རྩོམ་སྒྲིག་པ་ཕར་ནང་ཚང་། དཀོན་མཆོག་དར་རྒྱས། ལགས་ཀྱི་རྩོམ་ཡོངས།

རི་བོ་འདིའི་ཕ་རོལ་
དེའི་ཕ་རོལ་གྱི་རི་བོ་བཞིན་ཧ་ཅང་བརྟན་པ་མ་ཡིན་ནམ
ལས་སྐལ་གྱི་གཙང་བོ་གང་སར་བཞུར་ན་ཡང
ངས་རི་བོའི་དེའི་གམ་གྱི་ཕ་བོང་བཞིན
འགྱུར་མེད་རྟག་བརྟན་ཞིག་ཏུ་སྒོམ་གྱིན་ཡོད
༢
འགྱུར་སོང་བ་དྲན་ན
མགོ་སྒུར་ནས་མིག་ཆུ་རེ་འདོན་ནམ
གྱེས་སོང་བ་དྲན་ན
ཕྱིར་འཁོར་ནས་ལག་བརྡ་རེ་བྱེད་དམ
༣
བརྩེ་བ་འཇམ་ཀླས་པའི་མེ་ལོང་དུ
ང་ཁྱོད་ལ་བསྙིམས
ཁྱོད་ང་ལ་ཐིམ
ངོ་བོ་དབྱེར་མེད་ཀྱི་གཟུགས་ དེ་ལས་མང་་་

རྒོད་པོ་གཤོག་རྩལ་ཐོགས་ཀྱང་ནམ་མཁའ་དོག།
འཇོལ་མོ་ཡུལ་རྩིས་ཆེ་རུང་བཞུགས་ཡུན་ཐུང་།།
མེ་ལྕེ་དྲག་ཏུ་འཆེད་པའི་ཚང་ཚིང་དུ།།
གཤོག་པ་རྐྱང་བའི་བྱ་ཁྱུ་ཨེ་མཆིས་སམ།།
ཟླ་བའི་འོད་ཀོར་མཚེར་ཡང་གྲང་བ་ཆེ།།
སྐར་མའི་ཁྲ་ཚོམས་མོད་ཀྱང་འོད་ཕུང་ཆུང་།།
ཉི་མའི་གུར་གྱི་དབུལ་པའི་བར་སྣང་དུ།།
མུན་པ་སེལ་བའི་སྣང་བ་ཨེ་ཡོད་དམ།།
མེ་ཏོག་མགོ་ལྕོག་ལྡེམ་ཡང་ཟེའུ་འབྲུ་ཉུང་།།
ལོ་མ་ལྡེམ་ལྡེམ་གཡོས་ཀྱང་གཟི་མདངས་ཞན།།
ཁ་སང་གཏབ་པའི་ས་བོན་རུལ་ཟིན་ན།།
མ་འོངས་ དེ་ལས་མང་་་

འཁོར་བ་ནི་ལོ་ཟླ་སྔས་སུ་བྱས་པའི་དུར་ཐང་གི་རྡོ་གཅལ་དེའོ། །
འཁོར་བ་ནི་ནད་ཡམས་དང་མེད་མུག་གི་འབྱུང་ཁུངས་དེའོ། །

འཁོར་བ་ནི་མཆོག་དམན་གྱི་དབྱེ་བ་གསལ་བའི་མེ་ལོང་དེའོ། །
འཁོར་བ་ནི་མེད་དུ་མི་རུང་བའི་བཟའ་བཏུང་སྣ་ཚོགས་པ་དེའོ། །

འཁོར་བ་ནི་ཚེ་སྲོག་གི་ངོ་བོ་སྦྲུམ་པའི་རླུང་ནང་གི་མར་མེ་དེའོ། །
འཁོར་བ་ནི་རྔུལ་ཆུས་འཚོས་པའི་སྙིམ་ནང་གི་འབྲུ་རྡོག་དེའོ། །

