Month: ཟླ་བ་དགུ་པ། 2021

ཆར་པ་ཟིམ་ཟིམ་དུ་བབས་བྱུང
བརླན་གཤེར་གྱི་རྡུལ་ཕྲན་རེ་རེ་དང་བཅས
མེ་ཏོག་གི་བྲང་ལ་ཐིམ་སོང
དབྱར་ཁའི་རྩི་ཤིང་གི་དྲི་བསུང་དག
རླུང་བུས་ཕྱོགས་བཞི་མཚམས་བརྒྱད་ནས་སྤུར་བྱུང
སེམས་དང་ཡིད་ཀྱི་ཞིང་ཁར
བསིལ་འཇམ་གྱི་ཚོར་བས་བསྟིམས་ཡོད

ཆར་པ་ཟིམ་ཟིམ་དུ་བབས་བྱུང
རི་ཀླུང་ཀུན་གྱི་ལང་ཚོ་རྫོགས་པའི་མཛེས་སྡུག་ནི
དབེན་པའི་ཚལ་གྱི་ལྷིང་འཇགས་བཞིན
བདེ་སྦྱིན་གྱི་ཞིང་ཁམས་ངོ་མ་ཞིག་གི་ཚུལ་དུ་མངོན
མི་ཚེའི་གཏད་སོ་འཚོལ་ཕྱིར
ཞི་འཇམ་གྱི་དབེན་ དེ་ལས་མང་་་

རླུང་གི་མེ་ཏོག་འདར་བས།།
ཚོར་བའི་ནམ་མཁའ་བཤུམ་འོང་།།
ལས་ཀྱིས་འཁྲིགས་པའི་སྤྲིན་པ།།
ས་ཕྱོགས་གང་དུ་བཞུད་འགྲོ།།
ཡུལ་དེའི་རི་དང་ནགས་ཚལ།།
དགའ་སྐྱོ་རྡུལ་སྨག་ཨེ་འཚུབ།།

མེ་ཏོག་ཆར་འཇམ་འདོད་རུང་།།
ཙག་གི་རུས་གཟེར་རྒྱུག་འོང་།།
ལས་འཕྲོ་འཆད་ཚུལ་མ་འདྲི།།
སྨུག་དང་ན་བུན་གྲོང་རེད།།
ཞེ་ཡི་དགའ་སྐྱོ་རི་མོ།།
ཕབ་ནས་ཚར་ས་མི་འདུག།

སེམས་ཀྱི་སྤང་ལ་བཙུགས་པའི།།
སྣང་བའི་མེ་ཏོག་དཀར་དམར།།
དུས་ཀྱི་འགྱུར་བག་ཚ་རུང་།།
རྙིད་འགྲོའི་ཐུགས་ཁྲལ་མ་གནང་།།
ཚེ་ཡི་བསགས་པའི་ དེ་ལས་མང་་་

སྟོན་ཀ

ཁྱོད་སླེབས་ལ་ཉེ

མཛེས་སྡུག་གི་དབྱར་གཞུང་གང་དུ་ཡིབས་སོང

ནང་སེམས་ཀྱི་གྲིབ་མ

སྙེ་རླབས་ཀྱིས་དེད་ནས་གང་དུ་ཕྱིན

རྨི་ལམ་ལྟ་བུ མངོན་སུམ་ལྟ་བུ

ཤིན་ཏུ་སྐྱེན་པའི་འཚོ་བ

སྔོན་ཆད་བཞིན་གཡའ་དག་པའི་ནམ་མཁའ་ཡིན་ནམ

ངས་འཚོ་དབུགས་ཇི་ལྟར་རྔུབ་རུང

ལོ་དེའི་སྟོན་ཟླ་རེག་ཐབས་མི་འདུག

གསེར་རླབས་ཀྱི་སྙེ་མ་ལྡེམ་པའི་སྟོན་གཞུང

དྲི་བཞོན་གྱིས་ཁུར་བའི་བག་ཕེབས་ཀྱི་འཚོ་གནས

གང་ནས་ཀྱང་རྙེད་ཐབས་མི་འདུག

ལོ་ཟླ་བཞུད་སོང དེ་ལས་མང་་་

དགུང་གི་མཚམས་སྤྲིན་མཆེད་པའི་དབེན་པའི་རི་སུལ།།
སྨུག་པའི་རླངས་པ་འཐུལ་བའི་འཁོར་བའི་རི་ཀླུང་།།
མི་ཚེའི་གྲུ་གཟིངས་སྒུལ་བའི་མཚོ་ཡི་རྦ་རླབས།།
བདེ་བའི་བདེ་བ་བསྔལ་བའི་མདང་གི་རྨི་ལམ།།

