ལུས་ལ་གོན་རྒྱུ་ནུབ་ཕྱོགས་སྲོལ་ལུགས་གྱུར།།
ངག་སྒོའི་དང་པོ་ནུབ་ཀྱི་སྐད་ཡིག་བོས།།
བསམ་བློ་མ་ལུས་ནུབ་ཕྱོགས་ལྟ་གྲུབ་འཛིན།།
འདི་ནི་སྐྱབས་བཅོལ་བོད་མིའི་རང་གཤིས་རེད།།
ནུབ་ཕྱོགས་གནམ་ས་གཉིས་ཀྱི་བར་མཚམས་ནས།།
ཡོད་ཚད་རང་ཉིད་འཚོ་ཐབས་བདེ་སྐྱིད་ཆེད།།
དགའ་གཉེན་ཐུག་པའི་དུས་ཚོད་ཆེར་དཀོན་པས།།
ཕོ་ཧྲེང་མོ་ཧྲེང་མི་ཚེ་རྫོགས་པ་མང་།།
ལག་ཏུ་ཁུར་པ་ནུབ་ཀྱི་འཕྲུལ་ཆས་རེེད།།
ངག་ནས་འཐོན་པ་ནུབ་ཕྱོགས་སྐད་གདངས་རེད།།
སེམས་ནས་བསམ་པ་ནུབ་ཀྱི་ཨ་སྒོར་རེེད།།
ཡོད་ཚད་ཨ་སྒོར་ཁྱེད་ཀྱིས་དབང་དུ་འདུ།།
ཁམས་གཙང་ལམ་བདེ་གཡོན་གཡས་ལ་སོགས་ནས།།
ནུབ་མོས་རྣམ་འགྱུར་ཆགས་སྲེག་འབྲེལ་དང་ལྷན།།
འདོད་པའི་འོ་འཛིན་ལང་ཚོའི་མངོན་པ་སོགས།།
ཡོད་ཚད་དབང་དུ་བསྒྱུར་པའི་བདག་པོ་ཞིག།
ནུབ་ཕྱོགས་བདེ་བ་ཅན་གྱི་ཞིང་མཆོག་ལ།།
ཇི་ལྟར་ཇི་དགོས་ཡོད་ཚད་འདི་ལ་ཚང་།།
སྐྱེ་འགྲོ་ཡོངས་ཀྱིས་ཁྱེད་ལ་སྨོན་པ་དང་།།
ཁྱེད་ནི་འཇིག་རྟེན་འདི་ཡི་བདག་པོ་ཞིག།།
གདོང་མཁན་པས་སྔ་དྲོ་མེ་ནི་སོ་ཊ་མགྲོན་ཁང་ནས། ༢༠༡༨/༧/༡༦
དཔྱད་གཏམ་སྤེལ་མཁན་ལ་གསལ་བརྡ།