༼ག༽༄༅། །དྭིགཎཡུགརྞཎབཝརྡྷནྡུནཱམསིདྡྷམྤྲཱཔྟཤྩཏུརཱཤིཏིཾསཔྟངྒཌྷཽཀཏེབིཛཧཱརམ྄།།
༄༅། །གྲུབ་བརྙེས་བརྒྱད་ཅུ་རྩ་བཞི་ལ་ཡན་ལག་བདུན་པ་འབུལ་བ་ཚོགས་ཟུང་རྒྱ་མཚོ་འཕེལ་བའི་ཟླ་འོད་ཅེས་བྱ་བ་བཞུགས་སོ།། ༄༅། །ཛམྦཱུདྲུམེནལིངྒསྱསདྡྭཱིཔེདྷརྨསརྦཛྙཔྲསཱདབྷཱསྐྲིཏཱཎཱཾཀིཾབིཥྞུསྠཱནེནཏུལྱཱནྟ།།
༄༅། །འཛམ་«་་་་་ཁྱད་འཕགས་ཕུལ་དུ་བྱུང་བ། »བུ་རྐང་འཐུང་གིས་མཚན་པའི། །གླིང་གི་དམ་པར་ཀུན་མཁྱེན་ཆོས། །སྣང་བྱས་རྣམས་ཀྱི་བཀའ་དྲིན་མཐའ། །ཁྱབ་འཇུག་གནས་ཀྱིས་གཞལ་དུ་ཅི། །ཆོས་«་་་་་ཡན་ལག་གསུམ་པའི་གཟུགས་ཅན། »འདུལ་ཁྲིམས་ཀྱི་རྩ་བ་བརྟན། །གཞན་ཕན་སྤྱོད་པའི་ཡལ་འདབ་རྫོགས། །རིམ་གཉིས་ཟུང་འཇུག་འབྲས་བུས་དུད། །དངོས་གྲུབ་ལེགས་བརྙེས་གང་དག་བྱོན། །བཟོ་«་་་་་མ་བསྡུས་པའི་གཟུགས་ཅན། »དང་གསོ་བའི་གོམ་སྟབས་བདེ། །སྒྲ་ཚད་རིག་པའི་མཆེ་བ་རྣོ། །མདོ་རྒྱུད་གདམས་པའི་ཁུར་ཆེན་འདེགས། །རིག་སྨྲའི་ཁྱུ་མཆོག་ཇི་སྙེད་དང༌། །རྣམ་པ་«་་་་་ཡོན་ཏན་རང་བཞིན་བརྗོད་པ། »ཐམས་ཅད་མཁྱེན་པའི་བཀའ། །འཇིག་རྟེན་སྣང་བྱེད་བླ་ན་མེད། །ཡང་དག་མཁས་པའི་ཕྲིན་ལས་གསུམ། །དབང་འབྱོར་གང་དག་བྱོན་པ་རྣམས། །མཁྱེན་«་་་་་གཞི་གཅིག་གི་ཆོས་དུ་མ་འགལ་བ། »པས་འབྱོར་ཡང་རྨོངས་པས་དབུལ། །བརྩེ་བས་འཁྱུད་ཀྱང་ཆགས་པས་བཏང༌། །ནུས་ལྡན་གྱུར་ཀྱང་གཞན་དག་ལ། །འཚེ་མེད་གྲུབ་དབང་བརྒྱད་ཅུ་བཞི། །«ཡོན་ཏན་གྱི་རང་བཞིན་བརྗོད་པ།་་་་་»དེ་དག་ཀུན་དང་ཕྱོགས་བཅུ་ཡི། །འགྲོ་ལ་གཟིགས་པ་སྒྲིབ་མེད་སྤྱན། །དཀྱུས་རིང་སྤྲོས་པའི་རྫོགས་སངས་རྒྱས། །སྲས་དང་སློབ་མར་བཅས་མང་བལྟ། །«རབ་རྟོག་་་་་»སོ་སོའི་མདུན་ན་སྤྲུལ་པའི་ལུས། །གྲངས་མེད་བཏུད་ཀྱང་ཡོན་ཏན་ཆེ། །བགྲང་བར་མ་ནུས་ཡན་ལག་ལྔ། །དུབ་པས་ས་ལ་ངལ་བསོ་བཞིན། །རང་«་་་་་བསྡུས་ཤིང་མ་བསྡུས་པའི་གཟུགས་ཅན། »སེམས་སྒྱུ་མ་བྱེད་པོ་གང༌། །སྐད་ཅིག་རྣམ་པའི་སྟང་སྟབས་ཀྱིས། །རྣམ་རྟོག་བག་ཆགས་བརྟན་མིན་པའི། །སྣང་སྟོང་མཆོད་པའི་མིག་འཕྲུལ་ངོམ། །མཆོད་«་་་་་རྫས་རང་བཞིན་བརྗོད་པ། »ཡོན་ཞབས་བསིལ་མེ་ཏོག་སྤོས། །མར་མེ་དྲི་ཆབ་ཞལ་ཟས་དང༌། །སྒྲ་སྙན་མ་རྣམས་རང་རྟགས་རྫས། །བསྣམས་ཤིང་སྒྱུ་མའི་རྩེ་འཇོས་མཆོད། །བདག་ལུས་«་་་་་འབྱོར་པ་རྒྱ་ཆེ་བ། »ལོངས་སྤྱོད་དུས་གསུམ་དང༌། །འབྲེལ་པའི་དགེ་རྩ་ཇི་སྙེད་དག །ས་གཞི་རི་གླིང་ཉི་ཟླ་དང༌། །ལྷ་མིའི་དཔལ་འབྱོར་ཚང་བར་སྤྲུལ། །ཤེས་རབ་«་་་་་ཡན་ལག་གཉིས་པའི་གཟུགས་ཅན། »འཁོར་ལོའི་འཁྲུལ་འཁོར་གྱིས། །འཁོར་གསུམ་མངོན་པར་ཞེན་པའི་གཟེབས། །ཡོངས་སུ་དྲལ་ཏེ་མཆོད་འོས་ཀུན། །དགྱེས་པར་སྐྱེད་པའི་ཡོན་དུ་འབུལ། །དལ་«་་་་་བསྡུས་པའི་གཟུགས་ཅན། »འབྱོར་རྟེན་མཆོག་བསམ་འཕེལ་ནོར། །གཏི་མུག་ལག་པ་དབང་མོ་ཆེས། །སྡིག་ལྟུང་འདམ་དུ་བསྐྱུར་བྱས་པ། །སྟོབས་བཞི་ཚད་ལྡན་ཆབ་ཀྱིས་འཁྲུད། །འཕགས་«་་་་་ལྡན་པའི་གཟུགས་ཅན། »དང་སོ་སོ་སྐྱེ་ཚོགས་ཀྱིས། །ལེགས་བྱས་ཟླ་འོད་སྤྲོས་པའི་རྗེས། །སེམས་ཀྱི་ཀཱ་ཤི་མཛེས་དགའ་མོ། །ཡི་རང་གྲོགས་དང་འཁྱུད་པ་ཐོབ། །ཕྱོགས་«་་་་་ཡན་ལག་གཅིག་པའི་གཟུགས། »བཅུར་བཞུགས་པའི་ཆོས་སྟོན་ཆེ། །ཀུན་ཀྱང་འགྲོ་ལ་སྨན་སླད་དུ། །ཐོག་མཐའ་བར་དགེའི་ཆོས་ཀྱི་སྒྲ། །འབྱིན་པར་ངག་གི་གླིང་བུས་བསྐུལ། །རྟག་པར་«བྱ་བའི་རང་བཞིན་བརྗོད་པ།་་་་་»འཛིན་རྣམས་གདུལ་བའི་ཕྱིར། །ཆོས་དབྱིངས་བས་མཐའ་ཚོལ་བཞེད་པའི། །སངས་རྒྱས་འགྲོ་བ་མགོན་མེད་ངོར། །མྱ་ངན་མི་འདའ་བཞུགས་པར་གསོལ། །«མང་བའི་དཔེ།་་་་་»དེ་ལྟར་བགྱིས་པའི་དགེ་བས་བདག །ཡིད་བཞིན་ནོར་བུ་དཔག་བསམ་ཤིང༌། །གཏེར་བཞིན་གདུལ་བྱའི་བསམ་པ་ཀུན། །རྫོགས་བྱེད་བྱང་ཆུབ་ཆེན་པོར་བསྔོ། །གལ་ཏེ་«་་་་་ཤིས་པ་བརྗོད་པ་ལས་ཆ་ཤས་ཅན་གྱི་གཟུགས། »སྔོན་བསགས་ལས་ཤུགས་ཀྱིས། །དབང་བྱས་རེ་ཞིག་བྱང་ཆུབ་མཆོག །སྟེར་མིན་དེ་སྲིད་དལ་འབྱོར་གྱི། །འདོད་དགུའི་ལྗོན་པ་མཆོག་གྱུར་ཅིག །སེམས་ཀྱི་«་་་་་ལྡན་པའི་གཟུགས་ཅན། »གླང་པོ་འདོད་ལྷ་ཡི། །གཡོ་སྒྱུའི་འཕྲུལ་ལ་མ་ཆགས་པར། །ཆོས་འདུལ་པདྨའི་སྐྱེད་ཚལ་དུ། །བག་ཡོད་རྭ་བར་ཆུད་གྱུར་ཅིག །ཐམས་ཅད་མཁྱེན་«་་་་་རབ་རྟོག »པའི་རྒྱུ་ཡི་གཙོ། །སྙིང་རྗེ་ཤིན་ཏུ་མཉེན་ལྡན་གྱིས། །འགྲོ་ལ་ལན་བརྒྱར་དཀྲིས་པ་བཞིན། །བྱང་ཆུབ་སེམས་མཆོག་འབྱོང་བར་ཤོག །སྔགས་«་་་་་བསྡུས་དང་མ་བསྡུས་བསྲེས་པའི་གཟུགས། »སྤྱོད་གསེར་གྱི་འཁོར་ལོ་ཡིས། །ཅིར་སྣང་ལྷན་སྐྱེས་ཡེ་ཤེས་ཀྱི། །འཁོར་དུ་བསྡུས་ནས་རྣམ་བཞིའི་སྐུ། །ཟུང་འཇུག་རྒྱལ་ས་ཟིན་པར་ཤོག །དེ་«་་་་་ཆ་ཤས་ཅན་གྱི་གཟུགས། »བརྙེས་ནས་ནི་སྐུ་གསུང་ཐུགས། །སྒྱུ་འཕྲུལ་བཀོད་པ་དཔག་ཡས་ཀྱིས། །ཕྱོགས་བཅུའི་གདུལ་བྱ་མ་ལུས་པའི། །ཆོས་རྔ་ཆེན་པོར་བདག་གྱུར་ཅིག །དེ་སྐད་སྨོན་«་་་་་རྒྱུ་མ་ཚང་བའི་ཁྱད་པར་བརྗོད་པ། »བདག་གསུང་རྡོ་རྗེ། །མངོན་དུ་གྱུར་མིན་བདེན་ཚིག་མཚོན། །གྲུབ་པ་མིན་ཡང་ལྷག་བསམ་མཐུས། །གང་སྨྲས་དོན་མེད་མ་གྱུར་ཅིག །ཉི་«་་་་་ངག་དོན་གྱི་དཔེ། »བཞིན་སྟོན་པས་འཇིག་རྟེན་བརྒྱན། །དེ་ཡི་འོད་བཞིན་ཆོས་རབ་གསལ། །འདབ་བརྒྱ་པས་བཞིན་དཔལ་འཐུངས་པའི། །བཀྲ་ཤིས་ཀུན་གྱིས་དགེ་གྱུར་ཅིག །ཅེས་བླ་མ་རྡོ་རྗེ་གདན་པ་ཆེན་པོས་མཛད་པའི་གྲུབ་བརྙེས་བརྒྱད་ཅུ་རྩ་བཞིའི་བསྟོད་པའི་ཁ་འགེངས་སམ། འདི་ཁོ་ནས་ལོགས་སུ་བསྟོད་ཀྱང་རུང་བར་ཡན་ལག་བདུན་པ་འབུལ་བ་གསོལ་འདེབས་དང་བཅས་པའི་ཚིགས་སུ་བཅད་པ་ཚོགས་ཟུང་རྒྱ་མཚོ་འཕེལ་བའི་ཟླ་འོད་ཅེས་བྱ་བ་འདི་ནི་བནྡེ་ཚུལ་ཁྲིམས་རིན་ཆེན་ཞེས་བོད་པས་ལྷུན་གྲུབ་སྟེང་གི་ཆོས་གྲྭར་བྲིས་པའོ།། །། ༄༅། །དྭིགཎོདདྷིཔཱུརནསྱམཧཱམེགྷནཱམཔྲོཀྟཝཱགྲཏྣསྱགམྦྷིརཱགུརོརྻོགཔཱུཛནཱཙཱརཻཤྩསཧཻབིཧརཏིསྨ།། ༈ བལ་ཡུལ་མཆོད་རྟེན་ཉེ་འདབས་ནས་རྒྱལ་ཡོངས་ས་ཆེན་ཞེས་པ་ལས། སློབ་བུ་ཐ་ཤལ་པ་གུ་རུས་སྤེལ་བའོ།།
རྩོམ་སྒྲིག་པ། སྟག་ལྗོངས་འཆི་མེད།
ནང་དོན་འདིའི་དཔར་དབང་རྒྱལ་ཡོངས་ས་ཆེན་དྲ་བར་ཡོད་པས་ཡོངས་རྫོགས་སམ་ཆ་ཤས་གང་ཞིག་ཆོག་མཆན་མེད་པར་རང་དགར་སུས་དགོལ་མི་ཆོག ། གལ་སྲིད་དགོལ་ན་ཡོང་ཁུངས་གསལ་པོ་དང་སྦྲེལ་ཐག་ངེས་པར་དུ་འགོད་དགོས།
དྲ་བའི་སྦྲེལ་ཐག www.gyalyongsachen.com
དཔྱད་གཏམ་སྤེལ་མཁན་ལ་གསལ་བརྡ།