གཉིས་སུ་མེད་པའི་རྒྱུད་ཀྱི་རྒྱལ་པོ་དང་པོའི་སངས་རྒྱས་དཔལ་དུས་ཀྱི་འཁོར་ལོའི་སྐོར་ལ། རྫོགས་པའི་སངས་རྒྱས་ཉི་མའི་གཉེན་ཉིད་ཤིང་ཕོ་རྟའི་ལོ་ས་གས་ཉ་བའི་ཚེས་ལ་ཟག་པ་མེད་པའི་བདུད་རྩི་མཆོག་བརྙེས་པའི་གོ་འཕང་བླ་ན་མེད་པ་མངོན་དུ་མཛད་ནས་བགྲང་གཞི་བཞི་བཅུ་རྩ་དྲུག་འདས་པ་ལྕགས་འབྲུག་ནག་པའི་ཟླ་བར་ཤྲཱི་དྷ་ནྱ་ཀ་ཊ་ཀའི་མཆོད་རྟེན་གྱི་ནང་གི་སྟེང་དུ་དཔལ་ལྡན་རྒྱུ་སྐར་གྱི་དཀྱིལ་འཁོར་སྤྲོས་ཏེ་སྤྲུལ་པའི་ཆོས་རྒྱལ་ཟླ་བ་བཟང་པོ་ལ་སོགས་པ་སྐལ་ལྡན་གྱི་གདུལ་བྱ་རྣམས་སྨིན་པར་མཛད། དེའི་ཕྱི་ལོ་ཆོས་རྒྱལ་ཟླ་བ་བཟང་པོས་དུས་འཁོར་རྩ་བའི་རྒྱུད་བསྡུས། བྱང་ཕྱོགས་ཤམ་བྷ་ལར་ཆོས་རྒྱལ་དྲུག་དང་རིགས་ལྡན་བཅུ་བདུན་འདས་ཤིང་རིགས་ལྡན་རྣམ་གནོན་གདོང་ལྔའི་དབང་པོས་སྒེག་པའི་ཆོས་ཀྱི་ཁྲིར་ཕེབས་ཤིང༌། དམ་པའི་ཆོས་བསྟན་ནས་ལོ་སུམ་ཅུ་རྩ་ལྔ་པ། མེ་མཁའ་རྒྱ་མཚོ་ལ་འདས་ལོ་དྲུག་ཅུ་སྐོར་བདུན་དང་ཉག་མ་ལྔ་བཅུར་སླེབས་པ། རབ་བྱུང་བཅུ་གསུམ་པའི་ཁྱུ་མཆོག་ཅོ་ཞེས་པའི་གནམ་ལོ་ཤར་བ། སྒྲོལ་བྱེད་བུ་མོ་དབོས་ཉ་བའི་ཟླ་བ། དཀར་པོའི་ཕྱོགས་ཀྱི་རྫོགས་པ་གསུམ་པའི་ཚེ་ས་ག་ལ་བར། རེས་གཟའ་པ་སངས། སྐར་མ་ཕུག་རོན། སྦྱོར་བ་ལས་བཟང༌། བྱེད་པ་སྔ་ཆ་བིཥྚི། ཕྱི་ཆ་གདབ་པ་རྣམས་ཤར་བའི་དུས་སུ་མདོ་ཁམས་ཕྱོགས་ཀྱི་དབྱིག་འཛིན་ཐིག་ལེ་ཤྲཱི་སེ་ན་ཤུ་བྷའི་རིགས་ཀྱི་ཆོས་ལྡན་གྱི་སའི་ཚངས་པ་ཆེན་པོས་ཕུན་ཚོགས་སྟོབས་ཀྱི་འཁོར་ལོས་ལེགས་པར་བསྲུངས་པའི་གདན་ས་ཆེན་པོ་ལྷུན་གྲུབ་སྟེང་གི་གཙུག་ལག་ཁང་ཆེན་པོར་ཁམས་གསུམ་འགྲོ་བའི་བླ་མ་ཁྱབ་བདག་འཁོར་ལོའི་མགོན་པོ་དང་པོའི་སངས་རྒྱས་ཀཱ་ལ་ཙཀྲ་ཉིད་ངུར་སྨྲིག་བླ་གོས་གསར་པའི་ལང་ཚོས་མངོན་པར་སྒེག་པའི་བློ་གསལ་ཀུན་དགའ་སྟེར་བྱེད་ཕུན་ཚོགས་མཛད་པའི་ཆུ་གཏེར་སྐྱོང་བ་གང་དེ་དུས་ཀྱི་འཁོར་ལོའི་ཏིང་ངེ་འཛིན་ལ་བཞུགས་པའི་རྡོ་རྗེའི་སློབ་དཔོན་ཆེན་པོ་གང་གིས་དཔལ་དུས་ཀྱི་འཁོར་ལོ་སྐུ་གསུང་ཐུགས་ཡོངས་སུ་རྫོགས་པའི་རྡུལ་ཚོན་གྱི་དཀྱིལ་འཁོར་ཆེན་པོར་ཐམས་ཅད་མཁྱེན་པ་བུ་སྟོན་རིན་པོ་ཆེས་མཛད་པའི་མངོན་པར་རྟོགས་པ་རྒྱས་པ་དངོས་གྲུབ་འདོད་འཇོ། དཀྱིལ་ཆོག་ཡོན་ཏན་ཀུན་འབྱུང༌། མཆོད་ཕྲེང་མཆོད་སྤྲིན་རྒྱ་མཚོ།མཁྱེན་རབ་རྗེས་མཛད་པའི་ཟིན་བྲིས་བཀྲ་ཤིས་རབ་རྒྱས། གཞན་ཡང་སློབ་མ་ཡང་སློབ་དང་བཅས་པའི་ཟིན་བྲིས་ཐོར་བུ་བཞུགས་པ་རྣམས་ཀྱི་སྟེང་ནས་རྡོ་རྗེའི་སློབ་བུ་ངག་དབང་ཚུལ་ཁྲིམས་རིན་ཆེན་དུ་བོད་པ་ལ་བྱིས་པ་འཇུག་པའི་དབང་བདུན་གྱི་དབང་བསྐུར་བ་ལ་བརྟེན་ནས་འོག་མིན་སྲིད་པའི་མཐར་ཐུག་པའི་འཇིག་རྟེན་པའི་དངོས་གྲུབ་འགྲུབ་པ་དང༌། སེམས་ཅན་ཐམས་ཅད་ཀྱི་བདེན་པ་ཉིད་ཀྱི་བསོད་ནམས་དང་ཡེ་ཤེས་ཀྱི་འབྲས་བུ་ཐོབ་པའི་སླད་དུ་ལུང་བསྟན་ཅིང་རྗེས་སུ་གནང་བ་དང༌། ཟབ་ལམ་རྡོ་རྗེའི་རྣལ་འབྱོར་མཆོག་གི་ངེས་དོན་གྱི་དཀྱིལ་འཁོར་རྣམས་སུ་དབང་གོང་མ་བཞི་གོང་ཆེན་དང་བཅས་པ་བདག་པོ་ཆེན་པོའི་དབང་རྣམས་བརྒྱུད་པའི་བཀའ་བབས་བཞི་དང་ལྡན་པ་ལེགས་པར་ནོས་པའི་དང་པོ་འབྲོ་ལུགས་ཀྱི་བརྒྱུད་པ་ནི། ཁྱབ་བདག་དང་པོའི་སངས་རྒྱས། ཆོས་སྐུ་རྡོ་རྗེ་འཆང༌། ལོངས་སྐུ་དུས་ཀྱི་འཁོར་ལོ། སྤྲུལ་སྐུ་ཤཱཀྱ་ཐུབ་པ། ཆོས་རྒྱལ་ཟླ་བ་བཟང་པོ། ལྷའི་དབང་པོ། གཟི་བརྗིད་ཅན། ཟླ་བས་བྱིན། ལྷའི་དབང་ཕྱུག སྣ་ཚོགས་གཟུགས། ལྷའི་དབང་ལྡན་ཏེ་ཆོས་རྒྱལ་བདུན། རིགས་ལྡན་འཇམ་དཔལ་གྲགས་པ། པདྨ་དཀར་པོ། བཟང་པོ། རྣམ་རྒྱལ།བཤེས་གཉེན་བཟང་པོ། ཕྱག་ན་རིན་ཆེན།«་་་་་ཕྱག་དམར་བ་ཡང་ཟེར། »ཁྱབ་འཇུག་སྦས་པ། ཉི་མ་གྲགས་པ། ཤིན་ཏུ་བཟང་པོ། རྒྱ་མཚོ་རྣམ་རྒྱལ།«འདི་ནས་མེ་མཁའ་རྒྱ་མཚོའི་དབུ་ཚུགས།་་་་་»རྒྱལ་དགའ། ཉི་མ། སྣ་ཚོགས་གཟུགས། ཟླ་བའི་འོད། མཐའ་ཡས། ས་སྐྱོང༌། དཔལ་སྐྱོང༌། གྲུབ་ཆེན་དུས་འཁོར་ཞབས་པ་ཆེ་ཆུང༌།«་་་་་ཆེ་བ་ཙོར་ཡང་ཤའི་ཕོ་བྲང་དུ་འཁྲུངས། ཆུང་པ་ནཱ་ལེནྡ་པ། »རྒྱལ་སྲས་ནཱ་ལེནྡ་པ།«་་་་་བུ་སྟོན་རྗེ་བཙུན་བཙོང་ཁ་པ་གོང་དཀར་ཐར་རྩེ་ལོ་པ་སྤྱན་སྔ་སྒྲུབ་ཁང་པ་རྣམས་ཀྱི་གསན་ཡིག་ན་མི་འདུག་ཀྱང་མཁན་ཆེན་ངག་དབང་ཆོས་གྲགས་པའི་གསན་ཡིག་ན་ཁ་ཆེ་ཟླ་མགོན་དང་གཅིག་པར་མཛད། ངོར་ཆེན། རྡོ་རྗེ་འཆང་སྔགས་རམས་པ། རྗེ་མཁྱེན་བརྩེ་གསུམ་གྱི་གསན་ཡིག་ན་དཀྱུས་ལྟར་སྣང་བ་དཔྱད་དོ། »།ཁ་ཆེ་ཟླ་བ་མགོན་པོ།«་་་་་པཎ་དཀར། »འབྲོ་ལོ་ཙཱ་བ་ཤེས་རབ་གྲགས། གྲབ་སྒོམ་དཀོན་མཆོག་སྲུང༌།«་་་་་འཕན་ཡུལ་བ་བོད་བཙུན། »རྣལ་འབྱོར་བཟང་པོ་སྒྲོ་སྟོན་རྣམས་ལ་བརྩེགས།«་་་་་སྔགས་དཀར་ཅོ་བྲེག་ཅན། »གྲུབ་ཆེན་ཡུ་«་་་་་བཙུན་རྒན་»མོ་«་་་་་བུ་སྟོན་རྗེ་བཙོང་ཁ་པ་ངོར་ཆེན་གོང་དཀར་ཐར་རྩེ་ངག་ཆོས་ལོ་པ་རྣམས་ཀྱི་གསན་ཡིག་ན་མི་སྣང་བས་དཔྱད། »དད་པ་«་་་་་གསང་མཚན་མི་བསྐྱོད་རྡོ་རྗེ། »རྒྱལ་པོ། སྲས་ཆོས་ཀྱི་དབང་ཕྱུག«་་་་་སྔགས་དཀར་ཅོ་བྲེག་ཅན། »གྲུབ་ཐོབ་ནམ་མཁའ་འོད། སྤྲུལ་སྐུ་ཇོ་འབུམ། སེ་མོ་ཆེ་བ་ནམ་མཁའ་རྒྱལ་མཚན། འཇམ་གསར་ཤེས་རབ་འོད་ཟེར།«་་་་་ཕྱམ་རྩེ་བ། »ཀུན་མཁྱེན་ཆོས་སྐུ་འོད་ཟེར། ཀུན་སྤངས་ཐུགས་རྗེ་བརྩོན་འགྲུས།«་་་་་སེ་སྟོན་ཀུན་རིག་གི་སྐྱེ་བར་གྲགས། བོད་བཙུན་ཡིན། »བྱང་སེམས་རྒྱལ་བ་ཡེ་ཤེས། འཕགས་འོད་ཡོན་ཏན་རྒྱ་མཚོ། ཐམས་ཅད་མཁྱེན་པ་བུ་སྟོན་རིན་ཆེན་གྲུབ། ཐུགས་སྲས་རིན་ཆེན་རྣམ་རྒྱལ། འཇམ་དབྱངས་གྲགས་པ་རྒྱལ་མཚན། ཤར་པ་ཡེ་ཤེས་རྒྱ་མཚོ། རྡོ་རྗེ་འཆང་མཁྱེན་རབ་ཆོས་རྗེ། སྐུ་ཞང་བསོད་ནམས་མཆོག་གྲུབ། ཆོས་རྗེ་དོན་གྲུབ་རྒྱལ་མཚན། བྱང་གླིང་འཇམ་དཔལ་བཀྲ་ཤིས་རྒྱལ་མཚན། འཇམ་དབྱངས་མཁྱེན་བརྩེའི་དབང་ཕྱུག རྡོ་རྗེ་འཆང་དབང་ཕྱུག་རབ་བརྟན། མགོན་པོ་བསོད་ནམས་མཆོག་ལྡན། མཁན་ཆེན་ཚེ་དབང་ལྷུན་གྲུབ།ཁྱབ་བདག་ཀླུ་སྒྲུབ་རྒྱལ་མཚན། མཚུངས་མེད་སྨོན་ལམ་ལྷུན་གྲུབ། རྡོ་རྗེ་འཛིན་དབང་བརྩོན་འགྲུས་བཟང་པོ། སྟོབས་བཅུ་མངའ་བ་མཆོག་གི་བསྟན་པ་རིན་པོ་ཆེའི་སྣང་བྱེད། གསང་ཆེན་དཀྱིལ་འཁོར་རྒྱ་མཚོའི་མངའ་བདག གནས་གསར་མཁན་པོ་ངག་དབང་ཀུན་དགའ་ལེགས་པའི་འབྱུང་གནས་བསྟན་པའི་རྒྱལ་མཚན་དཔལ་བཟང་པོ་ང༌། ཁྱབ་བདག་འཁོར་ལོའི་མགོན་པོ་དཔལ་ལྡན་དང་པོའི་སངས་རྒྱས་ངུར་སྨྲིག་འཆང་གི་རྣམ་པར་རོལ་པའི་དུས་འཁོར་བ་རྡོ་རྗེ་སློབ་དཔོན་ཆེན་པོ་ཀུན་དགའ་ཕུན་ཚོགས་པ། དེས་བདག་བནྡེ་ཤཱི་ལ་རཏྣའི་མིང་ཅན་ལ་བཀའ་དྲིན་དུ་སྩལ་ཏོ། །ཡང་ན་འཇམ་གསར་ནས། རྗེ་བཙུན་རོང་པ་རྒྭ་ལོ། དེ་སྲས་ཤེས་རབ་སེང་གེ སྐྱི་སྟོན་གྲགས་པ་རྒྱལ་མཚན། ཀུན་མཁྱེན་ཤེས་རབ་རྒྱལ་མཚན་མན་འདྲ། ཡང་ན་འཇམ་གསར་ནས། ཀུན་མཁྱེན་ཆོས་སྐུ་འོད་ཟེར། ཀུན་སྤངས་ཐུགས་རྗེ་བརྩོན་འགྲུས། བྱང་སེམས་རྒྱལ་བ་ཡེ་ཤེས། འཕགས་འོད་ཡོན་ཏན་རྒྱ་མཚོ། བུ་སྟོན་ཐམས་ཅད་མཁྱེན་པ་རིན་ཆེན་གྲུབ། ཐུགས་སྲས་ལོ་ཙཱ་བ་རིན་ཆེན་རྣམ་རྒྱལ། འཇམ་དབྱངས་ཤཱཀྱ་གཞོན་ནུ། གཞོན་ནུ་རྡོ་རྗེ། ཀུན་མཁྱེན་ཤཱཀྱ་དོན་གྲུབ་མན་འདྲ། ཡང་ན་ཀུན་མཁྱེན་ཤེས་རབ་རྒྱལ་མཚན། གཉགས་ཕུ་བ་བསོད་ནམས་བཟང་པོ། པཎ་ཆེན་བྱམས་པ་གླིང་པ་བསོད་ནམས་རྣམ་པར་རྒྱལ་བ། ཀུན་མཁྱེན་རྡོ་རྗེ་གདན་པ་ཀུན་དགའ་རྣམ་རྒྱལ། མཁས་གྲུབ་རྣམ་རྒྱལ་རིན་ཆེན། ཡོངས་འཛིན་ཤཱཀྱ་ཀུན་དགའ། དམ་ཆོས་གླིང་པ་ཡེ་ཤེས་དབང་པོ། ཉི་མ་གླིང་པ་ཚུལ་ཁྲིམས་བཀྲ་ཤིས། རྗེ་རིན་ཆེན་རྒྱ་མཚོ། རྡོ་རྗེ་འཆང་ཆེན་པོ་ཀུན་བཟང་པདྨ་ཕྲིན་ལས། ཀུན་མཁྱེན་བསྟན་པའི་སྒྲོན་མེ་ངག་དབང་ཀུན་དགའ་ལྷུན་གྲུབ་མན་འདྲའོ། །ཡང་བུ་ལུགས་ཀྱི་འབྲོའི་བརྒྱུད་པ་ལྟར་ན། འཕགས་འོད་ཡོན་ཏན་རྒྱ་མཚོ་ཡན་གོང་ལྟར་ལས། ཐམས་ཅད་མཁྱེན་པ་བུ་སྟོན་རིན་ཆེན་གྲུབ།ཐུགས་སྲས་སེམས་དཔའ་ཆེན་པོ་རིན་ཆེན་རྣམ་རྒྱལ། འཇམ་དབྱངས་གྲགས་པ་རྒྱལ་མཚན། ཤར་པ་ཡེ་ཤེས་རྒྱ་མཚོ། རྡོ་རྗེ་འཆང་མཁྱེན་རབ་ཆོས་རྗེ། སྐུ་ཞང་རིན་པོ་ཆེ་བསོད་ནམས་མཆོག་གྲུབ། ཡང་ན་ཀུན་མཁྱེན་ཆོས་སྐུ་འོད་ཟེར་ནས། འཕགས་འོད་ཡོན་ཏན་རྒྱ་མཚོ། བུ་སྟོན་མན་འདྲ། ཐར་ལོ་ལུགས་ཀྱི་རིང་བརྒྱུད་ནི། འཇམ་གསར་བ་ཡན་གོང་ལྟར་ལས། དེ་ནས་ཉེག་པོ་ཆོས་ལྡན། གོ་ལུང་པ་གཞོན་ནུ་དཔལ། ཐར་ལོ་ཉི་མ་རྒྱལ་མཚན། བུ་སྟོན་རིན་པོ་ཆེ་མན་འདྲ། ཡང་ན་རྡོ་རྗེ་འཆང༌། དཔེ་མེད་འཚོ། དཔལ་འཛིན། འོད་བྱེད་ལྷ། ཆོས་འབྱུང་ཞི་བ། ཉི་མ་དཔལ་ཡེ་ཤེས། རིན་ཆེན་འཚོ། བི་བྷཱུ་ཏི། ཀོ་གྲག་པ་བསོད་ནམས་རྒྱལ་མཚན། གོ་ལུང་པ་གཞོན་ནུ་དཔལ་མན་འདྲ། ཡང་ཉེ་བརྒྱུད་ནི། རྡོ་རྗེ་འཆང༌། ཤ་བ་རི། བི་བྷཱུ་ཏི། ཀོ་གྲག་པ་མན་འདྲ། ཡང་ཤོང་ལུགས་ཀྱི་བརྒྱུད་པ་ནི། སེ་མོ་ཆེ་པ་ནམ་མཁའ་རྒྱལ་མཚན་ནས། བོ་དོང་རིན་ཆེན་རྩེ་མོ། སྟག་སྡེ་བ་སེང་གེ་རྒྱལ་མཚན། ཤོང་ལོ་ཙཱ་བ་རྡོ་རྗེ་རྒྱལ་མཚན། ཤོང་ལོ་ཙཱ་བ་བློ་གྲོས་བརྟན་པ། མང་མཁར་ལོ་ཙཱ་བ་མཆོག་ལྡན་ལེགས་པའི་བློ་གྲོས། བླ་མ་དཔལ་ལྡན་སེང་གེ བུ་སྟོན་ཐམས་ཅད་མཁྱེན་པ་མན་འདྲ། ཡང་ན་བོ་དོང་རིན་ཆེན་རྩེ་མོ་ནས། འཛིམ་པ་རིན་ཆེན་ཤེས་རབ། ཤར་པ་དུས་འཁོར་བ་ཡེ་ཤེས་རིན་ཆེན། ཀུན་སྤངས་ཐུགས་རྗེ་བརྩོན་འགྲུས། འཕགས་འོད་ཡོན་ཏན་རྒྱ་མཚོ། ཆོས་རྗེ་བུ་སྟོན་རིན་པོ་ཆེ་མན་འདྲའོ། །ཡང་ན་བུ་སྟོན་རིན་པོ་ཆེ་ནས། བླ་མ་དྷརྨ་ཤྲཱི་སྣར་ཐང་ལོ་ཙཱ་བ་སངྒྷ་ཤྲཱི། གཟད་པ་རིན་ཆེན་རྒྱལ་མཚན། བྲག་ཐོག་པ་བསོད་ནམས་བཟང་པོ། རྡོ་རྗེ་གདན་པ་ཆེན་པོ། མཁས་གྲུབ་རིན་ཆེན་རྣམ་རྒྱལ། ཡངས་པ་ཅན་པ་ཤཱཀྱ་ཀུན་དགའ། དམ་ཆོས་གླིང་པ་ཡེ་ཤེས་དབང་པོ། མཚུངས་མེད་ཉི་མ་གླིང་པ་མན་འདྲ། ཡང་ན་བུ་སྟོན་རིན་པོ་ཆེ་ནས། ཐུགས་སྲས་རིན་ཆེན་རྣམ་རྒྱལ། ཞྭ་ལུ་ཁང་རྙིང་སློབ་དཔོན་བསོད་ནམས་ཆོས་འཕེལ། སྟག་ཚང་ལོ་ཙཱ་བ་སོགས་ལས་བརྒྱུད་པའང་ཡོད་དོ། །བཀའ་བབས་གཉིས་པ་རྭ་ལུགས་ཀྱི་བརྒྱུད་པ་ནི། དང་པོའི་སངས་རྒྱས། ཆོས་རྒྱལ་ཟླ་བ་བཟང་པོ། ཆོས་རྒྱལ་སུམ་ཅུ་གཉིས།«་་་་་གསན་ཡིག་རྣམས་སུ་འདི་ལྟར་འབྱུང་ཡང་ཙི་ལུ་པའི་དུས་རིགས་ལྡན་ཡན་མ་གཏོགས་དེ་མིན་དཔྱད་གཞིར་སྣང༌། »འཇམ་དབྱངས་སྤྲུལ་པ་ཙི་ལུ་པཎྜི་ཏ། པི་ཏོ་པ།«་་་་་གོང་དཀར་བ་དང་ཐར་རྩེ་བའི་གསན་ཡིག་ན་པཎྜི་ཏ་ཨཱ་ཙཱརྻ་ཞེས་པ་འདུག »དུས་ཞབས་པ་ཆེ་ཆུང༌། མཉྫུ་ཀཱིརྟི། ས་མནྟ་ཤྲཱི། རྭ་ལོ་ཙཱ་བ་ཆེན་པོ་ཆོས་རབ།«་་་་་ནེའུ་མེ་ཏོག་གདན་དུ་འཁྲུངས། »རྭ་ཡེ་ཤེས་སེང་གེ«་་་་་ཁུ་ལུང་སེ་བྱི་རུ།»རྭ་འབུམ་སེང༌།«་་་་་ཁུ་ལུང་ཆོས་ཤིང་དགོན་པ།» རྗེ་བཙུན་རྒྭ་ལོ་རྣམ་རྒྱལ་རྡོ་རྗེ།«་་་་་རོང་དམན་དམར་བ། »བླ་མ་རོང་པ་ཤེས་རབ་སེང་གེ«་་་་་རོང་ཤམྦྷར་དུ། »སྐྱི་སྟོན་གྲགས་པ་རྒྱལ་མཚན་མན་གོང་བཞིན་ནོ། །བུ་ལུགས་རྭ་བརྒྱུད་ལྟར་ན། དམ་པ་དང་པོའི་སངས་རྒྱས། དཔལ་དུས་ཀྱི་འཁོར་ལོ། རྒྱལ་བ་ཤཱཀྱ་ཐུབ་པ། ཟླ་བ་བཟང་པོ། ལྷ་དབང་གཟི་བརྗིད་ཅན། ཟླ་བས་བྱིན། ལྷའི་དབང་ཕྱུག སྣ་ཚོགས་གཟུགས། ལྷའི་དབང་ལྡན། འཇམ་དབྱངས་གྲགས་པ།པདྨ་དཀར་པོ། འཇམ་དབྱངས་སྤྲུལ་པ། ཙི་ལུ་པཎ་ཆེན།«་་་་་རྭ་པ་རྣམས་འདི་དང་དུས་ཞབས་པ་ཐ་དད་དུ་བཞེད། »པི་ཏོ་ཨཱ་ཙཱརྻ། དུས་ཞབས་པ་ཆེ་བ།དུས་ཞབས་པ་གཉིས་པ། མཉྫུ་ཀཱིརྟི། ས་མནྟ་ཤྲཱི། རྭ་ཆོས་རབ། རྭ་ཡེ་ཤེས་སེང་གེ རྭ་འབུམ་སེང༌། རྒྭ་ལོ་རྣམ་རྒྱལ་རྡོ་རྗེ། དེ་སྲས་ཤེས་རབ་སེང་གེ བླ་མ་དཔལ་ལྡན་སེང་གེ བུ་སྟོན་ཐམས་ཅད་མཁྱེན་པ་མན་སྔར་བཞིན་ནོ། །ཡང་ན་རོང་པ་ཤེས་རབ་སེང་གེ་ནས། རོང་པ་རྡོ་རྗེ་རྒྱལ་མཚན། བུ་སྟོན་རྗེ་མན་སྔར་དང་འདྲའོ། །བཀའ་བབས་གསུམ་པ་ས་ལུགས་ཀྱི་བརྒྱུད་པ་ནི། དཔལ་དུས་ཀྱི་འཁོར་ལོ། བྱང་ཆུབ་སེམས་དཔའ་རྡོ་རྗེ་སྙིང་པོ། རྡོ་རྗེ་མཁའ་འགྲོ་མ། ཙི་ལུ་པཎྜི་ཏ། དུས་ཞབས་པ་ཆེ་བ། དུས་ཞབས་པ་གཉིས་པ། ཨ་ནུ་པ་མ་རཀྵི་ཏ། སཱ་དྷུ་པུ་ཏྲ། ཆོས་ཀྱི་འབྱུང་གནས། ཆོས་ཀྱི་བཤེས་གཉེན། བི་ཀྵཱ་ཏ་དེ་ཝ། མ་ཧཱ་པཎྜི་ཏ་ཤཱཀྱ་ཤྲཱི། འཇམ་དབྱངས་ས་སྐྱ་པཎྜི་ཏ། འགྲོ་བའི་མགོན་པོ་ཆོས་རྒྱལ་འཕགས་པ། རྒྱུས་པ་གཞོན་ནུ་སེང་གེ དོལ་པོ་ཡེ་ཤེས་མགོན་པོ། ཀུན་སྤངས་ཀུན་ཏུ་བཟང་པོ། ཀུན་མཁྱེན་འཕགས་འོད་ཡོན་ཏན་རྒྱ་མཚོ། བུ་སྟོན་ཐམས་ཅད་མཁྱེན་པ་མན་འདྲའོ། །བཀའ་བབས་བཞི་པ་མ་ཧཱ་པཎྜི་ཏ་ནགས་ཀྱི་རིན་ཆེན་ལུགས་ཀྱི་བརྒྱུད་པ་ནི། རིགས་ལྡན་རྣམ་རྒྱལ་ཡན་གོང་ལྟར་ལས། དེ་ནས་དུས་ཞབས་པ་ཆེ་ཆུང༌། ཤཱཀྱ་སེང་གེ་རྒྱལ་མཚན། ཉི་མའི་འོད། གཽ་ཏམ་དཔལ། རིན་ཆེན་བཀྲ་ཤིས། རྒྱལ་བའི་རྒྱན། བློ་ལྡན་རྗེ། ཤཱཀྱ་བསྲུངས་པ། རྗེ་ཆེན་པོ་ལེགས་སྐྱེས། དཔལ་སངས་རྒྱས་དབྱངས། མ་ཧཱ་པཎྜི་ཏ་ནགས་ཀྱི་རིན་ཆེན། ཀུན་མཁྱེན་རྡོ་རྗེ་གདན་པ་མན་སྔར་བཞིན་ནོ།། ༈ །དཔལ་དུས་ཀྱི་འཁོར་ལོའི་རྒྱས་འགྲེལ་རྩ་བའི་རྒྱུད་ཀྱི་རྗེས་སུ་འཇུག་པ་འཕགས་པ་སྤྱན་རས་གཟིགས་ཀྱིས་མཛད་པ། སྟོང་ཕྲག་བཅུ་གཉིས་པ་དྲི་མ་མེད་པའི་འོད་ལེའུ་ལྔ་པ་འབྲོ་ལོ་ཙཱ་བ་ཤེས་རབ་གྲགས་ཀྱིས་བསྒྱུར་ཞིང༌། སླར་ཤོང་སྟོན་གྱིས་དཔལ་ལྡན་ས་སྐྱར་དག་པར་བསྒྱུར་བ་ལ་བུ་སྟོན་ཐམས་ཅད་མཁྱེན་པས་དཀའ་བའི་གནས་ལ་གསུང་མཆན་ཞིབ་པར་མཛད་པ་བཅས་པའི་ལུང་ཡོངས་སུ་རྫོགས་པ་ཐོབ་པའི་བརྒྱུད་པ་ནི། རོང་པ་ཤེས་རབ་སེང་གེ་ཡན་དབང་བརྒྱུད་བུ་ལུགས་ཀྱི་རྭ་ལུགས་དང་འདྲ་ཞིང༌། དེ་ནས་བླ་མ་རྡོ་རྗེ་རྒྱལ་མཚན། ཐམས་ཅད་མཁྱེན་པ་བུ་སྟོན་རིན་ཆེན་གྲུབ། ཐུགས་སྲས་སེམས་དཔའ་ཆེན་པོ་རིན་ཆེན་རྣམ་རྒྱལ། མཁས་པ་རཏྣ་ཤྲཱི། མཁས་པ་ཟླ་བ་དཔལ་རིན།«་་་་་ཙནྡྲ་ཤྲཱི།»འཁྲུལ་ཞིག་ཚུལ་ཁྲིམས་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། བྱང་གླིང་པ་རིན་ཆེན་རྒྱལ་པོ། འབྲོག་ཁང་པ་དོན་གྲུབ་རྒྱལ་མཚན། བྱང་གླིང་པ་རིན་ཆེན་བཀྲ་ཤིས་རྒྱལ་མཚན། དགེ་འཁོར་བ་རིན་ཆེན་དཀོན་མཆོག ལྷ་འོ་པ་རིན་ཆེན་རྒྱ་མཚོ། མཁན་ཆེན་རིན་ཆེན་བསོད་ནམས་མཆོག་གྲུབ། མངོན་དགའ་བ་རིན་ཆེན་རྒྱ་མཚོ། དོན་གྲུབ་ཆོས་གླིང་པ་མཚུངས་མེད་བསྟན་པ་དར་རྒྱས། རྨོར་ཆེན་ངག་དབང་ཀུན་དགའ་ལྷུན་གྲུབ། གནས་གསར་བ་ཀུན་དགའ་ལེགས་པའི་འབྱུང་གནས་མན་འདྲའོ། །དཔལ་དུས་ཀྱི་འཁོར་ལོ་ལ་ཐུན་མོང་གི་ལས་སྒྲུབ་པའི་ལྷ་གསུམ་ཡོད་པའི་དང་པོ་རྗེ་སྒོ་རུམ་པས་མཛད་པའི་ཡི་གེའི་སྟེང་ནས་རྡོ་རྗེའི་ཚེར་མ་འབྲུམ་ནད་ཀྱི་གཉེན་པོ་བཅོམ་ལྡན་འདས་མ་སྣ་ཚོགས་ཡུམ་གྱི་རྗེས་སུ་གནང་བ་ཐུན་མོང་མ་ཡིན་པ་ཕྱག་ལེན་ལྟར་དང་སྒོ་རུམ་པས་མཛད་པའི་ཡི་གེའི་ལུང་བཅས་ཐོབ་པའི་བརྒྱུད་པ་ནི། དང་པོའི་སངས་རྒྱས། རིགས་གསུམ་མགོན་པོ། དུས་ཞབས་པ་ཆེ་ཆུང༌། རྒྱལ་སྲས་ནཱ་ལེནྡ་པ། པཎ་ཆེན་ཟླ་བ་མགོན་པོ། འབྲོ་ལོ་ཙཱ་བ་ཤེས་རབ་གྲགས། སྒོམ་པ་དཀོན་མཆོག་སྲུང༌། སྒྲོ་སྟོན་གནམ་ལ་བརྩེགས།«་་་་་འཕན་ཡུལ་སྒྲོ་རིངས་པ། »ཡུ་མོ་དད་པ་རྒྱལ་པོ། སྲས་དྷརྨེ་ཤྭ་ར། རྗེ་ནམ་མཁའ་འོད། མ་གཅིག་སྤྲུལ་སྐུ་ཇོ་འབུམ། སེ་མོ་ཆེ་བ་ནམ་མཁའ་རྒྱལ་མཚན། འཇམ་གསར་ཤེས་རབ་འོད་ཟེར།ཀུན་མཁྱེན་ཆོས་སྐུ་འོད་ཟེར། ཀུན་སྤངས་ཐུགས་རྗེ་བརྩོན་འགྲུས། བྱང་སེམས་རྒྱལ་བ་ཡེ་ཤེས། མཁས་བཙུན་ཡོན་ཏན་རྒྱ་མཚོ། དོལ་པོ་ཀུན་མཁྱེན་ཤེས་རབ་རྒྱལ་མཚན། ས་བཟང་མ་ཏི་པཎ་ཆེན། འཕགས་པ་གཞོན་ནུ་བློ་གྲོས། རྡོ་རྗེ་འཆང་ཀུན་དགའ་བཟང་པོ། རྗེ་བསོད་ནམས་སངས་རྒྱས། རྗེ་བཙུན་རྡོ་རིང་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། འཇམ་མགོན་མཁྱེན་བརྩེའི་དབང་ཕྱུག རྡོ་རྗེ་འཆང་དབང་ཕྱུག་རབ་བརྟན། མཁན་ཆེན་ཞྭ་ལུ་པ་རིན་ཆེན་བསོད་ནམས་མཆོག་གྲུབ། རྡོ་རྗེ་འཆང་མཁྱེན་རབ་བྱམས་པ་ངག་དབང་ལྷུན་གྲུབ། ངག་དབང་ཀུན་དགའ་ལྷུན་གྲུབ་མན་སྔར་བཞིན་ནོ། །ཡང་ན་རྡོ་རིང་རིན་པོ་ཆེ་ནས། རྗེ་བཙུན་སྒོ་རུམ་པ། འཇམ་དབྱངས་མཁྱེན་བརྩེའི་དབང་ཕྱུག་མན་འདྲ། ཡང་ན་སྒོ་རུམ་པ་ནས། དེ་དབོན་ངག་དབང་བརྟན་པའི་རྡོ་རྗེ། མཁྱེན་བརྩེའི་ཞབས་མན་འདྲའོ། །ཡང་ན་ཤྲཱི་ཀཱ་ལ་ཙཀྲ། མ་ཧཱ་པཎྜི་ཏ་ནགས་ཀྱི་རིན་ཆེན། ཁྲིམས་ཁང་ལོ་ཙཱ་བ་བསོད་ནམས་རྒྱ་མཚོའི་སྡེ།«་་་་་བླ་མ་གཉིས་གོང་འོག་ནོར་འདུག་ཀྱང་རས་ཆུང་པས་མིད་ལ་ལ་ཚེ་དབང་ཕུལ་བ་ལྟར་ཡིན་ནམ་ཞེས་གསན་ཡིག་ཏུ་སྣང༌། »འགོས་ལོ་ཙཱ་བ་གཞོན་ནུ་དཔལ། ཆག་ལོ་རིན་ཆེན་ཆོས་རྒྱལ། བདག་ཆེན་ངག་གི་དབང་ཕྱུག ཀུན་མཁྱེན་མཁྱེན་བརྩེའི་ཞབས་མན་འདྲའོ།། ༈ །གཉིས་པ་ཀླུ་དང་ས་བདག་གི་གདོན་འཇོམས་པ་མཁའ་ལྡིང་རྡོ་རྗེ་ཁྱུང་ཁྲ་བོའི་སྐོར་ལ། རྗེ་སྒོ་རུམ་པས་མཛད་པའི་སྒྲུབ་ཐབས་རྒྱུད་འགྲེལ་དང་མཐུན་པར་སྦྱར་བའི་ཡི་གེའི་སྟེང་ནས་རྗེས་གནང་ཐོབ་པའི་བརྒྱུད་པ་ནི།རྡོ་རྗེ་འཆང༌། ཆོས་རྒྱལ་ཟླ་བ་བཟང་པོ། འཇམ་དཔལ་གྲགས་པ། པདྨ་དཀར་པོ། དུས་ཞབས་པ་ཆེ་ཆུང་གཉིས། ཏཻ་ལོ་པ། ནཱ་རོ་པ། ཕམ་མཐིང་པ་སྐུ་མཆེད།«་་་་་མཁྱེན་བརྩེ་ཐར་རྩེ་སྒྲུབ་ཁང་གསུམ་གྱི་གསན་ཡིག་ན་མི་གསལ་ཡང་རྫོང་ལུགས་ཀྱི་གསན་ཡིག་ན་འདིའི་རྗེས་སུ་གློག་སྐྱ་ཤེས་རབ་བརྩེགས་འདུག་པ་ཆད་དམ་སྙམ། »མལ་ལོ་ཙཱ་བ་བློ་གྲོས་གྲགས། ས་ཆེན་ཀུན་དགའ་སྙིང་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན།ཆོས་རྗེ་ས་སྐྱ་པཎྜི་ཏ། འཕགས་པ་རིན་པོ་ཆེ། ཞང་དཀོན་མཆོག་དཔལ། དགའ་ལྡན་པ་ཀུན་དགའ་བསོད་ནམས། རྒྱལ་བ་བྲག་ཕུག་པ། རི་ཁྲོད་པ་བློ་གྲོས་བརྟན་པ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། གུ་གེ་པཎྜི་ཏ་གྲགས་པ་རྒྱལ་མཚན། མཁན་ཆེན་ལེགས་པའི་འབྱུང་གནས། ས་སྐྱ་ལོ་ཙཱ་བ། རྗེ་དཀོན་མཆོག་ལྷུན་གྲུབ། རྗེ་ནམ་མཁའ་དཔལ་བཟང༌། འཇམ་དབྱངས་ཀུན་དགའ་བསོད་ནམས་ལྷུན་གྲུབ།སྤྱན་སྔ་ཀུན་དགའ་དོན་གྲུབ། ངག་དབང་བསོད་ནམས་རྒྱལ་མཚན། ཆོས་རྗེ་བཀྲ་ཤིས་དཔལ་ལྡན། ཆོས་རྗེ་སངས་རྒྱས་དཔལ་བཟང༌། མཁས་གྲུབ་ཆེན་པོ་སངས་རྒྱས་ཕུན་ཚོགས། བཀའ་དྲིན་མཉམ་མེད་རྡོ་རྗེ་འཆང་ཚུལ་ཁྲིམས་ལྷུན་གྲུབ། དེས་བདག་བནྡེ་ཚུལ་ཁྲིམས་རིན་ཆེན་ལ་བཀའ་དྲིན་དུ་སྩལ་ཏོ། །སྒྲུབ་ཐབས་གོང་དུ་སྨོས་པ་དང༌། རྗེས་གནང་སྒྲུབ་ཐབས་རྒྱ་མཚོ་ལྟར་མཛད་དོ།། ༈ །ཆོས་ཀྱི་རྒྱལ་པོ་འཕགས་པས་མཛད་པའི་རྗེས་གནང་དང་དེའི་ཟུར་འདེབས་ལེའུ་མཁན་ཆེན་བྱམས་པ་ངག་དབང་དཔལ་བཟང་གིས་མཛད་པ་གཉིས་ལ་བརྟེན་ནས་དུས་ཀྱི་འཁོར་ལོའི་བསྡུས་རྒྱུད་ཀྱིས་ཟིན་ཅིང་པཎྜི་ཏ་ནཱ་རོ་པའི་མན་ངག་རྗེ་བཙུན་ས་སྐྱ་པ་ཆེན་པོའི་ཟབ་ཆོས་དཔལ་རྡོ་རྗེ་ཁྱུང་ཁྲའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་བྱིན་རླབས་བྱབ་བསྲུང་དང་འབྲེལ་བ་ནོས་ནས། རྒྱབ་བརྟེན་ལུང་ལ། མཉམ་མེད་བཟང་པོ་རྒྱལ་མཚན་གྱིས་མཛད་པའི་ཆོས་སྐོར་གྱི་དཀར་ཆག་ཐུབ་བསྟན་མི་མཇེད་མ། བྱིས་པའི་གདོན་ཆེན་བཅོ་ལྔའི་ནང་ནས་བྱ་མིག་གི་བཅོས་ཐབས་ཞེས་པ་བརྟག་ཐབས། གསོ་ཐབས། ཕྱིར་འཕྲོ་གཅད་པ་དང་བཅས་པ་སྔགས་འཆང་གཟུངས་ཀྱི་དཔལ་བས་མཛད་པ་ལ་སྙིང་པོའི་ཞལ་ཤེས་རྣམས་གོ་བདེ་ཕྱིར་ཤྲཱི་བསམ་རྩེར་ཕ་ལའི་མིང་ཅན་གྱིས་བྲིས་པ། ཚིམ་པར་བྱེད་པ་བྱ་མདོས་ཀྱི་ཡི་གེ་བྱ་རྒྱུད་དང་མཐུན་པར་རྡོ་རྗེ་ཁྱུང་ཁྲའི་ལས་མཐའ་གཟུངས་ཀྱི་མིང་ཅན་གྱིས་མཛད་པ། ཁྱི་སྨྱོན་གྱི་བརྟག་པ། གསོ་བའི་ཐབས། རང་སྲུང་རྗེས་གཅོད་དང་བཅས་པ་སྔགས་འཆང་གཟུངས་པས་མཛད་པ་ཞལ་ཤེས་རྣམས་གོ་བདེ་ཕྱིར་བསྣན་ཏེ་ཤྲཱི་བསམ་རྩེར་ཕ་ལའི་མིང་ཅན་གྱིས་བྲིས་པ། གཟའ་ནད་ལ་དང་པོར་བརྟག་པ། བར་དུ་གསོ་དཔྱད། ཕྱིར་མི་ལྡོག་པ་རྗེས་ཀྱི་བྱ་བ་དང་གསུམ་གྱིས་བསྟན་པ་སྔགས་འཆང་གཟུངས་དཔལ་གྱིས་མཛད་པར་སླར་ཡང་ཞལ་ཤེས་ཀྱིས་བརྒྱན་པ་ཤྲཱི་བསམ་རྩེར་ཕ་ལའི་མིང་ཅན་གྱིས་བྲིས་པ། དཀར་ཕྲ་མེན་བརྟག་ཐབས་ཀྱི་ཞལ་ཤེས། གཟའ་བཅོས་ཀྱི་ལག་ལེན་དང་ཤོག་དྲིལ་ཁྱུང་རྒྱ་མ་ཞེས་པར་མིང་དང་འགྱུ་དུས། ཕྱི་རུ་རྟེན་འབྲེལ་བརྩི་བ། གཟའ་བརྒྱད་ཀྱི་སྔགས། རཱ་ཧུ་ལའི་བྱད་འགྲོལ་དང་བཅས་པ་གཟུངས་པས་རྫོང་ཆུང་བླ་བྲང་དུ་མཛད་པ། ལས་མདེ་གཤེད་སྐོར་ཟབ་མོ། སྦྲུལ་ལྤགས་ལ་བརྟེན་པའི་བསྲུང་བ། གཟའ་མདོས་ཀྱི་ཆོ་ག་འབྲིང་པོ་རྫོགས་བྱང་གི་མཐའ་ཅན། དུག་ནད་གསོ་བ་བཻ་ཌཱུརྻའི་ཕྲེང་བ་ཞེས་པ་བརྟག་པ། འཆོས་ཐབས། འབྲིང་བསྡུས་ཟབ་མོ་སྔགས་འཆང་གཟུངས་པས་མཛད་པ། དུག་བསྲུང་བརྟག་པའི་མན་ངག་ཟབ་མོ་ཟུར་དུ་བྲིས་པས་བལྟ་བར་བྱའོའི་མཐའ་ཅན། ལས་སྦྱོར་དྲུག་པ་ཞེས་པ་བོང་ངའི་བཅུད་ལེན་གཉན་གྱིས་སོ་བཏབ་པ་གསོ་བ། དུག་བསྲུང་དུག་ཁོང་དུ་སོང་བ་བཟློག་པ། ནད་ཕྱོགས་མེད་འཇོམས་པ། དེའི་གེགས་སེལ་དང་དམིགས་པའི་ཁྱད་པར་རྣམས་བླ་མའི་གསུང་བཞིན་འཕགས་པ་རིན་པོ་ཆེས་མཛད་པ། ནཱ་རོ་པཎ་ཆེན་ནས་བརྒྱུད་པའི་རྡོ་རྗེ་ཁྱུང་ཁྲའི་ལས་སྦྱོར་བརྒྱད་པ། ཞེས་པ་བོང་ང་ལ་བརྟེན་ནས་གྲང་བ་སྙིང་རླུང་ཚད་པ་སེལ་ཞིང་བཅུད་ལེན་གྱི་མཆོག་ཏུ་འགྱུར་བ། གཡོས་དུག་དབྱིག་དུག་སྦྱར་དུག་བསྲུང་བ། རྒྱུ་བའི་དུག་རྣམས་ཀྱིས་སོ་བཏབ་པ་ཞི་བ། གྲེ་ནད་སེལ་བ། གཉན་ཚད་ལས་གྲོལ་བ། ནད་བརྒྱ་སྨན་གཅིག ནད་སྤྱི་དང་ཁྱད་པར་མཛེ་དྲེག་གྲུམ་གཟའ་ནད་སེལ་བ། བུམ་ཆོག གཏོར་ཆོག་དང་བཅས་པ་སྔགས་འཆང་གཟུངས་པས་རྫོང་ཆུང་བླ་བྲང་དུ་མཛད་པ། དྲེག་འདོན་པའི་མན་ངག་བླ་མ་དམ་པའི་ཞབས་ལ་དྲེག་བྱུང་བའི་དུས་དཔལ་གྱི་མིང་ཅན་གྱིས་ས་སྐྱར་བཀོད་པ། དྲེག་སེལ་བ་སྡིག་པ་ཆུང་པ་བཀའ་རྒྱ་མ། མཛེ་འཆོས་པ་བརྟག་ཐབས་གསོ་ཐབས་རྗེས་གསུམ་གྱིས་བསྟན་པ་ལུས་ལ་བཏགས་སོའི་མཐའ་ཅན། བསྙེན་པ་འཁྱོལ་ནས་ཐོག་བསྲུང་བ་འཕགས་པས་ཤིང་ཀུན་ཏུ་མཛད་པ། ཁྱུང་གི་ལས་མཐའ་གེགས་སེལ་གཟེར་ལྔའི་སྙན་བརྒྱུད་གཟུངས་ཀྱི་མིང་ཅན་གྱིས་རྡོ་རྗེ་ཁྱུང་ཁྲའི་ལས་མདེར་སྦྱར་བ། རྒྱལ་མོ་ཆུ་སྦྱང་བ་འོག་རླུང་འབེབས་སོའི་མཐའ་ཅན། རིགས་གསུམ་འདུས་པའི་དྲག་སྔགས་ཕྱག་ཆ་རང་ལ་བསྐོར་བ་སྐྱིན་ཐང་བསྲུང་བ། སེར་བ་བསྲུང་བ། ལོ་ཆོག་དང་ལོ་ཕུད་ཀྱི་ལག་ལེན་ཞེས་པ་སྔོན་འགྲོ་དང་དངོས་གཞི་ལ་ནམ་མཁའི་མཐོངས་སུ་སྤྲིན་ནག་གི་གུར་བཤིག་པ། རི་ཐང་མཚམས་སུ་སེར་བའི་རྐང་བཅག་པ། བར་སྣང་ཁམས་སུ་འཁྱགས་པ་ཆུར་བཞུ་བ། ས་གཞིའི་སྟེང་དུ་རླུང་གི་གཞུ་བཅག་པ། དྲག་པོ་འབྲུག་གི་ངར་སྐད་བཅག་པ་རྣམས་བསྟན་པ། ཁ་བ་བསྲུང་བ།འཕགས་པ་རིན་པོ་ཆེས་མཛད་པའི་སྦྱིན་སྲེག་གི་ཆོ་ག དེས་མཛད་པའི་རྗེས་གནང་གི་ཡི་གེ དེས་མཛད་པའི་བསྟོད་པ་རིགས་ལྔའི་ཀླུ་འདུལ། ཨཱ་ནནྡ་མ་ཏི་བྷ་དྲས་མཛད་པའི་སྒྲུབ་ཐབས། སྔགས་འཆང་གཟུངས་པས་མཛད་པའི་སྒྲུབ་ཐབས་ནང་བཞིན་ལས་འདོན་མཇུག་ཅུང་ཟད་ཁ་བསྐང་བ། མཁན་ཆེན་བྱམས་པ་ངག་དབང་དཔལ་བཟང་གིས་མཛད་པའི་བྱིན་རླབས་ཟུར་འདེབས་ཀྱི་ཡི་གེ་དང་བཅས་པ་རྣམས་ལེགས་པར་ཐོབ་པའི་བརྒྱུད་པ་ནི། དྲུག་པ་རྡོ་རྗེ་འཆང༌།ཡེ་ཤེས་ཀྱི་མཁའ་འགྲོ་མ། པཎ་ཆེན་ནཱ་རོ་པ། བལ་པོ་ཕམ་མཐིང་པ་སྐུ་མཆེད།«་་་་་གཅེན་འཇིགས་མེད་གྲགས་པ། གཅུང་ངག་དབང་གྲགས་པ། »ཀློག་སྐྱ་ཤེས་རབ་བརྩེགས། མལ་ལོ་བློ་གྲོས་གྲགས། དཔལ་ས་སྐྱ་པ་ཆེན་པོ། སློབ་དཔོན་རིན་པོ་ཆེ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་པཎྜི་ཏ། འགྲོ་བའི་མགོན་པོ་འཕགས་པ། ཞང་དཀོན་མཆོག་དཔལ། བྲག་ཕུག་པ་བསོད་ནམས་དཔལ། བླ་མ་དམ་པ་བསོད་ནམས་རྒྱལ་མཚན། སྔགས་འཆང་གཟུངས་ཀྱི་དཔལ་བ། ཆོས་རྗེ་དགེ་ལེགས་དཔལ་བཟང༌། རྫོང་ཆུང་པ་ཨཱ་ནནྡ་མ་ཏི་བྷ་དྲ། ཆོས་རྗེ་སངས་རྒྱས་བཟང་པོ། རིག་འཛིན་ཆོས་བློ་གྲོས། རིག་འཛིན་ཆོས་དཔལ་བཟང་པོ། མཁན་ཆེན་བྱམས་པ་བཟང་པོ། འབུམ་ཆེན་ཀུན་དགའ་དཔལ་འབྱོར། མཁན་ཆེན་བྱམས་པ་ངག་དབང་དཔལ་བཟང༌། རྡོ་རྗེ་འཆང་ཞྭ་ལུ་པ་རིན་ཆེན་བསོད་ནམས་མཆོག་གྲུབ། གནས་གསར་པ་མཁན་ཆེན་འཇམ་དབྱངས་བསྟན་འཛིན། དཔལ་ལྡན་བླ་མ་དམ་པ་ཝཱ་གཱིནྡྲ་ཤཱ་ས་ན་ལཀྵྨཱི། རྨོར་ཆེན་ངག་དབང་ཀུན་དགའ་ལྷུན་གྲུབ། མཁན་ཆེན་ཐམས་ཅད་མཁྱེན་པ་དཔལ་ལྡན་ཆོས་སྐྱོང༌། དེ་ལས་བདག་ཚུལ་ཁྲིམས་རིན་ཆེན་གྱིས་ནོས་སོ། །ཡང་ན་ལས་ཚོགས་ཀྱི་ལུང་རྐྱང་གི་བརྒྱུད་པ་ནི་ཡན་ཆད་སྔར་བཞིན་ལ། ཐམས་ཅད་མཁྱེན་པ་དཔལ་ལྡན་ཆོས་སྐྱོང༌། དེ་ལས་བདག་གིས་ལེགས་པར་ནོས་སོ། །ཡང་ན་སྔགས་འཆང་གཟུངས་པ་ནས། མཉམ་མེད་བཟང་པོ་རྒྱལ་མཚན། སེམས་དཔའ་ཆེན་པོ་རྒྱལ་མཚན་དཀོན་མཆོག «རུས་ཀྱི་མིང་ཡིན།་་་་་»རྩང་བྱམས་པ་རྡོ་རྗེ་རྒྱལ་མཚན། རྒྱུད་གསུམ་སྨྲ་བ་ཤེས་རབ་རིན་ཆེན། རྡོ་རིང་ཀུན་དགའ་རྒྱལ་མཚན། སྒྱེ་ཆུ་མཁན་ཆེན་བྱམས་པ་བཟང་པོ། འབུམ་ཆེན་ཀུན་དགའ་དཔལ་འབྱོར་མན་འདྲ། ཡང་ན་ཨཱ་ནནྡ་མ་ཏི་ནས། མཁས་གྲུབ་བྱམས་པ་རྡོ་རྗེ་རྒྱལ་མཚན་མན་འདྲ། ཡང་རྗེས་གནང་དང་བྱ་ཁྱི་རྣམ་གསུམ་བཅོས་ཐབས་ཀྱི་ལུང་བརྒྱུད་ལུགས་གཅིག་ནི། འབུམ་ཆེན་ནས། འཇམ་དབྱངས་སངས་རྒྱས་བཀྲ་ཤིས། བྱམས་པ་ངག་དབང་དཔལ་བཟང་མན་འདྲ།། ༈ །གསུམ་པ་ལོ་པ་སྤྱན་སྔ་ཀུན་དགའ་དོན་གྲུབ་ཀྱིས་མཛད་པའི་སྒྲུབ་ཐབས་དང་རྗེས་གནང་གི་ཡི་གེ་ལ་བརྟེན་ནས་ཆར་དབབ་གཅོད་བྱེད་པ་ཁྲོ་བོའི་དབང་པོ་རྡོ་རྗེ་ཤུགས་ཀྱི་རྗེས་སུ་གནང་བ་ནོས་པའི་བརྒྱུད་པ་ནི། རྡོ་རྗེ་འཆང༌། དུས་ཀྱི་འཁོར་ལོ། ཤཱཀྱ་ཐུབ་པ། ཆོས་རྒྱལ་རིགས་ལྡན་སོ་ལྔ། དུས་ཞབས་པ་ཆེ་ཆུང༌། ཁ་ཆེ་ཟླ་བ་མགོན་པོ། འབྲོ་ལོ་ཙཱ་བ་ཤེས་རབ་གྲགས། ལྷ་རྗེ་སྒོམ་པ་པ། སྒྲོ་སྟོན་གནམ་ལ་བརྩེགས། ཡུ་མོ་མི་«་་་་་དད་པ་རྒྱལ་པོ་ཟེར་བའང་བྱུང༌།»བསྐྱོད་རྡོ་རྗེ། སྲས་ཆོས་ཀྱི་དབང་ཕྱུག སེ་ཆེན་ནམ་མཁའ་འོད་ཟེར། ཀུན་མཁྱེན་འཇམ་གསར་བ། བླ་མ་ཆོས་སྐུ་འོད་ཟེར། ཞང་ཐུགས་རྗེ་བརྩོན་འགྲུས།བྱང་སེམས་རྒྱལ་ཡེ། མཁས་བཙུན་ཡོན་ཏན་རྒྱ་མཚོ། ཀུན་མཁྱེན་དོལ་པོ་ཤེས་རབ་རྒྱལ་མཚན། རྗེ་ཕྱོགས་ལས་རྣམ་རྒྱལ། མཁས་གྲུབ་ཉ་དབོན། གྲུབ་ཆེན་ཀུན་བློ། མཁན་ཆེན་དཀོན་མཆོག་«་་་་་དཔལ་འཁོར་ཆོས་སྡེའི་མཁན་པོ། »བཟང་པོ། ཞྭ་ལུ་ལོ་ཆེན་ཆོས་སྐྱོང་བཟང་པོ། ལོ་ཆེན་རཏྣ་བྷ་དྲ། ལོ་ཆེན་འགྱུར་མེད་བདེ་ཆེན། རྗེ་ཨ་ཝ་དྷཱུ་ཏཱི་པ། སྤྱན་སྔ་རིན་པོ་ཆེ་ཀུན་དགའ་དོན་གྲུབ། མཁྱེན་རབ་བསྟན་འཛིན་བཟང་པོ། མཁྱེན་རབ་བྱམས་པ་ངག་དབང་ལྷུན་གྲུབ། ཐམས་ཅད་མཁྱེན་པ་ངག་དབང་ཀུན་དགའ་ལྷུན་གྲུབ། དེ་ལས་བདག་ཚུལ་ཁྲིམས་རིན་ཆེན་གྱིས་མནོས་སོ། །འདིར་རྨོར་ཆེན་པའི་གསན་ཡིག་ཏུ།ཡང་ངག་དབང་མཆོག་ལེགས་རྡོ་རྗེས་མཛད་པའི་སྒྲུབ་ཐབས་རྗེས་གནང་གི་ཡི་གེའི་སྟེང་ནས་ཐོབ་པའི་བརྒྱུད་པ་ནི། ཞྭ་ལུ་ལོ་ཆེན་ནས། ཤེའུ་ལོ་ཙཱ་བ་ཀུན་དགའ་ཆོས་གྲགས། བྱམས་པ་ངག་དབང་མཆོག་ལེགས་རྡོ་རྗེ། མཁྱེན་རབ་བསྟན་འཛིན་བཟང་པོ་མན་འདྲའོ། །གོང་གི་ཡི་གེ་གཉིས་ཀྱི་རྗེས་གནང་གི་ཆིངས་ནི་ཤིན་ཏུ་མི་འདྲ་མོད་ཀྱང་བརྒྱུད་པ་གཅིག་པའི་ཕྱིར་ན་གཅིག་གོ་གཅིག་གིས་ཆོད་དམ་སྙམ་མོ་ཞེས་གསུངས། བདག་གིས་ནི་ཡིག་ཆ་སྔ་མའི་སྟེང་ནས་ཐོབ་བོ། །སྨྲས་པ། གསང་རྒྱུད་གཞན་ལས་བཤད་ཚུལ་ཁྱད་པར་བ། །དུས་འཁོར་དབང་བདུན་གོང་མ་གོང་ཆེན་བཅས། །ཐུན་མོང་དངོས་གྲུབ་སྒྲུབ་པའི་ལྷ་གསུམ་གྱི། །རྗེས་གནང་ཐོས་པའི་རྣ་ལུང་མ་དོག་ཙམ། །ཞེས་དམ་པའི་ཆོས་ཐོས་པའི་ཡི་གེ་དོན་གཉེར་གདེངས་ཅན་རོལ་པའི་ཆུ་གཏེར་ལས། དུས་ཀྱི་འཁོར་ལོའི་ཆོས་སྐོར་ཐོས་པའི་བརྒྱུད་རིམ་གྱི་སརྒ་སྟེ་ཉི་ཤུ་པའོ།། །།རྣལ་འབྱོར་མཆོག་གི་དབྱར་སྐྱེས་འཛམ་བུ་ལས། ཤིང་རྟ་ཆེ་སྲོལ་སྙེ་མ་ཡོངས་ལྷུང་བ། །མཁས་དབང་མཁྱེན་པའི་མ་དྲོས་རྩིས་བསྒྱུར་བའི། །ཟབ་ཆོས་བུམ་པ་བརྒྱ་སྐྱེས་མནོས་པའི་ཚུལ། །སྤྱི་དོན་ལྔ་པ་གསེར་ཆོས་སྐོར་ལ། དུས་གསུམ་གྱི་བདེ་བར་གཤེགས་པ་བྱོན་དང་འབྱོན་འགྱུར་འབྱོན་བཞིན་པ་མཐའ་དག་གི་ལམ་པོ་ཆེ། མདོ་སྡེ་དང་རྒྱུད་སྡེ་མཐའ་དག་གི་མན་ངག་ཐམས་ཅད་ཀྱི་བཅུད་ཕྱུང་བ། འཕགས་ཡུལ་པཎ་གྲུབ་ཀུན་གྱི་གཙུག་གི་ནོར་བུ་ལྟ་བུར་གྱུར་པ་འཇིགས་བྲལ་དཔལ་ལྡན་ཆོས་སྐྱོང་ངམ་གྲུབ་པའི་འཁོར་ལོས་སྒྱུར་བའི་རྣལ་འབྱོར་གྱི་དབང་ཕྱུག་བིརྺ་པ་ཆེན་པོ་ལ་རྗེ་བཙུན་རྡོ་རྗེ་བདག་མེད་མས་དངོས་སུ་གནང་བའི་གདམས་པ་ལམ་འབྲས་བུ་དང་བཅས་པ། འབྲས་བུ་ལམ་དང་བཅས་པ།གཅིག་ཤེས་པས་མང་པོ་ཤེས་པ། སྐྱོན་ཡོན་ཏན་དུ་བླང་བ། བར་གཅོད་དངོས་གྲུབ་ཏུ་བླང་བ། ལྟས་ངན་གཡང་དུ་འགུགས་པ། ཏིང་ངེ་འཛིན་ངོ་ཤེས་པས་བསམ་གཏན་གྱི་གེགས་སེལ་བ། བར་གཅོད་ངོ་ཤེས་པས་བདུད་ཀྱི་གེགས་སེལ་བ། སྡེ་སྣོད་གསུམ་གྱི་དེ་ཉིད་ཤེས་པ་གསེར་འགྱུར་གྱི་རྩི་ལྟ་བུ། མཆོག་དང་ཐུན་མོང་གི་དངོས་གྲུབ་ཀུན་གྱི་འདོད་པ་འཇོ་བའི་ཡིད་བཞིན་གྱི་ནོར་བུ། གསུང་ངག་རིན་པོ་ཆེ་ཞེས་མཁས་ཤིང་གྲུབ་པའི་དབང་ཕྱུག་མཐའ་དག་ཟུང་འཇུག་ཏུ་གཤེགས་པའི་ཐེམ་སྐས་ཆེན་པོ་འདི་ཉིད་ནི། ལོ་ཙཱ་བ་རྣམས་ཀྱི་ནང་ནས་ཉི་ཟླ་ལྟར་ཕྱོགས་ཀུན་ཏུ་ཡོངས་སུ་གྲགས་པ་འབྲོག་མི་ཤཱཀྱ་ཡེ་ཤེས་ཀྱིས། འཕགས་ཡུལ་པཎ་གྲུབ་ཀུན་གྱི་གཙུག་རྒྱན་དུ་གྱུར་པའི་མ་ཧཱ་པཎྜི་ཏ་གྷ་ཡ་དྷ་ར་མཉེས་པ་གསུམ་གྱི་སྒོ་ནས་མཉེས་པར་མཛད་དེ་ལེགས་པར་ཞུས་ཤིང་གཏན་ལ་ཕབ། ལོ་ཙཱ་བ་ཆེན་པོ་དེ་ལ་སློབ་མ་བགྲང་གིས་མི་ལྡང་བའི་ཚོགས་དཔག་ཏུ་མེད་པ་བྱུང་བའི་ནང་ནས་གཙོ་བོར་གྱུར་པ། གཞུང་རྫོགས་པ།གདམས་ངག་རྫོགས་པ། གྲུབ་པ་ཐོབ་པའི་སློབ་མ་གསུམ་སོགས་བྱུང་བར་གྲགས་ཤིང༌། གདམས་པ་རྫོགས་པའི་སློབ་མའི་ནང་ནས་རབ་ཏུ་ཐོབ་པ་སེ་མཁར་ཆུ་བ་ཀུན་རིག