༼པ༽
༄༅། །སྒྲོལ་མའི་ཞལ་ཕྱག་ལ་སྤེལ་བའི་བཀྲ་ཤིས་ཀྱི་ཚིགས་སུ་བཅད་པ་བཞུགས།།
༄༅། །ཨོཾ་སྭ་སྟི་སིདྡྷཾ། བླ་མ་དང་དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཀུན་གྱི་ཕྲིན་ལས་ཀུན། །གཅིག་ཏུ་བསྡུས་པ་ལྷ་མོའི་སྐུར། །སྟོན་མཛད་རྗེ་བཙུན་སྒྲོལ་མ་ཡིས། །རྟག་ཏུ་ཁྱོད་ནི་སྐྱོང་གྱུར་ཅིག །དེ་ཡི་ཕྱག་གཡས་བརྐྱང་པ་ནི། །ཁྱེད་ཀྱི་སྤྱི་བོར་གཞོལ་ཞིང་བབ། །མཆོག་སྦྱིན་དམ་པའི་ཕྱག་རྒྱ་ཡིས། །ཁྱེད་ལ་འབྲས་མཆོག་སྩོལ་གྱུར་ཅིག །ཕྱག་གཡོན་ཨུཏྤལ་འཛིན་པ་ཡིས། །ཁྱེད་ཀྱང་བཟུང་ནས་ཉེར་དྲངས་ཏེ། །ཉིད་ཀྱི་ཐུགས་ཀྱི་དཀྱིལ་འཁོར་དུ། །ཉེ་བར་བཅུག་ནས་སྐྱོང་གྱུར་ཅིག །དཔོན་མོ་ཆེན་མོ་ལའོ།། །།ཡེ་དྷརྨཱ་ཧེ་ཏུ་པྲ་བྷ་ཝཱ་ཧེ་ཏུནྟེ་ཥཱནྟ་ཐཱ་ག་ཏྭ་ཧྱ་ཝ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲ་མ་ཎཿ ༈ གུ་རུས་དཔར་རྩ་སྤེལ་བའོ།།
རྩོམ་སྒྲིག་པ། ཕར་ནང་དར་རྒྱས།
ནང་དོན་འདིའི་དཔར་དབང་རྒྱལ་ཡོངས་ས་ཆེན་དྲ་བར་ཡོད་པས་ཡོངས་རྫོགས་སམ་ཆ་ཤས་གང་ཞིག་ཆོག་མཆན་མེད་པར་རང་དགར་སུས་དགོལ་མི་ཆོག ། གལ་སྲིད་དགོལ་ན་ཡོང་ཁུངས་གསལ་པོ་དང་སྦྲེལ་ཐག་ངེས་པར་དུ་འགོད་དགོས།
དྲ་བའི་སྦྲེལ་ཐག www.gyalyongsachen.com
དཔྱད་གཏམ་སྤེལ་མཁན་ལ་གསལ་བརྡ།