གྱི་ཆོས་ཀྱི་འཁོར་ལོ་རྒྱུན་མི་ཆད་པ་བསྐོར་བར་མཛད་དུ་གསོལ།
དཔྱད་གཏམ་སྤེལ་མཁན་ལ་གསལ་བརྡ།