༼ མདོ་ལ་མཁས་པ་གཡག་གཞོན་རོང་གསུམ།༽
༡༽ ཀུན་མཁྱེན་གཡག་སྟོན་པ་ཐམས་ཅད་མཁྱེན་པ་སངས་རྒྱས་དཔལ་གྱི་རྣམ་ཐར།
འཁྲུངས་ཡུལ། གངས་ལྗོངས་རྡོ་རྗེ་གདན་དཔལ་ལྡན་ས་སྐྱ་དང་འདབས་ཉེ་བ་ས་སྐྱ་འཕྲང་ཞེས་བྱ་བ།
འཁྲུངས་དུས། བོད་རྒྱལ་ལོ་༡༤༧༧ལོ་སྟེ་ཕྱི་ལོ་1350ལོའི་རབ་བྱུང་དྲུག་པའི་ལྕགས་ཕོ་སྟག་གི་ལོ།
ཡབ་དང་ཡུམ། ཡབ་རྩེ་ཐང་ག་གི་བྱང་ཆུབ་རིན་ཆེན།
རབ་ཏུ་བྱུང་དུས། དགུང་ལོ་བཅུའི་ཐོག་སྟེ་རབ་བྱུང་དྲུག་པའི་ས་མོ་ཕག་གི་ལོ།
དགེ་ཚུལ་མཁན་པོ། མཆན། ཁུངས་ལྡན་ཡིག་ཆ་མ་རྙེད་པས་དགོངས་མཁན་རྣམས་ཀྱིས་ལམ་སྟོན་གནང་རོགས།
དགེ་སློང་མཁན་པོ། མཆན། ཁུངས་ལྡན་ཡིག་ཆ་མ་བརྙེད་པས་དགོངས་མཁན་རྣམས་ཀྱིས་ལམ་སྟོན་གནང་རོགས།
གདན་ས། གངས་ལྗོངས་རྡོ་རྗེ་གདན་དཔལ་ས་སྐྱ་དགོན།
བཤེས་གཉེན་གཙོ་བོ། མཁན་ཆེན་བརྩོན་འགྲུས་དཔལ། གོ་འཇོ་ཡེ་ཤེས་དཔལ།
སློབ་མ་གཙོ་བོ། རང་སྟོན་ཤེས་བྱ་ཀུན་རིག །རེད་མདའ་བ་གཞོན་ནུ་བློ་གྲོས། གཞོན་ནུ་རྒྱལ་མཆོག་སོགས།
བརྩམས་ཆོས། རྒྱལ་ཡུམ་ཤེར་ཕྱིན་གྱི་དགོངས་འགྲེལ་པོད་དགུ་སོགས་མཛད་ཅིང་ཤེར་ཕྱིན་གཡག་ལ་ཐུག་ཅེས་བཤད་སྲོལ་ཡོད།
འདས་ལོ། བོད་རྒྱལ་ལོ་༡༥༤༡ལོ་སྟེ་ཕྱི་ལོ་1414ལོ་རབ་བྱུང་བདུན་པའི་ཤིང་ཕོ་རྟའི་ལོ།
༢༽ སྨྲ་བའི་སེངྒེ་ཀུན་མཁྱེན་རོང་སྟོན་ཤེས་བྱ་ཀུན་རིག་གི་རྣམ་ཐར།
འཁྲུངས་ཡུལ། མདོ་ཁམས་རྒྱལ་མོ་ཚ་བ་རོང་།
འཁྲུངས་དུས། བོད་རྒྱལ་ལོ་༡༤༩༤ལོ་སྟེ་ཕྱི་ལོ་1367ལོའི་རབ་བྱུང་དྲུག་པའི་མེ་མོ་ལུག་ལོ།
ཡབ་ཡུམ། ཡབ་གེ་གོང་རྒྱལ་པོ། ཡུམ་རྒྱ་གར་སྨན།
རབ་ཏུ་བྱུང་དུས། དགུང་ལོ་ཉེ་གཉིས་བཞེས་པ་རབ་བྱུང་བདུན་ས་ཕོ་འབྲུག་གི་ལོ།