འཁོར་བ་ནི་སོམ་ཉིར་ཚུད་པའི་བྱེ་ཐང་གི་ཤ་བོ་དེའོ། །
འཁོར་བ་ནི་སྨྱུག་ དེ་ལས་མང་་་

ཉི་ཟླ་ཟུང་གི་རྣ་ཏོག་ཅན་པོ་མཐོ་རིས་ཡུལ་གྱི་ལྷ་མོ་སྟེ།།
སྤྲིན་དཀར་དར་གྱི་སྐ་རགས་ལྷོད་ནས་སྙིང་སྟོབས་ཅན་ལ་རེ་ཞིང་སྒུག །
མཐིང་མདོག་གོས་ཀྱི་ལྭ་བ་གྱོན་ནས་ཨ་སྔོན་དབྱིངས་སུ་སྒེག་ཉམས་སྟོན།།
ཆར་གྱིས་བཀྲུས་པའི་གདོང་གི་ངོགས་སུ་དགའ་བས་ཕྱུག་པའི་སྐར་ཚོགས་ཤར།།

དྭངས་གསལ་ཤེལ་གྱི་མེ་ལོང་ངོས་སུ་འབྲོག་གི་བུ་མོའི་གཟུགས་བརྙན་ཤར།།
མིག་གིས་རོལ་བའི་མདུན་གྱི་རི་མོ་ཤེས་རབ་ལྷ་མོའི་སྣང་བརྙན་བཞིན།།
ཡིད་ལ་འཁྱུད་པའི་མཛེས་པའི་ཉམས་འགྱུར་ དེ་ལས་མང་་་

རང་བྱུང་གཙང་མས་གྲུབ་ཀྱང་ངོ་བོ་མི་གཙང་།།
ཤ་རུས་པང་ན་ཡོད་རུང་སེམས་ཀྱིས་མི་གཅེས།།
ཕངས་མེད་གང་སར་དོར་བའི་རྐུབ་ཀྱི་ཕྲུ་གུ།
འཁོར་བའི་ཐབ་ཚང་འདི་ན་ཁྱོད་ལས་སྡུག་ཅི།།

གདོང་བཞི་ཞལ་གྱི་འདུ་བས་གཡོས་སུ་བྱས་ཤིང་།།
ཆེན་པོ་གནམ་གྱི་རྒྱལ་པོས་སྐུ་ལས་མཆེད་ཀྱང་།།
རིགས་དྲུག་རྨི་ལམ་གྲོང་ན་ཉིད་ལས་དམན་གཅིག།
ད་དུང་སྲིད་འདིར་མེད་ན་ཁྱོད་ལས་སྡུག་ཅི།།

ཁྲི་ཆེན་བླ་མའི་ལྟོ་བ་ཁྱོད་ཀྱིས་གདན་བཏིངས།།
མི་ཆེན་དཔོན་པོའི་སྐུ་ཡང་ཁྱོད་ཀྱིས་བྲན་བཀོལ། དེ་ལས་མང་་་

ལས་ཀྱི་ང་གཉིས་འཁོར་བའི་ཐང་ནས་སྦྲེལ།།
སྐྱིད་སྡུག་སྣ་ཚོགས་མྱོང་བཞིན་མུ་ནས་འགྲོ།།
ང་གཉིས་གོམ་ཁ་སྔོན་དུ་གཏད་ནས་འགྲོ།།
གཟུགས་མེད་སེམས་པ་རྗེས་ན་ལུས་ས་མེད།།

ཁྱོད་ཉིད་བཞད་ཚེ་ང་ཡི་འཇིག་རྟེན་བཞད།།
ཁྱོད་ཉིད་སྨྲེང་ན་ང་ཡི་འཁོར་བ་སྐྱོ།།
ཁྱོད་ནི་ང་དང་འབྲེལ་བ་ཆེས་ཟབ་པས།།
ཁྱོད་ཀྱི་དགའ་སྐྱོ་ང་ཡི་དགའ་སྐྱོ་ཡིན།།

ཁྱོད་ཀྱི་ལང་ཚོའི་མེ་ཏོག་གད་པ་འདི།།
འཇིག་རྟེན་འདི་ཡི་སོ་མའི་དངོས་པོ་ཡིན།།
དེ་ཉིད་ང་ལ་དབང་བའི་ནོམ་པ་ཡིན།།
བསོད་ དེ་ལས་མང་་་

