༡༽
དགེ་སློང་དག་གམ་མཁས་རྣམས་ཀྱིས། །
སྲེག་བཅད་བརྡར་བའི་གསེར་བཞིན་དུ། །
ལེགས་པར་བརྟག་ལ་ང་ཡི་བཀའ། །
བླང་བར་བྱ་ཡི་གུས་ཕྱིར་མིན། །
༢༽
སྡིག་པ་ཅི་ཡང་མི་བྱ་ཞིང་། །
དགེ་བ་ཕུན་སུམ་ཚོགས་པར་སྤྱད། །
རང་གི་སེམས་ནི་ཡོངས་སུ་འདུལ། །
འདི་ནི་སངས་རྒྱས་བསྟན་པ་ཡིན། །
༣༽
རང་གི་ལུས་ལ་དཔེ་ལོངས་ལ། །
གཞན་ལ་གནོད་པ་མ་བྱེད་ཅིག །
༤༽
བདག་ཉིད་བདག་གི་མགོན་ཡིན་གྱི། །
གཞན་ལྟ་སུ་ཞིག་མགོན་དུ་གྱུར། །
༥༽
ཟབ་ཞི་སྤྲོས་བྲལ་འོད་གསལ་འདུས་མ་བྱས། །
བདུད་རྩི་ལྟ་བུའི་ཆོས་ཤིག་བདག་གིས་རྙེད། །
སུ་ལ་བསྟན་ཀྱང་གོ་བར་མི་འགྱུར་བས། །
མི་སྨྲ་ནགས་འདབས་ཉིད་དུ་གནས་པར་བྱ། །
༦༽
སྡུག་བསྔལ་ཤེས་པར་བྱ།
ཀུན་འབྱུང་སྤོང་བར་བྱ།
ལམ་རྒྱུད་ལ་བརྟེན་པར་བྱ།
འགོག་པ་མངོན་དུ་བྱ།
༧༽
མིག་དང་རྣ་བ་སྣ་ཡང་ཚད་མ་མིན། །
ལྕེ་དང་ལུས་དང་ཡིད་ཀྱང་ཚད་མ་མིན། །
གལ་ཏེ་དབང་པོ་འདི་དག་ཚད་ཡིན་ན། །
འཕགས་པའི་ལམ་གྱིས་སུ་ལ་ཅི་ཞིག་བྱ། །
༨༽
འདུས་བྱས་ཐམས་ཅད་མི་རྟག་པ།
ཟག་བཅས་ཐམས་ཅད་སྡུག་བསྔལ་བ།
ཆོས་རྣམས་ཐམས་ཅད་སྟོང་ཞིང་བདག་མེད་པ།
མྱ་ངན་ལས་འདས་པ་ཞི་བའོ། །
༩༽
ལུས་ཅན་དག་གི་ལས་རྣམས་ནི། །
བསྐལ་པ་བརྒྱར་ཡང་ཆུད་མི་ཟ། །
ཚོགས་ཤིང་དུས་ལ་བབ་པ་ན། །
འབྲས་བུ་མྱུར་དུ་སྨིན་པར་འགྱུར། །
༡༠༽
ཐུབ་པས་སྡིག་པ་ཆུ་ཡིས་མི་འཁྲུད་ཅིང་། །
འགྲོ་བའི་སྡུག་བསྔལ་ཕྱག་གིས་སེལ་མི་ནུས། །
ཉིད་ཀྱི་རྟོགས་པ་གཞན་ལ་སྤོ་མིན་ཡང་། །
ཆོས་ཉིད་ཞི་བ་བསྟན་ནས་གྲོལ་བར་འགྱུར།
དཔྱད་གཏམ་སྤེལ་མཁན་ལ་གསལ་བརྡ།