དགེ་ཚུལ་མཁན་པོ། དཔལ་གྲོ་སའི་མཁན་ཆེན་མཁས་བཙུན་ཀུན་དགའ་རྒྱལ་པོ།
དགེ་སློང་མཁན་པོ། དཔལ་གྲོ་སའི་མཁན་ཆེན་མཁས་བཙུན་ཀུན་དགའ་རྒྱལ་པོ།
གདན་ས། མཁས་ཤིང་གྲུབ་པ་བརྙེས་དུ་མའི་བསྟི་གནས་འཕན་པོ་ན་ལེནྡྲ་དགོན་པ།
བཤེས་གཉེན་གཙོ་བོ། ཐམས་ཅད་མཁྱེན་པ་གཡག་སྟོན་སངས་རྒྱས་དཔལ། ཏཱ་དབེན་བློ་གྲོས་རྒྱལ་མཚན། དམར་སྟོན་ཐམས་ཅད་མཁྱེན་པ། མཁས་བཙུན་རིན་ཆེན་རྣམ་རྒྱལ་སོགས།
སློབ་མ། ཀུན་མཁྱེན་གོ་བོ་རབ་འབྱམས་པ། པཎ་ཆེན་ཤཱཀྱ་མཆོག་ལྡན། སྟག་ཚང་ལོ་ཙཱ་བ་ཤེས་རབ་རིན་ཆེན། མཉམ་མེད་ཤེས་རབ་རྒྱལ་མཚོ་སོགས་ཤིན་ཏུ་མང་ཞིང་། དམ་པ་འདི་དང་། བཅོམ་ལྡན་རིག་པའི་རལ་གྲི་དང་། ཕྱྭ་བ་ཆོས་ཀྱི་སེང་གེ་གསུམ་ལས་དངོས་སློབ་མང་བོད་ལ་མེད་པར་གྲགས།
བརྩམས་ཆོས། མདོ་སྔགས་དུ་མའི་འགྲེལ་བ་འགྲེལ་བཤད་པོད་བཅུ་ལྷག་ཕྱོགས་བསྒྲིག་བྱས་ཡོད་ཅིང་ད་དུང་བོན་གྱི་ལྟ་གྲུབ་དང་འགྲེལ་བའི་བརྩམས་ཆོས་ཁ་ཤས་འདིའི་ནང་མ་འདུས་པའང་ཡོད་ས་རེད།
འདས་ལོ། བོད་རྒྱལ་ལོ་༡༥༧༦ལོ་སྟེ་ཕྱི་ལོ་1449ལོ་ས་མོ་སྦྲུལ་གྱི་ལོའི་ཧོར་ཟླ་བཅུ་གཉིས་པའི་ཚེས་བཅུ་བཞིའི་ཐོ་རེངས་དགའ་ལྡན་དུ་གཤེགས་སོ།
༣༽ དཔལ་ལྡན་རྗེ་བཙུན་རེད་མདའ་བ་ཆེན་པོ་གཞོན་ནུ་བློ་གྲོས་ཀྱི་རྣམ་ཐར།
འཁྲུངས་ཡུལ། གངས་ལྗོངས་རྡོ་རྗེ་གདན་དཔལ་ལྡན་ས་སྐྱ་དང་ཉེ་བར་རེ་མདའ་ཁབ་སོར་གྲགས་པ་དེར།
འཁྲུངས་དུས། བོད་རྒྱལ་ལོ་༡༤༧༦ལོ་སྟེ་ཕྱི་ལོ་1349ལོ་རབ་བྱུང་དྲུག་པའི་ས་མོ་གླང་གི་ལོ།
ཡབ་ཡུམ། ཡབ་རེད་མདའི་བློན་ཆེན་བཀྲ་ཤིས་རྒྱལ་མཚན། ཡུམ་ཡེ་ཤེས་ཀྱི་མཁའ་འགྲོ་མ།
རབ་ཏུ་བྱུང་དུས། དགུང་ལོ་བཅོ་བརྒྱད་ཀྱི་ཐོག་སྟེ་མེ་ཕོ་རྟ་ལོ།
དགེ་ཚུལ་མཁན་པོ། ས་བཟངས་པཎ་ཆེན།
དགེ་སློང་མཁན་པོ། ལྡོག་ལྷོད་པ་མཁན་ཆེན་ཀུན་དགའ་དཔལ་བཟང་པོ།
གདན་ས། གངས་ལྗོངས་རྡོ་རྗེ་གདན་དཔལ་ལྡན་ས་སྐྱ།
བཤེས་གཉེན་གཙོ་བོ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། གཡག་སྟོན་ཐམས་ཅད་མཁྱེན་པ་སངས་རྒྱས་དཔལ། མཁས་པའི་དབང་པོ་ཉ་དབོན་ཀུན་དགའ་དཔལ།
སློབ་མ་གཙོ་བོ། རྒྱལ་བ་ཙོང་ཁ་པ་བློ་བཟང་གྲགས་པ། བོ་དོང་པཎ་ཆེན་ཕྱོགས་ལས་རྣམ་རྒྱལ། ལས་སྟོད་པ་མཁན་ཆེན་བུདྡྷ་ཤྲཱི་སོགས་ཤིན་ཏུ་མང་།
བརྩམས་ཆོས། འཛམ་གླིང་མཛེས་པའི་རྒྱན་མཆོག་བཀའ་ཆེན་བཞི། །རྩ་འཇུག་བཞི་གསུམ་ཐེག་ཆེན་རྒྱུད་བླ་དང་། །ཆོས་མངོན་མཛོད་དང་དཔལ་ལྡན་འདུས་པ་སོགས། །རྣམ་བཤད་བྱས་པའི་གཞུང་ལུགས་བཅུ་ཕྲག་གཅིག །གཞན་ཡང་བོད་ཡུལ་འགྱུར་བའི་བསྟན་བཅོས་དང་། །མདོ་དང་རྒྱུད་སྡེ་ཕལ་ཆེར་ལེགས་པར་བལྟས། །རང་གཞན་གྲུབ་མཐའི་དེ་ཉིད་འབྱེད་པ་ལ། །མཁས་པའི་མདུན་སར་མི་འཇིགས་སྤོབས་པ་ཐོབ། །ཅེས་ཉིད་ཀྱིས་གསུང་པར་ལྟར་ཤིན་ཏུ་མང་། ལྷག་པར་དུ་འདི་བ་ནས་འཇུག་པའི་འཆད་ཉན་ཤུགས་ཆེར་དར་ནས་དབུ་མ་རེ་ལ་ཐུག་ཅེས་བཤད་སྲོལ་ཡོད།
འདས་ལོ། བོད་རྒྱལ་ལོ་༡༥༣༩ལོ་སྟེ་ཕྱི་ལོ་1412ལོའི་རབ་བྱུང་བདུན་པའི་ཆུ་ཕོ་འབྲུག་གི་ལོ།
༼ སྔགས་ལ་མཁས་པ་ངོར་རྫོང་ཚར་གསུམ།༽
༤༽ ངོར་ཆེན་རྡོ་རྗེ་འཆང་ཀུན་དགའ་བཟང་པོའི་རྣམ་ཐར།
འཁྲུངས་ཡུལ། གངས་ལྗོངས་རྡོ་རྗེ་གདན་དཔལ་ལྡན་ས་སྐྱ།
འཁྲུངས་དུས། བོད་རྒྱལ་ལོ་༡༥༠༩ཕྱི་ལོ་1382ལོ་རབ་བྱུང་དྲུག་པའི་ཆུ་ཕོ་ཁྱིའི་ལོ།
ཡབ་ཡུམ། ཡབ་དཔོན་ཚང་གྲུབ་པ་ཡོན་ཏན། ཡུམ་དགེ་བསྙེན་མ་བསོད་ནམས་དཔལ་འདྲེན།
རབ་ཏུ་བྱུང་དུས། དགུང་ལོ་དགུའི་ཐོག་སྟེ། རབ་བྱུང་བདུན་པའི་ལྕགས་མོ་ལུག་གི་ལོར་རབ་ཏུ་བྱུང་།
