བཅད་རྩོམ།

སྤྱན་ཁྲ་ཆུང་རྡེབ་དོན་ཅི་ཞིག་རེད།།
ཡིད་ཚོར་བའི་འཇིངས་ན་ཅི་འདྲ་ཡིན། །
ཤིང་ལོ་མའི་གསེང་གི་ཁེར་མོ་མ།།
སེམས་སྨྲེང་དུས་སུ་ལ་སྐྱོ་བ་བསྔོག།
ཡུལ་ཆ་མེད་གྲོང་གི་རྒྱུས་ཡོད་མ།།
འདང་ཆེན་པོ་མེད་དེ་ཆུང་ངུ་ཡོད།།
དོར་འདོད་ཀྱང་ཞེ་རུ་འཁོར་བ་འདི།།
ཡེ་གདོན་མའི་ལན་ཆཊ་ཨེ་རེད་ཀོ།
དགུང་མཚམས་སྤྲིན་ཁྲོད་ཀྱི་མཁའ་དབྱིངས་སུ།།
ཁྱོད་ཅེར་ནས་ཅི་ཞིག་བསྙེག་གྱིན་ཡོད།།
དགུང་རྒྱུ་སྐར་མང་བའི་གྲངས་ཀ་ལ།།
སེམས་གཏད་ནས་འདུག་དོན་ག་རེ་ཡིན།། དེ་ལས་མང་་་

དད་དབྱངས་ཚིག་གི་གད་རྒྱངས་རླུང་གིས་ཁུར། །
སྨོན་པའི་རེ་འདུན་དཀར་པོ་སྤྲིན་ལ་སྐུར། །
མ་དབྱངས་སྲིད་གསུམ་མཛེས་པའི་སྒེག་ལྡན་མ། །
ཕོ་ཉས་ཁྱེད་ལ་བདག་གི་དད་སྨོན་བཤད། །

མ་བཅོས་དད་སྨོན་ལྷ་མོས་ཉན་པར་མཛོད། །
མཛོད་དབྱངས་ཚིག་སྙན་སྤུ་གྲིའི་རོལ་སྐུད་དེ། །
དེ་ཡང་མ་ལུས་བདག་ལ་གནང་མཛོད་ནས། །
ནས་ཆང་བདུུད་རྩིའི་རོ་ཞུམ་སྙན་པར་མཛོད། །

སྙན་སྙན་ལྷ་མོའི་གསུངས་ལ་བཟི་རྒོད་འཕྲོས། །
མཛེས་མཛེས་སྲིད་གསུམ་སྒེག་མའི་མཚན་གསོལ་བ། །
ལུས་སྐུ་གསེར་འོད་འཕྲོད་པའི་དབྱངས་ཅན་མས། །
ཁམས་གསུམ་དབྱངས་དགའི་བུ་ལ་བྱིན་རློབས་བསྩོལ། ། དེ་ལས་མང་་་

ཚོར་འདུ་སེམས་ཀྱི་རླབས་རིས་དེ། །
བྲིས་ནས་གསལ་ཐབས་མི་འདུག་མོད། །
མ་བྲིས་སེམས་ཀྱི་རོལ་གར་ཞིག །
རང་བྱུང་ཀློང་ནས་ཐོལ་གྱིས་རྡོལ། །

འཁོར་བའི་དབྱངས་འགྲོས་རེ་རེ་ལ། །
དགའ་སྐྱོའི་གཟུགས་རིས་སྣ་ཚོགས་མཆིས། །
ཚོར་བའི་བདེ་སྡུག་གླེང་ཞོར་དུ། །
ལས་ཀྱི་ལམ་ཁ་ལྷོད་ཀྱིས་བརྒལ། །

འཇིག་རྟེན་སྣང་བ་སྒྱུ་མའི་གར། །
མ་ངེས་དགའ་སྐྱོ་རེས་སུ་འཁྱིལ། །
མི་སེམས་འཇའ་ཡི་ཁ་དོག་ལ། །
སྣ་ཚོགས་ཟློས་གར་ཅི་ཡང་བསྐྲུན། །

དྲན་པ་སྨྲེང་དུས་ཚིག་ཚོགས་ལ། །
འཁོར་བའི་རི་མོ་སྣ་ཚོགས་ཕབས། །
ངག་ལ་བརྒྱུས་པའི་སྙན་ཚིག་དག ། དེ་ལས་མང་་་

