༄༅། །མཁྱེན་དཔྱོད་ཟབ་ཅིང་ཡངས་པའི་དཔལ་ས་སྐྱའི་ཆོས་བརྒྱུད་འཛིན་པའི་བླ་སྤྲུལ་མཁན་པོ་རྣམ་པ་དང་། ལོ་ཙཱ་བ། རྩོམ་པ་པོ་ལྷན་རྒྱས་ཀྱི་སྐུ་དྲུང་དུ།
ཞུ་གསོལ།
སྔར་ལོ་བདག་གིས་དུས་ཚོད་དང་འགྲོ་གྲོན་མི་ཉུང་བ་ཞིག་གི་ཐོག་རྒྱལ་ཡོངས་ས་ཆེན་དྲྭ་བ་ཞེས་པའི་ས་སྐྱའི་རིག་མཛོད་ལྟ་བུ་ཞིག་བཟོ་ནས། སྤྱི་ལོ་༢༠༡༧ སྤྱི་ཟླ་༣ ཚེས་༩ ཉིན་དཔལ་ས་སྐྱའི་༸སྐྱབས་མགོན་༸གོང་མ་ཁྲི་འཛིན་ཞེ་གཉིས་པའི་ཁྲི་འདོན་མངའ་གསོལ་གྱི་མཛད་སྒོའི་སྐབས་དཔལ་ས་སྐྱའི་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་གིས་ཐུགས་བརྩེ་བ་ཆེན་པོས་རྒྱལ་ཡོངས་ས་ཆེན་དྲ་བ་དབུ་འབྱེད་གནང་ནས་ཀུན་གྱི་སྤྱན་སྔར་ཕུལ་ཡོད།
ཤེས་འཇོན་དང་ཉམས་མྱོང་སོགས་ཀྱི་ཆུ་ཚད་ཧ་ཅང་ཞན་པའི་དབང་གིས་དྲ་ཚིགས་ཀྱི་ནང་དོན་ཕུན་སུམ་ཚོགས་པ་ཞིག་བསྡུ་རུབ་བྱེད་ཐུབ་རྒྱུ་ནི་ཉིན་མོའི་སྐར་མ་ལྟར་ཡིན་པས། གཞིས་བྱེས་གཉིས་སུ་ཡོད་པའི་རང་རིགས་ཆོས་བརྒྱུད་འཛིན་པའི་བླ་སྤྲུལ་མཁན་པོ་དགེ་བཤེས་རྣམ་པ་དང་། ལོ་ཙཱ་བ། རྩོམ་པ་པོ་སུ་ཡང་རུང་བ་ནས་རྩོམ་སྒྲིག་གནང་འདོད་ཡོད་རིགས་ལ་གོ་སྐབས་དབུལ་རྒྱུ་ཡིན་པས་དྲ་བའི་ལས་གཞི་འདི་ལ་མཉམ་ཞུགས་གནང་རོགས་ཞེས་རེ་བསྐུལ་ཞུ་བཞིན་ཡོད།
རྩོམ་སྒྲིག་པ་གནང་མི་ཐུབ་ན་ཡང་ནང་དོན་སོགས་དྲ་ཐོག་སྤེལ་འདོད་མཁན་དག་གི་གཤམ་འཁོད་གློག་འཕྲིན་དང་འཕྲིན་ཕྲན་གང་རུང་བརྒྱུད་ནས་བསྐུར་ན་ཆོག ། དེ་དོན་ཚང་མས་ཅི་ནས་ཀྱང་དགོངས་འཇགས་གནང་སྐྱོང་ཡོང་བ་མཁྱཻན། མཁྱེན།། །།
རྒྱལ་ཡོངས་ས་ཆེན་དྲ་བའི་རྩོམ་སྒྲིག་པ་ཕར་ནང་ཚང་དཀོན་མཆོག་དར་རྒྱས་ནས།།
དཔྱད་གཏམ་སྤེལ་མཁན་ལ་གསལ་བརྡ།