ཕྱི་ཨ་གསར་གྱི་སྒྲུན་རྩོད་བྲེལ་མྱུར་ཆེ་ཞིང་།།
ནང་རྣམ་རྟོག་གི་ཉོན་མོངས་དྲག་ཏུ་ལྡང་རུང་།།
སེམས་རང་གཤིས་ཀྱི་ལྕགས་རི་བརྟན་པོར་གྱུར་ན།།
བྱ་ལད་མོ་ཡི་ཟློས་གར་འཁྲབ་དགོས་མེད་དོ།།

ཕྱི་ཟང་ཟིང་གི་དགྲ་ཉོན་བསླུ་འབྲིད་རྒོད་ཅིང་།།
ནང་ཀུན་རྟོག་གི་བཟེ་རེ་སྒུལ་ཤུགས་ཆེ་རུང་།།
སེམས་ཞི་གནས་ཀྱི་ཏིང་འཛིན་བསྐྱེད་པ་ནུས་ན།།
ལས་སྒྲུན་སེམས་ཀྱི་མཚོ་མོར་བརྒལ་དགོས་མེད་དོ།།

ཕྱི་དུས་རབས་ཀྱི་འཕོ་འགྱུར་རབ་ཏུ་སྐྱེན་ཞིང་།།
ནང་དགའ་སྐྱོ་ཡི་ཚོར་འདུ་ངེད་མེད་སྐྱོམ་རུང་།། དེ་ལས་མང་་་

འཇིག་རྟེན་ཁམས་འདི་ཅི་འདྲ་མཚར་པོ་འདུག །
ལ་ལའི་གདོང་ལ་འཛུམ་མདངས་ངོ་ནས་འགྲོ །
ལ་ལའི་མིག་མཐར་མཆི་མ་བརླན་ནས་འགྲོ །
ཁོད་སྙོམས་མེད་པའི་འཇིག་རྟེན་མི་ཡུལ་འདི། །

རླུངའཚུབ་དྲག་པོ་བཞིན་དུ་ཡིན་སྣང་ཤར། །
ལ་ལའི་གྲོད་པ་ལྟོགས་ནས་འཆི་འགྲོ་བས། །
ལ་ལའི་ཟས་ལ་འདང་ག་བྱས་ན་ཆོག །
ཁོད་སྙོབས་མེད་པའི་འཇིག་རྟེན་མི་ཡུལ་འདི། །

མེ་ཆེན་དྲག་པོ་བཞིན་དུ་ཅི་མ་མཚུངས་། །
ལ་ལའི་དབང་ལྡན་གྲོད་པ་འཚོང་ནས་བསྡད །
ལ་ལའི་དབང་མེད་རྒྱལ་ཁམས་འགྲན་ནས་ཡོང་། ། དེ་ལས་མང་་་

ཆར་པ་ཟིམ་ཟིམ་དུ་བབས་བྱུང
བརླན་གཤེར་གྱི་རྡུལ་ཕྲན་རེ་རེ་དང་བཅས
མེ་ཏོག་གི་བྲང་ལ་ཐིམ་སོང
དབྱར་ཁའི་རྩི་ཤིང་གི་དྲི་བསུང་དག
རླུང་བུས་ཕྱོགས་བཞི་མཚམས་བརྒྱད་ནས་སྤུར་བྱུང
སེམས་དང་ཡིད་ཀྱི་ཞིང་ཁར
བསིལ་འཇམ་གྱི་ཚོར་བས་བསྟིམས་ཡོད

ཆར་པ་ཟིམ་ཟིམ་དུ་བབས་བྱུང
རི་ཀླུང་ཀུན་གྱི་ལང་ཚོ་རྫོགས་པའི་མཛེས་སྡུག་ནི
དབེན་པའི་ཚལ་གྱི་ལྷིང་འཇགས་བཞིན
བདེ་སྦྱིན་གྱི་ཞིང་ཁམས་ངོ་མ་ཞིག་གི་ཚུལ་དུ་མངོན
མི་ཚེའི་གཏད་སོ་འཚོལ་ཕྱིར
ཞི་འཇམ་གྱི་དབེན་ དེ་ལས་མང་་་