དབྱར་གྱི་དཔལ་ཡོན་རྒྱས་པའི་ནེའུ་གསེང་དུ། །
མཛེས་སྡུག་མེ་ཏོག་ཕྲ་ཚོམ་བཞད་པའི་ཁྲོད། །
ཡིད་འོང་ཀུ་མུད་ཁྱོད་ཉིད་འཁྲུངས་པ་ཡི། །
གཡུ་སྦྲང་ང་རང་འཚོ་བའི་རྟེན་གཞི་རྙེད། །

ཚང་ཚིང་ལྗོན་པའི་ཚལ་དུ་འཁུ་བ་ཡི། །
འདབ་ཆགས་བྱིའུ་ཆུང་ཚོགས་ཀྱིས་སྐད་སྙན་སྒྲོག །
སྙན་འགྱུར་ཁུ་བྱུག་སྔོན་མོའི་གྲེ་འགྱུར་དེས། །
དྲན་འཛིན་ཡིད་ཀྱི་བརྟན་པ་ཆེས་ཆེར་འཕྲོག །

མེ་ཏོག་འདབ་ལོ་བཀྲ་བའི་སྐྱེད་ཚལ་དུ། །
སྤང་ཁའི་མེ་ཏོག་ཁྲོད་ཀྱི་སེར་ཆེན་ཞིག །
མཛེས་འཛུམ་འདབ་རྒྱ་དེ་རིང་གྲོལ་བ་ཡིས། །
ཡིད་ཀྱི་མེ་ལོང་ནང་ན་འོད་དུ་འཚེར། ། དེ་ལས་མང་་་

ཀ་ཁའི་དབྱངས་རྟ་དེ་ངག་ལ་གྱེར་ཞིང་། །
ཤེས་རིག་མེ་ཏོག་གི་ཟེའུ་འབྲུ་འཐུ་བའི། །
འཛུམ་མདངས་དགོད་སྒྲ་ཡིས་ཕྱུག་པའི་ན་གཞོན། །
དྲུག་གཅིག་བྱིས་དུས་ཀྱི་སྣང་བ་སྤྲོ་མོ། །

ཉི་གཞོན་གསར་བ་ཡི་འོད་སྣང་དབུས་ནས། །
དགའ་ཚལ་ཤེས་རིག་གི་འདབ་མ་བཀྲ་བའི། །
སློབ་གླིང་སྐྱེད་ཚལ་གྱི་པདྨའི་དོ་རར། །
དྲུག་གཅིག་བྱིས་དུས་ཀྱི་དུས་སྟོན་སྐྱིད་དོ། །

མ་ཀི་སྤང་ལྗོངས་ལ་གསོན་ཤུགས་རྒྱས་ཤིང་། །
མེ་ཏོག་སྣ་ཚོགས་ཀྱི་ཟེའུ་འབྲུ་འབུས་པའི། །
དབྱར་ཟླ་དྲུག་པ་ཡི་མཛེས་སྡུག་ཀློང་ནས། །
དྲུག་གཅིག་དུས་སྟོན་དེ་བསུ་བར་བྲེལ་སོང་། ། དེ་ལས་མང་་་

སེམས་ཀྱི་ཕྱི་ནང་སྨུག་པས་བཏུམས་ཤིང་།
དུས་ཚོད་ཀྱི་རླུང་བུས་རང་གི་ཚེ་སྲོག་སྐྱོམ།
འཇགས་མི་ཐུབ་པའི་མི་ཚོགས་ཀྱི་བབ་ཅོལ།
བཙན་ཤེད་དང་བཅས་རང་གི་རྣ་བར་ལྷུང་།

འུར་ཟིང་དང་འདུ་ལོང་རྒོད་པའི་ཡུལ་ལུང་འདི་ནས།
སྤྲིན་དཀར་དང་ཉི་འོད་མེད་པའི་ས་ཆ་འདི་ནས།
རང་གི་མིག་ཆུ་འབྱིད་མཁན་ནི་རང་ཉིད་ལས་གཞན་མེད།

འཁོར་བའི་རི་ལུང་དུ་རང་གི་གྲིབ་མ་ཕོག་ཤུལ་དུ།
མིག་གི་མཐའ་རུ་ཉོན་མོངས་པའི་སྣང་བརྙན་སྣ་ཚོགས་འཁོར། དེ་ལས་མང་་་