དགེ་ཚུལ་མཁན་པོ། ཆོས་རྗེ་ཡེ་ཤེས་རྒྱལ་མཚན།
དགེ་སློང་མཁན་པོ། ཆོས་རྗེ་ཡེ་ཤེས་རྒྱལ་མཚན།
གདན་ས། ངོར་ཨེ་ཝཾ་ཆོས་ལྡན་གྱི་དགོན་པ།
བཤེས་གཉེན་གཙོ་བོ། ཆོས་རྗེ་ཡེ་ཤེས་རྒྱལ་མཚན། སློབ་དཔོན་བུདྡྷ་ཤྲཱི། གཡག་སྟོན་ཐམས་ཅད་མཁྱེན་པ་སངས་རྒྱས་དཔལ་སོགས།
སློབ་མ་གཙོ་བོ། མུས་ཆེན་དཀོན་མཆོག་རྒྱ་མཚོ། ཀུན་མཁྱེན་བསོད་ནམས་སེངྒེ། པཎ་ཆེན་ཤཱཀྱཱ་མཆོག་ལྡན་སོགས།
འདས་ལོ། བོད་རྒྱལ་ལོ།༡༥༨༣སྟེ་ཕྱི་ལོ་1456ལོའི་རབ་བྱུང་བརྒྱད་པའི་མེ་ཕོ་བྱི་བའི་ལོའི་ས་ཟླའི་ཉེར་ལྔར་གཤེགས།
༥༽ རྫོང་པ་ཀུན་དགའ་རྣམ་རྒྱལ་མཆོག་གི་རྣམ་ཐར།
འཁྲུངས་ཡུལ། བར་དབུས་གཙང་རུ་བཞིའི་ནང་གསེས་གཡོ་རུ།
འཁྲུངས་དུས། བོད་རྒྱལ་ལོ་༡༤༩༩ལོ་སྟེ་ཕྱི་ལོ་1372ལོ་རབ་བྱུང་དྲུག་པའི་ཆུ་ཕོ་བྱི་བའི་ལོ། སྨིན་དྲུག་ཟླ་བའི་ཚེས་བརྒྱད་ཀྱི་ཐོ་རེངས།
ཡབ་ཡུམ། ཡབ་རྒྱལ་བ་ཤེས་རབ། ཡུམ་དཔལ་ལྡན་རྡོ་རྗེ་བདེ་མ།
རབ་ཏུ་བྱུང་དུས། དགུང་ལོ་ཉི་ཤུ་རྩ་བདུན་བཞེས་པ་རབ་བྱུང་བདུན་པའི་ས་ཕོ་སྟག་གི་ལོ།
དགེ་ཚུལ་མཁན་པོ། གནས་ལྔ་རིག་པའི་པཎྚི་ཏ་དཔལ་ཐུ་བཙུན་བསོད་ནམས་རྣམ་པར་རྒྱལ་བ།
དགེ་སློང་མཁན་པོ། གནས་ལྔ་རིག་པའི་པཎྚི་ཏ་དཔལ་ཐུ་བཙུན་བསོད་ནམས་རྣམ་པར་རྒྱལ་བ།
གདན་ས། གངས་དཀར་ཆོས་སྡེ།
བཤེས་གཉེན་གཙོ་བོ། རྗེ་བཙུན་བྲག་ཐོག་པ་བསོད་ནམས་བཟང་པོ། སྟག་ཚང་ལོ་ཙཱ་བ་ཤེས་རབ་རིན་ཆེན། ཀུན་མཁྱེན་རྫོང་དཀར་བ་སངས་རྒྱས་འཕེལ་སོགས།
སློབ་མ་གཙོ་བོ། བདག་ཆེན་བསོད་ནམས་རྒྱལ་མཚན། པཎ་ཆེན་འབུམ་ཕྲག་གསུམ་པ། ཞ་ལུ་ལོ་ཙཱ་བ་ཆོས་སྐྱོང་བཟང་པོ་སོགས།
འདས་ལོ། བོད་རྒྱལ་ལོ་༡༥༣༦ལོ་སྟེ་ཕྱི་ལོ་1436ལོའི་རབ་བྱུང་བདུན་པའི་མེ་ཕོ་འབྲུག་གི་ལོ།
༦༽ཚར་ཆེན་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོའི་རྣམ་ཐར།
འཁྲུངས་ཡུལ། རྨུ་གཤོངདགེ་བའི་ཚལ།
འཁྲུངས་དུས། བོད་རྒྱལ་ལོ་༡༦༢༩ལོ་སྟེ་ཕྱི་ལོ་1502ལོ་རབ་བྱུང་བརྒྱད་པའི་ཆུ་ཕོ་ཁྱིའི་ལོ།
ཡབ་ཡུམ། ཡབ་ཆོས་རྒྱལ་རིན་ཅེན་དཔལ་བཟང་།ཡུམ་བོན་པོ་དབེན་རྩ་ཁ་པའི་སྲས་མོ་བཀྲ་ཤིས་ཨ་མཚོ།
རབ་ཏུ་བྱུང་དུས། དགུང་ལོ་སོ་གཅིག་བཞེས་པ་རབ་བྱུང་དགུ་བའི་ཆུ་ཕོ་འབྲུག་གི་ལོ།
དགེ་ཚུལ་མཁན་པོ། ཐམས་ཅད་མཁྱེན་པ་དགེ་འདུན་རྒྱ་མཚོ།
དགེ་སློང་མཁན་པོ། བསྟན་པའི་མངའ་བདག་གྲགས་པ་རྒྱལ་མཚན་དཔལ་བཟང་པོ།
གདན་ས། འདར་གྲོང་མོ་ཆེ་དགོན། མཁས་གྲུབ་དུ་མའི་བསྟི་གནས་འཕན་པོ་ནཱ་ལེནྡྲའི་དགོན་པ། ཞ་ལུ་གསེར་བཀང་གི་ཆོས་གྲྭ་སོགས།
བཤེས་གཉེན་གཙོ་བོ། རྡོ་རིང་ཀུན་སྤངས་ཀུན་བཟང་ཆོས་ཀྱི་ཉི་མ། ངོར་ཆེན་དཀོན་མཆོག་ལྷུན་གྲུབ། སྒོ་རུམ་པ་ཆེན་པོ་སོགས་བཤེས་དྲུག་ཅུ་རྩ་བཞི་མཉེས་པར་བྱས།
སློབ་མ་གཙོ་བོ། འཇམདབྱངས་མཁྱེན་བརྩེའི་དབང་ཕྱུག །མཻ་ཏྲི་བྱམས་པ་དོན་འགྲུབ་རྒྱལ་མཚན།རྡོ་རྗེ་འཆང་དབང་ཕྱུག་རབ་བརྟན་སོགས།
འདས་ལོ། བོད་རྒྱལ་ལོ་༡༦༩༤ལོ་སྟེ་ཕྱི་ལོ་1567ལོ་རབ་བྱུང་བཅུ་པའི་མེ་མོ་ཡོས་ལོའི་ཧོར་ཟླ་བདུན་པའི་ཚེས་བཅོ་ལྔར་ཞི་བར་གཤེགས།
༼ མདོ་སྔགས་གཉིས་ལ་མཁས་པ་གོ་ཤཀྱཱ་སྟག་གསུམ།༽
༧༽ཀུན་མཁྱེན་གོ་བོ་རབ་འབྱམས་པ་བསོད་ནམས་སེང་གེའི་རྣམ་ཐར།
འཁྲུངས་ཡུལ། སྨར་ཁམས་སྒང་གི་ཆར་གཏོགས་པ་འབོམ་གྱི་ཡུལ། གོ་འཇོ་རབ་གསལ་གྲོང་ཟིལ་བ་ཚང་།
འཁྲུངས་དུས། བོད་རྒྱལ་ལོ་༡༥༥༦ལོ་སྟེ་ཕྱི་ལོ་1429ལོ་ས་མོ་བྱའི་ལོའི་ཧོར་ཟླ་བརྒྱད་པའི་སྐར་མ་ལྷག་མཚམས།
