ཚིག་རྩོམ་པ་པོ། ཆོས་བཟང་།
དབྱངས། དམངས་ཁྲོད།
གཞས་མ། བདེ་སྐྱིད་དབྱངས་འཛོམས།
གནམ་ལོ་གསར་ཚེས་ཀྱི་དུས་བཟང་འདི་ལ།།
དཔལ་ལྡན་ས་སྐྱ་པའི་ཁྲི་ཆེན་དམ་པ།།
བདག་སོགས་འགྲོ་བ་ཡི་བསོད་ནམས་ཞིང་ལ།།
སྐུ་ཚེ་ཡུན་རིང་དུ་བརྟན་པའི་སྨོན་འདུན།།
གནམ་ལོ་གསར་ཚེས་ཀྱི་དུས་བཟང་འདི་ལ།།
བཀའ་དྲིན་ཟླ་མེད་ཀྱི་ཕ་མ་རྣམ་གཉིས།།
ལུས་ལ་ནད་མེད་ཅིང་བྱ་བ་ལམ་འགྲོ།།
མི་ཚེ་དམ་ཆོས་ལ་སྤྱོད་པའི་སྨོན་འདུན།།
གནམ་ལོ་གསར་ཚེས་ཀྱི་དུས་བཟང་འདི་ལ།།
མཚོ་བཞི་གླིང་ལྔ་ཡི་རྒྱལ་ཁམས་ཡོངས་ལ།།
འཐབ་རྩོད་མུ་གེ་དང་ནད་ཡམས་ཞི་ནས།།
བདེ་སྐྱིད་རྫོགས་ལྡན་ལ་སྤྱོད་པའི་སྨོན་འདུན།།
དཔྱད་གཏམ་སྤེལ་མཁན་ལ་གསལ་བརྡ།