རྒྱང་རིང་གི་མཐོང་ངོས་ཤིག་ནས
ཁྱོད་རང་སེམས་ཀྱི་གཤོག་སྣེ་ལ་ཐོག་ཡོད
བར་ཐག་གི་གནས་ལམ་བཙལ་ཀྱང
ཁྱོད་རང་ཉེ་བར་བཅར་ཐུབ་མི་འདུག

སྐྱེ་བ་འདིར་འཕྲད་པའི་ཁྱོད་ཀྱི་ལང་ཚོ
ཉི་འོད་དང་ཁ་ཐག་རིང་དུ་གྱེས་ཏེ
སྐྱོ་ཡུས་མི་ཐིག་སེམས་ཀྱི་བརྩེ་བ་དག
ལོ་ཟླ་གང་མང་ཞིག་གིས་ཕྱི་མིག་ཡིན་འགྲོ

གནམ་ངོ་མོག་པའི་དབྱར་གཞུང་ཞིག་ནས
ཁྱོད་རང་གཙང་བོའི་ཉེ་འགྲམ་དུ
སེམས་ཁྲལ་གྱི་ཐག་པ་རྒྱང་ལ་གཏད་ཀྱང
ཉི་ནུབ་གྱེས་པ་དང་མཉམ་དུ
ཁྱོད་རང་ང་ཡིས་མིག་ལམ་དུ་བོར་སོང དེ་ལས་མང་་་

གློ་བུར་ཞིག་ཏུ་ཟླ་བ་མཐོང་བས་ན།
མུན་ནག་ཡལ་སོང་།
དྲན་པ་ལྷོད་མེད་ཟླ་བའི་འོད་དང་འདྲེས།
མངོན་པ་མེད་པའི་དྲན་གདུང་དེ།
ཅི་འདྲའི་ནུས་ཤུགས་ཆེ་བ་ལ།

མཚན་མོ་ཅི་ཙམ་རིང་ཡང་།
སྐྱོ་བ་དེ་ཙམ་རིང་།
ཡིན་ཡང་འགྱུར་བ་མེད་པའི་དགའ་དུངས་ནམ་ཡང་ལྷོད་པ་མེད།
ཐང་ཆད་ཀྱང་དྲན་པ་ལ་ཟད་མཐའ་མེད།

རི་རབ་ཀྱིས་བཅད་པའི་ས་ཆ་ནས།
རྨི་ལམ་གྱི་གདངས་དབྱངས་འཐེན།
ཉི་མ་རེ་རེ་བཞིན་བསམ་པ་སྐྱེས།
ལུས་དང་འཕྲད་པ་མེད།

མཚན་མོ་རིང་ཡང་།
ཉིན་མོ་ཡང་རིང་། དེ་ལས་མང་་་

སྒེའུ་འགྲམ་གྱི་ཆར་བ་བབས་པའི་རྗེས་ཤུལ་དེ་ནི་སྐྱ་བོ་ཞིག
སྐབས་འདིར་ངས་མངོན་ལྐོག་མེད་པའི་ཚོར་བ་ཞིག་བརྗོད་ན་སྙམ་བྱུང

ང་ནི་ལྐོག་གྱུར་ཅིག་ཡོད་པ་བདེན་དུ་ཆུགས་ཀྱང
ཁྱོད་ཟེར་བ་ཞིག་ལ་སྟོན་དགོས་པ་དྲན་ན

ཁྱོད་ཀྱིས་གད་མོའི་ཁྲོད་ནས་ང་ལ་འཕྱ་སྨོད་གཏོང་ཡོང་བ
ངའི་མཐོང་ལམ་ནས་གཡོ་བ་བྱེད་བཞིན་པའི་རླུང་བུ་ཞིག་ཏུ་སྣང

ཡིན་ན་ཡང
ང་ནི་མངོན་ལྐོག་མཉམ་གནས་ཀྱི་གྲིབ་གཟུགས་ཤིག་ཡིན་པས
སྣང་བའི་མུན་པ་དེ་ལ་དགའ་སྐྱོ་ཆགས་སྡང་ཞིག་བརྗོད་ན་འདོད དེ་ལས་མང་་་

