འོ་ཟི།
ལོ་དང་ཟླ་བ་རེ་རེ་ཕར་ལ་བསྐྱལ་ཏེ།།
མི་ཚེ་ཐུང་ཐུང་འདི་ནས་སྐྱིད་གཅིག་རོལ་དང་།།
ཁྱོད་རང་སྤྲོ་བས་གཞས་ཆུང་སྙན་མོ་བཀུག་སྟེ།།
བདེ་ཞིང་སྐྱིད་པའི་སྨོན་འདུན་ལྷ་ལ་བཅོལ་ཡོད།།
ཟང་ཟིང་གི་འཁོར་བ་ཁྲ་ཁྲའི་འཇིག་རྟེན་འདི་ནས།།
ང་རང་ཁྱོད་དང་འཕྲད་པའི་དུས་བཟང་ཉིན་དེར།།
ཁྱོད་ཀྱི་གདོང་གི་འཛུམ་དེ་ཡང་ཡང་དྲན་ན།།
ངས་ད་དུང་གྲོགས་ཁྱོད་བརྗེད་རྒྱུ་ཞིག་མི་འདུག།
ལམ་ཐག་རིང་མོར་གོམ་ཁ་རེ་རེ་སྤོས་ནས།།
མི་ཚེ་རིང་མོ་ལས་ཀྱི་འཁོར་ཕྱོགས་བསྟུན་ཏེ།།
སྐྱིད་སྡུག་མཉམ་དུ་ཁུར་བའི་གྲོགས་ཀྱི་དྭངས་མ།།
ཁྱོད་དང་འུ་གཉིས་ལས་ཀྱི་འཁོར་རོགས་ཡིན་སོང་།།
དཔྱད་གཏམ་སྤེལ་མཁན་ལ་གསལ་བརྡ།
You must be logged in to post a comment.