ཡབ་ཡུམ། ཡབ་རུ་ཚ་ཞང་སྐྱབས། ཡུམ་རྒྱལ་བ་སྨན།
རབ་ཏུ་བྱུང་དུས། དགུང་ལོ་བཅུའི་ཐོག་སྟེ་རབ་བྱུང་བདུན་པའི་ས་མོ་ལུག་གི་ལོ།
དགེ་ཚུལ་མཁན་པོ། འདུལ་འཛིན་བསོད་ནམས་འོད་ཟེར།
དགེ་སློང་མཁན་པོ། ངོར་ཆེན་རྡོ་རྗེ་འཆང་ཀུན་དགའ་བཟང་པོ།
གདན་ས། རྟ་ནག་གསེར་གླིང་དང་ངོར་ཨེ་ཝཾ་དུའང་ཁྲི་རབས་ལྔ་པར་བཟུང་སྟེ་དགུང་ལོ་བཞིར་བཞུགས།
བཤེས་གཉེན་གཙོ་བོ། ངོར་ཆེན་རྡོ་རྗེ་འཆང་ཀུན་དགའ་བཟང་པོ། ཀུན་མཁྱེན་སངས་རྒྱས་འཕེལ། རང་སྟོན་ཤེས་བྱ་ཀུན་རིག་སོགས།
སློབ་མ། མཚུངས་མེད་ཀྱི་སྐྱེས་ཆེན་གསུམ། ཚོགས་པ་ཆེན་པོའི་གཙུག་རྒྱན་ལྔ། སྔར་ཚར་གྱི་བུ་ཆེན་བསྟན་པ་འདེགས་པའི་ཀ་ཆེན་ལྔ། བར་ཚར་གྱི་བུ་ཆེན་གངས་ཅན་མཛེས་པའི་རྒྱན་བཅུ་གཉིས། ཕྱིས་ཚར་གྱི་བུ་ཆེན་བསྟན་པའི་གསལ་བྱེད་དྲུག ཉི་ཟླ་ལྟ་བུའི་མཁས་པའི་སྐུ་སྐྱེ་གཉིས། གྲུབ་པའི་དབང་ཕྱུག་བདུན། གསུང་སྒྲོས་ཚུལ་བཞིན་འཛིན་པའི་མཁས་པ་སོ་གསུམ་སོགས་བགྲང་གིས་མི་ལང་བར་བསྐྲུན་པར་མཛད་དོ། །
བརྩམས་ཆོས། གྲགས་ཆེ་བ་ལྟ་བ་ངན་སེལ་དང་ཐེག་མཆོག་གནད་ཀྱི་ཟླ་ཟེར་སོགས་པོད་བཅུ་གསུམ་བཞུགས་ཤིང་། རྒྱུད་བླའི་འགྲེལ་བ་སོགས་གང་མང་ཞིག་དུས་ཀྱི་འཕོ་འགྱུར་གྱིས་བརླགས་སོང་བར་བཤད།
འདས་ལོ། བོད་རྒྱལ་ལོ་༡༦༡༦ལོ་སྟེ་ཕྱི་ལོ་1489ལོ་རབ་བྱུང་བརྒྱད་པའི་ས་མོ་བྱའི་ལོ་ཧོར་ཟླ་དང་པོའི་ཚེས་ཉེར་གཅིག་ཉིན་བདེ་བ་ཅན་དུ་གཤེགས་སོ། །
མཆན། འཁྲུངས་ཡུལ་ལ་སྨར་ཁམས་སུ་འདོད་མཁན་ཞིག་དང་གོ་འཇོར་འདོད་མཁན་གཉིས་འདུག་ཀྱང་ཆོས་ཀྱི་བློ་གྲོས་པས་ཕྱི་མར་ངོས་འཛིན་མཛད་འདུག་པས་རེ་ཞིག་ཁོ་བོས་ཀྱང་དེ་དང་བསྟུན། མཐའ་གཅིག་ཏུ་མ་ངེས། ལོ་རྒྱུས་ཀྱི་རྒྱབ་ལྗོངས་འཚོལ་དགོས།