མཚན་གྱི་སྦྲ་གུར་ནང་གི་ཆར་བའི་ཤག་སྒྲ།།
གཟུགས་མེད་ལས་ཀྱིས་སྤུར་བའི་སྟོན་གྱི་སྙེ་མ།།
དབུགས་ཀྱི་འཕར་ལྡིང་མཉན་པའི་དུས་ཀྱི་མེ་ཏོག།
མིག་གི་སྐྱིབས་ལ་ལྷུང་བའི་སྐར་མའི་སྤྱན་ཆབ།།

སེམས་ཀྱི་སྒྲོག་གུ་འཁྲོལ་བའི་ཟླ་བའི་གཟུགས་བརྙན།།
ཡིད་ཀྱི་དྲན་པ་བརྐུས་པའི་འཁོར་བའི་རྟ་ཕོ།། དེ་ལས་མང་་་

མི་ཚེའི་གཙང་བོའི་གཞུང་གི་གྲུ་ཤན་དེ།།
སྣང་ཚོར་ལོ་མའི་ཕོན་ལྕོག་སྤུང་ས་ཉིད།།
རིགས་ཀྱི་མེ་ཏོག་གློ་ཁའི་ཟིལ་བ་དང་།།
ན་ཚོད་རི་མོའི་ཁ་མདོག་སོ་སོར་གསལ།།

ལོ་ཟླས་ཕྱིར་ལ་བསྐྱལ་བའི་དྲན་སྣང་དག།
དེ་རིང་དཔྲལ་བའི་རི་མོའི་གསེབ་ཏུ་སྦས།།
ག་ལེར་སྙིང་ཆུང་བུམ་པའི་ནང་དུ་ཟགས།།
ཚོར་བའི་ཁ་རླངས་ནང་ནས་སྟོན་པར་བྱ།།

རྨི་ལམ་མེད་པའི་མཚན་མོ་གྲངས་མེད་ལ།།
ལས་ཀྱི་སྒྲོག་གུ་བརྟོལ་ནས་འཕུར་འདོད་མོད།།
ཉི་ཟླས་སྐེད་ཐག་བརྒྱབ་པའི་མི་ཡུལ་འདི།།
དེ་ལས་མང་་་

དབྱངས་ལྷ་མོ།

ཁྱོད་ནི་འཇིག་རྟེན་དབྱངས་མ་སྟེ།།
དབྱངས་མ་ནང་གི་དབྱངས་ལྷ་ཡིན།།
མཛེས་པར་གཞན་གྱིས་འགྲན་པ་མེད༎
ཡག་པར་གཞན་དང་མཚུངས་པ་མེད༎
འཛུམ་མདངས་གཞན་དང་འདྲ་ས་མེད༎
བཅོས་བཅོས་མིན་པའི་མཛེས་མ་སྟེ༎
ཤེས་རབ་མ་བཅོས་བདེན་གྲུབ་ཡིན།།
བྱམས་བརྩེ་མ་བཅོས་རང་བྱུང་ཡིན།།
སྐད་ངག་མ་བཅོས་རང་བཞིན་ཡིན།།
དབྱངས་ཀྱི་ལྷ་མོ་དངོས་གྲུབ་སྩོལ།།

ཚངས་པའི་སྲས་ཀྱི་དབྱངས་མ་མོ།།
བདག་གི་གཙུག་ཏུ་རྒྱན་དུ་མཆོད།།
སྙན་ངག་མཆོད་ཆང་ཁྱོད་ལ་དྲངས༎
སྙན་པའི་རོལ་དབྱངས་ཁྱོད་ལ་བླངས།། དེ་ལས་མང་་་

ཉི་ཟླ་ར་བས་སྐོར་བའིི་ཞིངས་ཁམས་ནས། །
མི་ཚོགས་རྒྱ་མཚོའི་རླབས་ལྟར་དྲག་ཏུ་འཕྱུར། །
དབྱངས་ཅན་ཞལ་བཞིན་འཛུམ་པའི་མི་མོ་ཞིག། །
དྲན་ཤེས་རྒྱ་མཚོའི་ངོས་སུ་གསལ་ལེར་བརྐོས། །

གངས་ཅན་ཁ་བ་རི་བོའི་འགྲམ་ངོགས་སུ། །
འཇམ་དབྱངས་དམར་སེར་མཚུངས་པའི་བུ་མོ་ཞིག།
བརྩེ་བའི་མཚོ་རུ་ནུབ་ནས་ལོ་མང་འགོར། །
ལི་ཁྲིའི་མདངས་ལྟར་ལེགས་པའི་ཡིད་འོང་མ། །

