༼བ༽
༄༅། །ཡང་དེ་ལ་སྤྲིང་བ་བཞུགས།།
༄༅། །ཡེ་ཤེས་དཀྱིལ་འཁོར་རབ་རྒྱས་ཤིང༌། །སྒྲིབ་པའི་སྤྲིན་ལས་རྣམ་པར་གྲོལ། །ལེགས་པར་བཤད་པའི་འོད་འཕྲོ་བ། །སངས་རྒྱས་ཉི་མས་ཁྱོད་སྐྱོངས་ཤིག །སྤྲོས་མེད་ཞི་བའི་ངང་བསིལ་ཞིང༌། །རྣམ་རྟོག་རབ་རིབ་རྣམ་པར་འཕྲོག །ཆགས་པའི་གདུང་སེལ་འོད་འབྱིན་པ། །དམ་ཆོས་ཟླ་བས་ཁྱོད་སྐྱོངས་ཤིག །ཚུལ་ཁྲིམས་དག་པའི་དབྱིབས་མཛེས་ཤིང༌། །ཏིང་འཛིན་ཞི་བའི་མདངས་དང་ལྡན། །འདོད་དགུའི་དཔལ་འབྲས་ཀུན་སྦྱིན་པ། །དགེ་འདུན་རིན་ཆེན་གྱིས་སྐྱོངས་ཤིག །རིགས་གཟུགས་འབྱོར་པའི་དཔལ་ལྡན་ཞིང༌། །དད་དང་ཤེས་རབ་ཕུན་སུམ་ཚོགས། །ཁྱད་པར་བདག་ལ་རབ་འདུན་པ། །རྒྱལ་བུ་ཇི་བིག་དེ་མུར་ཁྱོད། །ཚེ་རིང་ནད་མེད་ཕུན་སུམ་ཚོགས། །སྟོན་པའི་བསྟན་པ་རྒྱས་བྱེད་ཅིང༌། །གཞན་ཡང་ཁྱོད་ཀྱིས་གང་དགོངས་པ། །དེ་ཀུན་ཆོས་བཞིན་འགྲུབ་གྱུར་ཅིག །ཆུ་ཕོ་སྤྲེའུའི་ལོ་གསར་པ་ལ་བསྐུར་བའོ།། །། ༈ གུ་རུས་དཔར་རྩ་སྤེལ་བའོ།།
རྩོམ་སྒྲིག་པ། ཕར་ནང་དར་རྒྱས།
ནང་དོན་འདིའི་དཔར་དབང་རྒྱལ་ཡོངས་ས་ཆེན་དྲ་བར་ཡོད་པས་ཡོངས་རྫོགས་སམ་ཆ་ཤས་གང་ཞིག་ཆོག་མཆན་མེད་པར་རང་དགར་སུས་དགོལ་མི་ཆོག ། གལ་སྲིད་དགོལ་ན་ཡོང་ཁུངས་གསལ་པོ་དང་སྦྲེལ་ཐག་ངེས་པར་དུ་འགོད་དགོས།
དྲ་བའི་སྦྲེལ་ཐག www.gyalyongsachen.com
དཔྱད་གཏམ་སྤེལ་མཁན་ལ་གསལ་བརྡ།