༨༽གསེར་མདོག་པཎ་ཆེན་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་ཐར།
འཁྲུངས་ཡུལ། དཔལ་གསང་ཕུ་ནེའུ་ཐོག་གི་ཆོས་གྲྭའི་ཞོལ་འདབས་སུ་གྱུར་པ་གསང་མདའ་བང་རིམ་ཞེས་བྱ་བ།
འཁྲུངས་དུས། བོད་རྒྱལ་ལོ་༡༥༥༥ལོ་སྟེ་ཕྱི་ལོ་1428ལོ། རབ་བྱུང་བདུན་པའི་ས་ཕོ་སྤྲེལ་ལོ།
ཡབ་ཡུམ། ཡབ་དཔོན་དྲུང་དམག་དཔོན་ནམ་མཁའ་དཔལ་འབར།
མཆན། ཁ་ཅིག་དེའི་སྐུ་མཆེད་གསང་ཕུའི་སློབ་དཔོན་དཔལ་ལྡན་བཟང་པོ་ཡབ་ཏུ་བཤད། ཡུམ་རིག་འཛིན་མཁའ་སྤྱོད་མའི་སྤྲུལ་པར་གྲགས་པ་ཤཱཀྱ་བཟང་མོ།
རབ་ཏུ་བྱུང་དུས། དགུང་ལོ་བཅུ་གསུམ་བཞེས་པ་རབ་བྱུང་བདུན་པའི་ལྕགས་ཕོ་སྤྲེལ་ལོ།
དགེ་ཚུལ་མཁན་པོ། སྨྲ་བ་ཐམས་ཅད་ཀྱི་རྒྱལ་པོ་རོང་སྟོན་ཤེས་བྱ་ཀུན་རིག
དགེ་སློང་མཁན་པོ། སྙིགས་དུས་ཀྱི་རྡོ་རྗེ་འཆང་ཆེན་པོ་ངོར་ཆེན་ཀུན་དགའ་བཟང་པོ།
གདན་ས། གསེར་མདོག་ཅན་གྱི་ཆོས་གྲྭ།
བཤེས་གཉེན་གཙོ་བོ། སྨྲ་བའི་སེང་གེ་རང་སྟོན་ཤེས་བྱ་ཀུན་རིག ངོར་ཆེན་རྡོ་རྗེ་འཆང་ཀུན་དགའ་བཟང་པོ།
སློབ་མ་གཙོ་བོ། རྗེ་དཔོན་ཤཱཀྱཱ་རྒྱལ་མཚན། རྡོ་རིངས་ཀུན་སྤངས་ཆེན་པོ། རྗེ་བཙུན་ཀུན་དགའ་དོན་གྲུབ་སོགས།
བརྩམས་ཆོས། པོད་ཆེན་དྲུག་གི་བཙོས་མདོ་སྐོར་དང་། རྒྱུད་བརྟག་གཉིས་གསང་འདུས་སོགས་སྔགས་སྐོར། སྙན་ངག་མེ་ལོང་མ་སོགས་རིག་གནས་ཏེ། མདོ་རྒྱུད་རིག་གནས་དང་བཅས་པའི་འགྲེལ་བ་འགྲེལ་བཤད་པོད་ཉེར་བཞི་བཞུགས།
འདས་ལོ། བོད་རྒྱལ་ལོ་༡༦༣༤ལོ་སྟེ་ཕྱི་ལོ་1507ལོ་ཧོར་ཟླ་དྲུག་པའི་ཚེས་ལྔ།
༩༽ སྟག་ཚང་ལོ་ཙཱ་བ་ཤེས་རབ་རིན་ཆེན་རྒྱལ་མཚན་དཔལ་བཟང་པོའི་རྣམ་ཐར།
