༼ཏ༽
༄༅། །གཟའ་སྐར་འཕྲོད་བརྟག་བཞུགས།།
༄༅། །ཨོཾ་སྭ་སྟི་སིདྡྷཾ། འགྲོ་རྣམས་དགེ་དང་མི་དགེ་བསྟན་པའི་ཕྱིར། །གཟའ་སྐར་འཕྲོད་དང་མི་འཕྲོད་གཉིས་ཀྱང་བརྗོད། །གཟའ་སྐར་སྦྱོར་བ་དུས་སྲིན་ཟླ། །ཉི་མ་ཐ་སྐར་ནོར་མང་རྙེད། །ཆང་གིས་མྱོས་པ་བཞིན་འགྱུར་རོ། །བྲ་ཉི་དང་ཕྲད་རྒྱལ་པོས་འཇིགས། །སྨིན་དྲུག་དང་ཕྲད་འབྲུ་ནོར་ཁུགས། །བཞི་པས་འཁོར་སྐྱིད་རང་འགྱོད་འགྱུར། །ལྔ་པས་ལས་དང་དོན་ཀུན་འགྲུབ། །དྲུག་པས་གར་འགྲོར་འཇིགས་པ་འབྱུང༌། །བདུན་པས་གོས་ལ་སོགས་པ་འཐོབ། །བརྒྱད་པས་རིན་པོ་ཆེ་སོགས་ཁུགས། །དགུ་པས་ཐོག་དང་སེར་བས་འཇིགས། །བཅུ་པས་ངེས་པར་འཆི་བར་འགྱུར། །བཅུ་གཅིག་དགྲ་གཞོམ་ལས་རྣམས་འགྲུབ། །བཅུ་གཉིས་གྲོགས་རྙེད་མཛའ་དང་ཕྲད། །བཅུ་གསུམ་ཕུན་ཚོགས་ཅི་བསམས་འགྲུབ། །བཅུ་བཞི་པས་ནི་འཇིགས་ལས་ཐར། །བཅོ་ལྔས་འཐབ་ཅིང་འབྲས་བུ་འཐོབ། །བཅུ་དྲུག་བཅུ་བདུན་ངེས་པར་འཆི། །བཅོ་བརྒྱད་དབང་པོ་ཡན་ལག་ཉམས། །བཅུ་དགུ་པས་ནི་ཅི་བསམས་འགྲུབ། །ཉི་ཤུས་ནད་དང་དགྲ་འཇིགས་འབྱུང༌། །ཉེར་གཅིག་བདུད་རྩི་འཐོབ་བཞིན་རྒྱལ། །ཉེར་གཉིས་ཐེ་ཚོམ་ཅི་བསམས་འགྲུབ། །ཉེར་གསུམ་རྟ་རྙེད་དབང་ཆེན་རྒྱལ། །ཉེར་བཞིས་ནོར་འཛད་ནད་ཆེན་འབྱུང༌། །ཉེར་ལྔས་དོན་འགྲུབ་ནོར་ཁུགས་རྒྱལ། །ཉེར་དྲུག་སྲིད་ཕུང་གཡུང་དྲུང་འཐོབ། །ཉེར་བདུན་ནོར་འཛད་འབྲུམ་བུ་འབྱུང༌།། །།ཐ་སྐར་ཟླ་བ་མི་ནོར་འཛད། །གཉིས་པས་ནོར་འཐོབ་དོན་འགྲུབ་བཟང༌། །གསུམ་པས་སྲིད་ཕུང་ཅི་བྱས་ངན། །བཞི་ལྔས་ནོར་རྙེད་ལོངས་སྤྱོད་རྙེད། །དྲུག་འཇིགས་བུད་མེད་དང་ཕྲད་འགྱུར། །བདུན་པས་འབྲུ་ནོར་རྙེད་ཅིང་འཇིགས། །བརྒྱད་པས་འཁོར་དང་རང་རྣམས་སྐྱིད། །དགུ་པས་དོན་རྣམས་འགྲུབ་པར་འགྱུར། །བཅུ་པས་འཇིགས་དང་ལོག་པར་འགྱུར། །བཅུ་གཅིག་པས་ནི་གོས་སོགས་འཐོབ། །བཅུ་གཉིས་དཔལ་བེས་རིན་ཆེན་སྡུད། །བཅུ་གསུམ་སེར་བ་དྲག་པོ་འབབ། །བཅུ་བཞིས་འཆི་བའི་འཇིགས་པ་འབྱུང༌། །བཅོ་ལྔས་དགྲ་གཞོམ་ནོར་ཁུགས་འགྱུར། །མི་བདག་གྲོགས་རྙེད་གཉེན་དང་ཕྲད། །བཅུ་བདུན་ཅི་བསམས་བུད་མེད་ཕྲད། །བཅོ་བརྒྱད་འཇིགས་པ་ཆེན་པོ་འབྱུང༌། །བཅུ་དགུས་འབྲུ་ཁུགས་མགལ་མེ་འཐབ། །ཉི་ཤུས་ཡུལ་ནས་འབྱུང་བས་འཇིགས། །ཉེར་གཅིག་པ་ལ་འཆི་བར་འགྱུར། །ཉེར་གཉིས་དོན་གྲུབ་གང་ཡང་བཟང༌། །ཉེར་གསུམ་ནད་ཀྱི་འཇིགས་པ་འབྱུང༌། །ཉེར་བཞིས་དགྲ་ཕུང་ནོར་རྣམས་ཁུགས། །ཉེར་ལྔས་ནད་དང་འཇིགས་པ་འབྱུང༌། །ཉེར་དྲུག་དོན་འགྲུབ་ཐེ་ཚོམ་འབྱུང༌། །ཉེར་བདུན་དབང་ཆེན་བཞོན་པ་ཐོབ།། །།མིག་དམར་ཐ་སྐར་ཕྲད་པའི་ཚེ། །དགྲ་གཞོམ་ནོར་མང་ཁུགས་པར་འགྱུར། །གཉིས་པས་རང་གཞན་སྡུག་ཅིང་འཆི། །གསུམ་པས་དོན་འགྲུབ་ཐེ་ཚོམ་འབྱུང༌། །བཞི་པས་རྟ་རྙེད་དབང་ཆེན་ཐོབ། །ལྔ་པས་ནོར་དང་མཛའ་བོ་འོང༌། །དྲུག་པས་དོན་ནི་རྒྱ་ཆེར་འགྲུབ། །བདུན་པས་སྲིད་ཕུང་ནོར་ཞིང་ཕྲད། །བརྒྱད་པས་དོན་ནི་ཅི་བསམས་འགྲུབ། །དགུ་པས་ནོར་ཁུགས་འཕེལ་བར་འགྱུར། །བཅུ་པས་རྒྱལ་པོའི་འཇིགས་པ་འབྱུང༌། །བཅུ་གཅིག་འབྲུ་ནོར་ཟས་ལྡན་བྱེད། །བཅུ་གཉིས་འཁོར་དང་རྒྱལ་ཁམས་སྐྱིད། །བཅུ་གསུམ་བཟང་ཞིང་ཐམས་ཅད་འགྲུབ། །བཅུ་བཞིས་འཇིགས་དང་བཀྲེན་པར་འགྱུར། །བཅོ་ལྔས་གོས་དང་ནོར་སོགས་ཐོབ། །བཅུ་དྲུག་དཔལ་བེས་རིན་ཆེན་རྙེད། །བཅུ་བདུན་སེར་བ་དྲག་པོ་འབབ། །བཅོ་བརྒྱད་ཐེ་ཚོམ་མེད་པར་འཆི། །བཅུ་དགུས་དགྲ་གཞོམ་ནོར་རྙེད་འགྱུར། །ཉི་ཤུས་གྲོགས་རྙེད་མཛའ་བོ་ཕྲད། །ཉེར་གཅིག་འཇིགས་འབྱུང་དཔལ་དང་ལྡན། །ཉེར་གཉིས་རྩོད་འབྱུང་བུད་མེད་ཕྲད། །ཉེར་གསུམ་ཡུལ་ནས་འབྱུང་བས་འཇིགས། །ཉེར་བཞིས་གཤིན་རྗེས་བཟུང་ནས་འགུམ། །ཉེར་ལྔས་སྣ་དང་ཡན་ལག་ཉམས། །ཉེར་དྲུག་རང་ལ་ཆད་པར་འོང༌། །ཉེར་བདུན་དགྲ་ནད་འཇིགས་ཉེ་བཟང༌།། །།གཟའ་ལྷག་ཐ་སྐར་སྲོག་དང་བྲལ། །གཉིས་པས་སྣ་དང་ཡན་ལག་ཉམས། །གསུམ་པས་ཅི་བསམས་དོན་ཀུན་འགྲུབ། །བཞི་པས་ནད་དང་དགྲ་ཡིས་འཇིགས། །ལྔ་པས་དགྲ་གཞོམ་ནོར་དང་ལྡན། །དྲུག་པས་རང་གཞན་སྡུག་ཅིང་འཆི། །བདུན་པས་དོན་འགྲུབ་འཇིགས་པ་འབྱུང༌། །བརྒྱད་པས་རྟ་རྙེད་དབང་ཆེན་འགྱུར། །དགུ་པས་ནོར་འཛད་གོད་ཁ་འབྱུང༌། །བཅུ་པས་མཛའ་ཕྲད་རྒྱལ་དོན་འགྲུབ། །བཅུ་གཅིག་སྲིད་ཕུར་ཡུལ་ཞིང་ཕྲད། །བཅུ་གཉིས་པས་ནི་ནོར་སོགས་འཕེལ། །བཅུ་གསུམ་ཡོ་བྱད་ཕུན་སུམ་ཚོགས། །བཅུ་བཞིས་རྒྱལ་པོའི་འཇིགས་པ་འབྱུང༌། །བཅོ་ལྔས་ནོར་རྙེད་འཇིགས་པར་བྱེད། །བཅུ་དྲུག་པས་ནི་འཁོར་སོགས་སྐྱིད། །བཅུ་བདུན་ཅི་བསམས་དོན་རྣམས་འགྲུབ། །བཅོ་བརྒྱད་འཇིགས་ཤི་བཀྲེས་པར་འགྱུར། །བཅུ་དགུས་གོས་སོགས་ལེགས་པར་འཐོབ། །ཉི་ཤུ་རིན་ཆེན་གཏེར་དང་ལྡན། །ཉེར་གཅིག་ཐོག་སེར་དྲག་པོ་འབྱུང༌། །ཉེར་གཉིས་དགྲ་གཞོམ་རང་ཡང་འཆི། །ཉེར་གསུམ་གྲོགས་རྙེད་མཛའ་བོ་ཕྲད། །ཉེར་བཞིས་དཔལ་ལྡན་བུད་མེད་ཕྲད། །ཉེར་ལྔས་བཟང་པོ་དང་འཇིགས་འབྱུང༌། །ཉེར་དྲུག་མཛེས་ཤིང་འཐབ་པ་འབྱུང༌། །ཟླ་སྐྱེས་ནམ་གྲུ་ཚེ་ཟད་འགྱུར།། །།ཕུར་བུ་ཐ་སྐར་ཕྲད་པའི་ཚེ། །བུད་མེད་དང་ཕྲད་དཔལ་དང་ལྡན། །གཉིས་པས་བཟང་ཞིང་འཇིགས་པ་འབྱུང༌། །གསུམ་པས་འཐབ་རྩོད་འབྲུམ་བུ་འབྱུང༌། །བཞི་པས་ཡུལ་དུ་མི་གནས་འཆི། །ལྔ་པས་ངེས་པར་འཆི་བ་རྙེད། །དྲུག་པས་སྣ་དང་ཡན་ལག་ཉམས། །བདུན་པས་དོན་རྣམས་མ་ལུས་འགྲུབ། །བརྒྱད་པས་ནད་འབྱུང་གཞན་ནི་བཟང༌། །དགུ་པས་དགྲ་གཞོམ་ནོར་དང་ལྡན། །བཅུ་པས་འཇིགས་དང་འཆི་བ་འབྱུང༌། །བཅུ་གཅིག་དོན་གྲུབ་འཇིགས་དང་བཅས། །བཅུ་གཉིས་རྟ་རྙེད་དབང་ཆེན་ལྡན། །བཅུ་གསུམ་གོད་འབྱུང་མི་ནོར་འཛད། །བཅུ་བཞིས་མཛའ་ཕྲད་རྒྱལ་དོན་འགྲུབ། །བཅོ་ལྔས་སྲིད་ཕུང་ཡུལ་ཞིང་ཕྲད། །བཅུ་དྲུག་ཟས་ནོར་ཐོབ་སོགས་བཟང༌། །བཅུ་བདུན་འབྲུ་ནོར་ཟས་གོས་ཐོབ། །བཅོ་བརྒྱད་རྒྱལ་པོའི་འཇིགས་པ་འབྱུང༌། །བཅུ་དགུས་གོད་འབྱུང་འབྲུ་ནོར་ལྡན། །ཉི་ཤུས་འཁོར་དང་ཡུལ་ཁམས་སྐྱིད། །ཉེར་གཅིག་དོན་རྣམས་ངེས་པར་འགྲུབ། །ཉེར་གཉིས་གོས་རྙེད་ཐམས་ཅད་བཀྲེན། །ཉེར་གསུམ་རིན་པོ་ཆེ་ཕྲད་བཟང༌། །ཉེར་བཞིས་སེར་འབབ་ཉེར་ལྔས་འཆི། །ཉེར་དྲུག་ནམ་གྲུས་གྲོགས་མང་རྙེད།། །།པ་སངས་ཐ་སྐར་ཐོག་སེར་འབབ། །གཉིས་པས་ངེས་པར་འཆི་བའོ། །གསུམ་པས་དགྲ་གཞོམ་དོན་གྲུབ་བོ། །བཞི་པས་གྲོགས་རྙེད་ཅི་ཡང་བཟང༌། །ལྔ་པས་དཔལ་ལྡན་བུད་མེད་ཕྲད། །དྲུག་པས་བཟང་ཞིང་འཇིགས་པའང་འབྱུང༌། །བདུན་པས་ཁྱེ་འབྱིན་འཐབ་རྩོད་འབྱུང༌། །བརྒྱད་དང་དགུ་པས་མྱ་ངན་ལྡང༌། །བཅུ་པས་སྣ་དང་ཡན་ལག་ཉམས། །བཅུ་གཅིག་དོན་གྲུབ་འབྱོར་པ་ལྡན། །བཅུ་གཉིས་ནད་དང་དགྲ་ཡིས་འཇིགས། །བཅུ་གསུམ་དགྲ་གཞོམ་ནོར་ཡང་ཐོབ། །བཅུ་བཞིས་འཇིགས་འོངས་ངེས་པར་འཆི། །བཅོ་ལྔས་དོན་གྲུབ་བུད་མེད་ཕྲད། །བཅུ་དྲུག་རྟ་རྙེད་ཆེན་པོར་འགྱུར། །བཅུ་བདུན་གོད་འོངས་མི་ནོར་འཛད། །བཅོ་བརྒྱད་དོན་འགྲུབ་མཛའ་བོ་འོང༌། །བཅུ་དགུས་ཡུལ་ཞིང་དང་འཕྲད་ངན། །ཉི་ཤུས་ནོར་དང་སྲོག་དང་འཕེལ། །ཉེར་གཅིག་ནོར་དང་ཡོ་བྱད་ལྡན། །ཉེར་གཉིས་ནོར་རྙེད་འཇིགས་པའང་འབྱུང༌། །ཉེར་གསུམ་ཡུལ་ཁམས་རང་འཁོར་སྐྱིད། །ཉེར་བཞིས་རང་གཞན་དོན་རྣམས་འགྲུབ། །ཉེར་ལྔས་འཇིགས་དང་བཀྲེས་ཕོངས་འགྱུར། །ཉེར་དྲུག་གོས་རྙེད་ཉེར་བདུན་ལ། །རིན་པོ་ཆེ་དང་ལྡན་ནས་རྒྱལ།། །།སྤེན་པ་ཐ་སྐར་གོས་དོན་འགྲུབ། །གཉིས་པས་བཀྲེས་སྐོམ་འཇིགས་དང་བཅས། །གསུམ་པས་གོས་ལྡན་དོན་ཡང་འགྲུབ། །བཞི་པས་དཔལ་བེས་རིན་ཆེན་འཛིན། །ལྔ་པས་སེར་འབབ་དྲུག་པས་འཆི། །བདུན་པས་དགྲ་གཞོམ་ཅི་བསམས་འགྲུབ། །བརྒྱད་པས་མཛའ་བོ་ཕྲད་གྲོགས་རྙེད། །དགུ་པས་དོན་འགྲུབ་བུད་མེད་ཕྲད། །བཅུ་པས་འཇིགས་བཅས་དོན་ཡང་འགྲུབ། །བཅུ་གཅིག་འབྲུ་ཕྲད་འཐབ་རྩོད་འབྱུང༌། །བཅུ་གཉིས་བཅུ་གསུམ་འཕོ་ཞིང་འཆི། །བཅུ་བཞིས་སྣ་མགོ་ཡན་ལག་ཉམས། །བཅོ་ལྔས་དོན་ནི་ཅི་བསམས་འགྲུབ། །བཅུ་དྲུག་ནད་དང་དགྲ་ཡིས་འཇིགས། །བཅུ་བདུན་དགྲ་གཞོམ་དོན་ཡང་འགྲུབ། །བཅོ་བརྒྱད་འཇིགས་དང་འཆི་བ་འབྱུང༌། །བཅུ་དགུས་དོན་འགྲུབ་ཐེ་ཚོམ་བཅས། །ཉི་ཤུས་རྟ་རྙེད་དབང་དང་ལྡན། །ཉེར་གཅིག་གོད་འབྱུང་མི་ནོར་འཛད། །ཉེར་གཉིས་བརྟན་ལ་སྲིད་ཕུང་ནོར། །ཉེར་གསུམ་ཁང་ཁྱིམ་ནོར་སོགས་ཐོབ། །ཉེར་བཞིས་ནོར་འཐོབ་ཡོ་བྱད་འཕེལ། །ཉེར་ལྔས་འཇིགས་ཕྲད་ཡིད་འོང་ཁུགས། །ཉེར་དྲུག་ནོར་ཉིད་འཇིགས་པ་འབྱུང༌། །ཉེར་བདུན་འཁོར་སྐྱིད་བདེ་ལེགས་ལྡན། །ཉི་ཟླ་སོགས་རིམ་བཏུད་དང་མདའ། །སྨོན་ལམ་ཐོབ་དང་བྱ་རོག་དང༌། །དུས་དབྱིག་གསོ་སྦྱར་རྩི་མི་དགོས། །དེ་ལྟར་བཟང་ངན་རྟོགས་བྱས་ལ། །བཟང་པོར་ལས་སྤྱད་ངན་པར་སྤངས། །གཟའ་སྐར་འཕྲོད་མི་འཕྲོད་ཀྱི་རྩིས་བླ་མ་རྗེ་བཙུན་གྱིས་སྦྱར་བ་ཨི་ཐི། འདིས་བསྟན་པ་དང་སེམས་ཅན་ལ་ཕན་ཐོགས་པར་གྱུར་ཅིག། །། ༈ གུ་རུས་དཔར་རྩ་སྤེལ་བའོ།།
རྩོམ་སྒྲིག་པ། ཕར་ནང་དར་རྒྱས།
ནང་དོན་འདིའི་དཔར་དབང་རྒྱལ་ཡོངས་ས་ཆེན་དྲ་བར་ཡོད་པས་ཡོངས་རྫོགས་སམ་ཆ་ཤས་གང་ཞིག་ཆོག་མཆན་མེད་པར་རང་དགར་སུས་དགོལ་མི་ཆོག ། གལ་སྲིད་དགོལ་ན་ཡོང་ཁུངས་གསལ་པོ་དང་སྦྲེལ་ཐག་ངེས་པར་དུ་འགོད་དགོས།
དྲ་བའི་སྦྲེལ་ཐག www.gyalyongsachen.com
དཔྱད་གཏམ་སྤེལ་མཁན་ལ་གསལ་བརྡ།