དེའི་སློབ་མ་ཞང་སྟོན་ཆོས་འབར་ནས་བསྟན་པའི་མངའ་བདག་རྗེ་བཙུན་ས་སྐྱ་པ་ཡབ་སྲས་ལ་བཀའ་བབས་པ། དེའི་སྲོལ་འཛིན་ངོར་རྫོང་གོང་དཀར་བ་ཚར་པ་ལ་སོགས་པའི་མཁས་ཤིང་གྲུབ་པ་སྟོན་ཀའི་མཁའ་དབྱིངས་དག་པའི་ངོས་སུ་སྒྲིབ་པ་མེད་པར་རྒྱུ་སྐར་གྱི་ཚོགས་བཀྲག་ཏུ་ཆེ་བ་ལྟར་གྲངས་སུ་མི་ཆོད་པ་བྱོན་པའི་ནང་ནས། རྒྱལ་བ་ཉི་མའི་རྩ་ལག་ཆེན་པོ་རང་གི་ལུང་རྟོགས་ཀྱི་བསྟན་པ་རིན་པོ་ཆེའི་སྣང་བྱེད་ཆེན་པོར་པདྨོའི་གཉེན་ནམ་བསིལ་སྦྱིན་མཁན་གྱི་དཀྱིལ་འཁོར་ལྟར་བསྔགས་ཤིང་ངེས་པ་གྲུབ་པ་ངོར་ཆེན་རྡོ་རྗེ་འཆང་ཀུན་དགའ་བཟང་པོ་ཞེས་ཡོངས་སུ་གྲགས་པའི་སྐྱེས་བུ་ཆེན་པོ་དེ་ཉིད་ཀྱིས་རྒྱལ་ཚབ་ཆེན་པོའི་སྤྱོད་པ་རྨད་དུ་བྱུང་བ་ཅི་རིགས་པས་མདོ་སྔགས་ཀྱི་ཆོས་ཐམས་ཅད་ལ་མཁས་པའི་བགྱི་བ་གསུམ་གྱི་བགྱི་བ་ཡང་དག་པར་བགྱིས་པའི་ནང་ནས། ལྷག་པར་སམྤུ་ཊ་ལས། བསྟན་བཅོས་ཚད་མ་སློབ་དཔོན་དང༌། །ལུང་གི་རྗེས་འབྲང་དེ་ཉིད་རིག །གསང་སྟོན་དེ་ཉིད་དངོས་པོ་ཡང༌། །གཅིག་ནས་གཅིག་བརྒྱུད་ཤེས་པར་བྱ། །བླ་མ་རབ་ཀྱི་ཞལ་ལས་བླངས། །ཞེས་དང༌། ཚད་མ་སྙན་བརྒྱུད་བཞི་ཡིས་སྤྲོས་པ་བཅད། །ཅེས་པ་ལྟར་ལུགས་སྲོལ་འདི་ལ་ཚད་མ་བཞི་དང༌། སྙན་བརྒྱུད་བཞི་ཞེས་གསུངས་པའི་དང་པོ་རྗེ་བཙུན་ཆེན་པོས། ཆོས་ཀུན་ཚད་མ་བཞི་ཡིས་གཏན་ལ་དབབ། །ཅེས་གསུངས་པ་ལྟར། བླ་མ་ཚད་མ། ཉམས་མྱོང་ཚད་མ། བསྟན་བཅོས་ཚད་མ། ལུང་ཚད་མ་བཞིའི་སྒོ་ནས་གཏན་ལ་འབེབས་པར་མཛད་པའི་ཚུལ་གྱིས་ལེགས་པར་ཕྱེ་ཞིང་ལོག་པར་སྨྲ་བ་གཞན་གྱི་ཀླན་ཀའི་གནས་རྣམས་ཡང་དག་པའི་ལུང་དང་རིགས་པ་དང་མན་ངག་གི་སྒོ་ནས་དགག་སྒྲུབ་ཀྱིས་ལེགས་པར་གཏན་ལ་ཕབ་པ་ནི། བདག་ཅག་གི་སྟོན་པས་ཀྱང་ཇི་སྐད་དུ། བསྲེག་བཅད་བརྡར་བའི་གསེར་བཞིན་དུ། །ལེགས་པར་བརྟགས་ལ་ང་ཡི་བཀའ། །བླང་བར་བྱ་ཡི་གུས་ཕྱིར་མིན། །ཞེས་གསུངས་པ་ལྟ་བུའི་ཚུལ་གྱིས་སྤྲིན་བྲལ་ཉིན་མོར་བྱེད་པའི་དཀྱིལ་འཁོར་ལྟར་ཆེས་ཆེར་གསལ་བར་བྱེད་པ་པོ་ནི་རྡོ་རྗེ་འཆང་ཆེན་པོ་དེ་ཉིད་དེ། སླར་ཡང་དེ་ཉིད་ཀྱི་ཞལ་སློབ་ཡང་སློབ་ཏུ་བཅས་པ་རྣམས་ཀྱིས་དེང་སང་གི་བར་དུ་འཆད་ཉན་གྱིས་གཏན་ལ་ཕབ་ཅིང་ཐུགས་ཉམས་སུ་བསྟར་བར་མཛད་པའི་ཟབ་པ་ལས་ཀྱང་ཆེས་ཟབ་པ་འདི་ཉིད་མཁས་པར་རློམ་པ་གཞན་གྱི་སྤྱོད་ཡུལ་དུ་མ་གྱུར་པ་ཡིན་པས། ཇི་སྐད་དུ། ངོར་ཆེན་རྡོ་རྗེ་འཆང་ཆེན་པོས། གསུང་ངག་གནད་ཀྱི་སྙིང་པོ་ནི། །གཉིས་ལས་གསུམ་བྱུང་གདམས་ངག་ཡིན། །ཀུན་གྱི་སྤྱོད་ཡུལ་མ་ཡིན་པའི། །མན་ངག་ཤེས་པ་བླ་མའི་དྲིན། །ཞེས་པ་ལྟར་གྱི་ལམ་སྲོལ་ཆེན་པོ་དེ་ཉིད་ཀྱི་ཉམས་ཁྲིད་ཟབ་མོ་ལན་གསུམ་གྱི་བར་དུ་ཐོབ་པའི་ཆོས་ཀྱི་རྐང་གྲངས་ལ། ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱིས་མཛད་པའི་གདམས་ངག་གི་གཞུང་ཤིང་རྒྱས་པ་གཞུང་ཇི་ལྟ་བ་བཞིན་བཀྲི་བའི་ལམ་གྱི་སྔོན་འགྲོའི་ཁྲིད་ཡིག་སྣང་གསུམ་མཛེས་པར་བྱེད་པའི་རྒྱན་གྱི་སྟེང་ནས་བཀྲི་བའི་འགོར། ཁོག་ཕུབ་བཤད་ཐབས་ལ། གསུང་ངག་བསྟན་པ་རྒྱས་པའི་ཉི་འོད། ཁ་སྐོང་ཀུན་མཁྱེན་གོ་རམས་པས་མཛད་པ་དང༌། ཀུན་མཁྱེན་གུང་རུས་མཛད་པ་གཉིས། རྗེ་དཀོན་མཆོག་ལྷུན་གྲུབ་པས་མཛད་པའི་ཆོས་འབྱུང་རྣམས་ཀྱི་སྟེང་ནས་བཤད་པའི་རྣམ་གྲངས་ཅི་རིགས་པ་ལེན་པར་མཛད། ཐོག་མར་ཆོས་སྤྱོད་པོ་ཏིའི་ལུང་གི་སྐོར་ལ། འཕགས་པ་དཀོན་མཆོག་གསུམ་རྗེས་སུ་དྲན་པའི་མདོའི་ལུང་ཐོབ་པའི་བརྒྱུད་པ་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐུབ་པ། འཕགས་པ་ཀུན་དགའ་བོ། མ་ཧཱ་པཎྜི་ཏ། ཇོ་བོ་དཔལ་ལྡན་ཨ་ཏི་ཤ འབྲོམ་སྟོན་རྒྱལ་བའི་འབྱུང་གནས། པུ་ཏོ་བ་རིན་ཆེན་གསལ། ཤ་ར་བ་ཡོན་ཏན་གྲགས། གྲོ་སྟོན་བདུད་རྩི་གྲགས།སངས་རྒྱས་སྒོམ་པ་སེང་གེ་སྐྱབས། མཆིམས་ནམ་མཁའ་གྲགས། རྒྱང་རོ་བྱང་ཆུབ་འབུམ། མཆིམས་བློ་བཟང་གྲགས། ཡོལ་སྟོན་བསོད་ནམས་ལྷུན་གྲུབ།སློབ་དཔོན་གྲགས་པ་རྒྱ་མཚོ། མཁན་ཆེན་གྲུབ་པ་ཤེས་རབ། རྒྱ་སྟོན་ཙནྡྲ་དེ་ཝ། རི་ཁྲོད་པ་བསོད་ནམས་རྒྱ་མཚོ། འཇམ་དབྱངས་ཤེས་རབ་རྒྱ་མཚོ།མཁས་གྲུབ་དཔལ་ལྡན་རྡོ་རྗེ། ཡོངས་འཛིན་དཀོན་མཆོག་འཕེལ། ཐམས་ཅད་མཁྱེན་པ་དཀོན་མཆོག་ལྷུན་གྲུབ། དེ་ལས་རྗེ་དཀོན་མཆོག་དཔལ་ལྡན་དང་བྲང་ཏི་ནམ་མཁའ་དཔལ་བཟང་གཉིས་ཀྱིས་གསན། དེ་གཉིས་ཀ་ལས་འཇམ་དབྱངས་བསོད་ནམས་ལྷུན་གྲུབ་དང་ཤར་ཆེན་བྱམས་པ་ཀུན་དགའ་བཀྲ་ཤིས་གཉིས་ཀྱིས་གསན། དེ་གཉིས་ཀ་ལས་རྗེ་དཔལ་ལྡན་དོན་གྲུབ། དེ་ལས་རྗེ་དཔལ་མཆོག་རྒྱལ་མཚན། བསྟན་པའི་སྣང་བྱེད་སངས་རྒྱས་ཕུན་ཚོགས།ཐམས་ཅད་མཁྱེན་པ་ཚུལ་ཁྲིམས་ལྷུན་གྲུབ་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ། དེ་ལས་བནྡེ་ཚུལ་ཁྲིམས་རིན་ཆེན་གྱིས་ལན་གསུམ་གྱི་བར་དུ་ནོས་སོ། །ཡང་ན་ཁྲི་ཆེན་འཇམ་དབྱངས་ཀུན་དགའ་བསོད་ནམས་ལྷུན་གྲུབ་ལས། འདྲེན་མཆོག་ནམ་མཁའ་སངས་རྒྱས། རྗེ་བཙུན་ནམ་མཁའ་དཔལ་བཟང༌། འཇམ་དབྱངས་སངས་རྒྱས་ཕུན་ཚོགས། ཐམས་ཅད་མཁྱེན་པ་ཚུལ་ཁྲིམས་ལྷུན་གྲུབ། དེས་བདག་བནྡེ་ཚུལ་ཁྲིམས་རིན་ཆེན་ལའོ།། ༈ །འཕགས་པ་ཕུང་པོ་གསུམ་པའི་མདོའི་བརྒྱུད་པ་ནི། ཐུབ་དབང་ཀུན་དགའ་བོ་དང་རཀྵི་ཏ། །ཀྲྀཥྞའི་གོས་ཅན་ཤ་ནའི་གོས་ཅན་དང༌། །ཉི་མ་གུང་པ་རྒྱལ་རིགས་ཐམས་ཅད་མཁྱེན། །འཕགས་པ་ཀླུ་སྒྲུབ་ཨཱརྻ་དེ་ཝ་དང༌། །འཇམ་དབྱངས་གྲགས་པ་ཆོས་འབྱུང་ཞི་བ་དང༌། །རྡོ་རྗེ་གདན་པ་ཆེ་འབྲིང་ཆུང་གསུམ་རྣམས། །པཎ་ཆེན་ཤཱཀ་ཤྲཱི་ལྷོ་པ་ཐམས་ཅད་མཁྱེན། །ཀོང་ནག་རལ་གྲི་ཇོ་གདན་ཟས་གཙང་དང༌། །ཤངས་པ་གྲགས་སེང་ཞལ་སྔ་བསོད་རིན་དང༌། །མཁན་པོ་གཞོན་ཡེ་སེ་སྟོན་འབྱུང་ལྡན་པ། །མང་མཁར་བྱང་སེམས་ཀུན་དགའ་འོད་ཟེར་བ། །བག་སྟོན་གཞོན་ཚུལ་ཀུན་སྤངས་ཆོས་གྲགས་དཔལ། །མ་ཏི་པཎ་ཆེན་ས་བཟང་འཕགས་པ་དང༌། །ངོར་ཆེན་ཀུན་བཟང་རྒྱལ་ཚབ་ཀུན་དབང་པ། །རཏྣ་ཝརྡྷ་དཀོན་མཆོག་ལྷུན་གྲུབ་ཞབས། །དཀོན་མཆོག་དཔལ་ལྡན་པཎ་ཆེན་གཉིས་ཀྱིས་གསན། །གཉིས་ཀས་འཇམ་དབྱངས་བསོད་ནམས་ལྷུན་གྲུབ་དང༌། །ཤར་ཆེན་བྱམས་པ་བཀྲ་ཤིས་གཉིས་ལས་གསན། །གཉིས་ཀས་རྗེས་བཟུང་དཔལ་ལྡན་དོན་གྲུབ་པ། །དེ་ལས་འཇམ་མགོན་དཔལ་མཆོག་རྒྱལ་མཚན་ནས། །བསྟན་པའི་སྣང་བྱེད་སངས་རྒྱས་ཕུན་ཚོགས་པ། །བཀའ་དྲིན་ཚད་མེད་ཚུལ་ཁྲིམས་ལྷུན་གྲུབ་ཞབས། །དེ་ལས་ཐོས་པ་ཚུལ་ཁྲིམས་རིན་ཆེན་ནོ། །ཡང་ན་འཇམ་དབྱངས་བསོད་ནམས་ལྷུན་གྲུབ་ནས། །ནམ་མཁའ་སངས་རྒྱས་ནམ་མཁའ་དཔལ་བཟང་པ། །དེ་ལས་མཁས་གྲུབ་སངས་རྒྱས་ཕུན་ཚོགས་ཞབས། །གང་དེས་རྗེས་བཟུང་ཚུལ་ཁྲིམས་ལྷུན་གྲུབ་ལས། །ལེགས་པར་ནོས་པ་བནྡེ་ཚུལ་རིན་ནོ། །ཡང་ན་ཐུབ་པའི་དབང་པོ། རྗེ་བཙུན་འཇམ་དབྱངས། ཞི་བ་ལྷ། ཨེ་ལ་དྷ་རི། དཔའ་བོའི་སྡེ། གསེར་གླིང་པ། ཇོ་བོ་རྗེ། འབྲོམ་སྟོན་པ། པུ་ཏོ་བ། ཤ་ར་བ། ཆུ་མིག་པ། གྲོ་སྟོན་པ། མཆིམས་ནམ་མཁའ་གྲགས། ཟེའུ་གྲགས་བརྩོན། གྲགས་པ་ཤེས་རབ། མཆིམས་བློ་བཟང༌། མཁན་ཆེན་ཀུན་དགའ་རྒྱལ་མཚན། མཁན་ཆེན་གྲུབ་པ་ཤེས་རབ། འཇམ་དབྱངས་ཤེས་རབ་རྒྱ་མཚོ། ཡོངས་འཛིན་དཀོན་མཆོག་འཕེལ་མན་འདྲའོ།། ༈ །ཐུབ་པའི་དབང་པོའི་བསྟོད་པ་མདོ་སྡེ་རྒྱན་ལས་ཕྱུང་བ་སེམས་ཅན་རྣམས་ལ་བརྩེ་བ་ཅན་ཞེས་སོགས་ཡོད་པའི་ལུང་ཐོབ་པའི་བརྒྱུད་པ་ནི། རྫོགས་པའི་སངས་རྒྱས།འཕགས་པ་བྱམས་པ། འཕགས་པ་ཐོགས་མེད། མཁས་པ་དབྱིག་གཉེན། སློབ་དཔོན་བློ་གྲོས་བརྟན་པ། པཎ་ཆེན་གང་བ་སྤེལ། ཁ་ཆེ་རིན་ཆེན་རྡོ་རྗེ། བྲམ་ཟེ་སཛྫ་ན། པ་ར་ཧི་ཏ། བློ་གྲོས་གྲགས་པ། མར་པ་ཇོ་གདན། མཆིམས་དོན་གྲུབ། མཆིམས་བརྩོན་འགྲུས་སེང་གེ མཆིམས་ནམ་མཁའ་གྲགས། སྐྱི་སྟོན་ཤཱཀྱ་འབུམ། སྐྱི་སྟོན་གྲགས་པ་རྒྱལ་མཚན། དོལ་པ་ཤེས་རབ་རྒྱལ་མཚན། མ་ཏི་པཎ་ཆེན། ས་བཟང་འཕགས་པ། རྡོ་རྗེ་འཆང་ཀུན་དགའ་བཟང་པོ། འཇམ་དབྱངས་ཤེས་རབ་རྒྱ་མཚོ། ཡོངས་འཛིན་དཀོན་མཆོག་འཕེལ། རྒྱལ་བ་ལྷ་མཆོག་སེང་གེ རྗེ་དཀོན་མཆོག་ལྷུན་གྲུབ་མན་གོང་གི་དཀོན་མཆོག་རྗེས་དྲན་བརྒྱུད་པ་དང་འདྲའོ།། ༈ །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོའི་མདོའི་ལུང་ཐོབ་པའི་བརྒྱུད་པ་ནི། ཐུབ་པའི་དབང་པོ། རྗེ་བཙུན་སྒྲོལ་མ། ཇོ་བོ་རྗེ། ཨ་ཏི་ཤ དེའི་དབོན་པོ་དཱ་ན་ཤཱི་ལ། བྱང་སེམས་ཟླ་བ་རྒྱལ་མཚན། དབང་བཀའ་གདམས་པ། སྐྱེར་སྒང་པ་ཡེ་ཤེས་སེང་གེ«་་་་་ཆོས་ཀྱི་སེང་གེའང་ཟེར། »སངས་རྒྱས་སྒོམ་པ་སེང་གེ་སྐྱབས། མཆིམས་ནམ་མཁའ་གྲགས། ཚད་མའི་སྐྱེས་བུ་བསོད་ནམས་མགོན། ཀུན་མཁྱེན་བུ་སྟོན། ལོ་ཙཱ་བ་རིན་ཆེན་རྣམ་རྒྱལ། བླ་མ་བཀྲ་ཤིས་རིན་ཆེན། ཐམས་ཅད་མཁྱེན་པ་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག ཡོངས་འཛིན་དཀོན་མཆོག་འཕེལ། རྗེ་དཀོན་མཆོག་ལྷུན་གྲུབ་མན་གོང་མ་རྣམས་དང་འདྲའོ། །མཆིམས་ནམ་མཁའ་གྲགས་ཀྱིས་མཛད་པའི་མདོ་སྒྲུབ་ཐོས་པའི་བརྒྱུད་པའང་དེ་དང་འདྲའོ།། ༈ །འཕགས་པ་བཟང་པོ་སྤྱོད་པའི་སྨོན་ལམ་གྱི་མདོ་དང༌། བྱམས་པའི་སྨོན་ལམ་གྱི་བརྒྱུད་པ་ནི། ཤེས་བྱ་ཀུན་གཟིགས་ཐུབ་པའི་དབང་པོ། འཕགས་པ་ཀུན་དགའ་བོ། རཀྵི་ཏ། ཀྲྀཥྞའི་གོས་ཅན། ཤ་ནའི་གོས་ཅན། ཉི་མ་གུང་པ། རྒྱལ་རིགས་ཐམས་ཅད་མཁྱེན་པ། ཐམས་ཅད་མཁྱེན་པ་ཀླུ་སྒྲུབ། ཨཱརྻ་དེ་ཝ། འཇམ་དཔལ་གྲགས་པ། ཆོས་འབྱུང་ཞི་བ། རྡོ་རྗེ་གདན་པ་མྱ་ངན་མེད་པའི་དཔལ། པཎྜི་ཏ་དོན་ཡོད་རྡོ་རྗེ། ཇོ་བོ་པུཎྱ་ཤྲཱི། པཎ་ཆེན་ཤཱཀྱ་ཤྲཱི། དཔྱལ་ཆོས་བཟང༌།དཔྱལ་པདྨོ་ཅན། དཔྱལ་ཨ་མོ་གྷ། དཔྱལ་གཞོན་ནུ་ཡེ་ཤེས། རོང་པ་ཤེས་རབ་སེང་གེ བག་སྟོན་གཞོན་ནུ་ཚུལ་ཁྲིམས། ཀུན་སྤངས་ཆོས་གྲགས། ས་བཟང་མ་ཏི་པཎ་ཆེན། ས་བཟང་འཕགས་པ་གཞོན་ནུ་བློ་གྲོས། རྒྱལ་བའི་རྒྱལ་ཚབ་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག ཡོངས་འཛིན་དཀོན་མཆོག་འཕེལ་མན་གོང་མ་རྣམས་དང་འདྲའོ།། ༈ །ཡང་བཟང་པོ་སྤྱོད་པའི་སྨོན་ལམ་རྐྱང་པའི་བརྒྱུད་པ་ནི། རྫོགས་པའི་སངས་རྒྱས། འཕགས་པ་འཇམ་དཔལ། འཕགས་པ་ཀླུ་སྒྲུབ། སློབ་དཔོན་ཀླུའི་བྱང་ཆུབ། སློབ་དཔོན་ཌོམྦི་པ། སློབ་དཔོན་འཇམ་དཔལ་གྲགས་པ། རྡོ་རྗེ་གདན་པ་ཆེ་བ་མྱ་ངན་མེད་པའི་དཔལ། འབྲིང་བ་དོན་ཡོད་རྡོ་རྗེ། ཆུང་བ་པུཎྱ་ཤྲཱི། སོ་མ་ཤྲཱི། རྭ་ཧུ་ལ་བྷ་དྲ། བི་མ་ལ་ཤྲཱི། བེ་ན་དྷ་རི། པཎ་ཆེན་ཤཱཀྱ་ཤྲཱི་བྷ་དྲ། ཁྲོ་ཕུ་ལོ་ཙཱ་བ་བྱམས་པ་དཔལ། ལྷོ་པ་ཀུན་མཁྱེན་རིན་ཆེན་དཔལ། སྤང་སྒང་གྲགས་པ་རྒྱལ་མཚན། ཤངས་པ་གྲགས་པ་སེང་གེ ཞལ་སྔ་བསོད་ནམས་རིན་ཆེན། དཔྱལ་གཞོན་ནུ་ཡེ་ཤེས། ཤེས་རབ་དཔལ། དགེ་སློང་ཀུན་ཉི། བག་སྟོན་གཞོན་ནུ་ཚུལ་ཁྲིམས། ཀུན་སྤངས་ཆོས་གྲགས། མ་ཏི་པཎ་ཆེན། ས་བཟང་འཕགས་པ། རྒྱལ་བ་ཀུན་དགའ་བཟང་པོ་མན་སྔར་དང་འདྲའོ།། ༈ །ཕ་རོལ་ཏུ་ཕྱིན་པ་བཅུའི་སྨོན་ལམ་གྱི་བརྒྱུད་པ་ནི་གོང་བྱམས་པའི་སྨོན་ལམ་དང་འདྲའམ་སྙམ་པ་དཔྱད་དོ།། ༈ །མཚན་ཡང་དག་པར་བརྗོད་པའི་བརྒྱུད་པ་ནི། དང་པོའི་སངས་རྒྱས་དུས་ཀྱི་འཁོར་ལོ། ཆོས་རྒྱལ་རིགས་ལྡན། དུས་ཞབས་པ་ཆེ་ཆུང༌། ཁ་ཆེ་ཟླ་བ་མགོན་པོ། འབྲོ་ལོ་ཙཱ་བ། གྲགས་མཁར་བ་དཀོན་མཆོག་སྲུང༌། སྒྲོ་སྟོན་གནམ་ལ་བརྩེགས། གྲུབ་ཆེན་ཡུ་མོ། སྲས་དྷརྨེ་ཤྭ་ར། སྤྲུལ་སྐུ་ཇོ་འབུམ། ཁང་གསར་བ་ནམ་མཁའ་འོད་ཟེར། སེ་མོ་ཆེ་པ་ནམ་མཁའ་རྒྱལ་མཚན། འཇམ་དབྱངས་གསར་མ། དེ་གཉིས་ཆར་ལས་བོ་དོང་རིན་པོ་ཆེ། དེ་ལས་འཛིམ་པ་རིན་ཆེན་ཤེས་རབ། གློ་ཆེན་སངས་རྒྱས་སྲས། མཁན་པོ་རྒྱལ་བཟང་བ། གངས་པ་གྲགས་པ་དཔལ། མ་ཏི་པཎ་ཆེན། ས་བཟང་འཕགས་པ། ངོར་ཆེན་རྡོ་རྗེ་འཆང་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག ཡོངས་འཛིན་དཀོན་མཆོག་འཕེལ། ཐམས་ཅད་མཁྱེན་པ་དཀོན་མཆོག་ལྷུན་གྲུབ། ཆོས་རྗེ་དཀོན་མཆོག་དཔལ་ལྡན་མན་འདྲའོ། །ཡང་ན་མཁས་གྲུབ་དཔལ་ལྡན་རྡོ་རྗེ། རྭ་སྟོན་ཡོན་ཏན་དཔལ་བཟང༌། མཁན་ཆེན་བསོད་ནམས་ལྷུན་གྲུབ། འཇམ་དབྱངས་ས་སྐྱ་ལོ་ཙཱ། ཐམས་ཅད་མཁྱེན་པ་དཀོན་མཆོག་ལྷུན་གྲུབ་མན་འདྲའོ།། ༈ །སྒྲོལ་མའི་ཕྱག་འཚལ་ཉེར་གཅིག་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ཆེན་པོས་མཛད་པ་སྒྲོལ་གསོལ་དང་བཅས་པའི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས། རྗེ་བཙུན་སྒྲོལ་མ། སློབ་དཔོན་ནག་པོ་པ། ཝ་གུ་པཎྜི་ཏ། ཁུ་རྣལ་འབྱོར་པ། ཟུར་ཁང་པ་གཞོན་ནུ་དབང༌། དགེ་སློང་བསོད་ནམས་ལོ་མཆོག གློ་ཆེན་སངས་རྒྱས་སྲས། མཁན་ཆེན་རྒྱལ་བ་བཟང་པོ། མ་ཏི་པཎ་ཆེན། ས་བཟང་འཕགས་པ། ངོར་ཆེན་ཐམས་ཅད་མཁྱེན་པ་ཀུན་དགའ་བཟང་པོ་མན་སྔར་དང་འདྲའམ་སྙམ་སྟེ་དཔྱད་དོ། །ཡང་ན་རྗེ་བཙུན་སྒྲོལ་མ་ནས། འཕགས་པ་ཀུན་དགའ་བོ། ཉི་མ་གུང་པ། ཤ་ནའི་གོས་ཅན། ཀྲྀཥྞའི་གོས་ཅན། ཉི་མ་སྦས་པ། རཱ་ཧུ་ལ་ཤྲཱི། བོ་དྷི་ད་ཤྲཱི། པཎ་ཆེན་ཤཱཀྱ་ཤྲཱི། ཁྲོ་ཕུ་ལོ་ཙཱ་བ། རིན་ཆེན་འབུམ། བླ་མ་སངས་རྒྱས་འབུམ། ལོ་ཙཱ་བ་མཆོག་ལྡན། གློ་ཆེན་སངས་རྒྱས་སྲས་མན་འདྲ། ཡང་ན་མཁན་ཆེན་རྒྱལ་བ་བཟང་པོ་ནས། བྱང་སེང་བ། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་མན་འདྲ། ཡང་ན་ངོར་ཆེན་རྡོ་རྗེ་འཆང༌། པཎྜི་ཏ་གྲགས་པ་རྒྱལ་མཚན།མཁན་ཆེན་བསོད་ནམས་ལྷུན་གྲུབ། ས་ལོ་འཇམ་དཔལ་རྡོ་རྗེ། ཐམས་ཅད་མཁྱེན་པ་དཀོན་མཆོག་ལྷུན་གྲུབ་མན་འདྲ། ཡང་ན་ཤ་ནའི་གོས་ཅན། ཁ་ཆེ་ཐམས་ཅད་མཁྱེན་པ། ཉེར་སྦས། རྒྱ་མཚོ་བསྐྱངས། སློབ་དཔོན་ཛེ་ཏཱ་རི། ངག་དབང་གྲགས་པ། ཁ་ཆེ་མ་ཎི་ཀ མལ་ལོ་ཙཱ་བ། ལ་སྟོད་དབང་རིན། མཆིམས་ཆོས་སེང༌། མཆིམས་བློ་བརྟན། འཇམ་གསར། ཆོས་འོད། འཕགས་འོད། བུ་སྟོན། དོན་གྲུབ། རྒྱལ་མགོན། བཀྲ་ཤིས་རིན་ཆེན། བླ་མ་རྡོ་རྗེ་འཆང་མན་འདྲ། དེ་དག་ནི་བརྒྱུད་པ་དམིགས་བསལ་དགོས་པ་ཅུང་ཟད་བྲིས་པ་ཡིན་ལ། ཆོས་སྤྱོད་པུསྟི་དངོས་ཀྱི་རྐང་གྲངས་ནི། དཀོན་མཆོག་རྗེས་དྲན། བྱང་ཆུབ་ལྟུང་བཤགས། བཅོམ་ལྡན་འདས་ཤཱཀྱའི་རྒྱལ་པོ་ལ་མཛད་པ་བཅུ་གཉིས་ཀྱི་སྒོ་ནས་བསྟོད་པ་ཀླུ་སྒྲུབ་ཀྱིས་མཛད་པར་གྲགས་པ། ཐུབ་བསྟོད་སེམས་བརྩེ་མ་མགོན་པོ་བྱམས་པས་མཛད་པ་མདོ་སྡེ་རྒྱན་ལས་ཕྱུང་བ། ཐུབ་དབང་རྒྱན་དྲུག་མཆོག་གཉིས་སོགས་ལ་བསྟོད་པ་ཞི་གདོང་མ་འཕགས་པས་མཛད་པ་འདོགས་འབྲེལ་དང་བཅས་པ། མཁན་པོ་བོ་དྡྷི་ས་ཏྭ། ཆོས་རྒྱལ་མེས་དབོན། ལོ་པཎ་རྣམས་ལ་ཐུན་མོང་དུ་བསྟོད་པ་རྣམས་ཆོས་རྗེ་བླ་མ་དམ་པས་མཛད་པའི་རྒྱལ་རབས་གསལ་བའི་མེ་ལོང་གི་མཆོད་བརྗོད་དུ་མཛད་པ་རྣམས་དང༌། ཇོ་བོ་ཡབ་སྲས་ཀྱི་བསྟོད་པ་ཤླཽ་ཀ་རེ་རེ། ཇོ་བསྟོད་ཕུན་ཚོགས་བྷངྒ་མ་ནས་འབྱུང་བ་རྣམས་སོ། །དེ་ནས་སྙན་བརྒྱུད་ཚད་མ་བཞིའི་དང་པོ་བླ་མ་ཚད་མའི་སྐོར་ལ། རྡོ་རྗེ་འཆང་ཀུན་དགའ་བཟང་པོས་མཛད་པའི་གསུང་ངག་བླ་མ་བརྒྱུད་པའི་གསོལ་འདེབས་འགོར་རྣམ་དག་དཀྱིལ་འཁོར་བཞི་ཞེས་ཡོད་པ། ས་སྐྱ་པ་ཆེན་པོ་ལ་རྣལ་འབྱོར་དབང་ཕྱུག་བིརྺ་པ་གཙོ་འཁོར་ལྔས་མངོན་སུམ་དུ་ཞལ་བསྟན་པའི་དུས་སུ་མཛད་པའི་བསྟོད་པ་འགོར་ཨ་ལ་ལ་སྟེ་ཞེས་ཡོད་པ། ས་པཎ་གྱིས་མཛད་པའི་བིརྺ་པའི་བསྟོད་པ་དད་པའི་ཆུ་ལས་མ། ས་ཆེན་གྱི་བསྟོད་པ་ཚངས་དབང་མ། སློབ་དཔོན་རྩེ་མོས་མཛད་པ། རྗེ་བསོད་ནམས་རྩེ་མོའི་རྣམ་ཐར་བསྟོད་པ་ཁྱོད་ཉིད་དམ་པ་ཅན་དང༌། ཚངས་པར་སྤྱོད་པའི་དགེ་བསྙེན་མ་གཉིས་རྗེ་བཙུན་རིན་པོ་ཆེ་གྲགས་པས་མཛད་པ། རྗེ་བཙུན་གྲགས་པའི་བསྟོད་པ་ཡོན་ཏན་རྒྱ་མཚོ་མ་ས་པཎྜི་ཏ་ཀུན་དགའ་རྒྱལ་མཚན་གྱིས་མཛད་པ། ས་སྐྱ་པཎྜི་ཏའི་རྣམ་ཐར་བསྟོད་པ་ཆོས་རྒྱལ་མ་ཆུང་བ་ཡར་ལུང་པ་བྱང་ཆུབ་རྒྱལ་མཚན་གྱིས་མཛད་པ། འཕགས་པ་རིན་པོ་ཆེ་ལ་བསྟོད་པ་སངས་རྒྱས་ཀུན་གྱི་ཐུགས་རྗེ་མ་གཙང་ནག་ཕུག་པ་འཇམ་དབྱངས་ཤེས་རབ་འོད་ཟེར་གྱིས་མཛད་པ། ཡང་འཕགས་པའི་བསྟོད་པ་གྲགས་ལྡན་མ་ཤླཽ་ཀ་གཅིག་རྒྱ་ནག་རྒྱལ་པོས་«་་་་་མི་ཉག་པཎ་ཆེན་གྲགས་པ་རྡོ་རྗེའི་བཀའ་འབུམ་ནའང་འདུག་པ་དེས་མཛད་དམ་བརྟག »མཛད་པར་གྲགས་པ། བླ་མ་དམ་པའི་བསྟོད་པ་བསོད་ནམས་ཡེ་ཤེས་མ་ཤླཽ་ཀ་གཅིག་རྒྱལ་སྲས་ཐོགས་མེད་པས་མཛད་པའི་བསྟོད་པ་ལས་ཕྱུང་བ། རྗེ་ཀུན་དགའ་བཟང་པོ་ལ་བསྟོད་པ་མདོ་རྒྱུད་ཀུན་གྱི་རྒྱ་མཚོ་ཅན་ཤླཽ་ཀ་གཅིག་མུས་ཆེན་གྱིས་མཛད་པ། རོང་སྟོན་ཤེས་བྱ་ཀུན་རིག་ལ་བསྟོད་པ་མང་ཐོས་མ། རྗེ་མུས་ཆེན་ལ་བསྟོད་པ་དཀོན་མཆོག་དགེས་པ་མ། འཇམ་དབྱངས་ཤེས་རྒྱལ་ལ་བསྟོད་པ་ཤེས་བྱ་ཀུན་ལ་ཐོགས་མེད་མ། རྒྱལ་ཚབ་དམ་པ་ལ་བསྟོད་པ་རྒྱུད་སྡེ་ཀུན་གྱི་དེ་ཉིད་མ། གུང་རུ་ཤེར་བཟང་ལ་བསྟོད་པ་ཤེས་བྱའི་མཁའ་ལ་སོགས་མངའ་རིས་ཚུལ་འོད་པས་མཛད་པ། ཀུན་མཁྱེན་ཆེན་པོ་ལ་བསྟོད་པ་རྒྱ་ཆེན་བསོད་ནམས་མ་ཤླཽ་ཀ་གཅིག་རྗེ་དེ་ཉིད་ཀྱིས་མཛད་པ། མཁས་གྲུབ་དཔལ་རྡོར་བ་ལ་བསྟོད་པ་མཐའ་ཡས་རྒྱུད་སྡེ་མ་ཀུན་མཁྱེན་གྱིས་མཛད་པ། རྗེ་ཡོངས་འཛིན། རྗེ་སངས་རིན།རྗེ་ལྷ་མཆོག་པ་རྣམས་ལ་བསྟོད་པ་ཤླཽ་ཀ་རེ་རེ་བ་རྣམས་དང༌། རྡོ་རྗེ་འཆང་ཀུན་དགའ་བཟང་པོ་ལ་བསྟོད་པ་རབ་དཀར་མ་རོང་སྟོན་གྱིས་ནཱ་ལེནྡྲར་མཛད་པ།རྡོ་རྗེ་འཆང་ལ་བསྟོད་པ་སྡེ་སྣོད་མ་མུས་ཆེན་གྱིས་མཛད་པ། ཡང་དེ་ལ་ལམ་འབྲས་བུ་དང་བཅས་པའི་སྒོ་ནས་བསྟོད་ཅིང་གསོལ་བ་འདེབས་པ་དད་པའི་རྦ་རླབས་ཞེས་བྱ་བ་འཇམ་དབྱངས་ཆོས་རྗེ་ཤེས་རབ་རྒྱ་མཚོས་གློ་བོ་སྨོན་ཐང་གི་ཐུབ་བསྟན་དར་རྒྱས་གླིང་གི་གཙུག་ལག་ཁང་དུ་སྦྱར་བ། རོང་སྟོན་ཆེན་པོའི་བསྟོད་པ་གསུང་རབ་རྒྱ་མཚོ་མ་རྗེ་ཉིད་ཀྱིས་མཛད་པ། མུས་ཆེན་དཀོན་མཆོག་རྒྱལ་མཚན་གྱི་བསྟོད་པ་ཐུབ་བསྟན་གསེར་གྱི་ཁང་པ་མ་བདག་ཆེན་ཆུ་མིག་པས་མཛད་པ། ཡང་སེམས་དཔའ་ཆེན་པོའི་བསྟོད་པ་དཀོན་མཆོག་གསུམ་གྱི་ངོ་བོ་མ་གུང་རུས་མཛད་པ། འཇམ་དབྱངས་ཤེས་རབ་རྒྱ་མཚོའི་བསྟོད་པ་མཐའ་ཡས་ཤེས་བྱ་མ་བདག་ཆེན་ཆུ་མིག་པས་མཛད་པ། རྒྱལ་ཚབ་དམ་པའི་བསྟོད་པ་དཔལ་ལྡན་ཀུན་དགའ་མ་ཀུན་མཁྱེན་གོ་རམས་པས་མཛད་པ།ཀུན་མཁྱེན་གྱི་བསྟོད་པ་བསོད་ནམས་ཡེ་ཤེས་མ་མི་ཉག་གྲགས་རྡོར་པས་མཛད་པ། ཡོངས་འཛིན་ལ་བསྟོད་པ་རྒྱལ་བ་རིགས་བདག་མ་གློ་བོ་མཁན་ཆེན་གྱིས་མཛད་པ། ཡང་ཡོངས་འཛིན་ལ་བསྟོད་པ་ཕུན་ཚོགས་དངོས་གྲུབ་མ་རྗེ་དཀོན་མཆོག་ལྷུན་པས་མཛད་པ། རྗེ་སངས་རིན་གྱི་བསྟོད་པ་སངས་རྒྱས་ཀུན་གྱི་ངོ་བོ་མ་ས་ལོས་མཛད་པ། ཡང་རྗེ་སངས་རྒྱས་རིན་ཆེན་གྱི་བསྟོད་པ་སངས་རྒྱས་ཀུན་གྱི་ངོ་བོ་ཉིད་སོགས་ཤླཽ་ཀ་གཅིག གློ་བོ་མཁན་ཆེན་བསོད་ནམས་ལྷུན་གྲུབ་ལེགས་པའི་འབྱུང་གནས་རྒྱལ་མཚན་དཔལ་བཟང་པོ་ལ་བསྟོད་པ་བསོད་ནམས་རབ་རྒྱས་མ་ཤླཽ་ཀ་གཅིག ས་སྐྱ་ལོ་ཙཱ་བའི་བསྟོད་པ་རབ་མཛེས་མ་རྗེ་རང་གིས་མཛད་པ། རྗེ་ལྷ་མཆོག་སེང་གེའི་བསྟོད་པ་བླ་མ་རྣམས་དང་ལྷག་པའི་ལྷ་སོགས་ཤླཽ་ཀ་གཅིག ཡང་དེ་ལ་བསྟོད་པ་ལྷག་པའི་ལྷ་མཆོག་མ་མཁན་ཆེན་ལེགས་འབྱུང་གིས་མཛད་པ། ཡང་དེ་ལ་བསྟོད་པ་མཚན་སྤེལ་ཕན་བདེ་མ་རྗེ་དཀོན་མཆོག་ལྷུན་གྲུབ་ཀྱིས་མཛད་པ། རྗེ་དཀོན་མཆོག་ལྷུན་གྲུབ་ཀྱིས་བསྟོད་པ་དཀོན་མཆོག་གསུམ་དངོས་མ་དང་འདོད་དགུའི་དཔལ་འབྱུང་མ། དཀྱིལ་འཁོར་རྒྱ་མཚོ་མ་གསུམ་རྗེ་དེ་ཉིད་ཀྱིས་མཛད་པ་དང༌། ཡང་དེ་ལ་བསྟོད་པ་དཀོན་མཆོག་གསུམ་གྱི་གདུང་འཛིན་མ་དཔལ་ས་སྐྱ་པ་ངག་དབང་ཀུན་དགའ་རིན་ཆེན་གྱིས་མཛད་པ། འཇམ་དབྱངས་སངས་རྒྱས་སེང་གེ་ལ་བསྟོད་པ་ཕུན་ཚོགས་ས་གསུམ་མ་རྗེ་རང་གིས་མཛད་པ། རྗེ་དཀོན་མཆོག་དཔལ་ལྡན་ལ་བསྟོད་པ་དངོས་གྲུབ་ཀུན་འབྱུང་མ་རྗེ་རང་གིས་མཛད་པ། ཤར་ཁང་པ་ཤེས་རབ་རྒྱལ་མཚན་གྱི་བསྟོད་པ་རྣམ་དག་ཐོས་བསམ་མ་རྗེ་རང་གིས་མཛད་པ། པཎ་ཆེན་ནམ་མཁའ་དཔལ་བཟང་ལ་བསྟོད་པ་ཐུགས་རྗེས་ནམ་ཡང་མ་རྗེ་རང་གིས་མཛད་པ། ཡང་དེ་ལ་བསྟོད་པ་རབ་འབྱམས་ཤེས་བྱ་མ་ངོར་ཆེན་དཀོན་མཆོག་དཔལ་ལྡན་གྱིས་མཛད་པ། ཤར་ཆེན་བྱམས་པ་ཀུན་དགའ་བཀྲ་ཤིས་ལ་བསྟོད་པ་བྱམས་པའི་ཐུགས་རྗེ་མ་རྗེ་རང་གིས་མཛད་པ། ཡང་དེའི་བརྟན་བཞུགས་བླ་ཆེན་དཀོན་མཆོག་རྒྱ་མཚོས་མཛད་པ། རྩེ་གདོང་ཁྲི་ཆེན་འཇམ་དབྱངས་ཀུན་དགའ་བསོད་ནམས་ལྷུན་གྲུབ་ལ་བསྟོད་པ་ཀུན་དགའི་ལེགས་བཤད་མ་རྗེ་དཀོན་མཆོག་དཔལ་ལྡན་པས་མཛད་པ། མཁས་གྲུབ་དཔལ་ལྡན་དོན་གྲུབ་ལ་བསྟོད་པ། དཔལ་ལྡན་རྩ་བརྒྱུད་མ་ཤླཽ་ཀ་གཅིག་དང༌། རྣམ་དག་སྨོན་ལམ་མ་རྗེ་རང་གིས་མཛད་པ། བྲང་ཏི་ནམ་མཁའ་སངས་རྒྱས་ལ་བསྟོད་པ་ནམ་མཁའ་ལྟ་བུ་མ་ཤླཽ་ཀ་གཅིག མཁས་པའི་དབང་པོ་དཔལ་ལྡན་དོན་གྲུབ་ཀྱིས་མཛད་པ་དང༌། ནམ་ཡང་བླ་མ་ལྷ་ཡི་རྗེས་བཟུང་མ་རྗེ་རང་གིས་མཛད་པ། ཤར་ཆེན་ཤེས་རབ་འབྱུང་གནས་ལ་བསྟོད་པ་རྒྱ་ཆེན་ཤེས་བྱའི་མ་ཤླཽ་ཀ་དང་པོ་རྗེ་དཔལ་གྲུབ་ཀྱིས་མཛད་པ་དང་གྲངས་མེད་རྒྱལ་བའི་མ་རྗེ་རང་གིས་མཛད་པ། ནམ་རིན་ལ་བསྟོད་པ་ཁང་གསར་བས་མཛད་པ། བསོད་ནམས་རྒྱ་མཚོར་བསྟོད་པ་རྗེ་རང་གིས་མཛད་པ། རྗེ་དཔལ་མཆོག་རང་ལ་བསྟོད་པ་རབ་འབྱམས་བདེ་གཤེགས་མ་རྗེ་རང་གིས་མཛད་པ། ནམ་མཁའ་དཔལ་བཟང་ལ་བསྟོད་པ་ལེགས་བྱས་དགེ་བ་མ་ཤར་པ་ཡེ་ཤེས་བཟང་པོས་མཛད་པ། ལྷུན་གྲུབ་དཔལ་ལྡན་ལ་བསྟོད་པ་ལྷག་བསམ་ལྷུན་གྲུབ་མ་རྗེ་རང་གིས་མཛད་པ། མཁན་ཆེན་སངས་རྒྱས་ཕུན་ཚོགས་ལ་བསྟོད་པ་མཁྱེན་རབ་མ་རྗེ་རང་གིས་མཛད་པ། ཤར་ཆེན་སངས་རྒྱས་བསྟན་འཛིན་ལ་བསྟོད་པ་སངས་རྒྱས་བསྟན་པའི་སྙིང་པོ་མ་སངས་རྒྱས་ཕུན་ཚོགས་ཀྱིས་མཛད་པ། ཤེས་བྱ་བཟང་པོ་ལ་བསྟོད་པ་སངས་རྒྱས་ཕུན་ཚོགས་ཀྱིས་མཛད་པ། བྱམས་པ་ཚུལ་ཁྲིམས་དཔལ་བཟང་ལ་བསྟོད་པ་རྗེ་རང་གིས་མཛད་པ། མཁན་ཆེན་བསོད་ནམས་དཔལ་ལྡན་ལ་བསྟོད་པ་རྣམ་དཀར་ཚོགས་གཉིས་མ་རྗེ་རང་གིས་མཛད་པ། བྱམས་པ་བསོད་ནམས་བཟང་པོར་བསྟོད་པ་རྗེ་རང་གིས་མཛད་པ།འཇམ་མགོན་བཀྲ་ཤིས་ལྷུན་གྲུབ་ལ་བསྟོད་པ་སངས་རྒྱས་ཀུན་གྱི་མཁྱེན་བརྩེ་མ་དང་དུས་གསུམ་རྒྱལ་བའི་མཁྱེན་བརྩེ་མ་གཉིས་རྗེ་རང་གིས་མཛད་པ།འཇམ་པའི་དབྱངས་ཚུལ་ཁྲིམས་ལྷུན་གྲུབ་ལ་བསྟོད་པ། རྣམ་དག་ཚུལ་ཁྲིམས་ནམ་མཁའི་ཁྱོད་ཡངས་མ་རྗེ་ཉིད་ཀྱིས་མཛད་པ། ཡང་དེ་ཉིད་ལ་བསྟོད་པ་སྔོན་བསགས་བསོད་ནམས་ཆུ་གཏེར་མ་མཁན་ཆེན་བཀྲ་ཤིས་ལྷུན་གྲུབ་ཀྱིས་མཛད་པ། མཁན་ཆེན་ནམ་མཁའ་བསམ་འགྲུབ་ལ་བསྟོད་པ་ས་སྐྱ་པ་ངག་དབང་ཀུན་དགའ་བློ་གྲོས་ཀྱིས་མཛད་པ། ཐམས་ཅད་མཁྱེན་པ་དཔལ་ལྡན་ཆོས་སྐྱོང་ལ་བསྟོད་པ། རྒྱལ་བ་ཀུན་གྱི་ཡེ་ཤེས་གཅིག་བསྡུས་མ་སོགས་རྗེ་རང་གིས་མཛད་པ་ཚན་པ་གསུམ་རྣམས་ཀྱི་ལུང་རྣམས་ལེགས་པར་ཐོས་སོ། །གཞན་ཡང་རྒྱུད་གསུམ་མན་ངག་དང་བཅས་པའི་བླ་མ་བརྒྱུད་པ་ལ་གསོལ་བ་འདེབས་པ་ཀུན་ཁྱབ་འཁོར་ལོ་མ་རྗེ་དཀོན་མཆོག་ལྷུན་གྲུབ་ཀྱིས་མཛད་པ་ཁ་སྐོང་དང་བཅས་པ། ཞེན་པ་བཞི་བྲལ་གྱི་བརྒྱུད་འདེབས་རྗེ་རྡོ་རྗེ་འཆང་གིས་མཛད་པ་ཁ་སྐོང་དང་བཅས་པ། བསྙེན་རྫོགས་སྡོམ་བརྒྱུད་ཀྱི་གསོལ་འདེབས་བྲང་ཏི་པས་མཛད་པ། ཡོན་སྦྱོང་བའི་གཟུངས། རྗེ་ངོར་ཆེན་པས་མཛད་པའི་འགྲོ་ལ་བདེ་«་་་་་ནོར་རྒྱུན་མའི་བསྟོད་པ་ནས་ཕྱུང་བ་ཡིན། »སྐྱིད་མའི་བར་པཎ་ཆེན་གྱིས་ཐར་རྩེར་བསྒྲིགས་པ་བླ་མ་ཕྱི་མ་རྣམས་ཀྱིས་མཛད་པའི་ཁ་སྐོང་དང་བཅས་པའི་ཕྱག་དཔེའི་སྟེང་ནས་མནོས་སོ། །རྣམ་དག་དཀྱིལ་འཁོར་མ་ནི་སྣང་གསུམ་གྱི་དད་པའི་སྐབས་ཀྱི་བརྒྱུད་པའི་གསོལ་འདེབས་གང་རུང་བ་ཞིག་གི་ལུང་བྱིན་ལ་ཁ་ཏོན་བྱར་གཞུག་ཅེས་པའི་སྐབས་སུ་ལུང་གནང་བ་དང༌། དེ་མ་གཏོགས་པའི་ཆོས་སྤྱོད་པུསྟི་དང་རྣམ་ཐར་པུསྟི་རྣམས་སྔ་ཆོས་ལ་གང་འགྲོ་མཛད་པ་ལས། བརྒྱུད་པའི་བླ་མ་རྣམས་ཀྱི་རྣམ་ཐར་སྐོར་ལ། བླ་མ་བརྒྱུད་པ་རྒྱ་བོད་ཀྱི་ལོ་རྒྱུས་རྗེ་བཙུན་རིན་པོ་ཆེས་མཛད་པ། རྗེ་ས་ཆེན་གྱི་རྣམ་པར་ཐར་པ་དང༌། རྩེ་མོའི་རྣམ་པར་ཐར་པ་ཁྱོད་ཉིད་མ་མཆན་བུ་དང་བཅས་པ་རྗེ་བཙུན་གྱིས་མཛད་པ། རྗེ་བཙུན་གྲགས་པ་རྒྱལ་མཚན་གྱི་རྣམ་ཐར་ས་པཎ་གྱིས་མཛད་པ། ཡང་མནལ་ལམ་སྦལ་སྟོན་གྱིས་བྲིས་པ། རྗེ་ས་པཎ་གྱི་རྣམ་ཐར་ལྷོ་པ་ཀུན་མཁྱེན་རིན་ཆེན་དཔལ་གྱིས་མཛད་པ། རྣམ་ཐར་གསུང་སྒྲོས་མ་རྗེ་རྡོ་རྗེ་འཆང་གིས་མཛད་པ། འཕགས་པ་རིན་པོ་ཆེའི་རྣམ་པར་ཐར་པ་རིན་པོ་ཆེའི་ཕྲེང་བ་ཤར་པ་ཡེ་ཤེས་རྒྱལ་མཚན་པས་མཛད་པ། ཉན་ཆེན་པའི་རྣམ་པར་ཐར་པ་རཏྣ་སིངྷས་མཛད་པ། ཞང་དཀོན་མཆོག་དཔལ་བའི་རྣམ་ཐར་བླ་མ་དཔལ་ལྡན་ཚུལ་ཁྲིམས་པས་མཛད་པ། བྲག་ཕུག་པའི་རྣམ་ཐར་རིན་པོ་ཆེའི་ཕྲེང་བ་རི་ཁྲོད་པ་བློ་གྲོས་བརྟན་པས་མཛད་པ། རི་ཁྲོད་པའི་རྣམ་པར་ཐར་པ་དཔལ་ལྡན་ཚུལ་ཁྲིམས་ཀྱིས་མཛད་པ། དཀར་པོ་བྲག་པ་རིན་ཆེན་སེང་གེའི་རྣམ་པར་ཐར་པ་རྗེ་རང་གིས་མཛད་པ། བླ་མ་དམ་པ་བསོད་ནམས་རྒྱལ་མཚན་པའི་རྣམ་ཐར་དཔལ་ལྡན་ཚུལ་ཁྲིམས་ཀྱིས་མཛད་པ། དཔལ་ལྡན་ཚུལ་ཁྲིམས་པའི་རྣམ་ཐར་མུས་ཆེན་དཀོན་མཆོག་རྒྱལ་མཚན་གྱིས་མཛད་པ། གྲུབ་ཆེན་བུདྡྷ་ཤྲཱིའི་རྣམ་ཐར་རྡོ་རྗེ་འཆང་ཀུན་དགའ་བཟང་པོས་མཛད་པ།ངོར་ཆེན་རྡོ་རྗེ་འཆང་གི་རྣམ་པར་ཐར་པ་དཀོན་མཆོག་རྒྱལ་མཚན་གྱིས་མཛད་པ། ཡང་དེ་ཉིད་ཀྱི་རྣམ་པར་ཐར་པ་གུ་གེ་པཎ་ཆེན་གྲགས་པ་རྒྱལ་མཚན་གྱིས་མཛད་པ། ཡང་རྗེ་དེ་ཉིད་ཀྱི་རྣམ་པར་ཐར་པ་ལེགས་བཤད་ཆུ་བོ་འདུས་པའི་རྒྱ་མཚོ་ཡོན་ཏན་ཡིད་བཞིན་ནོར་བུའི་འབྱུང་གནས་ཞེས་པ་མཁན་ཆེན་སངས་རྒྱས་ཕུན་ཚོགས་ཀྱིས་མཛད་པ། སྒྲུབ་ཁང་དཔལ་ལྡན་དོན་གྲུབ་ཀྱིས་མཛད་པའི་ལམ་འབྲས་བཀའ་རྒྱ་ཐིམ་པའི་གཟིགས་སྣང༌། སེམས་དཔའ་ཆེན་པོ་དཀོན་མཆོག་རྒྱལ་མཚན་གྱི་རྣམ་པར་ཐར་པ་ངོ་མཚར་རྒྱ་མཚོ་ཞེས་བྱ་བ་ཀུན་མཁྱེན་བསོད་ནམས་སེང་གེས་མཛད་པ་ཁ་སྐོང་དང་བཅས་པ། ཡང་དེའི་རྣམ་པར་ཐར་པ་གསུང་སྒྲོས་མ་གུང་རུས་མཛད་པ། རྗེ་བཙུན་ཀུན་དགའ་དབང་ཕྱུག་པའི་རྣམ་པར་ཐར་པ་རིན་པོ་ཆེའི་ཕྲེང་བ་ཞེས་བྱ་བ་མཁན་ཆེན་བསོད་ནམས་ལྷུན་གྲུབ་ཀྱིས་མཛད་པ། ཀུན་མཁྱེན་བསོད་ནམས་སེང་གེའི་རྣམ་པར་ཐར་པ་སངས་རྒྱས་རིན་ཆེན་གྱིས་མཛད་པ། ཡོངས་འཛིན་དཀོན་མཆོག་འཕེལ་བའི་རྣམ་པར་ཐར་པ་ཡོན་ཏན་མཐའ་ཡས་ཞེས་བྱ་བ་རྗེ་སངས་རྒྱས་རིན་ཆེན་གྱིས་མཛད་པ། རྗེ་སངས་རྒྱས་རིན་ཆེན་པའི་རྣམ་པར་ཐར་པ་དགེ་ལེགས་རིན་པོ་ཆེའི་གཏེར་ཞེས་བྱ་བ་དགུང་ལོ་རེ་ལྔ་ཡན་དང༌། དེའི་ཁ་སྐོང་ཨུཏྤ་ལའི་ཆུན་པོ་དང་བཅས་པ་ས་ལོས་མཛད་པ། ལྷ་མཆོག་སེང་གེའི་རྣམ་པར་ཐར་པ་དད་པའི་ཆར་འབེབས་ཞེས་བྱ་བ་པཎ་ཆེན་ནམ་མཁའ་དཔལ་བཟང་གིས་མཛད་པ། རྗེ་དཀོན་མཆོག་ལྷུན་གྲུབ་པའི་རྣམ་པར་ཐར་པ་འདོད་དགུའི་དཔལ་འབྱུང་གི་རྣམ་བཤད་འདོད་དགུའི་ཆུ་གཏེར་ཞེས་བྱ་བ་དཀོན་མཆོག་དཔལ་ལྡན་གྱིས་མཛད་པ། ངོར་དབོན་སངས་རྒྱས་སེང་གེའི་རྣམ་པར་ཐར་པ་དད་པའི་མེ་ཏོག་གི་ཕྲེང་བ་ཞེས་བྱ་བ་ནམ་མཁའ་དཔལ་བཟང་གིས་མཛད་པ། ཤར་ཆེན་བྱམས་པ་ཀུན་དགའ་བཀྲ་ཤིས་ཀྱི་རྣམ་པར་ཐར་པ་ཡེ་ཤེས་གླུ་དབྱངས་ཞེས་བྱ་བ་ངག་དབང་བརྟན་པའི་རྡོ་རྗེས་མཛད་པ། ཤར་པ་ཤེས་རབ་འབྱུང་གནས་ཀྱི་རྣམ་པར་ཐར་པ་དགེ་ལེགས་ངོ་མཚར་ལྷུན་པོ་རྒྱལ་རྩེ་པ་ངག་དབང་བསོད་ནམས་རྒྱལ་མཚན་གྱིས་མཛད་པ། མཁན་ཆེན་སངས་རྒྱས་ཕུན་ཚོགས་པའི་རྣམ་པར་ཐར་པ་ངེས་འབྱུང་གཏམ་གྱི་རོལ་མཚོ་མནལ་ལམ་རྣམ་ཐར་དང་བཅས་པ་རྗེ་རང་གིས་མཛད་པ། ཨེ་ཝཾ་པའི་གདན་རབས་རིན་པོ་ཆེ་ནོར་བུའི་ཕྲེང་བ་ཞེས་བྱ་བ་རྣམ་ཐར་བསྡུས་པ་མཁས་གྲུབ་སངས་རྒྱས་ཕུན་ཚོགས་ཀྱིས་མཛད་པ་རྣམས་ཀྱི་ལུང་ནི། མཁན་ཆེན་ཐམས་ཅད་མཁྱེན་པ་ཚུལ་ཁྲིམས་ལྷུན་གྲུབ་པའི་ཞལ་སྔ་ནས་གསུང་ངག་ལམ་འབྲས་ཁྲིད་ཀྱི་བླ་མ་ཚད་མའི་སྐབས་སུ་ལེགས་པར་ཐོས་སོ། །དེར་མ་འཐུས་པའི་བརྒྱུད་པ་ཐོས་པའི་ཆོས་ཀྱི་རྣམ་གྲངས་ནི། འདྲེན་མཆོག་ཆོས་ཀྱི་རྒྱལ་པོའི་རྣམ་པར་ཐར་པ་དང༌། ས་ལོ་འཇམ་དབྱངས་ཆེན་པོའི་རྣམ་པར་ཐར་པ་གཉིས་རྗེ་དཀོན་མཆོག་ལྷུན་གྲུབ་པས་མཛད་པ། ཆོས་རྗེ་ཤེས་རབ་རྒྱལ་མཚན་པའི་རྣམ་པར་ཐར་པ་ཡོན་ཏན་རྒྱ་མཚོ་ཞེས་བྱ་བ་བྲང་ཏི་པ་ནམ་མཁའ་དཔལ་བཟང་གིས་མཛད་པ། མཁས་གྲུབ་དཔལ་ལྡན་དོན་གྲུབ་པའི་རྣམ་པར་ཐར་པ་དད་པའི་གསལ་འདེབས་ངག་དབང་བརྟན་པའི་རྡོ་རྗེས་མཛད་པ། བྲང་ཏི་ནམ་མཁའ་སངས་རྒྱས་ཀྱི་རྣམ་པར་ཐར་པ་འཕྲོས་དང་བཅས་པ་བྱིན་རླབས་ཆུ་རྒྱུན་ཞེས་བྱ་བ་སངས་རྒྱས་ཕུན་ཚོགས་ཀྱིས་མཛད་པ། རྒྱལ་རྩེ་པ་ངག་དབང་བསོད་ནམས་རྒྱལ་མཚན་པའི་རྣམ་པར་ཐར་པ་བྱིན་རླབས་ཆར་འབེབས་ཞེས་བྱ་བ་རྗེ་རང་གིས་མཛད་པའི་ཁ་སྐོང་སངས་རྒྱས་ཕུན་ཚོགས་ཀྱིས་མཛད་པ། འདྲེན་མཆོག་བསོད་ནམས་རྒྱ་མཚོའི་རྣམ་པར་ཐར་པ་ཡོན་ཏན་རྒྱ་མཚོ་ཞེས་བྱ་བ་རྗེ་ལྷུན་གྲུབ་དཔལ་ལྡན་གྱིས་མཛད་པ། འཇམ་དབྱངས་དཔལ་མཆོག་རྒྱལ་མཚན་པའི་རྣམ་པར་ཐར་པ་དད་པའི་གསལ་འདེབས་ཞེས་བྱ་བ་རྗེ་སངས་རྒྱས་ཕུན་ཚོགས་ཀྱིས་མཛད་པ། རྡོ་རྗེ་འཆང་ལྷུན་གྲུབ་དཔལ་ལྡན་པའི་རྣམ་པར་ཐར་པ་ལོགས་བྱས་དཔལ་གྱི་དགའ་སྟོན་ཞེས་བྱ་བ་ཁ་སྐོང་དང་བཅས་པ་འཇམ་དབྱངས་སངས་རྒྱས་ཕུན་ཚོགས་ཀྱིས་མཛད་པ། ཡང་མཁན་ཆེན་སངས་རྒྱས་ཕུན་ཚོགས་པའི་རྣམ་པར་ཐར་པ་ཐུབ་བསྟན་སྣང་བའི་ཉིན་བྱེད་ཅེས་བྱ་བ་བྱམས་པ་ཚུལ་ཁྲིམས་དཔལ་བཟང་པས་མཛད་པ། འཇམ་པའི་དབྱངས་ཚུལ་ཁྲིམས་དཔལ་བཟང་པའི་རྣམ་པར་ཐར་པ་དད་པའི་པད་དཀར་བཞད་པའི་ཟླ་ཟེར་ཞེས་བྱ་བ་མཁས་དབང་བཀྲ་ཤིས་དབང་ཕྱུག་གིས་མཛད་པ། ཐམས་ཅད་མཁྱེན་པ་བཀྲ་ཤིས་ལྷུན་གྲུབ་པའི་རྣམ་པར་ཐར་པ་ཆ་བའི་ཡོན་ཏན་གྱི་མེ་ཏོག་རབ་ཏུ་བཀྲ་བ་དཔག་བསམ་གྱི་ལྗོན་པ། དེ་དབོན་སངས་རྒྱས་ཡེ་ཤེས་དང་ང་རང་གིས་བྱས་པ་རྣམས་དང༌། མཁས་གྲུབ་སངས་རྒྱས་ཕུན་ཚོགས་ཀྱིས་མཛད་པའི་ཨེ་ཝཾ་པའི་གདན་རབས་ནོར་བུའི་ཕྲེང་བའི་ཁ་སྐོང་དུ། མཁན་ཆེན་ཚུལ་ཁྲིམས་དཔལ་བཟང༌། མཚུངས་མེད་བསོད་ནམས་དཔལ་ལྡན།བྱམས་པ་བསོད་ནམས་བཟང་པོ། འཇམ་མགོན་བཀྲ་ཤིས་ལྷུན་གྲུབ། ཐམས་ཅད་མཁྱེན་པ་ཚུལ་ཁྲིམས་ལྷུན་གྲུབ། རྡོ་རྗེ་འཆང་ནམ་མཁའ་བསམ་འགྲུབ་པ་རྣམས་ཀྱི་རྣམ་པར་ཐར་པ་བསྡུས་པ་རེ་མཁས་གྲུབ་དཔལ་ལྡན་ཆོས་སྐྱོང་གིས་མཛད་པ་རྣམས་ཀྱི་ལུང་གི་བརྒྱུད་པ་ནི། བླ་མ་གོང་མས་མཛད་པ་པོ་སོ་སོའི་བཀའ་འབུམ་གྱི་ལུང་གི་བརྒྱུད་པ་དང་འདྲའོ།། >རྗེས་མ།>>>
རྩོམ་སྒྲིག་པ། སྟག་ལྗོངས་འཆི་མེད།
ནང་དོན་འདིའི་དཔར་དབང་རྒྱལ་ཡོངས་ས་ཆེན་དྲ་བར་ཡོད་པས་ཡོངས་རྫོགས་སམ་ཆ་ཤས་གང་ཞིག་ཆོག་མཆན་མེད་པར་རང་དགར་སུས་དགོལ་མི་ཆོག ། གལ་སྲིད་དགོལ་ན་ཡོང་ཁུངས་གསལ་པོ་དང་སྦྲེལ་ཐག་ངེས་པར་དུ་འགོད་དགོས།
དྲ་བའི་སྦྲེལ་ཐག www.gyalyongsachen.com
དཔྱད་གཏམ་སྤེལ་མཁན་ལ་གསལ་བརྡ།