འཁྲུངས་ཡུལ། གཙང་གཡས་རུའི་སྨད་ལོ་སྐྱབས་མཆོག་ཡབ་སྲས་འཁྲུངས་ཡུལ་དང་ཉེ་བ་ལང་འགྲོ་ཁང་དམར་ཞེས་བྱ་བ།
འཁྲུངས་དུས། བོད་རྒྱལ་ལོ་༡༥༣༢ལོ་སྟེ་ཕྱི་ལོ་སྟེ་1405ལོ་རབ་བྱུང་བདུན་པའི་ཤིང་མོ་བྱའི་ལོ་ས་ག་ཟླ་བའི་ཚེས་གསུམ་སྐར་མ་སྨིན་དྲུག་ལ་འཁྲུངས།
ཡབ་ཡུམ། ཡབ་དོན་འགྲུབ་རྒྱལ་པོ། ཡུམ་ལྷ་མོ་སྐྱབས།
རབ་ཏུ་བྱུང་དུས། དགུང་ལོ་ཉི་ཤུའི་ཐོག་སྟེ། རབ་བྱུང་བདུན་པའི་ཤིང་ཕོ་འབྲུག་ལོ།
དགེ་ཚུལ་མཁན་པོ། བཤེས་གཉེན་སེང་གེ་རྒྱལ་མཚན།
དགེ་སློང་མཁན་པོ། རྣམ་ཐར་དུ་མི་གསལ་ཡང་རྣམ་ཐར་གྱི་བབས་ལ་གཞིག་ན་བཤེས་གཉེན་སེང་གེ་རྒྱལ་མཚན་ཉིད་ཨེ་ཡིན་སྙམ།
མཆན། མཁྱེན་མཁན་ཡོད་ན་གསལ་བཤད་གནང་རོགས།
གདན་ས། གཙང་ཐུབ་རྒྱལ་ཆོས་འཁོར་སྒང་།
བཤེས་གཉེན་གཙོ་བོ། ཆོས་རྗེ་བྱང་ཆུབ་སེམས་དཔའ། སྨྲ་བའི་སེང་གེ་རོང་སྟོན་ཤེས་བྱ་ཀུན་རིག །འཇམ་དབྱངས་ཀུན་དགའ་ཆོས་བཟང་སོགས་ཡོངས་འཛིན་ཉི་ཤུ་རྩ་བདུན་ལེགས་པར་མཉེས་པར་བྱས།
སློབ་མ་གཙོ་བོ། ཡོངས་འཛིན་འུག་ཚང་རིན་པོ་ཆེ། འཁོན་གདུང་མི་དབང་ནམ་མཁའ་རྒྱལ་མཚན། རྟ་ནག་རབ་འབྱམས་པ་སོགས་ཤིན་ཏུ་མང་།
བརྩམས་ཆོས། མདོ་སྐོར་ལ་པོད་ཆེན་དྲུག་གི་གཙོས་བྱམས་ཆོས་གཞན་དང་བཞི་བརྒྱ་པ་སྤྱོད་འཇུག་སོགས་དང་སྔགས་སྐོར་ལ་བྱ་སྤྱོད་རྣལ་འབྱོར་རྣལ་འབྱོར་བླ་མེད་ཀྱི་རྒྱུད་སྡེ་བཞིའི་འགྲེལ་བ་སྒྲུབ་ཐབས་སོགས་དང་། རིག་པའི་གནས་གཞན་སྒྲ་གཙོ་བོ་བྱས་པའི་རིག་གནས་སྐོར་ཤིན་ཏུ་མང་།
འདས་ལོ། བོད་རྒྱལ་ལོ་༡༦༠༤ལོ་སྟེ་ཕྱི་ལོ་1477ལོ་རབ་བྱུང་བརྒྱད་པའི་མེ་མོ་བྱའི་ལོ་ཧོར་ཟླ་བཅུ་པའི་ཚེས་ཉི་ཤུ།
ཕྱོགས་སྒྲིག་པ་གཉན་ཡོན་ཏན་རྒྱ་མཚོས། བསྐྱར་སྒྲིག་པ། གདོང་མཁན་པས།
དཔྱད་གཏམ་སྤེལ་མཁན་ལ་གསལ་བརྡ།