༡ གཟུགས་པོ་རིང་ཞིང་གྱོན་པ་སྔོན་པོ་གྱོན།།
གདོང་པ་སེར་ལ་ཉམས་དགའི་རྣམ་འགྱུར་ཅན།།
ཉིན་ལྟར་ཉི་མར་ཕྱོགས་ཏེ་གད་མོ་དགོད།།
བཏགས་པའི་འབྲས་བུ་དག་ནི་རྩིས་མི་ཚར།།
༼མེ་ཏོག་ཉི་དགའ༽
༢གཡག་གཅིག་ཐག་པ་བརྒྱ་ཡིས་བཏགས།༼སྦྲ༽
༣འཕུར་ནས་སླེབས་རྒྱུ་མེད་པ། ༼དར་ཆ༽
༤དུས་བཞིའི་དབྱར་སྟོན་བཙལ་མཁན་མ།༼སྦྲང་མ༽
༥མདའ་མ་འཕངས་ལུང་བ་མདེའུ་ཡིས་བཀང་།༼སྡོང་བོའི་ལོ་མ་ལྷུང་བ༽
༦རྡོ་སྔོ་ལེབ་ཐོག་གི་རྡེའུ་ཁྲ་ལེབ།༼སྐར་མ༽
༧བན་དེ་གཟན་ཤམ་དམར་པོ་ཅན།།ཁོག་ན་ཤིང་གི་གྲོད་པུ་ཅན།།
༼ཁམ་བུ་རག་ཤ༽
༨བྲག་གི་ར་མ་སྔོ་རིས་མ།།ལྷུང་ལ་ཡོད་ཀྱང་ལྷུང་རྒྱུ་མེད།།༼ཟྭ༽
༩འགྲོ་དུས་ཟུར་གྱིས་འགྲོ།འདུག་དུས་ལེབ་ཀྱིས་འདུག ༼གཏུབ་གྲི༽
༡༠ཙན་དན་སྡོང་བོའི་རྩེ་མོ་ནས།།
གཡུ་འབྲུག་སྔོན་མོས་འཁྱུག་འགྲོས་བྱེད།།༼བདུག་སྤོས༽
༡༡བྱུ་རུ་དམར་པོའི་སྒམ་ཆུང་ནང་།།
གསེར་གྱི་དོང་ཙེ་བརྒྱ་ཡིས་བཀང་།།༼ཁ་ཚ༽
༡༢ཁ་ནས་འཐུང་སྟེ་ཁ་ནས་བཏང་།༼སྨྱུ་གུ༽
༡༣ཤིང་སྡོང་གཅིག་ལ་བུ་ག་དགུ ༼གླིང་བུ༽
༡༤སྐེད་པ་ཉག་ལ་རྡོ་རྗེ་རྒྱལ། ༼གྲོག་མ༽
༡༥རྐང་ལག་མེད་པའི་གནམ་ལྡིང་མ།༼ལྒང་ལི༽
༡༦འགྲམ་ཡས་མེད་པའི་རྩྭ་གཟན།༼ཟོར་བ༽
༡༧རྟ་ར་ར་རྒྱ་ཕིབས་སེར་པོ་ཅན།༼ཞོ༽
དཔྱད་གཏམ་སྤེལ་མཁན་ལ་གསལ་བརྡ།