རླུང་གི་མེ་ཏོག་འདར་བས།།
ཚོར་བའི་ནམ་མཁའ་བཤུམ་འོང་།།
ལས་ཀྱིས་འཁྲིགས་པའི་སྤྲིན་པ།།
ས་ཕྱོགས་གང་དུ་བཞུད་འགྲོ།།
ཡུལ་དེའི་རི་དང་ནགས་ཚལ།།
དགའ་སྐྱོ་རྡུལ་སྨག་ཨེ་འཚུབ།།

མེ་ཏོག་ཆར་འཇམ་འདོད་རུང་།།
ཙག་གི་རུས་གཟེར་རྒྱུག་འོང་།།
ལས་འཕྲོ་འཆད་ཚུལ་མ་འདྲི།།
སྨུག་དང་ན་བུན་གྲོང་རེད།།
ཞེ་ཡི་དགའ་སྐྱོ་རི་མོ།།
ཕབ་ནས་ཚར་ས་མི་འདུག།

སེམས་ཀྱི་སྤང་ལ་བཙུགས་པའི།།
སྣང་བའི་མེ་ཏོག་དཀར་དམར།།
དུས་ཀྱི་འགྱུར་བག་ཚ་རུང་།།
རྙིད་འགྲོའི་ཐུགས་ཁྲལ་མ་གནང་།།
ཚེ་ཡི་བསགས་པའི་ དེ་ལས་མང་་་

སྟོན་ཀ

ཁྱོད་སླེབས་ལ་ཉེ

མཛེས་སྡུག་གི་དབྱར་གཞུང་གང་དུ་ཡིབས་སོང

ནང་སེམས་ཀྱི་གྲིབ་མ

སྙེ་རླབས་ཀྱིས་དེད་ནས་གང་དུ་ཕྱིན

རྨི་ལམ་ལྟ་བུ མངོན་སུམ་ལྟ་བུ

ཤིན་ཏུ་སྐྱེན་པའི་འཚོ་བ

སྔོན་ཆད་བཞིན་གཡའ་དག་པའི་ནམ་མཁའ་ཡིན་ནམ

ངས་འཚོ་དབུགས་ཇི་ལྟར་རྔུབ་རུང

ལོ་དེའི་སྟོན་ཟླ་རེག་ཐབས་མི་འདུག

གསེར་རླབས་ཀྱི་སྙེ་མ་ལྡེམ་པའི་སྟོན་གཞུང

དྲི་བཞོན་གྱིས་ཁུར་བའི་བག་ཕེབས་ཀྱི་འཚོ་གནས

གང་ནས་ཀྱང་རྙེད་ཐབས་མི་འདུག

ལོ་ཟླ་བཞུད་སོང དེ་ལས་མང་་་

དགུང་གི་མཚམས་སྤྲིན་མཆེད་པའི་དབེན་པའི་རི་སུལ།།
སྨུག་པའི་རླངས་པ་འཐུལ་བའི་འཁོར་བའི་རི་ཀླུང་།།
མི་ཚེའི་གྲུ་གཟིངས་སྒུལ་བའི་མཚོ་ཡི་རྦ་རླབས།།
བདེ་བའི་བདེ་བ་བསྔལ་བའི་མདང་གི་རྨི་ལམ།།

མཚན་གྱི་སྦྲ་གུར་ནང་གི་ཆར་བའི་ཤག་སྒྲ།།
གཟུགས་མེད་ལས་ཀྱིས་སྤུར་བའི་སྟོན་གྱི་སྙེ་མ།།
དབུགས་ཀྱི་འཕར་ལྡིང་མཉན་པའི་དུས་ཀྱི་མེ་ཏོག།
མིག་གི་སྐྱིབས་ལ་ལྷུང་བའི་སྐར་མའི་སྤྱན་ཆབ།།

སེམས་ཀྱི་སྒྲོག་གུ་འཁྲོལ་བའི་ཟླ་བའི་གཟུགས་བརྙན།།
ཡིད་ཀྱི་དྲན་པ་བརྐུས་པའི་འཁོར་བའི་རྟ་ཕོ།། དེ་ལས་མང་་་