སེམས་སོང་བྱམས་པ་སྒོམ་པའི་ལོ་ཟླ་དེ། །
མི་རྟག་ལྡོག་མེད་ལས་ཀྱི་མཁའ་དབྱིངས་སུ། །
རྗེས་དྲན་སེམས་ཀྱི་འཇའ་ཚོན་གློ་བུར་ངང་། །
མི་བརྟན་དབྱིངས་ནས་ཡོལ་བ་སེམས་གཏིང་སྐྱོ། །

སྐད་ཅིག་ཡུད་ཅིག་སོང་བའི་རྨི་ལམ་དུ། །
ཞེ་འཇམ་སྙིང་གི་ལྷ་མོ་ཐེངས་ཁྲིར་རྨིས། །
འཇིགས་པའི་སད་སྒྲ་སིལ་མ་ལན་གཅིག་གིས། །
ཡིད་མཛེས་ལས་ཀྱི་ལྷག་མ་ཡོངས་སུ་ཟད། །

ཕྱི་ཡུལ་རབ་རིབ་སྨུག་པས་ནམ་མཁའ་བཟུང་། །
སྐྱོ་བའི་སྙིང་ག་དཀྲུག་པའི་གློག་ཞགས་འཁྲུགས། །
མཚན་ཐུན་རིང་ལ་དྲགས་པའི་ནམ་ཟླ་འདིེར། །
ཞེ་སོང་བྱམས་པ་ཁྱོད་དང་འཐབ་མོ་ལོང་། ། དེ་ལས་མང་་་

ང་ནི་རི་བོ་འདིའི་ཕར་རོལ་བརྒལ་འདོད་ལ
གཙང་བོ་འདིའི་རྒྱང་གཟུགས་ལྟ་འདོད
ཉག་ཉོག་གི་འཁོར་ཡུག་དང་རླུང་ནག་གི་ཚིག་རྩིབ་ལ་བྲལ་འདོད
ད་རུང་ངས་ཕྱི་ཡུལ་གྱི་མཛེས་ལྗོངས་དང་རྣམ་པ
འཁོར་ཡུག འགྲོ་ལུགས་དང་འདུག་ལུགས
འདོར་ན་བཤད་ལུགས་སོགས་ཀུན་མཐུན་གྱི་སྤྱོད་པ་དང་ལྟ་བ་ལ་མྱོང་རོལ་བྱེད་འདོད

ངན་སྨད་སྡུག་སྨད་ལ་སྔོན་ནས་སུན་དེ
བཟོད་སྒོམ་དང་གུས་བཀུར་གྱི་ཐ་སྙན་ལ་རེ་ཐག་ཆད
གནས་འདི་ནས་འཚོ་སྡད་ཀྱི་ཕུགས་འདུན་མེད་ལ་ཡིད་ཆེས་འང་མེད དེ་ལས་མང་་་

རྐང་གཉིས་གཙོ་བོ་མཚན་བཟུང་དཔེ་བྱེད་རྒྱན། །
སྙིང་རྗེ་བྱང་སེམས་དད་དཔོན་སྟོན་མཆོག་པ། །
འགྲོ་མགོན་ཤཱཀྱའི་སྲས་པོ་གོ་འུ་ཏ་མ། །
སྒོ་གསུམ་དད་པའི་ཞབས་ལ་ཕྱག་གསུམ་འཚལ། །

སྐྱིད་པའི་སྣང་བ་མཐོ་མཐོ་མཁའ་ལ་ལྡིང་། །
མཁའ་ལྡིང་བརྗིད་པའི་གཟི་བརྗིད་རྒྱང་ནས་མཐོང་། །
སྣང་མཐོ་ཚིག་གི་མདའ་མོ་ཀུན་ལ་འཕངས། །
ཀུན་དག་སུན་པའི་སྐྱོ་གླུ་རླུང་ལ་སྐུར། །

སུན་སུན་འཁོར་ཡུག་གླིང་ཀ་མ་ཡིན་ནམ། །
སུན་སུན་དམ་པའི་འཁོར་རྣམས་མ་ཡིན་ལ། །
བཟོད་བཟོད་སྒོམ་པའི་ཚད་ལ་དགག་མེད་ཅིང་། །
མ་བཟོད་མ་བཟོད་ཚིག་གི་སྤུ་གྲི་རེད། ། དེ་ལས་མང་་་

རི་མགོ་སྨུག་པས་བཏུམ་སོང་།
ཁངས་ཆར་འདྲེས་མ་བབས་སོང་། །
ཚོར་བའི་བཟི་ཁ་བཙན་པས། །
ནང་སེམས་སྨྲེང་གླུ་ཤོར་སོང་། །

