འཕྲིན་ཕྲན་དང་བོད་ཡིག

འཕྲིན་ཕྲན་ནི་ཐེང་ཤུན་ཚད་ཡོད་སྤྱི་གཉེར་ཁང་གིས་སྤྱི་ལོ་༢༠༡༡ལོའི་ཟླ་༡ཚེས་༢༡ཉིན་ཕྱི་ཕྱོགས་ལ་བཀྲམས་པའི་གླེང་མོལ་གཉེན་ཆས་ཤིག་རེད། སྤྱི་གཉེར་ཁང་དེའི་བདག་པོ་ནི་མཱ་ཧཱ་ཐེང་དང་། འཕྲིན་ཕྲན་གསར་སྤེལ་ཚོགས་ཆུང་གི་འགན་ཁུར་བ་ནི་ཀྲང་ཆོའུ་ལུང་(张小龙)རེད། སྤྱི་གཉེར་ཁང་དེ་མཱ་ཧཱ་ཐེང་གིས་བཙུགས་པས། དེའི་མིང་ལའང་། ཐེང་ཤུན་ཞེས་བཏགས་པ་ཡིན་བཟོ་འདུག གང་ལྟར། ཁྱེའུ་འཕྲིན་ཟེར་མོ་དང་། དེ་ནང་བཞིན། ཐེང་ཤུན་བརྙན་རིས་དང་། ཐེང་ཤུན་རོལ་རྩེད། ཐེང་ཤུན་གསར་འགྱུར་ལ་སོགས་པ་ཚང་མ་ཁོ་ཚང་གི་རེད། ད་ལྟའི་རྒྱ་ནང་དུ། བོད་ཡིག་འབྲེལ་ཡོད་ཀྱི་ཁྲོམ་རྭ་མང་དག་ཅིག་ཚོགས་པ་དེས་ཟིན་ནས་ཡོད་རེད་ལ། དེ་རིང་ཁ་སང་། བོད་པ་མི་རེ་ངོ་རེ་ལ་འཕྲིན་ཕྲན་རེ་ཡོད་ངེས་ལ། ཚང་མས་འཕྲིན་སྟེགས་གང་ལ་གང་ཙམ་ཞིག་ཀྱང་དོ་ཁུར་བྱས་ཡོད་རེད། དེར་བརྟེན་བོད་ཡིག་བོད་སྐད་དང་འབྲེལ་བའི་བརྙན་མང་པོ་ཞིག་ཀྱང་། ཐེང་ཤུན་བརྙན་རིས་ནང་མ་སྐྱེལ་རང་སྐྱེལ་ཆགས་ཡིད་རེད། རྒྱུ་མཚན་གང་ཡིན་ཟེར་ན། འཕྲིན་ཕྲན་གྱི་འཕྲིན་སྟེགས་ནང་དྲ་བ་གཞན་དག་གི་བརྙན་སོགས་བསྐུར་ཐབས་མེད་པ་རེད