སྨྱུག་ཐོགས་མཁས་པའི་སྙུག་རྩེའི་སྣེ་མོ་ནས། །
སྙན་ངག་དཔལ་ལ་རོལ་བཞིན་རབ་ཏུ་རྩེན། །
ལྷ་ཡི་ལྡིང་ཁང་ལྟ་བུའི་མགྲིན་དབྱངས་སུ། ། དེ་ལས་མང་་་

དམར་བོ་བྲག་དམར་ཐོག་གིས་གཏོར་འདྲའི་མེས་པོའི་ལོ་རྒྱུས་ཀློག་པའི་དུས། །
རྒྱ་མཚོའི་རླབས་ཀྱིས་ཐལ་བར་བརླགས་འདྲའི་ཕ་མཁར་བཤིག་རོ་མཐོང་དུས་དང་། །
སེམས་ལ་བཟོད་བྲལ་བསྔལ་བ་སྐྱེས་ནས་སྤྱན་ཆབ་གང་སར་དྲུལ་བའི་དུས། །
ཡིད་ལ་རྨ་ཁའི་ན་ཟུག་ལྡང་ངམ་ང་ཡི་གྲོགས་པོ་གླག་རྒོད་ཀྱེ། །

སྦྲ་ནག་ཀ་བརྒྱ་ཕུབ་པའི་ངོགས་ནས་ནམ་མཁའི་ཉི་ཟླ་མཐོང་དུས་དང་། །
གེ་སར་རྒྱལ་བོའི་གཏམ་རྒྱུད་ཐོས་པས་ཡིད་ལ་འཆར་སྒོ་མོད་པའི་དུས། །
དུ་བ་སྨུག་པོ་དགུང་ལ་འཕྱུར་ནས་སྤྲིན་པ དེ་ལས་མང་་་

ཟབ་མོ་དྲན་གདུང་རྒྱ་མཚོའི་གཏིང་ཁུད་དེ་འགྲིམས་ནས། །
སྐྱོ་གདུང་ལྗོན་ཤིང་ནག་པོའི་རྩ་བ་རུ་འཇུས་ཚེ། །
ཚོར་བ་སྐྱེན་གྱིས་བྲིས་པའི་ཐ་སྙད་ཀྱི་ཕྲེང་བ། །
ངག་གི་ལྷ་ལམ་ཡུལ་ནས་འདི་སྐད་དུ་འཐོར་རོ། །
དུང་བ་དཀར་པོའི་བརྩེ་སེམས་རླུང་བུ་ལ་བསྐྱོན་ཏེ། །
ཆ་མེད་མི་ཡི་ལུང་པར་རྟ་མཆོག་བཞིན་རྒྱུགས་ཚེ། །
མི་ཚོགས་རྒྱ་མཚོ་འདྲ་བོའི་རྦ་རླབས་ཀྱི་རྩེ་ནས། །
ཆུ་སྐྱེས་མེ་ཏོག་རྐང་གཅིག་ཡིད་དབང་དུ་ཐོགས་བྱུང་། །
ཕར་ལ་ཅི་བཤད་མེད་པས་མིག་ཟུང་གིས་མ་ལྟས། ། དེ་ལས་མང་་་

སྨུག་པས་བཏུམས་པའི་ལམ་གྱི་སྣེར།།
སྐར་མའི་མིག་ཆུ་ཤོར་དུས་སུ།།
མཚོ་མཐའི་གྲུ་ཆུང་ནང་གི་མིས།།
སྔར་བཞིན་སྙན་ངག་མེ་ཁ་གསོས།།

༢
གཤོག་པ་རྨས་པའི་བྱིའུ་ཆུང་གིས།།
ཚོར་བའི་རྟ་ཁ་ལྷོད་དེ་སྡོད།།
ཉན་སྒུག་ཡུད་ཙམ་བྱས་པ་ན།།
སེམས་ཀྱི་གཙང་ཆུ་བཞུར་མགོ་ཚུགས།།

༣
བྱ་བརྒྱའི་ཚང་དུ་གནས་བཅས་པའི།།
པདྨའི་མེ་ཏོག་ཁ་དོག་འགྱུར།།
མཁའ་མཐའི་ཟླ་བ་སྐྱོ་ཉམས་ཀྱིས།།
འབྲོག་སྟོང་ཡུལ་དུ་གཅིག་པུར་འཛུལ།།

༤
ལོ་ཟླའི་མདུན་དུ་ཁོ་བོ་ཡི།།
ཉི་ཟླ་ནོར་བུ་ལག་གིས་བཟུང་།། དེ་ལས་མང་་་