ནམ་ཟླའི་དྲོད་འཁྱག་བར་གྱི། །
མི་ཚེ་དགའ་སྐྱོ་འདྲེས་མ། །
ཚོར་བ་སྐྱེན་མོའི་གསེང་ནས། །
ངུ་དགོད་སྣང་བརྙན་སྟོན་ཡོང་། །

སྨུག་པ་རི་རྩེར་འཁྲིགས་ཤིང་། །
སྤྲིན་པ་མཁའ་ལ་རྒྱུ་དུས། །
སྨུག་སྤྲིན་ལང་ལོང་བར་ནས། །
སེམས་པ་འཁྱག་པས་འདར་སོང་། །

འཇིག་རྟེན་ཆུ་ཟླའི་སྣང་བརྙན། །
དཔྱིད་གནམ་ཁངས་ཆར་འདྲེས་མ། །
སྐྱིད་སྡུག་གྱ་གྱུའི་རྦ་རླབས། །
མཚོ་མཐའི་བརྒྱུད་ནས་ཤོར་སོང་། ། དེ་ལས་མང་་་

མི་ཚེ་ནི
ཀྱག་ཀྱོག་གི་ཁུགས་སོ་མང་ཞིང་མཛེས་སྡུག་ལྡན་པའི་ཡུལ་སྐོར་ཐེངས་གཅིག་ཡིན།
དེ་ནི་ཆེས་སྙན་ཞིང་འཇེབས་པའི་རོལ་དབྱངས་ཞིག་དང་འདྲ་བར་དབྱངས་རྟ་མང་པོས་གྲུབ་ཅིང་།
ལོ་རྒྱུས་ཀྱི་ཁུགས་སོ་རེ་རེེར་བརྩེ་དུང་དང་གཏམ་རྒྱུད་སྣ་ཚོགས་ཤིག་གིས་གྲུབ་ཡོད།

མི་ཚེ་ནི
དགའ་སྐྱོ་གཉིས་ལྡན་གྱི་མཉམ་སྒྲོག་རོལ་དབྱངས་ཐེངས་གཅིག་ཡིན་ཞིང་།
དེའང་ཕུན་སུམ་ཚོགས་པའི་ཉམས་ལེན་ཐེངས་གཅིག་གི་བརྒྱུད་རིམ་ཞིག་ཀྱང་ཡིན།
བརྒྱུད་རིམ་འདི་དག་གི་ཁྲོད་དུ་ངས་དགའ་བ་དང་སྐྱོ་བ། འཛོམས་པ་དང་བྲལ་བ། དྲན་གདུང་དང་མིག་ཆུ། དེ་ལས་མང་་་

སྙ༵ན་པའི་དབྱངས་ལ་ཕྱུག་པའི་སྙ༵ན་མཛོད་མ། །
ང༵ག་གི་བདེ་ཕྱགས་དཔལ་མོ་ང༵ག་མཁས་མ། །
མཁ༵ས་པའི་ཚུལ་ལ་རྩེ་མའི་མཁ༵ས་དབང་མས། །
སྙ༵ན་ང༵ག་མཁ༵ས་པའི་ས་བོན་ད་ཅིག་གནོང་། །

རྒྱ༵ལ་བ་རྒྱ༵ལ་སྲ༵ས་སྲ༵ས་བཅས་ཚོགས་རྣམས་ལ། །
ད༵ད་དང་ད༵ད་སེ༵མས་སེ༵མས་ཀྱི་སྲས་བཅས་རྣམས། །
བད༵ག་གིས་བད༵ག་ཡི༵ད་ཡི༵ད་གསུམ་ཞབས་གུས་ལ། །
བྱ༵ང་ཆུབ་བྱ༵ང་སེ༵མས་སེ༵མས་བསྐྱེད་བྱིན་གྱིས་རློབས། །

སྙ༵ན་སྙ༵ན་ཚངས་སྲས་རྔ་སྒྲ་ཐོས་འཚོལ་ནས། །
མཛེ༵ས་མཛེ༵ས་ལྷ་མོའི་སྐུ་གཟུགས་མཇལ་ཐོང་ན། །
དག༵འ་དག༵འ་སེམས་ཀྱི་དགའ་སྤྲོ་རབ་འཕེལ་ནས། ། དེ་ལས་མང་་་